食神大媽 Foodie Auntie的個人專頁

.‼️❤️ 記得CLICK我PROFILE關注我呀 ❤️‼️.🦕 一定要去打卡嘅JOGUMAN期間限定主題餐廳 @ 🌟 Delish Kitchen by ALOT 🌟.💁‍♀️ 圖片展示美食為：JOGUMAN最佳拍檔迷你漢堡包 HKD 158BRACHIO 登陸月球開心闊條麵 HKD 168JOGUMAN 濃滑朱古力配牛油果雲呢拿雪糕 HKD 88WOODY 草莓凍朱古力 + HKD 34BRACHIO 凍茉莉抹茶鮮奶 + HKD 34.😍 最近Airside做緊《JOGUMAN meets AIRSIDE：THE SUPERPOWER DREAMSCAPE超能日常夢境遊》嘅主題展，DELISH就推出期間限定嘅JOGUMAN主題餐飲，成間餐廳都充滿JOGUMAN嘅蹤跡，機會難逢當然要即刻嚟埋呢度打卡啦！.🍔 一見到「JOGUMAN最佳拍檔迷你漢堡包」對得意造型即刻心心眼！「WOODY漢堡」用炸蔬菜餅同流心金文拔芝士、另一款「BRACHIO漢堡」就夾住牛油果同意大利青瓜。旁邊配上炸薯格脆到嗦嗦聲，仲有沙律平衡油膩，兩個人分享啱啱好。.🍝 「BRACHIO登陸月球開心果醬意粉」手打闊條麵掛滿堅果香濃芝士醬，蘑菇同蘆筍增加口感，菠菜嫩葉平衡膩感，食完好暖胃大滿足。.🥑 甜品必點「濃湯朱古力配牛油果雲呢拿雪糕」，造型靚到不得了，朱古力慕絲濃滑到似食緊融化中的布朗尼，冰凍雲呢拿雪糕撞擊底部牛油果茸，印有BRACHIO嘅造型仲有分日同夜限定版。.🍓 叫以上主菜可以用優惠價加配嘢飲，「WOODY草莓凍朱古力」草莓混合朱古力甜而不膩、「BRACHIO茉莉抹茶鮮奶」抹茶同茉莉花雙重清香，飲完成個人都REFRESH晒！.🎉 呢個JOGUMAN主題餐點係期間限定架，好味又可愛，一定要盡快去餐廳嘅ICON大月亮底下同JOGUMAN打卡呀！.📍 九龍城啟德協調道2號AIRSIDE 3樓L316號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.😋 堅好味地道印度菜 @ 🌟 印度皇 🌟.💁‍♀️ 圖中展示美食為：特色馬沙拉印色芝士 HKD 118瑪薩拉燴蝦 HKD 118瑪薩拉羊膝 HKD 134椰汁咖喱牛肉 HKD 123尼泊爾餃子 HKD 88薑蔥烤餅 HKD 36印度特色芝士球 HKD 34印度米布丁 HKD 27椰青 HKD 52芒果酸奶 HKD 39.👽 如果想食正宗印度嘢，一定要嚟呢間。由正宗印度人主理，服務好有禮貌，餐牌嘢食選擇超級多。落地玻璃採光一流，空間夠大，坐得好舒服，仲要喺正地鐵站隔離超方便。.🧀 呢個用可愛小筒裝住嘅「特色馬沙拉印色芝士」，濃郁嘅芝士外層煎到微焦，蘸上濃郁香料，不論齋食定係撈飯都一流。.🦐 性價比好高嘅「瑪薩拉燴蝦」熱辣辣上桌，香氣即刻攻佔成個空間！