bowieyan9812的個人專頁

近排好想去泰國，但一直冇時間出國，唯有就係食返泰國菜感受下，今次嚟試下旺角呢間 艾卡邁 Ekkamai，整體體驗相當滿意，無論環境、出品定服務都值得推薦！ 室內裝潢走曼谷街頭風格，鐵皮牆加上懷舊泰文招牌，好有去咗泰國旅行既怠覺，入到去已經聞到濃濃泰式香料味道，令人食慾大開。 而店員都係正宗泰國人，一路食會聽到佢地用泰文溝通，超有feel~🥢 推介菜式：*1️⃣ Pad Thai Crispy Pork 脆豬肉泰式金邊粉 - $98* 炒粉乾身不油膩，酸甜比重拿捏得唔錯 (我覺得甜好似多過酸少少，但好食！)，炒得鑊氣十足。豬腩肉脆卜卜又香口，搭配青檸汁，味道層次豐富，一口接一口停唔到！ *2️⃣ Chicken Satay, 3pcs 泰式雞肉串 3串- $68* 雞肉嫩滑入味，沙嗲醬花生香濃郁，鹹甜平衡好自然。燒烤火候掌握得準，外層微焦香脆，內裡仍然多汁，好食！ *3️⃣ Fried Soft Shell Crab with Yellow Curry 咖喱軟殼蟹+印度薄餅 - $168 (+$48)呢道菜真係全晚嘅亮點！咖喱椰香濃郁、辣度適中，軟殼蟹炸得唔油，薄餅烘得香滑鬆脆，沾咖喱一齊食非常過癮！💛 *4️⃣ 芒果糯米飯 - $68* 飯香夠軟糯有椰香，本身怕臨近冬天芒果會酸，但點知芒果甜度十足，加上椰漿一齊入口，完美收尾。夏天食清爽滿分～ *5️⃣ 芒果冰沙 - $48* 飲品清新香甜，用真果打磨，口感滑順，解辣一流！ 覺得最可惜既係食唔到佢地招牌既火山排骨！因為店家話一般要八點後先有，所以我地六點去就冇得食啦！希望下次去可以食到！🪑 環境與服務：餐廳環境乾淨企理，氣氛熱鬧又輕鬆。店員態度親切，上菜速度快。星期日最好就唔好太晏黎，因為七點之後都滿座了！ -💰 總消費：共 $498 / 2 人，食量充足又精緻，價錢算合理。 特別推介畀鍾意濃味香辣又想感受地道泰風味嘅朋友。 ---📌 *總結：* 艾卡邁 Ekkamai 出品穩定、味道地道，環境又有氣氛。推介 *泰式炒粉 + 咖喱軟殼蟹 + 芒果糯米飯* 三件套，泰味十足，令人好想再訪！…查看更多

