粉紅色貓草的個人專頁

外賣咗個嫩雞煨麵返屋企，雞得幾粒，就係想入面見到嗰幾粒，個面底同出前一丁一包差唔多，味道正正常常唔會出色，非常普通，湯底都係應該係金寶湯嗰啲罐頭忌廉湯，d雞雖然切得好碎，不過都食得出佢唔嫩，不過都唔難食，不過對比起嚟可能出前一丁嘅白雞湯麵可能仲出色。$60（$58外賣加兩蚊）喺駿景廣場大把嘢好過佢仲可以食得飽。問咗職員有冇得面爽，佢話有，不過可能始終上海麵都唔會爽得去邊，拎返屋企大概10分鐘左右都覺得有啲腍咗啲。…查看更多

先唔好講佢價錢貴，唔睇價錢淨係講食物質素都已經差過連鎖快餐店d頹飯。 四隻大蝦， 大蝦有雪味，唔鮮唔好食。 個汁仲離譜， 完全冇龍蝦汁或者海鮮汁嘅味道， 得好淡嘅蕃茄味， 茶餐廳啲碟頭飯都仲好食。 跟住叫咗個日本頂級帶子粟米汁意大利飯，$208, 只有兩粒帶子切開咗一半扮四粒， 都係有雪味，唔鮮甜。 又係好淡嘅粟米味， 真係食個茶餐廳粟米肉粒飯都冇咁嬲。唔記得影相。牛扒$388,叫咗三成熟， 火喉控制到， 但塊扒係冇肉味嘅除咗一開頭個小食拼盤不過不失， 其他嘢都好差。 芝士蘑菇釀雞翼， 完全搵唔到無辜嘅蹤影。…查看更多

無論係服務同食物都比足料。員工睇上去都係年輕人，服務態度十足高級餐廳/酒店咁， 斟水係斟蝶豆花檸檬水，淨係呢下都suprise 到人。3個人叫左1個小食拼盤（細）,份量足夠3人分（唔記得影相），跟個黑松露醬，好香好好食， 成個小食拼盤所有嘢都可以點佢，而個醬係夠點既。 啲嘢新鮮炸起全部有都好好食㗎喇，不過最出眾係個雞翼，個樣唔似咁好食😂炸得個樣好脆，帶少少辣，惹味。d野食睇上去唔係好大兜， 但其實真係好大兜佢只係堆高咗。真係比足料。明太子蟹肉意粉 蟹肉蟹籽畀睇得到咁足料， 明太子都好香濃，唔會咸。牛油果蟹肉意大利飯一樣都係咁足料， 牛油果好熟好軟， 整爛撈落去個白汁飯，個味好夾，同係真. 意大利飯，唔係燴飯扮出黎。不過都係建議share食， 因為好大兜，如果食極都係同一個味就會有啲濟。 三個人，一個小食，兩個主食，兩杯嘢飲， 飽到捧住個肚走。飲品個人覺得貴左d, 味道唔錯但唔會係好特別既味。…查看更多

車仔麵店嚟講我最鍾意就係大圍呢一間， 四個餸加杯豆漿先43蚊重要勁足料重送條生菜， 好多時喺出面叫一個麵底根本就唔夠飽， 加多個麵底加幾個餸可能就已經5字頭重冇野飲。 呢一度係絕對食得飽你嘅份量。佢樣樣餸都做得唔錯其實呢埋眼篤都可以， 不過如果鍾意食辣嘅人 我都會推薦佢哋試下個麻辣豬耳 我今次叫咗豬紅，麻辣豬耳，牛筋腩，同埋鮮腐竹。除咗車仔麵之外佢嘅芝士撈丁都係必食㗎！ 又係食食下先記得影相， 個雞扒煎得好香脆juicy! 個面都烚得啱啱好非常爽彈！芝士濃！仲有佢啲小食都好正㗎特別要推薦個炭燒豬頸肉， 不過因為今次太飽冇食到 但見寫開食評都講埋啦。 燒得外脆內嫩。 諗起都流口水另外佢仲有得食魚麵， 係魚肉整成嘅麵條 ，我覺得都幾特別，好彈牙。…查看更多