大蝦完美吸收咗番茄同十多種香料熬成嘅醬汁，蝦肉彈牙大隻，用烤餅蘸盡醬汁不得了！.🍖 用叉輕輕一撥就骨肉分離嘅「瑪薩拉羊膝」，燉煮到膠質完全融入深褐色醬汁中。瑪薩拉特有嘅微酸果香巧妙中和羊脂豐腴，用手拎起啜體驗最地道嘅滿足感～.🥩 份量好足料嘅「椰汁咖喱牛肉」飄住誘人椰香，慢炖牛腩吸飽椰奶同十多種溫和香料，薯仔煮到半融化狀態，濃稠醬汁撈飯或者餅都一流。.🥟 特色好味嘅「尼泊爾餃子」餃皮帶嚼勁，雞肉餡混入香料點特製辣醬更醒胃，唔想食飯咁普通嘅話一定要叫呢個。.🫓 即叫即烤嘅「薑蔥烤餅」香氣四溢！烤到蓬鬆鼓起，撕開時熱氣蒸騰，但係又唔會過乾，必叫！.🍯 甜品揀左最代表到印度嘅「印度特色芝士球」！炸到金黃圓潤嘅得意小球，外層脆卜卜，咬開係軟綿綿芝士，搭配玫瑰糖漿，甜而不膩。.🍚 必試呢碗「印度米布丁」！熬煮嘅香米融入藏紅花同荳蔻，奶香綿滑得嚟帶粒粒嚼勁，傳統甜品正～.🥥 食咖喱點可以唔飲嘢，原個上枱嘅「椰青」冰涼透心！清甜椰水連埋用匙羹刮下嘅嫩滑椰肉，天然清甜正好平衡咖哩嘅濃郁，好清爽！.🥭 經典嘅「芒果酸奶」酸甜綿滑完美中和辣味，絕對係解膩又解辣嘅神器。.😋 絕對感受到呢度係好有誠意去經營嘅一間正宗印度餐廳，仲要坐得好舒服，要傾計食餐好就一定要試吓啦！.📍 上環干諾道中137-139號三台大廈1樓.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🥬 新出亞洲風味新派素菜 @ 🌟 功德林上海素食 🌟.💁‍♀️ 圖片展示美食：蜜汁紫菜火腿卷 HKD 118雜菌素碎肉炒金不換配薄餅 HKD 138咕嚕肉 HKD 128茄子南瓜排骨煲 HKD 108.🍃 朋友仔介紹呢間最近出咗新派亞洲風味嘅素食，加上餐廳位置好方便，透光度十足有靚景，一於試下。.🍯 呢個「蜜汁紫菜火腿卷」外層有蜜糖嘅光澤，素火腿同紫菜層層相間，煎到微焦嘅表面沾滿琥珀色蜜汁，咬落去先嘗到紫菜嘅鹹，再滲出素火腿嘅豆香，最後係蜜糖嘅回甘，層次好豐富！.🍄 好有創意嘅「雜菌素碎肉炒金不換」，鑊氣十足嘅雜菌同素肉碎沾滿金不換獨特香氣，用薄餅捲住餡料一啖咬落，辣中帶甜嘅醬汁同爽脆蔬菜，素食都可以咁惹味！.🍍 睇住呢碟閃住光澤嘅「咕嚕肉」已經流口水！外層炸到脆卜卜，掛滿酸甜適中嘅咕嚕汁，搭配新鮮菠蘿同青椒，每啖都以假亂真。.🎃 掀開砂鍋蓋嗰一刻，「茄子南瓜排骨煲」嘅熱氣撲面而來！南瓜煮到綿密，茄子吸盡素排骨嘅豆製品鮮味，濃稠醬汁撈飯真係無得頂，秋日暖胃首選。.🌍 睇餐牌有好多不同選擇，同埋食落唔覺得油膩，坐得舒服，難怪咁好生意啦。.📍 尖沙咀北京道1號北京道一號7樓.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🐟 好抵食嘅炸魚薯條午市套餐 @ 🌟 Fish & Chick 🌟.