昨晚同朋友去「大滾友」打邊爐，真係滿足到爆燈 😍！店內裝潢古色古香、有啲中式風味，坐得舒服闊落，最重要係食材新鮮、火鍋湯底一流！ 🍲 湯底推介花膠雞湯鍋湯底一上枱就香到不得了～濃濃雞湯香融合花膠膠質，越煮越稠，每啖都充滿骨膠原感，飲落超滑身！雞件嫩滑唔柴，湯煮耐都唔會太油，好高質 👍🏻。🥩 精選拼盤大滾友牛肉拼盤（細盤 $328）擺盤靚到唔相機食先都對唔住自己😍。每款牛肉有唔同油花分佈：每塊都切得厚薄適中，新鮮無雪味。涮十秒入口嫩滑多汁，啖啖肉香，好高質！ 🥟 手工墨魚丸& 餃子拼盤手打鵝肝墨汁墨魚丸（$72）黐線㗎，呢個真係勁有驚喜，佢有鵝肝喺入面！彈牙得嚟食得出真材實料，一咬就爆汁，配埋濃雞湯底真係絕配。 餃子拼盤（八粒 $138）入面有牛肉餃、蟹黃餃、黑松露蟹肉餃、韭菜豬肉餃各兩粒。每粒餃皮夠薄、餡料飽滿。特別鍾意黑松露蟹肉餃，好香好滑，湯底一吸更香濃。 🧄 小食／菜品即炸黃金響鈴（$78）呢個係唔需要放落湯度煮，直接就食得，啱晒我依啲冇耐性嘅人，佢嘅鹹蛋味超濃郁，一咬落去勁鬆脆，好好食，但係我只係食到一嚿，因為佢嘅鹹蛋太濃食得有啲漏😝娃娃菜（$42）超新鮮，燙幾秒都唔會黃。 金菇菜（$38）清甜爽脆，平衡晒整體味覺。 極品棉花魚肚（$98） 肉質細嫩，煮後依然保持彈性，好驚喜！呢幾樣嘢建議可以早啲放落個煲度，用嚟熬湯增加香濃一流！💬 整體感受 整體體驗好正！員工態度好、有禮貌，火候、上菜速度都好穩。食材新鮮、牛肉水準高、湯底濃郁但唔會膩，淨係個湯我已經飲咗四五碗，氣氛又唔嘈。價錢算中上，但食材質素對得住價錢～ —✨ 總評：湯底濃郁、食材新鮮、環境舒適、服務貼心，是次打邊爐用餐體驗滿意度極高！ **評分：⭐⭐⭐⭐⭐（滿星推薦！）** —📍推介總結：💡 必試花膠雞湯鍋＋牛肉拼盤＋手打丸類 🔥 湯底濃郁入味，涮乜都正！ 😋 適合約朋友慶祝／冬天聚餐首選 ❤️…查看更多

呢間《SATAY LAB》真係有啲「深藏不露」！細細間舖，只有一位員工（睇落應該係老闆），一個人負責所有出品。平日晚餐繁忙時段真係要等上一陣，我嗰日都等咗約半個鐘，不過見到店主咁落力又專注，心裡只想：「呢碗麵一定值得等！」 🍜 主食推介🍤海鮮喇沙（$78）湯底濃郁，椰香味同香料層次感好足！麵條吸滿湯汁，蝦新鮮爽口而且係完全剝晒殼，炸豆卜都吸晒湯精華。即使外賣拎走返到屋企都仲保持暖笠笠，好有誠意！ 🐓沙嗲雞扒喇沙（$68）雞扒肉質多汁。香氣比海鮮版更「沙嗲味濃」少少，啱晒鍾意重口味嘅人。 🥘 特色小食巴東咖喱牛肉配薄餅（$58）咖喱香氣濃烈，牛肉軟腍入味，薄餅熱辣酥香，兩樣夾埋一齊食非常正宗，有返啲馬來風味嘅感覺。 串燒拼盤（每串$13–$19）雞串、豬頸肉串、牛舌串都值得試。即燒即上，雖然沙嗲汁唔太濃，但係佢嘅孜然味非常香，香氣一流，肉質唔乾柴。尤其雞皮串，燒到脆卜卜油香四溢，好邪惡但好滿足。 ---💬 整體感受《SATAY LAB》無論味道定出品誠意，都遠超一般街坊外賣舖。店主態度超好，雖然一個人忙得透不過氣，但每樣嘢都做足工夫，睇得出係真心想做好每一份餐。 食物份量足、包裝乾淨、味道水準一致。唯一缺點係要等耐，但等待絕對值得；反而令我更欣賞佢嘅認真。 ✨ 總評：地道風味濃郁、味道有層次、香料調味一流、老闆態度親切。 …查看更多

