alexbabby37的個人專頁

早排返去葵涌嗰陣就睇到間火鍋店新開，見近排天寒地凍就入去同班friend霎吓霎吓，出番黎真係食到我地慶．．．我地叫咗鴛鴦鍋底，有辣有唔辣，先講講個湯底，真係落足差料，Ｄ味道係咸到苦，湯底好似雞精味，仲有嗰兩碟辣椒豉油又係咁咸，搞到要比多$20買渣酸梅湯先頂得住Ｄ咸味。仲有黎黎去去都係嗰幾樣火鍋配料，冇乜新意，同埋就係火鍋Ｄ料唔新鮮，搞到我地這餐都唔知係咩邊爐。總括黎講呢間野Ｄ料得個咸字，冇乜料到，咁就比咗$428，落樓真係慶過辣雞。…查看更多

難得放假，就約了三五知己來到這間店吃晚飯，叫了幾碟呢間舖頭的撚手小菜。一去到就見到所有位坐爆晒，好彩頭輪啱啱轉咗，冇幾耐就有一張空枱，老板非常熱情，極力推介我地食羊腩煲同埋炸蠔餅，另外我地仲叫咗口水雞、炒花甲、金銀蛋菠菜同菠蘿咕嚕肉。先講老板所推介的羊腩煲跟生菜，一上來就感受到腩煲的肉香，而食落口感嫩滑，羊肉冇羶味，老板果然沒有介紹錯。跟住就係炸蠔餅，炸粉的粉漿唔太厚，所以食落唔覺漿口，非常鬆脆，而又不失蠔的鮮味，一流！再來一碟生炒骨，酸酸甜甜，最令我印象深刻嘅係啲菠蘿，食落去好爽口，菠蘿味重，炒菠蘿食落竟然可以同新鮮菠蘿一樣味道。廚師功力可見一斑。炒花甲：味道稍為咸，但加上辣椒同豆椒去炒，帶出蜆肉的味道。口水雞：配料充足，有齊各種四川菜有的香料，但隻雞食落去啲肉較為霉口，不過不失。最後碟菜都ok，沒有多大驚喜。整體來說，該舖頭的菜式質素都有一定水準，廚師廚功亦一流，埋單計數每位大約一百元，實為一個高水準的食肆。…查看更多

今晚早放工，諗住早Ｄ返歸食住家飯，點知呀父母想出街食，就近近地去咗呢度。我地三個人叫咗三碟餸，咕嚕肉，蒜蓉炒菜心同爐邊魚，另加三個飯，賣相都幾好，Ｄ咕嚕肉食落都脆皮香口，碟炒菜心都炒得唔錯，爽口冇渣，都好新鮮，碟魚攞出黎都夠熱，不過Ｄ骨就多咗Ｄ，估唔到附近都有咁嘅質素，都有驚喜。…查看更多