💁‍♀️ 圖片展示美食：午市套餐：秘製炸蟹肉球配沙律自家製蘑菇湯 + HKD 12傳統英式炸魚配薯條 HKD 128白酒汁煮鮮蜆意粉 HKD 128雜果賓治 + HKD 20海鹽檸檬梳打熱情果檸檬特飲 + HKD 20.👀 之前一路幫襯位於堅尼地城嘅總店，每次想食炸魚薯條一定諗起佢，價錢抵又好味。上環店開咗之後多咗一個選擇，太好啦！黎得呢度就當然要食佢最出名嘅炸魚薯條啦！午市時段仲有套餐，特別抵食！會包括頭盤、主菜、嘢飲。.🦀 頭盤個「秘製炸蟹肉球」一咬開就見到絲絲蟹肉！外層脆卜卜，旁邊嘅沙律菜拌咗柚子汁好清新，完美平衡炸物嘅油膩感。.🍄 佢個「自家製蘑菇湯」好足料，充滿打碎嘅菇茸帶來綿密口感，飲到淡淡松露油同蘑菇香氣，好暖胃又好味。.🐟 主菜梗係要食「傳統英式炸魚」，有好多種唔同嘅魚類選擇。見到佢新加入咗「香港花尾大龍躉」，即刻試下！魚塊炸漿薄脆，魚肉雪白嫩滑，調味洽宜，配粗切薯條同他他醬，大滿足！.🍝 另一款係店員推介，用上新鮮沙白嘅「白酒汁煮鮮蜆意粉」，果然香氣撲鼻！每隻蜆都大大隻肥嘟嘟冇沙，白酒牛油汁掛滿每條意粉，撒上歐芹碎同辣椒片，簡單卻食到舔舔脷好惹味。.🌟 午餐嘅定價性價比高，足料好味，坐得舒服，難怪咁多年屹立不倒，而家開多咗間分店更加就腳，有機會記得試吓。.📍 上環禧利街27號地下F號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🥘 有得睇京劇主打涮羊肉嘅專門店 @ 🌟 新京熹老北京涮肉火鍋 🌟.💁‍♀️ 圖片展示美食為：傳統塞北口蘑清湯鍋 HKD 39有料麻辣鍋 HKD 49錫盟草飼180天羔羊肉 HKD 199鮮切錫盟草飼羊梅花肉 HKD 199經典大片脆毛肚 HKD 169蟹肉北海鮮蝦滑 HKD 139原產地蔬菌豆全類 HKD 129老北京糖油餅 HKD 39桂花山藥酪 HKD 29.👽 最鍾意約朋友打邊爐吹水聚會，呢間係北京嚟嘅米芝蓮星級涮肉店，沿用清朝御用暖鍋，湯底好正宗，主打涮肉鍋，噱頭仲有得睇京劇表演，充滿老北京風味，兼且地理位置超方便。.🍄 一人一個單人鍋，我揀咗「有料麻辣鍋」滾起時花椒香氣四散，鴨血同豆腐吸盡麻辣精華。朋友嗰邊係「傳統塞北口蘑清湯鍋」，湯底清澈菇香十足，仲有粒粒口蘑增加口感，完美照顧晒兩種口味！.🐑 推介「錫盟草飼180天羔羊肉」，有足足300g，紋理靚，肉質嫩滑無膻味，蘸少少醬料更帶出草原羊肉嘅鮮味。.🥩 另一款師傅即場薄切嘅係「鮮切錫盟草飼羊梅花肉」，儀式感滿滿，肥瘦相間入口即化，羊脂香氣喺口腔迴盪，清湯涮最能品嘗原汁原味。.🦀 好驚喜嘅「蟹肉北海鮮蝦滑」，大概100g貴精不貴多。手打蝦膠混入絲絲蟹肉，煮熟後好彈牙，鮮味爆棚。.🦪 上檯好大兜嘅「經典大片脆毛肚」，比我手掌仲要大！大概涮15秒爽脆程度無得頂，索盡麻辣湯汁後蘸蒜泥油碟，口感一流。.🥬 靚湯底配「原產地蔬菌豆全類」，擺盤靚靚，充滿新鮮蔬菜拼蘑菇豆腐，吸收晒肉汁精華後清甜解膩，打邊爐都可以均衡飲食！.