呢間餐廳已經成為咗我喺中環區嘅最愛茶餐廳之選。 今日係我今個星期食緊第三次， 但係前兩日都唔記得咗寫食評。每次嚟都係嗌佢嘅常餐丁， 麻辣雞米線。因為我好鍾意食辣, 第一次食嘅時候就覺得唔夠辣, 之後我每次都會同落單嘅人講話要辣d辣d辣d。其實佢哋個米線就冇話大中小辣嘅，而非常抵錫嘅係佢哋嘅落單系統係真係可以撳幾次辣啲。 而最最最抵錫嘅係無論同佢哋講要辣d, 米爽啲定係凍奶茶少甜， 廚房真係會做到畀你， 唔係其他嗰啲落完單就算。（ 食咗啲雞先記得影相, 分量本身有好多㗎）湯底雖然唔係好辣但係麻辣香味十足！ 而且唔係好多辣油， 雖然味道香濃但係唔會覺得好油膩。雞肉分量勁多！ 同米線嘅份量有1：3。 雞肉鮮甜爽口。佢哋個多士係酥皮既， 新鮮出爐熱辣辣勁香脆！如果唔特別轉嘅話佢哋主要跟餐係炒蛋， 炒蛋有啲蔥，炒得香滑， 但係我覺得好濟， 成個餐會食唔曬， 所以我會轉煎蛋。 而家煎蛋係好正嘅流心蛋黃。 唔會好似其他餐廳咁一係就煎到全熟，一係就連蛋白都未熟。唯一唔好嘅地方係佢餐廳分開兩層下面嗰層 嘅冷氣真係好唔夠， 飲開熱飲嘅我夏天嚟到都要叫返杯凍飲。…查看更多

係人都知打邊爐係熱氣㗎啦，但偏偏呢一間就係養心又養生。打邊爐都打得心安理得養生湯底清甜人蔘味濃！啲人蔘重越煲越出味辣湯底同樣足料，勁多鴨血，淨係食鴨血都飽咗大半啊我就最鍾意煲到啲鴨血最後先食，煲得耐左佢會變到煙銀口感！呢個鵝肝墨魚丸真係爽口彈牙到飛起！烚完咬咗一半鵝肝啲油飛晒出嚟！一份一啲都唔細嘅細手切肥牛，信我，唔好見佢二百幾蚊就以為佢貴，佢比起其他肉嘅份量更加多，而且雪花分布得好好，入口嫩滑，牛味濃郁。即炸響鈴，好食到我食淨兩條先記得影相😂非常脆口，唔係一落堂就即刻淋晒，如果鍾意食淋嘅朋友仔就記得滾多兩滾啦仲有我打邊爐必食嘅薯粉！就算幾飽都要有一碗薯粉先至叫做完美！同樣份量好多，而且佢有個篩一齊上，好細心，放落辣嗰邊都唔會黐住好多辣椒籽！除咗嘢食之外，員工服務都好好，好主動仲有禮貌。仲可以對住個景…查看更多

嗰日同朋友講開佢哋話食川菜一定要試下食砵砵雞，所以就搵到一間鋪頭啦我哋兩個人叫咗個套餐再加個酸辣粉，飽到上心口！先講係我係呢間餐廳食到覺得最好食嘅嘢先，就係佢個小食棒棒雞啦！唔好睇佢細細兜份量都唔少，冇骨的。麻辣適中，勁惹味呢個我哋揀咗正宗室溫嘅食法，叫左中辣。我覺得麻香辣嘅味道係正嘅，麻同香配合得好好。但可能叫咗室溫嘅關係中辣就唔係好辣，但我試左夾起一粒騰椒黎食，係辣到我傻既。所以食室溫可以試下食最辣，熱食就可能中辣都ok。因為睇過其他介紹話面係偏淋，而我唔鍾意食淋嘅面，所以叫咗個酸辣粉，而個酸辣粉又係超正！又係所有味道都做得好平衡！而且特別香辣。呢間已經列入左我其中一間最愛辣店！飲品OK，清甜解辣。…查看更多

嚟到間餐廳好full，冇book位walk in嘅話就未必入到啦。男朋友帶我嚟食飯兩個人淨係叫咗個海鮮拼盤同埋一個意粉加杯嘢飲已經好飽啊！估唔到佢咁有心思帶我嚟食啲咁靚嘅嘢，氹女仔一流！上盤嘅時候仲會有人嚟同我地介紹下有啲咩材料係入邊，要點樣食佢，要跟個咸度由淡至咸食。嗰日就用咗愛爾蘭嘅生蠔配左啲白酒啫喱，味道好夾好Fresh!大蝦好鮮甜彈牙，跟住仲有帶子刺身，蟹肉，海膽，黑魚子配鵝肝醬，同大量嘅煙三文魚係底，所以真係好飽。但係我覺得海膽同埋煙三文魚實在太鹹啦，其他幾好。本來食個海鮮拼盤食到好飽仲驚住食唔晒呢個意粉，呢個係米形意粉。但係佢辣辣地，好惹味開胃，最後都食曬左。不過個人來講會鍾意佢係意大利飯多過米形意粉。呢杯酒精飲品完全冇酒精味，唔太推薦。…查看更多

