WaiWaiWin的個人專頁

喺觀塘開咗好多年同埋攞咗好多年米芝蓮獎嘅一間印尼餐廳，今日試過啦，兩個人嗌咗成枱餸，首先嗌咗兩杯珍多冰唔太甜，跟住就開始嗌最出名嘅印尼黃薑雜錦飯，加多加多，當然唔少得嘅係串燒，今次嗌咗豬肉串燒，好惹味，因為我哋嗌咗一碟印尼炸雞，炸雞燶咗啲同埋乾身咗一啲，因為我之前食過一啲黃薑炸雞超好食，但現在很難找得到，尤其是銅鑼灣印尼餐廳都搵唔到咁好食，希望我將來可以搵到再介紹俾大家，本來想嗌粟米餅，後來嗌咗薯仔餅，好多薯仔絲好好味，煎得好香口，仲有嗌咗炒貴刁食唔晒打包了。…查看更多

聽朋友講星小館的菜式很特別，今日就來試一試，真沒有令我們失望，一打開Menu太多菜式太特別啦，經理行過來介紹我們有什麼特色菜，我們就叫了$4288. 九個菜式一個甜品，但其實我們只有五個大人兩個小朋友，其餘都要打包🤭，首先嚟咗一個古壇酸菜天然海鱸魚，一開始食唔係咁入味，後來浸耐啲菜同啲粉就好入味，但啲魚已經俾我哋食晒🙈，跟住嚟咗一個金獎燕麥脆米澳洲龍蝦，食第二道菜已經好飽啦，因為嗰啲脆米飯實在太好食，再嚟咗一個蓮藕餅，但唔記得咗影相🤦‍♀️，跟住嚟一個柚子炸蝦桃膠瑤柱燉響螺，呢個湯好足料，但鹹咗啲主角嚟啦，正宗海南文昌雞到呢一個焗蔥油蠔，個蠔好大隻，但係食咗兩隻之後嗰五隻已經打包再嚟一個菠蘿咕嚕肉諗住食唔晒，但係嗰兩個小朋友留肚竟然食晒，跟住嚟埋菜心同埋欖角一口骨，呢個都好好食，但真係太多肉食唔晒最後甜品梗係食晒啦，奶黃包最後埋單$4299 …查看更多

Sevva 四月會close，呢個月嚟咗兩次幫襯，兩次都去唔同嘅VIP Room坐，真係好喜歡吃佢嘅帶子，澳洲和牛扒，雖然價錢係有啲貴，但物有所值，最緊要係Service好，尤其是Bosco 嘅Service好到不得了，好耐之前嚟咗一次，最近再過嚟嘅時候佢都會記得你鍾意食啲乜嘢特別嘅嘢，記性好招呼好，呢個已經係值得，最懷念佢嘅特飲Green 音音，用蘋果啤梨西芹等等有益嘅食材，製造一杯咁signature嘅特飲，真係好唔捨得，但冇辦法，唯有繼續搵一啲特別嘅菜式飲品。…查看更多

之前經過見到好多人排隊就望吓佢個招牌，好得意叫做全日雞實驗所，今日中午12:00左右經過冇人排隊就入去試吓，叫咗一個雞胸套餐$63及雞髀套餐$73，雞髀有油光，入口嫩滑，雞胸好有雞油味，有自家製的薑蓉，甜辣椒，及辣椒醬，套餐可選擇香油飯或者白飯，至於湯就聲稱是沒有加味精的，如果鍾意食雞嘅朋友仔，都可以嘗試吓呢個價錢可以食到一個好似海南雞飯，抵食。…查看更多

呢間居酒屋位於尖沙咀金馬倫道，要行樓梯上，門口侍應很好帶我哋上樓上安排位置，（其實我哋喺度諗每次帶一班客上去都要行上行落佢都真係好辛苦，值得讚賞），我哋四個人食咗呢個A5和牛鍋配和歌山赤糖蕃茄豚骨湯，啲和牛簡直係入口即溶冇牙齒都食得，價錢仲要係特價$398 ，抵食。卷類我哋嗌咗兩份，一個係好特別嘅鰻魚牛蒡炸蝦卷，另一個係炸蔥吞拿魚蓉鮟鱇魚乾卷，夠晒特別夠晒好食。再叫廚師發板壽司，呢個就冇咩特別意見，再嗌咗啲串燒等等，整體嚟講晚市惠顧可享八八折優惠真係食得過。…查看更多

今日去咗文華酒店Cafe Causette慶祝朋友生日，剛好出咗一個季節性嘅龍蝦二人餐，有湯有前菜及主菜仲有個甜品，只需$800左右未計+1 ，龍蝦Grill 得好爽很有鮮味，人多梗係嗌其他嘢食吓啦，仲叫咗牛柳middle 熟、好有牛味，簡直係冇牙都食得，仲有咖喱軟殼蟹，啲軟殼蟹炸完再加咖喱汁簡直絕配，Grill 三文魚薯條，我覺三成熟就足夠了，整體嚟講大家都食得好開心好滿意，最緊要生日嗰個開心就已經足夠。…查看更多

今日天氣咁凍，晏晝食個火鍋都唔係好過分啫，之前喺科學園食過一間冬陰功火鍋到現在都未試過食到咁好食嘅一個湯底，真材實料95蚊一人餐就可以食到一個牛肉鮮蝦及金邊粉生菜，我哋三個人食咗兩個一人鍋，一個冬陰功火鍋，一個椰奶雞火鍋，另外嗌咗一碟牛肉，我哋認為蝦同牛肉用冬陰功火鍋嗰邊，生菜金菇放喺椰奶雞火鍋嗰邊簡直絕配，兩個湯底加埋一齊飲仲正，留意番午市一人餐$95一位要加$15醬料錢及+1 ，但係醬料我都冇用過，係因為個湯底實在太惹味，不過唔緊要錢係需要俾人賺嘅，我好滿意我一定會再幫襯…查看更多