早兩日同朋友去咗屯門置樂秋香，主打創意煲仔飯同下酒小食，環境有啲懷舊港式 Bar 嘅感覺，氣氛幾熱鬧，成個餐廳都充滿香氣。 今次叫咗三樣嘢食： 👉 **鹽燒白鱔煲仔飯** 白鱔煎得香口，魚皮微焦、魚肉厚滑，完全無腥味。配上生蛋黃撈飯，滑到夾唔停手，飯底燶邊又做得香脆，真係幾正！味道偏鹹啲，不過整體好滿意。 👉 **XO醬辣椒大蝦魷魚煲仔飯** 香氣一上枱已經好吸引，XO醬味濃郁，微辣而不嗆。蝦大隻新鮮，魷魚爽口彈牙。飯粒吸晒醬汁精華，幾好食，不過略油啲，如果減少少油會更完美。 👉 **椒鹽雞軟骨** 炸得香脆可口，食落唔會鞋牙，椒鹽味重好惹味，係嗰種一邊吹水一邊食會停唔到口嘅小食。不過份量唔算多，2個人分好快就清晒。 **整體感受：** 地方唔算大，但裝修幾有格調，復古掛燈配啤酒 Bar 氛圍，好啱朋友聚會。服務態度不錯，不過人多時出餐稍慢。煲仔飯火喉控制好，飯香、焦香都有，味道層次豐富，有驚喜。 整體嚟講，《秋香》嘅煲仔飯有水準又有創意，值得一試，特別推介白鱔嗰個！🔥…查看更多

昨晚同老公來了 炑八韓烤親子餐廳，名副其實的童趣天堂！滿佈可愛裝飾插畫，還有專屬兒童遊樂室讓小朋友盡情玩耍。空間超寬敞舒適，枱面大到讓人一秒放鬆。豐富的前菜就已令人驚喜：爽脆泡菜、生菜沙拉、綿密薯蓉 （溫馨提示　：薯蓉有三色豆，厭其者請略過 ～），服務員親切細心，逐一講解烤法，感覺像被專業引路。總結：CP值爆燈，適合情侶或家庭約會！ 💕我們單點了以下食物：1. 王者牛肋骨 $298 桌上的絕對焦點！巨型肋骨已預熟，輕烤片刻即成。肉質柔嫩無絲韌感，香氣撲鼻，咬下瞬間汁水四溢，令人回味無窮。2. 熟成黃油雞腿 $125 因為餐廳牛味稍濃，雞肉本味略隱，但若鍾情脆皮，這絕對是必試！烤至金黃，表皮香脆欲裂，入口酥爽，彌補一切小缺憾。3. 荔枝牛肉串串 $72 創新之作，牛肉裹住整顆荔枝，鹹香中爆發鮮甜汁液。新奇體驗，令人眼前一亮，絕對是桌上的趣味驚喜！4. 壽喜燒牛胸腹 $88 附迷你壽喜燒汁鍋置於烤架，汁滾即落牛。醬汁略濃甜，幸有蛋黃調和，牛肉浸潤其中，口感完美契合，層次豐富。5. 燒肉兒童餐「乘搭燒肉香氣校巴」 $172 親子專屬，造型如可愛校巴！內含燒肉飯與兒童燒肉盤，擺盤精緻討喜。大人小孩皆宜，燒肉飯米香撲鼻，份量足夠滿足。6. 生日牛肉蛋糕（生日月預約免費） 菜單隱藏彩蛋！提前預約，即享這視覺盛宴：肥牛層疊如蛋糕，豬肉點綴點睛。特別又浪漫，生日派對首選！飲品點綴： 荔枝梳打 $38 清新微氣，果香撲鼻，不甜膩。 手打鮮橙茶 $48 橙香新鮮，茶韻平衡，解膩神器。…查看更多

依間係九龍城一間新bar，裝修好型格，有啲韓國既感覺。同朋友傾計飲下野會好有feel☺️💕我覺得依間bar雖然食物都唔錯，但佢主要特點係佢裝修比人一種清靜感覺，可以比食客舒舒服服傾下計，店員好有禮貌咁講解食物，好滿意是次服務❤️❤️🍽鮮茄牛肉長通粉 HKD 118酸酸甜甜好開胃，蕃茄好濃郁而牛肉都好有肉汁，味道真係唔錯，係傾計時既好選擇🍽水牛城雞鎚 HKD 88外皮炸得脆卜卜，入面既肉好嫩滑，一隻一隻咁好快就食曬…查看更多