一家人想食北京片皮鴨，之前都食過好幾間唔錯既，但係都想試吓新野，就特登黎呢一間冇得book位嘅餐廳試吓。有app可以拎定飛先，星期三既6點幾7點左右，五個人唔算等左好耐就入咗啦。有啲菜式都幾特別嘅，不過今次唔記得影個餐牌所以唔係好記得啲菜式名。😂同埋最後食個片皮鴨嘅時候因為太吸引，完全唔記得影相掛住食。包片皮鴨即皮係我食過以來最薄嘅，不過隨之而來嘅問題就係好快凍。同我地坐咗喺露天位置，但係對住個超級無敵維港夜景。片皮鴨皮肉分離，兩者都接近冇脂肪👍🏻👍🏻👍🏻呢個係用咗紫色嘅椰菜花炒合桃，全部時蔬都好爽脆，快蓮藕片仲要特登雕咗花，感覺精緻同埋用心。呢個入邊卷住啲菜好清新。呢個係煎蠔餅，煎得好脆身。但係味道偏淡係靠佢嗰兩個醬汁吊味（一鹹一辣）。辣嗰個汁俾我哋清晒👍🏻小籠包個皮好薄要小心夾，個湯真係一流，暫時係我食過嘅小籠包入面最鍾意嘅聞上去好香，但係食落去就唔算好惹味，魚肉都滑嘅👍🏻有粉皮墊底。個蟹鉗都幾好食不過蟹肉嘅部份唔算好多。唯一要講一個唔係咁好嘅地方就係有好明顯嘅人手不足問題，睇侍應都好努力去接待每一個客人，不過人手不足都好明顯睇得出佢哋都好急躁。…查看更多

大家要留意返呢間餐廳係冇任何跟餐湯飲大家要留意返呢間餐廳係冇任何跟餐湯飲大家要留意返呢間餐廳係冇任何跟餐湯飲當點完餐既時候個店員同我地講呢個餐有跟餐湯，紅湯/白湯或者餐飲，我地就好自然講咁要湯啦..到最後埋單先見到1個湯係另外加$30，都算啦..收錢嗰個竟然話係從來都冇跟湯同嘢飲全部都係單獨收錢嘅係從來！雖然都可以話係我都冇睇清楚餐牌，但係職員咁樣講都好誤導！食個lunch加埋1就200啦..食物ok,但睇你覺得值唔值lo..Egg Benedict 個包底冇烘過，又薄..林晒意粉冇汁、乾、味寡...…查看更多

今日同個uncle同事黎西營盤做野，佢話一年先來呢度一次，一定要食呢間酒樓。帶我嚟食下啲懷舊野咁話。豬潤燒賣我呢個90後真係第一次食啦。豬潤都OK厚，食落口偏乾身有趙口，岩我口味燒賣好大粒，彈牙！蝦餃嘅皮都係偏煙韌，蝦肉爽口！你一個迷你嘅蠔仔湯飯一啲都唔迷你，兩個人畢左四五碗。上個湯飯果時佢比埋胡椒粉俾我哋，我依家先知原來蠔仔湯飯配胡椒粉咁正㗎韭菜清爽👍🏻芝麻卷又係第一次食，uncle話係佢嘅童年回憶，不過我就一般般姐，覺得芝麻味唔算好香。紅油抄手冇紅油:(得醋...味道OK嘅不過有啲失望囉食咗六樣嘢計埋茶位最後埋單都係$211，都算係咁👍🏻…查看更多

男友話帶我嚟食威靈頓牛柳好似好少地方有威靈頓牛柳，而今次都係我第一次食！係一個好有情調嘅環境，雖然地方係同食雞煲嘅餐廳分開咗兩半，但好神奇地係完全唔會聞到雞煲嘅味道，亦都唔會好似一般食雞煲地方咁嘈，可以話比嘅一般嘅餐廳更靜。但隔離雞煲既live band就Mini Friday既食客都可以享受到，所以係非常有情調又唔會阻礙到大家傾計。啱啱坐低冇耐店員已經好快俾左水我哋同埋上咗一份小食，非常貼心。枱上面亦都放咗即磨嘅黑胡椒白胡椒辣椒仔等調味料。比起一般餐廳問先至有真係大方得多。先來一個西班牙炒飯，可以話同佢餐牌上面嘅圖係一樣㗎，唔係圖片只供參考有鮑魚。啲飯炒到煙韌入味，正👍🏻👍🏻👍🏻都我嘅重點威靈頓牛柳啦，薯菜係紫薯蓉。一切開啲香菇味同牛柳嘅味道湧晒出嚟！牛柳超級軟淋！雖則話同男朋友嚟都好有情調，但係兩個人食唔到好多野，下次同一班朋友嚟食多啲先！…查看更多