🍯 明星產品「老北京糖油餅」即叫即炸，大大個。外層糖衣脆卜卜，麵團蓬鬆帶咬勁，甜度剛好唔膩口，食完火鍋當主食或者甜品超滿足。.🌟 呢度位置真係超方便，湯底正宗，最特別係晚市會有兩場京劇表演，非常適合約埋朋友仔黎吹水聚餐打卡。.📍 中環士丹利街13-17號掁邦大廈地舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.😋 夜晚想食點心好去處 @ 🌟 飲茶 🌟.💁‍♀️ 圖片展示美食為：酸薑皮蛋 HKD 49睇住流奶 HKD 49XO醬翡翠蝦球 HKD 168砂鍋蝦乾福建花菜 HKD 128欖菜肉鬆炒飯 HKD 138.👽 夜晚想食點心，但又唔想淨係食點心，呢度就係最好選擇啦。晚市時段除左幾款特色點心，仲可以一次過食勻多款小食、湯、小炒、主食，一次過滿足好多願望。.🫚 好經典嘅「酸薑皮蛋」，皮蛋一睇就係用料靚晶瑩剔透，酸薑清脆解咗溏心嘅膩，蘸少少辣油更帶出層次，開胃前菜首選。.🐣 得意到唔捨得食嘅「睇住流奶」眨住大眼睛上枱！一搣開有澎湃奶黃漿湧出，鹹甜交織如流沙，卡通造型吸睛度爆燈，相機必定要食先，每一次黎必點！.🦐 點心意外整幾款靚小炒食吓，最鍾意「XO醬翡翠蝦球」，好多隻大蝦足料，鑊氣香撲鼻而來！大隻蝦球爽彈到彈牙，自製XO醬乾蔥瑤柱香氣滿滿，淮山爽脆索盡精華，鮮辣惹味送飯無得頂，夠鑊氣。.🥦 熱辣辣鐵鍋上枱滋滋作響嘅「蝦乾福建花菜」，蝦乾鹹香逼入爽脆花菜，肉片增添邪惡香氣，簡單食材卻煮出濃郁香味。.🔥 在飯桶唔可能唔叫「欖菜肉鬆炒飯」，欖菜獨特鹹香融入飯粒，肉鬆增添酥脆口感，炒到乾身不油膩，粒粒分明！.😋 人少晚餐食中菜好難叫多幾款餸，但呢度就可以叫點心又叫小菜，坐得好舒服，難怪見佢好多海外遊客都慕名幫襯，值得試吓。.⠀📍 中環德輔道中173號南豐大廈2樓1-2號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🍍 菠蘿包 X 雞蛋仔 @ 🌟 CHICKEN EGG BOY 🌟.💁‍♀️ 圖片展示美食為：Q版菠蘿包口味雞蛋仔 HKD 59餐蛋治雞蛋仔 HKD 39凍石斛烏龍花茶 + HKD 16凍蜂蜜百香果 + HKD 16.👽 好多人都介紹呢一間將雞蛋仔做到出神入化嘅專門店，比佢超級勁嘅人氣吸引黎打卡！😆.🍍 最多人介紹就係呢個「Q版菠蘿包口味雞蛋仔」，見到實物上檯真係忍唔住尖叫！外型珍惜超級可愛，每一粒雞蛋仔上面都有一個迷你菠蘿包咁。甜甜哋嘅菠蘿包脆脆做得好好，既有脆卜卜，又有軟綿綿嘅心。店員話係用自家研發嘅雙重酥脆工法整，所以比普通雞蛋仔脆爆三倍！絕對係創意同經典味道嘅完美結合，必食！.🧇 咸食控必試「餐蛋治雞蛋仔」！將經典茶記風味注入雞蛋仔中，搣開雞蛋仔見到個心真係有煎午餐肉同蛋，食落鹹香帶微甜，佢仲有得揀三四種自選配料混合，玩味十足又好味！.