🍽田園沙津 HKD128好豐富既沙律。蜜糖配上牛油果、無花果等等食材，清甜又健康，係作為前菜一個好好既選擇⭐評分：4.5/5🍽蘋果木燒西班牙黑毛豬鞍扒 HKD 238肉扒好厚身又大件，同朋友分享食就至啱啦。佢既質感唔錯，唔會太硬都唔會太淋。特別是係碟上既木燒味，係依碟主菜既最大特色~另外伴菜薯蓉片加小小蔬菜都非常好味，沾上醬汁更加特別好食，連唔係太中意食豬既我都覺得佢真係好好食❤️❤️⭐評分：5/5🍽香煎比目魚配菠菜忌廉汁燴天使麵 HKD 148比目魚煎得皮脆肉嫩，咬落係滑身而唔會散開一粒粒。天使麵夠曬煙韌，忌廉香濃又唔會太漏，好食到飛起，依個我比滿分呀！⭐評分：5/5…查看更多

💬又係同朋友去chill下既時候啦，今次嚟左佐敦一間意大利菜餐廳，入面空間好大，同朋友傾計會坐得好舒服，今次我地直接叫左至尊二人套餐 HKD 548🥗前菜：北海道帶子沙律+是日餐湯餐包沙律不過不失，餐湯不錯☺️🍽炭燒美國安格斯肉眼牛扒叫左五成熟，上枱後覺得唔太似五成熟，可能係六成半左右？不過咬落唔算韌同都幾多肉汁，配菜薯仔好好食，好快已經比我地食曬😆⭐評分：4/5🍽露絲瑪莉香草燒羊架偏肥既半肥瘦羊架。啖啖都好軟熟好好食，我唔太食到肥膩食物但都覺得佢唔算漏，真心唔錯😆😆⭐評分：4.5/5🍹雜莓沙冰+芒果沙冰芒果沙冰似芒果糖汁。雜莓沙冰不太好味，不過不失啦⭐評分：3/5…查看更多

依度真係靚到爆炸。雖然交通唔算便利，但佢空間真係好大，影相靚到喊。重點係因為入場需要預約，有人數限制，所以影相時唔會周圍都係人。煙三文魚配奶油芝士法式可麗餅 HKD138首先賣相100分。中間隻半熟蛋一切開，蛋黃就湧曬出黎。加埋個芝士可麗餅簡直無得彈。煙三文魚都唔會好鹹 (我平時好驚出街食啲煙三文魚因為通常都好鹹)⭐評分：5/5白酒青口意大利粉 HKD 148依個意粉真係好食到呢…佢勁creamy同個白汁勁好食得黎一啲都唔漏，份量又勁多。唔止意粉多，青口都好多隻，絕對唔怕唔夠喉。⭐評分：5/5宇治抹茶紅豆沙冰 HKD 88 佢個賣相驚艷到一上枱，附近四五張枱都即刻問係邊款飲品，枱枱都叫左一杯。然後個味又真係好惦。清新既抹茶味，加埋濃郁紅豆，忍唔住飽都要成杯飲曬。⭐評分：5/5Oreo 沙冰 HKD 88個人覺得唔太似oreo，而係似朱古力沙冰。佢比較淡，但味道都唔錯。但如果比我揀，我都係推介抹茶紅豆多啲。⭐評分：4.5/5…查看更多

一間好精緻既café，佢裡面有好多玫瑰花樣式既野，打卡十分適用，同朋友敍舊chill下都好正Everything Eggs Benny HKD 138佢真係靚到爆炸，一碟有兩件多士。每件多士上面有一塊大火腿、一朵超靚既牛油果花、佈上左芝士醬既半熟蛋一切開啲蛋黃液湧曬出黎，靚到爆、仲有啲菠菜。第一眼睇真係唔捨得食。牛油果成熟度恰到超好處，溶溶地既口感但又仲有個形晌度，真係唔知點做到😆😆隔離仲有紅色蛋黃醬，配合多士一齊食簡直冇得彈。⭐評分：5/5 Lavender Latte HKD 45佢本身係微糖，唔會太甜，好適合怕肥人士飲，佢個拉花做得好靚，打卡一流，續啖飲住傾計都好正。⭐評分：4.5/5Handcrafted Gelato Rose HKD 50我揀既係白桃味，首先係白玫瑰真係靚到爆，仙氣十足，另外係味道好freeh，冇咩奶，啱曬驚肥又想食雪糕既朋友仔❤️只不過我個人比較中意重奶味既雪糕，睇黎我都係去買返雀巢好啲🤣🤣🤣⭐評分：4/5…查看更多

