劉師父的個人專頁

在附近開完會後，老闆說要食好一點，於是我便訂了雪園壹號享用午餐。我們12點到後，都非常多客人，但是冷氣有點明顯不夠，我們一行6人點了一份6人套餐。開餐的效率都非常高，首先是醉豬手，非常香濃的酒味道，而且豬手都是沒有骨的，之後就是酸辣湯，是我們一致都非常欣賞的菜式，味道非常香濃，配料都非常充足。之後麻醬青瓜，沒有甚麼特別，但都是清新的。炒年糕份量都非常充足，還有窩貼，京都肉排等。每一碟的份量都不是很大，但最後我們都非常飽了，滿意的一餐。…查看更多

今天是去食早餐的，榕哥陳皮燒鵝咁正，相信早餐都會保留一貫水準的，坐低望望個餐牌，早餐都非常豐富，而且價錢是絕對有優勢的，我點了份金牌叉燒湯意粉，加碗餐肉，煎蛋及多士。早餐好快就送左過黎了，叉燒湯意粉用的湯是忌廉雞湯，叉燒食落去都好大舊，不過肉質都幾香口，而餐肉及煎蛋方面，餐肉師傅的刀功都不錯，非常之薄，但都煎得非常之香脆，而多士就即落單即烘的，都是非常脆口，煎蛋就沒有甚麼特別，最後喝完杯熱華田就走了。…查看更多

跟朋友到沙田新城市廣場行街街，整個廣場都是遊客，非常之旺，咁晚上肚餓就搵野食了，朋友說想吃拉麵，經搜尋後找到這家在7樓的拉麵店，見到門口那台拉麵機，就非常之有信心，最愛吃手工麵。看完餐牌後，店舖都比較專，只做拉麵，我們分別點了一個撈麵，一個湯拉麵，一份雞皮餃子及2杯飲品。首先是雞皮餃子，都是一些炸物，沒有太大驚喜，之後便是拉麵了，我自己點的是撈麵，調味非常好，將那隻蛋再加上黑椒撈起來，味道非常惹味，麵質非常陣牙，而麵的粗度是我喜歡的那種，最後整碗都吃完了，非常滿意。…查看更多

今日下午去了尖沙咀的棋哥燒鵝吃午飯，見到人山人海，非常多的遊客，店員服務有禮。我點了份燒鵝切雞瀨粉。，再加1杯餐飲，凍的咖啡。菜式很快便到了，切雞肉質非常的彈牙，而且非常有雞味，好好彩的有份雞脾及雞胸，肉質嫩滑，之後便試試燒鵝了，燒鵝給了我最愛的胸部位置，燒鵝一入口便有陣陣的柴火香味，燒鵝皮非常香脆可口，肉質非常彈牙有口感，瀨粉亦煮得非常彈牙而有口感，最後整碗瀨粉連湯都清晒了，再飲埋杯凍咖啡，非常滿足的一餐午餐。…查看更多

今晚朋友說想吃辣，於是我便想起辣湘湘。去到非常多客人，價格實惠。我們點了三款菜式，分別是酸菜魚，尖椒炒肉及2隻豬手，全部都是招牌菜式。首先是酸菜魚，魚肉非常滑，酸辣香非常香，但是反而覺得配菜不是太多太足夠，底的粉絲只有少許。豬手我們點了2隻，一人一隻，炸得非常之香口，但是皮不會炸得太硬身，而裡面的肥膏也非常之香口。最後便是青椒炒肉，份量非常之大，除了尖椒及肉之外，還有一些雲耳，我們點了個白飯，很香很送飯，好快便吃完所有菜式了，性價比高，會再來。…查看更多

今天和朋友在銅鑼灣傾談生意，在他寫字樓傾完後朋友說帶我去吃pizza，去到之後都要等位的，等左大約15分鐘就有位了，因為座位都算多的。由於2個人關係，雖然好多野都想食，但係由於2個人關係，唔敢叫太多，怕浪費，因此都只係叫左個韓國烤肉芝加哥pizza及青椒香辣炸雞，以及2杯啤酒，8點前還有Happy Hour。首先到是炸雞，青椒有點辣辣的，份量大約是半隻雞，非常惹味，皮是脆脆的，即叫即做。之後就是pizza了，完全是一種吃出爐麵包的感覺，非常好吃，口感煙韌，芝士份量非常多，完全做到拉芝感覺，配料亦非常充足，2個人表示非常滿意，最後飲埋2杯啤酒就走了，份量剛剛好。…查看更多

今日公司好多野做，要做野做到9點幾，咁返到屋企附近見到成興魚蛋粉咁就入去啦！咁睇返佢個餐牌都是以牛為主，有牛什，牛腩，牛脷，牛肚，自家製丸等等而店舖亦都可以買走自家製墨魚丸，魚蛋及辣椒油等等，咁我就點左個牛什粗麵，而我同事就點左個牛什河。咁2個麵都好快就到了，配料都充足，有牛肺，牛肚，牛膀及牛腸，首先吃牛肺，都非常入味，而牛肚及牛腸都炆得非常淋及入味，湯底亦非常濃非常入味，麵都非常彈牙，而朋友都說河粉都滑滑的，最後我地食完就埋單走人了。…查看更多

今日公司好多野做，要做野做到9點幾，咁就同個同事落去樓下九鼎記食2碗牛什麵啦！好彩係佢收工前入到去，咁睇返佢個餐牌都是以牛為主，有牛什，牛腩，牛脷，牛肚等等，咁我就點左個牛什粗麵，而我同事就點左個牛什河。咁2個麵都好快就到了，配料都充足，有牛肺，牛肚，牛膀及牛腸，首先吃牛肺，都非常入味，而牛肚及牛腸都炆得非常淋及入味，湯底亦非常濃非常入味，麵都非常彈牙，而朋友都說河粉都滑滑的，最後我地食完就埋單走人了，唔好阻人收工。…查看更多

