JeffLam1914的個人專頁

今次約左成班朋友一齊去食韓國餐廳🇰🇷難得有韓國餐廳開係大西北😆😆 梗係要去嚐鮮體驗一下！第一個嗌咗Spicy Toppokki🌶️ $123佢個醬汁係非常開胃同惹味，主要係以蕃茄蘑菇作為基底，再加上辣醬！成個配搭都幾match🥰青口同章魚嘅份量非常多，完全唔使擔心唔夠分嚟食，而且高質+新鮮‼️第二個就嗌咗Busan Deep Fried Soft ShellCrab🦀$148鍾意食軟殼蟹嘅朋友必叫！佢嘅蟹炸得好香脆且唔覺得好油膩仲要食到啲蟹膏！超級推介🥰第三個嗌咗Crab Festival(Large) $193薄批Pizza嘅優點就係唔會覺得食咗好多澱粉入肚😂滿滿嘅蟹肉章魚碎仲有拉絲芝士放入口中，口感超級豐富！會想一舊接一舊嚟食😍第四個就叫咗Garlic Sweet Chilli Gangjeong Chicken(6pcs) $118勁鍾意佢撲鼻而來嘅蒜香味！同埋嗰種甜辣汁嘅味‼️成嚿雞係包裹住醬汁肉質勁鮮嫩多汁，唔會覺得好膩🫶🏻第五個就叫做Kwari Myul Chicken(6pcs) $153呢隻辣椒咬落去唔會好辣！所以同個炸雞一齊食都幾match😆仲有芝士粉鋪喺面！有顏值之餘又好食～嘢飲我自己就推介Pink Berry Ade個Berry味出乎意料地唔假，影相超有feel之餘，飲落去超級Fresh!! 飲落去都有啲薄荷香都幾特別👍🏻…查看更多

餐廳主打家常上海菜，用料上乘，正宗味道入口豐富而不膩。朋友食過話好食又唔貴，今晚帶阿姨嚟試吓。其中必食松子魚，皮好脆肉嫩，係即炸，配料酸甜爽口味道鮮美，魚有起到無骨，食落好方便，令人食指大動另外，砂鍋花膠雲吞雞，湯的味道很濃很香，食落感覺應該沒有任何味精，飲完很舒服。花膠、雲吞及雞的份量都唔少，好抵吃，性價比高。上海粗炒幾乎是上海菜必食。三姨話好多香港的餐廳的上海粗炒聲稱是上海的風味。但其實並不正宗，好難食到舊時的味道。佢話呢間粗炒無論醃料調味，都食到正宗的風味。真心讚。還有干貝賽螃蟹和蝦仁豆腐都味道唔錯。最後，試埋2款經典甜品，酒釀丸子高力豆沙都好食，冇失望。大家都滿意。…查看更多

同朋友來食咗尊貴海鮮套餐，特別在海鮮係當日空運到港所以每樣都好高級，貴精不貴多。同埋侍應好好，全程幫我哋蒸啲海鮮又提醒我哋要趁剛熟就食，好貼心。👍🏻頭盤有大西洋野生青口、紐西蘭月亮貝、黃金翡翠螺、台灣九孔鮑魚、韓國釜山珍珠蠔，加拿大野生大赤蝦。都係主打一啲甲殼類嘅嘢食，全部都好大隻同新鮮，一啖原味一啖蘸汁，完全係打開咗個食慾呀。跟住好快就來到呢個set嘅主菜，有澳洲青年龍蝦、太平洋饅頭蟹、野生膏仔蟹。都係高級啲嘅海鮮，佢哋嘅龍蝦多肉而且肉汁鮮甜，不錯不錯。另外嗰兩款蟹都係肉唔多主要食佢啲膏，因為啲膏唔少所以每一啖都食到肉同膏真係好正。同埋本身食材都好新鮮所以根本唔使蘸汁就食得，真係好夠味。👍🏻最後仲有個粥，係集頭先所有海鮮嘅精華加上佢係豬骨煲嘅粥，所以味道好濃郁，好難唔食晒佢。😂總括然而，呢個set不錯，可以試到唔同海鮮而且質素有返咁上下，值得各位一試👍🏻…查看更多

心血來潮想吃螃蟹，又不想買活的回家煮，因為要花很多功夫，費力。不如到外面吃一下，所以就選了歷史悠久的喜記。因為聽說喜記對於蟹的品種和各種香料的選材比較講究。我們點了三道菜:-避風塘炒辣蟹一上菜就聞到很香的炒蒜蓉和辣椒味，蟹很新鮮肥美，充滿蟹肉。因為用上了很多香料的關係，不禁令人把整隻炒辣蟹都吮乾淨。-避風塘炒牛河跟平常吃到的炒牛河不一樣，因為多了避風塘的風味，牛肉很嫩，而且炒得不算很油。-金銀蛋浸白菜仔每一餐我都要確保自己吃一些有纖維的東西，而且平常我都很少買鹹蛋和皮蛋來吃，所以如果那家餐廳有金銀蛋做的菜，我一定會點。白菜仔鮮嫩，而且那個湯不會很鹹。…查看更多