依間餐廳係夜晚6點準時開放，店面唔大，但裝修好有格調，每個座位都可以比食客打卡。另外好彩我地好早黎到，因為我地食到一半依度已經全院滿座咗。我地揀左一陣，最後都係揀左個最豐富同特別既美國安格斯牛 9oz vs 蝦兵蟹將 HKD 379依一大盤野入面除左有安格斯牛之外，有一隻超大隻對半切開既龍蝦，炸軟殼蟹，三隻蜜糖雞翼（全麻雞翼咁啱冇貨🥲🥲🥲）同特濃茄汁意粉。牛扒我地冇講要幾成熟，所以廚師煎左7成熟。雖然切扒既刀具唔算利，但咬落去時肉質唔會韌，而且都幾juicy。龍蝦唔算多肉，但兩邊都好多蝦膏，食得都幾滿足。軟殼蟹炸得十分香脆，咬落去果啲蟹汁香爆曬出黎，大愛呀😍😍蜜糖雞翼唔錯，但都係想食全麻雞翼多啲。茄汁意粉真係超正，超濃茄醬，味道酸甜好咬口，令成盤菜式變得十分完滿。星爆氣流斬改 Ex HKD45甜甜既波子汽水，啱曬配搭香口食物❤️❤️…查看更多

💬今日搭車返屋企果陣，一行過依間蛋糕店已經比入櫥窗入面既一件件蛋糕吸引住。每件都係非常精緻，而且一行入店我已經聞到勁大陣香芋味。唔洗講，即刻衝入去買左四個蛋糕走。😋佢地係迷你形狀既生日蛋糕，好啱兩個想食蛋糕又怕太heavy既人食。不過我今次買左4個就係同屋企人分左兩日咁食曬，作為飯後甜點真係好正哈哈。🍰大甲香芋黑糖麻糬 HKD 62中意香芋口味既人一定會勁中意依隻蛋糕。正如我上面所講，一入店已經聞到超大陣香芋味。而食落口都冇令我失望。香芋味十分濃郁，蛋糕、cream、仲有蛋糕中心既麻糬都有超香既香芋味。麻糬超煙韌，我同屋企人係咁爭住食。整體甜度唔會太高，正到暈。⭐評分：5/5 (最喜歡的口味)🍰香濃開心果 HKD 65買依個蛋糕原因係覺得佢好特別，我未食過開心果整既蛋糕，總係感覺格格不入咁。但食落之後，反而係我爹地同細佬爭住既既一隻味。佢既堅果味好香，上面粒粒開心果碎令人食落好有口感，冇違和感。⭐評分：5/5🍰雙重朱古力 HKD 56作為一個朱古力控，朱古力口味係一定要試既。上面有幾粒類似威化既朱古力餅仔，勁好食。而朱古力蛋糕既中心有超濃既朱古力漿，兩個人食可能會有少少漏，但如果四個人食就啱啱好，少食多滋味。⭐評分：4.5/5🍰英國伯爵茶 HKD 56問過店員，依隻口味係佢地其中一隻正在promote緊既蛋糕，所以就揀左佢黎試，我覺得佢既茶味都幾出，不過上面既cream就多左少少，而蛋糕食就較清。個人覺得想食清淡少少既，依個不失一個好選擇⭐評分：4/5…查看更多