懶訓既我星期六訓到晏一晏，想繼續搵個舒適嘅地方食下野坐下嘆下～黎呢度真係岩曬！喺門口已經見到個打卡位道牆係Tiffany blue架好似草咁既裝飾，望到出邊增加空間感但係又唔會覺得冇私隱。燈光柔和篇暗，除左我地重見到好多都係三五知己咁傾計食野，但一d都唔覺得嘈，可能因為地方大。咁好嘅環境食咩都會先加曬分我地叫左F同G餐。餐湯-係意大利白豆湯，冇咗羅宋湯嘅既辣味但多咗份清甜嘅豆味，同好足料。呢個雞卷賣相認真一流食落雞肉嫩滑，夾左火腿，味道啱啱好，唔會太濃太咸。呢個牛排都好有亮點，1黎好大塊，2黎我叫左3成熟，廚師都控制得岩岩好。肉味中規中矩。但係我覺得最大嘅賣點係佢嘅薯菜，係紫薯蓉，真係超驚喜，而且好好食！呢杯凍朱古力都好驚喜！第一次見咁樣嘅造型，成粒麥提沙咁都好靚呀。呢杯薄荷西瓜水，西瓜味好清甜，但係略嫌薄荷味重左啲，唔鍾意咁重薄荷味嘅我諗可以叫佢落少啲薄荷葉。不過見到佢都好真材實料，唔係溝出嚟嘅薄荷，係真係好多薄荷葉所以先至咁重薄荷味。另外其實我嚟到都兩點，仲諗住問下佢有冇下午茶，不過呢度嘅下午茶係2:45先至開始。問佢拎左個餐牌睇下，勁平好抵咁，下次都要嚟試吓…查看更多

有質素嘅食物！舒適嘅環境！養心殿相信大家都唔陌生而新開嘅將軍澳分店亦絕對唔失望🤤(1)首先講下環境啦 坐得都舒服嘅 隔開一隔隔 私隱度高 相當唔錯 同朋友傾偈聚餐都舒暢開心嘅😌不過略嫌無乜位置放私人物品 由於櫈嘅體積比較細 要叫侍應哥哥放多兩張櫈係旁邊 先放到隨身物品 🧐(2)講下食物方面啦 打邊爐最重要緊係個湯底啦 今次叫左個美人鴛鴦鍋 兩邊各有各特色 完全滿足哂食辣同唔食辣嘅朋友口味呀😋😋😋 麻辣有三種選擇 大中小 都幾跟足傳統有鴨血同蜂巢豆腐係湯底 仲可以免費追加一次鴨血 相當足料！ 而美人鍋個一邊係烏雞湯 有啲淮山杞子仲有桃膠做配料 清甜得黎又十分養顏 難怪稱得上美人鍋 真係名副其實👍🏻店員都建議我地可以飲下個湯先再淥食物落去 真細心啊(3)到食物方面 基本肥牛同羊肉片都唔令人失望嘅 肉質鬆軟 加上湯底 無得走雞啦😄(4)除左基本啲肉類 雜菜兜兜都唔失禮嫁 種類多 又高質 仲有罕有又追得上潮流嘅秋葵添 真係食菜都好滋味呀😙😙😙另外 本我都相當推薦大家叫一種蔬菜叫蒿荀 係香港唔係好多火鍋店提供㗎 味道十分清甜 質感軟硬適中 加上火鍋湯底 真係一種享受 未試過嘅不防一試啊😉(5)仲有 呢道嘅即炸響鈴都係一個招牌菜 一定要嗌 熱辣辣 脆卜卜 輕輕浸落湯底 十分惹味 😄😄😄總捨黎講 食物 環境 都得到好評 令一試難忘 下次同三五知己聚餐 養心殿將軍澳店 都係一個唔錯嘅選擇😌…查看更多

識食既朋友食過翻尋味，推介埋我黎一齊食，我就知呢間一定係好野啦！2個人入到去坐bar枱，職員都好有禮貌咁介紹下點餐用既tablet。開始點餐一黎就要搵個三色丼！$168 3座小山丘，夫復何求！每款既底都有呢d粉紅甜甜地既調味，幾特別。我個人覺得食既次序係蔥吞拿魚茸開始到蟹膏蟹肉。蔥吞拿魚茸，味道清香，雖然未去到好強既魚油香，但係撈飯係非常滿足，飯同魚茸比例係3比2左右！海膽夠鮮，份量又多！我會整碎塊葉撈埋d飯，配搭一流！蟹膏蟹肉撈埋又係勁香甜，重比我夾到一條腳肉，lucky!!建議2個女仔1個3色丼就夠了！好飽！跟住再點左大吞拿魚腩，魚油大爆發！火炙三文魚都好食，不過都冇邊度會做得唔好食，所以唔算驚喜既。左口魚裙邊，同火炙三文魚一樣，又係冇得輸！再叫埋赤貝同鳥貝，爽口鮮甜！…查看更多