-日式麻醬豆腐沙律 $88 首先來一個冷盤開胃菜。沙律菜很新鮮爽脆，豆腐冰涼嫩滑，濃郁豆味配芝麻醬簡直是絕配。蟹籽和三文魚籽咬落脆口，店家真是落足本。前菜營養豐富又健康，賣相仲好靚添。-超級龍卷風 $98 把不同美食元素都捲進來的龍卷風，有滑溜的鰻魚，加上香脆炸蝦，好creamy 的芝士，食落又滑又脆又香，真是俘虜我的味蕾。加上碎薯片的口感，青瓜的清爽，真的不同味感集一身，但又相當夾，超具創意。-鹽燒鯖魚 $82原條鯖魚好大條，魚皮燒得香脆，再用少量鹽帶出魚的香味，加少少檸檬汁。因為冇骨，可以大大啖享受一大舊肉在口中的滿足，一貫鯖魚獨有的味道。-東京爆脆 $98 非常特色的卷物，一般呑拿魚壽司就食得多，但有紫菜包住呑拿鱼的卷物，加上鮮甜蟹柳做親托，令呑拿魚鮮上加鮮。醬汁方面有甜甜的，非常惹味。…查看更多

It’s a good place for chilling and work, but i really don’t like the attitude of the barista. We ordered three things:1️⃣Pineapple oolong You can smell and taste a slightly scent of the pineapple. So it’s kinda fruity and had a floral aroma.2️⃣Ecuador 80% cocoa chocolate The texture was thick and foamyIts was not too sweet and somehow you could taste the nuttiness and bitterness of cocoa. 3️⃣Flat WhiteI needed some caffeine to stay awake. The taste of the espresso was strong enough. And with the foamy milk. 👍🏿 Nice!…查看更多

行行下街心血來潮想食碗麵，見佢啲麵一碗都係三四十蚊，走左入去食碗南乳豬手麵$36。伙記送餐時，離遠見佢拎住一大一細嘅碗，以為啲豬手同麵係分開。嚟到就知，原來個細碗係用嚟裝骨，咁嘅操作唔常見，好多粉麵舖都係任由你吐落張枱之後再執，非常喜歡提供碗仔裝骨呢個做法，好衛生！講返碗麵，幼麵夠爽彈，湯底唔係好鹼水嘅感覺，豬手夠鹹，但南乳味唔夠香，唔夠豐富。豬手個質地唔會炆得太腍，以致冇左彈牙感。我諗叫得豬手嘅都係鍾意食佢嗰種爽口，特別係食筋。…查看更多

1️⃣貴妃雞粥$59粥底綿滑，雞件多而且充滿雞味，雞肉亦好嫩！必叫！2️⃣鹹蛋肉餅$57 + $20配白飯一碗、是日例湯/熱飲 (凍飲+$3,特飲+$8)同平時食開嘅鹹蛋肉餅好唔同，個質感係韓式午餐肉，好厚身同彈牙，唔可以話佢唔好食，只係有啲特別。3️⃣鮮蝦腸粉$32 & 4️⃣香脆炸兩腸粉$25蝦係彈牙嘅，但就冇乜蝦味。炸兩腸唔算好大條，相比洪記十零蚊一份，似乎細咗啲，但就同樣做到滑同脆！5️⃣乾炒鮮牛河$61唔算炒得乾身，不過就堅係夠鑊氣！6️⃣蒜泥汁脆皮豆腐$38個汁唔係好食到蒜味，豆腐炸得好脆！…查看更多

呢間好似成日都見到，今日終於可以幸嘗越南河～一個係極品牛三寶湯河粉，一個係河內牛腩片湯河粉-極品牛三寶湯河粉材料充足：牛丸，牛展，生牛肉湯底好香，生牛肉亦好嫩，牛丸就當然有牛味啦～-河內牛腩片湯河粉牛腩薄片，比較容易咬，所以唔會過韌～仲叫左兩個小食食下，唔錯欸:-越式豬頸肉豬頸肉煎得好腍，鹹味啱啱好如點一啲酸甜醬會更好食～-越式炸蝦餅炸得好酥，蝦餅食落幾爽，蝦餅調味唔太濃所以蝦味好突出-蜜糖柑桔冰我就飲蜜糖柑桔冰，柑桔味極為重，甜度剛好,幾解渴。…查看更多