🌼 買雞蛋仔可以優惠價配嘢飲，升級配咗杯「凍石斛烏龍花茶」，還特別用上石斛去襯托烏龍茶韻，剛好平衡食太多嘅膩感。.🍯 另一杯超足料嘅「凍蜂蜜百香果」瞬間喚醒味蕾！百香果籽咬落卜卜脆，蜂蜜甜香自然唔假，冰涼酸甜感絕對透心涼！.🥳 食雞蛋仔好少地方有得堂食，呢度最正就係坐得好舒服，仲有好多好可愛嘅裝設，約埋朋友仔一齊嚟呢度食嘢吹水就最啱！.⠀📍 上環永樂街148號南和行大廈地下02號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🍣 高質刺身丼飯專門店 @ 🌟 海言どんぶり専門店 🌟.💁‍♀️ 圖片展示美食為：廚師發辦江戶前手握寿司拼盤 HKD 680碎蔥吞拿魚腩魚生飯 HKD 220.👽 坊間好少餐廳主打食高質刺身丼飯，想食時令新鮮嘅靚刺身丼呢度絕對係好選擇，有好多款由廚師發辦嘅丼飯同壽司選擇，全部用上當日最新鮮嘅食材，如果以呢個份量同質素黎講就真係物有所值啦。.🍣 今次有幸得店員介紹，食到呢個隱藏餐單，全部由師傅即席握製嘅「廚師發辦江戶前寿司拼盤」，由淡至濃品嘗：赤身血合香氣深邃、中拖羅、霜降油花入口融化、鯖魚醋漬平衡鮮味、比目魚緣側炙燒出焦香、炙燒鰹魚煙燻氣奔放、海鱺爽脆清甜、鯛魚淡雅如春風、松葉蟹一絲絲超鮮甜，秋刀魚銀身光澤香濃、鰤魚脂肪豐潤、深海池魚同鰆魚濃郁收尾。十二貫壽司款款用料都非常之上乘，每件嘅刀工處理簡直係藝術品！.🌸 另外就當然要食呢度主打嘅丼飯，鋪到滿瀉嘅「碎蔥吞拿魚腩魚生飯」份量絕對震撼到！粉嫩色嘅吞拿魚腩碎混入清香蔥花，油脂甘香完全滲透每粒醋飯，夾埋醃菜同芥末一齊撈住食，入口即化嘅口感絕對大滿足。.😌 丼飯或者壽司嘅OMAKASE專門店，呢間絕對夠特別，繁忙時間好好生意，如果可以坐到BAR檯望住師傅處理食材就好啦，人多的話記得要訂位呀！.📍中環威靈頓街55號地庫.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🔥 堅抵食好味豐富二人餐 @ 🌟 padpad THAI 🌟.💁‍♀️ 圖片展示美食為：晚市二人套餐 HKD 398.😍 呢度晚市有個二人餐真係好抵食，有齊湯、前菜、主菜、蔬菜、甜品、仲要包埋嘢飲，都只係四舊水！仲要份量十足，可以自己選擇嘅選項都好吸引！.🌶️ 先上檯嘅「泰濃湯」，一上枱就聞到香茅同檸葉香！「海鮮冬陰功湯」料多大兜，大蝦彈牙、魷魚爽脆、青口肥美，酸辣度平衡得啱啱好，飲完成個人暖笠笠好開胃！.🫔 前菜雙拼「炸春卷」同「泰式魚餅」，前者脆到嗦嗦聲，餡料熱辣辣，後者彈牙又香茅味十足，點埋酸甜醬更加好味。.🐔 主食個「泰式去骨三黃海南雞」係半隻唔係例牌，雞肉滑溜，冇雪藏味，薑蔥油香而不膩，配埋牛油味超香嘅烤餅，簡直係絕配！.🦀 「原隻軟殼蟹燒菠蘿海鮮炒飯」視覺效果滿分！原隻脆炸軟殼蟹鋪面，炒飯用燒菠蘿粒同海鮮炒得乾身，菠蘿大份連皮上，香甜平衡油膩，份量絕對夠食！.