Diane0204的個人專頁

我這個半放棄的食評page， 終於都返生啦！呢一年實在太忙無時間寫文，但今日食完呢間卷物，覺得各方面都好好，所以熱情又再一次湧上心頭😍要推介俾大家！舖頭位於利東街附近（好彩習慣性影左相，唔係都唔知放咩上黎好😅），今日去檢查眼睛路過，諗住唔煮飯買返屋企食，返到屋企打開個袋，原來好大份😱以$72嘅價錢，一盒8件真係好抵食😋。我叫左2盒，基本上2個人食曬係勁飽！Lobster roll以 $98價錢，質素十分好，龍蝦肉豐富，食得出龍蝦肉的鮮味，配上三文魚，牛油果，好match好好味！California roll, $72，比日本料理店出色，料豐富，飯粒煙韌，又係有驚喜！總括，這間店很可以，會再幫襯！…查看更多

經過一輪地獄式的生活後，今天終於重見光明！光明之路當然要有美食伴隨，同老公係CWB附近的小店試試吧！這間店，我地成日都經過，郤發現很少幫襯！回想拍拖的初期，也常常經過這裡的(n年前了！）食物，環境、氣氛，都很對板！點了set dinner, 頭盤是香煎鵝肝配上大大粒新鮮藍苺，油香直衝味蕾，驚艷四射。另一前菜是大蝦占米多，蝦鮮甜爽口，同樣出色。湯品亦沒有讓我失望，黑松露忌廉湯，黑松香氣四溢，真材實料。蟹肉南瓜湯，蟹肉份量超額，味道大大提升。主菜來了，燒咸豬手皮脆肉滑，再加上厚厚的骨膠原，簡直係人間極品，連老公唔食豬手都食左兩件。最後的麵包蟹意大利飯，用料份量十足，食到捧著肚皮離開。總結，不論食物環境氣氛都是一流的餐廳，值得記下來回憶一番。…查看更多

整整兩個星期都落大雨，心情納悶的很，潮濕的天氣搞到無乜胃口，想食酸酸甜甜的越南菜。想起這間新開張的食店，就係舊彩虹的位置，好方便，便試下新野。海膽生蝦，似模似樣，比平時只有生蝦味道特別，我係海膽腔，所以特別喜歡。吞拿魚紙米卷，呢個好好味，樣子十足十日本卷物，但郤係正宗越南菜的紙米卷，吞拿魚鮮嫩好味，配埋米卷好夾好好味。最後點了個火車頭河粉，超級大堆頭！有生牛肉，熟牛肉，牛丸，仲有埋牛排葉！超豐富，湯頭清甜，加上越南配料同醬汁，真係無得彈！總括來講，新店舖新氣象，值得再支持。…查看更多

蒜味，從來不是我杯茶。呢間打正旗號賣弄蒜頭的餐廳，如果不是舊同事要食，我想我應該無乜機會黎。郤在呢個沒期望的晚餐，提供了無限驚喜！舊拍擋約食飯，揀大家方便的九龍塘。食店走型格風，好坐好chill。好岩傾計食飯。兩個人叫左前菜Caesar salad, 嘩上枱至知好大份，原棵羅馬生菜上碟，好足份量，醬汁剛剛好掛係菜上，味道唔錯，加埋炸蒜片脆脆，口感即時豐富多了！Garlic bread tower, 呢個過癮，待應端上你前面時會即場把七味粉同芝士來入法包條內，味道辛辣又帶有芝士的香濃，有驚喜！6 clove garlic penne, 芝士味濃，意粉加上原粒蒜頭，估唔到味道咁㚒！欖油煮蝦係我至愛的菜式之一，同樣無令我失望。最後點了DIY tiramisu, 原來佢會把材料一一端上，自己整,哈，都幾好玩。舊拍擋有幸食到我‘親手’泡整嘅甜品，幾過癮！總括黎講，餐廳水準高，坐得舒服。值得再黎！…查看更多