-吉列豬扒滑蛋大碗飯 $64冇乜蛋香，吉列豬扒炸粉唔會好厚，同埋都好大塊，的確係幾大碗！-蔥油雙蛋香煎雞扒飯+熱檸檬水 $57雞扒醃得幾好，煎得幾香，亦算嫩。-招牌咖喱吉列豬扒+凍檸檬茶走甜 $70同吉列豬扒滑蛋大碗飯一樣，塊豬扒都好大塊，唔韌，唔同嘅係呢個係原塊上，唔係幾鍾意佢浸住喺啲咖喱度，令到某部分嘅炸粉淋咗。咖喱雞飯+熱滑奶茶多奶 $52咖喱有好微嘅辣，夠香，薯仔焗得好香薯味，雞件大細不一。熱奶茶一入口係鹹的🤢。…查看更多

好耐冇食放題，決定要放工後約埋大食Friend，食餐勁，大喜屋無疑係首選，因為真心高質！最鍾意大喜屋落單之後啲嘢食好快到，同埋喺大廳有好多熟食，放工餓到一個點，一放低個袋即刻沖去拎小丸子、炸餃子。-刺身[每款都勁新鮮]!!!!!!!!希靈魚食落索索聲！油甘魚、三文魚魚油十足！北海道帶子勁鮮甜！馬刀貝、赤貝、北寄貝爽口！-熟食燒香草羊鞍肉味香濃，唔韌！芝麻雞翼真係一點再點，表面好香脆，芝麻味香！蒜蓉粉絲蒸带子一定要趁熱食。比目魚魚肉嫩滑！燒菠蘿鎖住曬啲汁，一咬爆汁！七味芝士蒜蓉大蝦好爽彈，加埋芝士，perfect!滋補花膠燉鮮奶好滑，花膠唔腥。-卷物/壽司每款都肥美新鮮，非常出色，壽司飯粒粒分明。卷物嘅配搭好夾。-飲品/甜品嘢飲有成廿款以上，實有一款啱飲。甜品有勁多款cake、雪糕&雪條！大滿足！！！…查看更多

之前喺木玥巷食過Lunch，覺得個環境同食物質素都唔錯，所以就带個唔係元朗國嘅朋友嚟試吓。一坐低，侍應就送上小食: 琥珀合桃合桃表面被白芝麻同糖包住，香甜酥脆。1️⃣蒜香蟹肉帶子炒飯 $96炒飯乾身，而且粒粒分明。由於有蟹肉同帶子，令成個炒飯鮮味大增。2️⃣台式三杯雞 (跟白飯) $95醬汁調得恰到好處，送飯一流，再嚟多碗白飯都仲得。雞肉亦非常嫩滑，而且好入味。3️⃣台式炸物拼盤(鹽酥雞、甜不辣、 四季豆、杏鮑菇）$58鹽酥雞真係做到台灣夜市嘅味道，表面炸得乾身酥脆。四季豆同杏鮑菇爽脆，每樣野表面都有適度嘅粗鹽，唔會太鹹。4️⃣白桃寒天多多 $34桃味同乳酸好夾，好解渴。寒天有豐富嘅膳食纖維，將佢加落多多，呢杯簡直係腸道嘅好朋友。5️⃣木玥招牌水果茶 $42勁大杯充滿果肉嘅水果茶，個人覺得橘味較重，因為有柚子、青檸。其他水果都好新鮮，茶味亦足夠。…查看更多