🥬 可以有三種味道選擇，我地揀左「馬拉盞炒芥蘭苗」，鑊氣十足！嫩綠芥蘭苗爽脆無渣，馬拉盞鹹香帶微辣，完美平衡其他肉食感。.🥭 甜品「泰芒豆花甘露」嘅芒果好香甜無酸，仲配上柚子肉，配滑溜豆花，西米同椰汁增添口感，凍食清新解膩！.🍌 外表平凡但內在滿分嘅「香蕉煎餅」，煎餅厚身帶焦香，香蕉餡熱辣軟糯，配埋大球雲呢拿雪糕冰火交融，邪惡到值得破戒！.☕ 個套餐仲跟兩杯嘢飲，飲品方面冇揸流攤，「泰式咖啡」濃郁帶香料香，有一陣淡淡嘅炭烤味；「泰式奶茶」茶香同煉奶甜度平衡，完美配合全餐。.😋 呢個套餐可以令妳一次過享受多款食物，嘢食多元化，性價比超高，仲要坐得超舒服，冇時間限制，絕對值得一試。.⠀📍 太古太裕路7號建安閣地下G515號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

😋 新出鐵塔套餐打卡一流@ 🌟 Odelice! 🌟.💁‍♀️ 圖中展示美食為：鐵塔海陸雙人套餐 HKD 998Pistachio Royale HKD 75Melon Silk HKD 75.👽 今次食咗新出嘅「鐵塔海陸雙人套餐」，一個價錢有起頭盤、牛扒、青口、甜品！好豐富，尤其鐵塔打卡一流！.🗼 頭盤係成個鐵塔咁上檯，個名叫「巴黎前奏」好貼切。頂層係多款西班牙風乾火腿，鹹香柔軟。下一層有炸白汁三文魚球外脆內流心、迷你蛋批、同吞拿魚撻，精緻得嚟又好味，未食主菜已經半飽。.🐮 主菜「澳洲牛胸腹扒」肉味濃到癲，厚身大份。燒到完美粉紅色，巴黎牛油汁香滑濃郁，配埋脆脆燒薯粒同新鮮火箭菜好豐富。.🐚 另外有一大兜「法式煮青口」，用成個鐵鍋上檯。白酒牛油香草汁煮青口，仲配上薯條，邪惡到停唔到口。.🔥 甜品係「火焰橙酒可麗餅」，店員即場點火超吸睛！橙酒香氣撲鼻，可麗餅吸滿橙香焦糖汁，配雲呢拿雪糕冰火交融，視覺味覺雙重享受！.🍹 飲品好多選擇，「Pistachio Royale」開心果醬濃郁唔假甜，脆片增加口感，植物奶底清爽唔膩，堅果控一定會愛上。「Melon Silk」呢個組合好驚喜！哈密瓜同豆腐打成果泥，白朱古力糖漿帶出甜香，椰子水清新平衡，飲落似融化緊嘅蜜瓜奶凍，好適合夏天！.😋 真係好鍾意呢間法式小餐館，坐得好舒服，嘢食多選擇，服務又好，絕對值得試吓。.📍 荃灣大河道100號海之戀商場1樓1002號舖.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