去土瓜灣探望一位長輩，順便同老人家食餐飯。老人家棚牙仲好有牙力，要食海鮮！佢一早已經安排好，著我去了附近的這間酒家，在長輩面前，你再長大還是他們眼中的小孩:)坐低一望，海鮮8度菜才$438😵價錢有點令人難以置信吧！先來龍蝦伊麵！龍蝦新鮮蝦味濃，配上伊麵當然就是一絕了！白灼海蝦有六隻，好大隻，脆口好味！貴妃蚌同樣出色！另蒸䱽魚好好食，老人家食左大半條！的確係好滑好鮮！另外乳鴿皮脆肉嫩，真的很回味！加埋碟菜、花甲同飽魚，真的是超滿足的一餐！難得老人家食得開心，我見到佢開心所以開心之餘，自己都真係享受呢一餐美食，仲要咁抵食！讚👍🏻…查看更多

夏天熱辣辣，好想食刺身壽司，於是同同事收工食放題，坐得耐又唔怕our budget！Review下食過的放題餐廳，決定揀返神輿，坐得舒服，空間感強，食物乾淨企埋，質素唔錯，無漏單，上枱快，確實係唔錯的選擇！刺身緊係必食item啦！帶子好新鮮大件，甜蝦最正，超甜超新鮮、希靈魚、象拔蚌都好爽口！刺身同魚生都絕對好食！壽司同卷物同好好味，講講吞拿魚蓉卷，魚蓉鮮甜紫菜爽脆，壽司飯微暖，超好味！必食!炸物係另一個亮點，芝麻脆皮雞翼肉汁爆棚，芝麻勁香！特突叫多round encore!(食放題就是要encore ma!)總括，放題黎講，不論價錢質素座位舒適度都係超高水準！下次食放題還是會揀呢間！…查看更多

好友生了個可愛宝宝，今日探bb, 順度係樓下食少少野，呢間餐廳都唔錯，值得介紹一下。老闆娘很健談，傾左陣計，傳統餐廳，保留原有的味道的同時，也努力創新，呢度有新穎下午茶食，一字雞翼比較少見，既然叫得做招牌菜，就試下啦！熱辣辣即炸酥脆、肉質新鮮嫩滑。唔錯。既然係傳統老字號，當然要試埋雲吞麵啦！湯頭清甜，麵條自家制，好爽口，食得出的hand-crafted.值得一提檸檬茶，這個秘制的檸茶，預先將整個檸檬blended, 所以飲用時就不用自己再死篤爛篤啦！飲落口感唔錯，有啖啖果肉。餐廳有幾張戶外位置，秋天或夜晚應都好舒服寫意😊…查看更多

朋友剛剛升職加薪，大方的要請小妹吃飯。呢位食家朋友每次帶我去的餐廳都有驚喜，這次也不例外。朋友話要請食fine dining,郤選擇了太子區！OMG,這區我好陌生，任由他作主吧，反正我就是信任他！太子地鐵站行約5分鐘到，都算方便，這條小小的街巷全都是餐廳，下次我應會再來搵食。佢帶我到一間外貌平凡不過的餐廳門口，我跟他打了個眼色‘唔，反正我就是相信你’。甫入餐廳，嗯，感覺好舒服，同一門之隔的出面感覺反差很大！看著menu,晚餐選擇非常吸引。前菜已經好吸引！真的好正！黑魚子配海膽！加埋好鮮甜青瓜！真係好好味！另外刺生帶子配上酸酸甜甜的汁醬！超fresh！最後品嚐埋個龍蝦湯！朋友果然很會揀餐廳！我最後選了m5和牛，上枱了！好香喎！原來係燒波蘿，淨係聞到落曬口水。另外，presentation 都要讚一下，好精緻，牛肉肉質上乘，口感一流！朋友點了煎海鱸魚，我想講，呢碟仲正，我好少見餐廳的海鱸魚肉身咁厚！(第一次係中環文華！今次係第二次！）我都忍唔住淺嚐一口！好好味！厚身的肉質就是不一樣。呢個價錢真係好過份！下次還是朋友叫咩我照跟就是了總括，fine dining質素，平民價錢，性價比無敵！值得一提是，店主是年青的美女，但他郤是走實力派的！出品一絲不苟，克苦耐勞的那種魅力逼人真的很吸引！…查看更多