今次同另外幾個friend s係油麻地發現到呢一間串燒，係油尖旺你想食下燒烤食物又經濟實惠，其實都幾難🤣係呢間就滿足到呢個需要，大杯酒大塊肉，又唔洗食炸雞豬手，食番下啲可以叫做港式燒烤既feel～-豬仔髀堪稱一絕！大大嚿豬髀肉，一大啖咬落去，軟綿線又帶蜜糖甜～燒烤物最忌燒到外韌裏乾，但喺老闆功力十足，咬落去肉汁依然又保留小小彈牙感，同食雞脾好不一樣～呢個真心必食！！！！！-醬燴牛脷牛味獨厚，查實幾想攞嚟餸飯🤣題外話：個碗好吸睛，更有大碗酒飯局相邀伴兄友既Feel-五花腩最緊要，唔會成口油，否則食得好辛苦老闆燒得好平均，肉質唔會燒到部分過韌或者部分過乾食左咁多塊，水準一致👍🏻-豬頸肉肉連肉之間有小量油脂位，所以食落去除成粒肉既感覺，仲帶本身既油脂香～-沙嗲一口牛沙嗲味剛好，唔會喧賓奪主，令牛味蕩然無存，如果沙嗲醃得太濃又容易過咸老闆醃功真係好出色👍🏻牛亦都燒得剛好，唔會好似出面一啲過哂龍，變左食擦紙膠咁。-蜜汁豬柳我竟然一開頭諗，係咪早餐果啲豬柳🤣心諗如果係都幾搵笨呢間堅真材實料！豬柳唔會榎，因為燒或煎得太耐就變榎口，呢個薄薄一塊亦容易入口-雞中翼完全係，你同一大班friend 去燒嘢食，緊有特別一個半個燒雞翼係非常掂！雖然可能要慢慢燒但係做到雞翼飽滿而咬落外些微脆而內裡滿滿肉汁夾雜油脂一齊，果種雞肉既嫩………………真係咁，老闆完全做到呢個效果，真係好滿足～-七彩炒米粉雖然係串燒舖，但有呢類澱粉質食物餸下其實幾好，更加滿足炒米粉最鐘意就係個椰菜，炒得爽脆係會好好食～出面亦都多“油沾米粉”,姐係用太多油令米粉吸收哂，變相食落好滯，老闆炒得幾清爽～-咖哩魷魚港式燒物點小得佢🥺同樣燒得軟熟先係正，當然有部分人會鍾意燒到偏魷魚乾咁，兩種食法罷了，呢種餸酒亦唔失色-香草羊架點少得呢！？最鍾意羊羶味呢間果啲比我想像大嚿好多彈牙，夠腍，油脂充足………餐餐食都制-燒菠蘿好甜🤯多汁燒到暖暖地反而更顯出菠蘿既香味。老闆最尾仲醒左自家制腐竹糖水，冬天凍凍地真係暖番哂🥹老闆醃功真係一流，自己成聽得多大尾督邊個好掂，呢個老闆個人認為功力更好～唔會輸比大尾督XX王，加上好多時呢啲醃肉可能少不免會落嘢乸肉質，不過呢間我完成食唔到呢個問題，老闆真係好用心去燒，可能係要啲時間等，之不過同朋友吹水，等下飲下，都係一個享受～期待下次試羊腩煲🤤🤤🤤…查看更多

上深圳就試過烤魚，幾抵食既～香港依家都越嚟越多，同兄弟們喺元朗呢個美食集中地，就試下呢條魚啦～噢～真係唔錯欸！講下啲配角先啦：-辣子雞軟骨有咩係餸酒必備？當然就係炸雞軟骨，平時去食既都係蘸他他醬或者其他，今次直接係抄好既雞軟骨～咸辣比例好好，我都食下辣既就覺得唔太辣，所以驚辣既應該已經都啱食。都係果句，餸酒一流咸辣相伴的確令食物冇咁單調，所以比平時食既豐富左好多～-蒜蓉茄子蒜香濃郁，茄子夠腍分開既時間可以一絲絲咁分開如果可以有碗飯係面前，餸兩碗飯應該都唔係問題～"蒜蓉，的確令人又愛又恨愛，其令食物本身香氣可以隨住蒜氣更易令人感受到食物經烹調而有既香味恨，其令人食後講話而充滿蒜味，令人體會既唔係自己所享用既料理，而係蒜味…………所以，都係親自嚟體驗一下料理本身，更好～"-海鱸烤魚Wow,精神配料確實非常充足娃娃菜，萵苣，腐竹，蓮藕…全部都喺可以完完全全從湯汁吸收到咸，鮮，辣，甜（蔬菜本身既甜）今次食海鱸魚，其實喺一烹湯汁浸住下，本身都冇諗過仲可以從食魚肉本身而感覺到鮮味，魚肉濕潤而肉質嫩滑，冇太感覺烹到老哂，而且魚肉本身鮮味帶甜～如果係掃食者（橫掃食物大食者）記得叫飯～～～～～…查看更多

去完欣田邨探人，同朋友落樓下食返個早餐，充下電。佢嘅早餐都幾多款！-自選雙拼出前一丁(五香肉丁&叉燒) $35既然叫得做燒臘餐廳，梗係要試吓佢嘅燒味，叉燒好香，肉質腍，有少少肥豬肉，食落爽。出前一丁佢會比你自己落味粉同麻油，抵讚。-鮮茄牛肉通粉配火腿煎蛋及餐包 $40牛肉夠腍，湯底蕃茄味濃郁，酸酸味味，好開胃。餐包唔會朝爭爭，煎蛋做到流心，比我可以蘸包又得，做湯底又得。自選雙拼出前一丁(沙嗲牛肉&叉燒) $35熱奶茶、凍奶茶、熱朱古力…查看更多