今天要去油麻地見一個客，由午餐1點傾到4點，傾完都有點兒肚餓，於是就去左廟街附近找東西吃，見到這間廟街清湯腩就入去試試啦！店舖面積唔係好大，廚房都好細，係一個明檔，但是餐牌都算是豐富的，咁我睇完之後就點左個清湯腩河粉啦！個河粉好快就到啦！賣相都不錯，牛腩份量都多，首先就試試舊蘿蔔，蘿蔔非常有驚喜，非常入味而且口感夠淋，牛腩都炆得好淋，而且有牛味，肥瘦舒中，但是最敗北的就是個湯底，超級淡，要落好多辣椒油才夠味，整體都可以的，如果湯底再濃一點就非常好了。…查看更多

今朝一早要去啟德有個活動，咁就約埋7點去食早餐啦！大家都一致推介四寶食堂，咁餐廳都好早7點就開門了，坐低見到個餐牌，比較起其他茶餐廳都好有特色，而家就點左個鮮茄薯仔排骨湯通粉，見到個精選餐包係迷你波羅包，由於興趣不大，都係點左個油包。咁早餐都好快到啦！鮮茄湯都好入味，最愛嘅薯仔都好有口感，唔會話煲到溶左，排骨粒份量都好足，而蕃茄目測都有半個，湯味道都夠濃，而排骨都好多肉，最後就成碗食晒了，由包餐廳就採用左厚包，成個早餐都好豐富，最後飲埋杯齋啡，好滿足的一餐早餐。…查看更多

今日去大坑東邨做義工，探訪獨居長者，非常有意義，但係完果陣有個任務，就係要模仿低收入家庭，一餐得22蚊，於是我地就去南山邨搵下野食啦！記得細個打波果陣成日都去南山邨食野，見到e間沛華園，就成班人入左去了。我地有些人就點左腸粉加燒賣，有些就點左個一餸車仔麵，而我自己就點左個上海麵再加咖哩魚蛋，偷偷地偷食左朋友嘅腸粉，都幾滑，醬準味道不錯，而自己的咖哩魚蛋上海麵多蔥也好食，上海麵麵質有咬口，魚蛋都算彈牙，最後7個人埋單回去了，希望之後有能力再幫助其他人。…查看更多

近排搬左去附近，見到大食代入面開左間新店，以手工意粉為噱頭，去到重要見到2個外國人係度工作，整叫整做意大利麵，咁就當然要試試啦！見到餐牌都多野食嘅，有餐點及有 a la carte，咁我睇睇下就點左個白酒蛤蜊醬意粉啦！而店員都建議我點1號果款威尼斯粗麵，於是就睇佢講啦！大約等左15分鐘就有啦！出到黎，個賣相都幾好，隻碟都算好靚，蜆肉非常肥美，首先試啖意大利麵先，掛汁非常之香白酒味道麵質口感不錯，蜆肉份量非常多，但係有少少韌，味道唔算係咸，我相信主要係想帶出白酒同埋香草嘅味道，最後我成碟清晒了，唔錯唔錯。…查看更多

剛剛搬左去尖沙咀住，咁今日就一個人收工無飯食，就行左去佐敦附近睇睇有咩食啦！行行下發覺成條街都係食嘅，而且人流都唔錯呀！咁經過這家澳門咖哩王新鮮腩嘅時候，我就竟然唔係俾個新鮮腩吸引左，而係俾佢果個必吃川味乾炒牛河吸引左。咁就叫個川醬干炒牛河少辣啦！黎到時候都好香，食第一啖川醬同牛河果味道好夾，好有鑊氣，河粉份量夠的，晚餐的份量，只是覺得配料不夠，例如是洋蔥，因為洋蔥很香口好好食，好快咁食晒了，會再幫襯。…查看更多

今日放假去左長沙灣果邊探朋友，咁傾完之後都差不多6點幾，朋友就建議一齊食埋飯，佢話樓下有間新開小炒都不錯的，有水準，於是就試試啦！入到去地方都舒服，侍應都有禮貌嘅，我地3個人就點左以下菜式啦！首先係土魷蒸肉餅，感覺上豬肉都係新鮮嘅，有豬肉香味，份量都夠大，而且蒸嘅時間剛剛好，口感一流。之後係我最愛嘅沙薑雞，雞肉非常滑，而且雞肉夠味，個人覺得唔洗點個醬汁就已經好夠味道，另外隻雞唔係好肥，都唔錯。最後就係叫個菜，金銀蛋菜心，中規中矩，菜心唔老。最後我地一行3人都清晒整枱嘅餸了，好滿意，會再幫襯。…查看更多

新搬左，屋企附近開左家SUKIYA牛肉飯，今日收工1個人咁就去試試啦！門面設計都幾靚，一如既往門口招牌勁搶眼。入到去門口有位女侍應好有禮貌咁詢問我係堂食定外賣，我答佢堂食佢就叫我自己搵位坐。坐低之後望望個menu，點左個香蔥溫泉蛋牛丼漬物套餐，而飲品我就點左特製宇治抹茶。食物好快就由店員上枱啦！賣相跟menu一樣，漬物感覺有點事但，不太好吃，之後就吃個飯了，牛肉份量非常多，而且煮時間剛剛好，口感一流，蔥香再加上溫泉蛋送飯是一流的，另外醬汁有微微辣就更加開胃，宇治抹茶非常好喝，但是冰就真的是多了一點，下次要少冰，最後埋單是58元，抵食。…查看更多