🔥 嘆住無敵靚景食高質鐵板燒 @ 🌟 鳥海山鐵板燒 🌟.💁‍♀️ 圖片展示美食為：鳥海山鐵板餐 HKD 1198.😬 唔係週末都會全場爆滿，準時六點到點知有人比我更早到等佢開門。食完就知點解咁好生意啦。.🐟 頭盤已經係「是日精選刺身」，有齊深海池魚、油甘魚、真鯛、帆立貝，件件肥美閃令令，超級新鮮，油脂甘香，再有香醋沙律清一清味蕾。.🦞 主角「活龍蝦」用上澳龍，高質之餘份量又十足。霸氣上枱，龍蝦肉爽彈到爆，用龍蝦膏煎香無得輸，食到舔舔脷！.🦪 跟住係「活鮑魚」登場！鮑魚大大隻，煮到啱啱好，彈牙唔韌，鹹鮮帶香氣，吸晒啲精華。.🔥 超級香噴噴嘅「鵝肝多士」邪惡度爆燈！鵝肝外脆內融，油香攻陷味蕾，配埋酸酸哋嘅黑醋，同脆多士，幸福感十足！.🥩 油香滿滿嘅「牛肉薄燒」，煎到五成熟入口即溶，配埋炸香蔥同蒜片食，層次感豐富到爆！.🍚 尾聲係經典嘅「炒飯」同「野菜」，鑊氣十足！每粒飯都包住蛋香，粒粒脆口，非常滿足。.😋 呢個套餐人均七百有找已經可以食到咁多高質食材，絕對物超所值，生意好好記得訂位呀！.📍 深水埗青山道19號華盛大廈地下B號舖.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🍜 當鮮味海膽遇上濃郁沾麵 @ 🌟 麺屋こころ 🌟.⠀💁‍♀️ 圖片展示美食為：海膽沾麵 HKD 168正宗全料東京老麵 HKD 1093.7抹茶雪糕抹茶拿鐵 HKD 523.7海鹽雪糕焙茶拿鐵 HKD 54.👽 第一次食過呢一間日本過江龍嘅撈麵之後，幾乎每一次一諗起想食麵就會返嚟。佢嘅麵身用多穀物麵粉自家製蕎麥麵，所以特別彈牙！.🔥 收到料佢最新出品左「海膽沾麵」，係期間季節限定，梗係要試下啦！一上枱已經覺得好興奮，金黃色嘅海膽、濃厚湯汁鮮甜到令人興奮，冷麵夾起蘸滿湯汁，每一啖都係海膽嘅暴擊。追加海膽更加係奢華到犯規！大大啖啜入口，超級豐富嘅口感！.🍜 成個配料陣容誇張到睇到眼都花！「正宗全料東京老麵」擺滿豬腩肉、辣肉碎、溏心蛋同十幾種配料，將生蛋黃撈勻濃湯，掛喺粗麵上食，鹹香濃郁仲有脆粟米增加口感，滿足感爆燈！.🍵 必嗌「抹茶雪糕抹茶拿鐵」！頂層成一大球雪糕，濃郁抹茶甘香唔死甜，北海道3.7牛乳口感正到癫！「海鹽雪糕焙茶拿鐵」嘅焙茶香氣撲鼻而來，海鹽雪糕鹹甜交織，焙茶茶底烘焙香濃厚，飲前撈勻雪糕，凍飲都有層次感，驚喜！.😇 呢度嘅撈麵味道好濃郁，非常鮮味！但食完幾個鐘之後，都完全唔會口渴，證明真材實料！趁季節限定有機會記得嚟試吓！.📍 沙田沙田正街18-19號新城市廣場一期7樓704號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🔥 地道好味嘅港式小炒 @ 🌟 名誠小廚 🌟.💁‍♀️ 圖片展示美食為：荷葉蒸雞 HKD 150蜜椒薯仔牛柳粒 HKD 80魚香茄子煲 HKD 68.👽 喺高鐵站附近有一間好地道嘅小菜館，有好多街坊幫襯，餐牌亦都好多港式小炒選擇。.🐔 今晚試咗時令嘅「荷葉蒸雞」，上枱一大盤用荷葉包住，打開之後發現份量足夠兩個人食。雞件蒸得恰到好處保持嫩滑，吸盡精華。簡單用薑蔥調味帶出鮮味，荷葉雞清香唔油膩，比想像中好味。.🐮 再嚟多個經典小炒「蜜椒薯仔牛柳粒」，牛肉軟嫩，表面煎出焦香鑊氣，火候控制佳，薯仔外脆內粉，蜜糖同黑椒比例啱啱好，加埋彩椒洋蔥增加爽脆感。.