早前提過要開個禾稈冚珍珠系列，呢間必須放入系列之內！Fusion本身就係一件好危險嘅事！意念大膽但出來的後果可以好核突！吃吧郤係係fusion 上做的出神入化。平日晚上九點到甫（有時要做下夜鬼！）見到仍然咁旺場，枱距適中舒服，dim燈效果加上播放的歌曲好岩心水，環境好好chill！飲品到了！好過癮！型男待應（可能係老闆？anyway,這不是重點）端上一個載滿新鮮生果的冷凍酒杯，還手持一支compressor? 原來我點的Chiba special drink是西柚提子汁，再於這個compressor 內與壓縮了的液化二氧化碳融合，好有趣有驚喜的presentation. 咽了一口，味道清新，好飲。至於友人的那杯熱熱果接木花茶，同樣好飲出色，更有趣的用小小花瓶做茶杯，簡直係呃like之選😂前菜點的是煙三文魚沙律，出品真的很有水準，大大件煙三文魚配上新鮮沙律菜，還有只在高級餐廳才會出現的醃小洋蔥，酸甜加微辣就在舌尖上互相交融，層次豐富。小食是芝士白酒煮海蜆，海蜆鮮甜，而且份量一點都不少！西班牙海鮮燉飯是店員推介的，的確很有水準，上面的原隻魷魚好鮮甜！難得食到唔係刷膠質地的魷魚！大病初癒後，竟享受了一頓如此出色的美酒佳餚，人生何求！…查看更多

這間持續人氣高企的cafe,一直都好想試，但假日基本上無可能幫襯，因等位至少逾小時計。適逢平日晚上在附近，終於有機會試下佢！甫入餐廳，正正播放著我最愛的五月天的盛夏光年！On My God!心情馬上好起來！兩個人點了招牌而且一直好想試的軟殻蟹卡邦尼意粉！叫得做招牌菜果然名不虛傳，大大隻原隻軟殻蟹，鬆脆可口，意粉汁底像樣，無令我失望！另叫了和牛漢堡，嗯！呢個有驚喜喎！和牛漢堡真材實料，廚師用了隻很有個性的芥末醬，成個口感全面提升！配搭精彩！黎得cafe當然必叫窩夫！份量超級大！遠遠超過我們我預期！佈滿士多啤梨，睇見都心花恕放！質素不俗。整體來說，是區內不俗之選，難怪長期見唔到隊尾。…查看更多

說這間是人氣拉麵一點都不過份，早在前陣子的週未也曾到訪，可惜估算大概要等兩個鐘！等位呢家野我真係好少做，放棄了。呢日係大埔，平日晚上終於試到了！美少女同小妹同樣點了櫻花蝦味噌拉麵，加個燒雞皮同炒野菜。先試個湯頭，香氣撲鼻，味道濃郁，正宗！拉麵質地相當好，义燒肥瘦適中，加上隻好正的糖心太陽蛋，整體而言非常好！另外酚提提碟炒野菜，野菜好甜，屋企食開有機菜。所以我通常出街食菜我都不抱期望，呢間店的野菜絕對食得出有分別。下次再黎必叫item!…查看更多

我決定開個禾稈冚珍珠系列，寫寫我搵到遇到的低調、用心、默默耕耘嘅餐廳！第一間，一定要寫呢間enjoy eat! I really had enjoyable moments in there tonight! 今日工作上受了點點委屈，點點挫折。決定係要搵點什麼補償心靈創傷！同事帶我黎到呢間不起眼的餐廳！已說過，就是個種毫不起眼的餐廳，就不帶什麼期望啦，反正就是有人請客聽我吐吐苦水便很好了！但是，唔食由字可，食過就是把我從十八層地獄升返上地面。講返食物，叫左二人餐升lv轉Cesar salad,沙律質素絕對係酒店級！菜新鮮不在話下，醬汁的運用亦得宜，難得的美味！前菜叫左白酒煮青口，正宗的意式煮法，汁係黃色的，味濃郁，秒速清曬！Pizza, 又係超好味！真的要讚讚廚師，味道balance，少少甜餅皮點點脆，點點軟熟！不得不提個意粉！食到呢度意粉時，其實我已飽到上心口！但我仍然覺得好好味，黑松露的香氣獨特味道加上各香料調味，長通粉軟硬兼施，小妹鯨吞半份！好飽！但都仲係好想食！死味！人生意思何在？大概就是沒有難過的日子，又怎能吃得如此開懷？如此沒有悔憾😆…查看更多

旺角貌似好多選擇，但往往搵唔到岩心水嘅餐廳。今日終於遇到間值得回味嘅美食！走英倫風格的裝修，好岩我胃口！滿滿的客人，好彩我一早訂定位！我同友人分別叫了set dinner 的pizza 同龍蝦pork rib 套餐. 先來個前菜沙律同餐湯，雖然係叫set, 但質素好高！沙律菜新鮮，加上不粒粒酸酸甜甜的醬汁珍珠！過癮又好味！接著上枱的是自選pizza, 10款食材自選四款，友人點的是海鮮雞肉磨菇同洋蔥，海鮮味好重！重頭戲落係烤波士頓龍蝦配豬肋條！豬肋條預先幫你去曬骨！超貼心！龍蝦超乎想像的好味！龍蝦味超濃，我對於波士頓龍蝦一向無乜好感，因通常都好淡味，無諗過可以咁有龍蝦鮮味！好正！另一個驚喜係個甜品！跟餐甜品通常不會俾期望，本身諗住散叫甜品，但實在太飽無另加甜品！好彩無加我先食到呢個好味朱古力蛋糕，香濃幼滑的mousse, 底層係好crispy嘅脆脆！今次發現新大陸，一定要開心share!…查看更多

同朋友食生日飯，壽星仔指定要食日本野，最後揀左呢間人氣高企的食店。呢間餐廳地下有個大大的招牌！感覺好大阪！沿樓梯上去一樓，甫入餐廳感覺氣氛好好，歡笑聲始起彼落，感覺無揀錯地方。講返食物，男生胃口通常都特別大，叫左成枱食物：蟹籽沙律、壽司叫左幾款：三文魚，帶子、海膽、仲有燒魚翅、韓式炒拉麵、串燒拼盤、天婦羅、桃子雪芭...（我倆都是食得之人，放心，沒有廚餘）試勻曬美食都好，可以寫食評中肯兼全面。壽司新鮮，仲要好大件！海膽係必食之選！三文魚個條長長嘅尾巴，當年前盛極一時的招牌菜，嘩，即刻返返去青蔥歲月呀！天婦羅即叫即炸，脆卜卜，好正！蟹籽沙律本來叫大份的，好彩店員提醒叫細已經可以，上枱還真的嚇一跳！細份都好大好足料呀喂！總括來說，呢間性價比好高，氣氛又好，食得好舒服！…查看更多

終於完成一件大project! 係時候獎勵一下自己。同友人相約食西班牙菜！呢間人氣西班牙菜餐廳，一直想試，宜家有借口試試佢！餐廳裝潢雅緻，牆壁掃上Tiffany blue, 小小角落放盞精緻馬賽克座地燈...每個角落都悉心佈置。我同老友揀左高枱坐，夠chill, 我地兩條queen都鍾意蒲bar，情意結來的我地揀左個前菜青豆煮蜆，有別於平時食的清酒或白酒煮，呢個蜆肉味突出，酒味反而是淡淡的沒有搶走蜆肉本身的鮮味西班牙海鮮飯！上枱時被嚇親，成隻大媽炒菜鑊放係你面前！好誇張囉！青口、蜆仔、大蝦同parma ham放得整整齊齊！試一口，好好味！飯粒有咬口但唔係死硬個種！好重本落足蕃紅花，香港唔係間間都肯跟足食譜，值得一讚！味道完全提升曬！成鑊飯兩條女都竟然食得曬！Lady’s night點可能無甜品。這個什果麻糬窩夫，未食已心花怒放，放上大量貴價生果如raspberry, 無花果，士多啤梨，藍苺、奇異果，加埋加拿大天然蜂蜜，簡直係完美句號。La postre解作in the end. Perfectly met in the end. 正好形容今晚的心情…查看更多