🍆 唔少得「魚香茄子煲」，一煲上枱熱辣辣。茄子煮到軟綿，肉碎增加口感，微辣醬汁撈飯一流。.🍚 晚市叫小菜仲會送白飯同嘢飲，嘢飲仲要沖得幾好味，更加抵食。.⭐️ 呢間小菜館繁忙時間幾乎坐滿晒好多街坊幫襯，有機會可以嚟試下。.⠀📍 佐敦文蔚街25-32號文耀樓地下29號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🐔 養肌做GYM至愛好味水門雞 @ 🌟 水門雞飯 🌟.💁‍♀️ 圖片展示美食為：水門半隻雞 HKD 108配雞骨湯晚市優惠追加：- 泰式無骨豬手 HKD 30- 泰式燒腩仔 HKD 30和牛串燒 HKD 20鳳尾蝦炒泰式金邊粉 HKD 75.👽 想食唔熱氣又好味兼無骨嘅雞，第一時間就會諗起呢度嘅「水門雞」，真係性價比高到爆。.🐔 必嗌「水門半隻雞」，雞皮薄、少肥膏、肉質嫩。配合鮮味雞骨湯，做完運動最友好嘅健康增肌選擇。.🐷 可以優惠價追加「泰式無骨豬手」真係超級抵，豬手超級淋，連皮浸汁食真係好好味，點埋酸辣醬汁，超級惹味！.🍖 仲有「泰式燒腩仔」，炸到好脆皮，爆油花，蘸青檸汁吊起味道更正！.🔥 估唔到主打食雞連「和牛串燒」都好味，厚切好咬口，燒香逼到出晒油，咬落去肉芯JUICY。.🍤 無可能唔食「鳳尾蝦炒泰式金邊粉」，鑊氣十足。金邊粉索晒羅望子醬酸甜帶微辣，瘋狂撈埋花生碎，口感一流。.😋 份量好足，又好味，坐得舒服，性性價比堅高，絕對值得支持。.📍 尖沙咀金馬倫道18號萬勤商業大廈地舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.😋 搬咗舖都仍然好味 @ 🌟 阿木台灣麵 🌟.💁‍♀️ 圖片展示美食為：紅燒牛肉牛筋麵 HKD 80芝士肉鬆蛋餅 HKD 55滷牛腱 HKD 62黑糖珍珠鮮奶 HKD 35芝士岩鹽奶蓋炭燒烏龍茶 HKD 45.👽 一想食地道好味嘅台灣麵，就會好自然諗起呢間，估唔到佢搬咗舖，嘢飲仲要選擇多咗同好味過之前。.🍜 「紅燒牛肉牛筋麵」絕對係至愛，牛肉同牛筋燉得好入味，湯底濃郁，湯頭濃到似啡色絲綢，酸菜脆卜卜，好味。.🫔 每次必食嘅一定係「芝士肉鬆蛋餅」！蛋皮包住澎湃肉鬆好軟熟，裡面塞滿芝士同肉鬆，熱辣辣嘅蛋餅同芝士結合，邪惡！.🥩 再加多一份「滷牛腱」，滷汁香濃滲透入每一個部份，單食定係配埋其他一齊食都正。.🧋 嘢飲多咗好多選擇，「黑糖珍珠鮮奶」啲珍珠咬落糯中帶Q，黑糖焦香撞冰凍奶香。「芝士岩鹽奶蓋炭燒烏龍」可以額外加仙草，鹹甜奶蓋配炭燒茶底湧出燻香，仙草滑溜，好爽皮。.😝 本身行到舖頭門口見到佢閂咗，嚇一嚇，好彩原來只係搬咗去隔籬舖，空間仲要大過之前，正。.📍 旺角豉油街104號A-B號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多