💬一行入依間餐廳就有種好FRESH既感覺。田園風格的佈置令人覺得好似晌室外進食咁。我同朋友係中午時間去，相信夜晚去既話會更加CHILL，下次會試試。依度空間算大，唔會有擠迫感覺，適合同朋友相聚。我地叫左兩個SET LUNCH，餐牌選擇都算多，丼飯、烏冬、意粉、意飯、漢堡，同扒樣樣有齊，啱曬唔同口味既人。我同朋友就叫左兩個SET LUNCH share嚟食。💬每個set lunch會配送精選餐湯/ 沙律，仲有餐飲一杯🥗前菜沙律我想讚一讚個沙律，一上枱已經見到佢好大碟，心諗食菜都可以食飽 (講笑)，上面有蕃茄仔同粟米粒，不過冇諗過啲醬會咁多 (因為我個人唔太中意沙律醬)，我下次去會預先叫佢少醬。但抵讚既係啲菜食落口好fresh，唔似出面啲沙律菜食落口就知放左好耐。唯一美中不足可以就係佢係原塊菜咁放，太大塊一放入口就成塊臉都係，要用刀切一切開再食好似就美觀少少哈哈。但整體係滿意既。⭐評分：4.5/5🍽香蒜辣椒欖油牛柳意大利麵 HKD 78依碟意粉既香蒜味好出，辣度唔錯，應該係3小辣既程度，令意粉十分惹味，份量算多，意粉質地比較硬身，鍾意有咬口既人應該會滿意，但可能因為意粉煮得唔算耐而調味足夠，佢煮出黎之後個感覺係意粉吸左味，但又唔會吸左啲油，再加上碟面既青瓜絲中和左意粉既油膩感，所以食落唔會有咩負擔。而牛肉都鮮甜同埋唔少，都算幾抵食。⭐評分：4/5🍽烤大啡菇芝士自家製牛肉麥漢堡配香料薯條 HKD 99 (必食+超抵)超巨型漢堡，一上枱已經「哇」左一聲出黎，擺盤靚爆之餘，味道真係冇得彈。首先係個包烘得恰到好處，外脆內鬆軟，面頭已經一塊大啡菇趴左晌度等人魚肉，一切開啲汁係即時「標」出黎，juicy到一個點。牛肉切開後係見到粉紅色，又香又嫩，正到暈，配搭芝士、洋蔥，一齊放落口既時候簡直幸福感MAX。薯條方面就係即炸薯條，熱辣辣，又粗又大條，好香好好食，整體性價比極高。⭐評分：5/5🍽檸檬海鹽甜薯 HKD 19本身以為係好似OUTBACK咁一大舊甜薯出黎，原來係好似薯條咁形狀既。所以今日都食左幾多薯條。但佢係真係甜薯做，係炸甜薯，都幾好食，甜甜地又唔會漏。但因為我已經有個漢堡薯條，食咁多真係有啲OVER…但如果係叫其他SET 既話都真係可以試試，幾甜別既薯條，炸得好香。但唔知係咪因為太甜，食到後尾，會開始覺得依個味有少少厭，所以建議都係3-4人先食，「少食多滋味」呀！⭐評分：3.5/5…查看更多

💬星期六同朋友晌度過左個so chill 既 Spanish noon❤️到店果陣已經見到店外有好多人喺度排隊，好彩一早就打電話黎餐廳預約左時間，店員即刻帶我地入座。店鋪有BAR枱同普通枱，我和朋友坐左高枱，感覺特別chill，枱底有汆古小籃比客人放自己袋，好貼心，不過位置太低，拎野唔係好方便，而枱既空間亦唔會好細，足夠放幾樣食物。🍽地中海鯷魚沙律 HKD 88十分健康既前菜，鯷魚肉質唔錯、肉質幾甜，不過始終不敵佢本身既腥味，但唔緊要，因為伴碟既係有蕃茄先生同香橙小姐、即刻中和返鯷魚既腥味，甚至有少少酸過龍🤣🤣🤣。但重中之重，芝士是用Manchego，乃屬西班牙國寶級芝士，係用綿羊奶作為原材料，脂肪含量比牛奶低，成碟菜式即刻升Lv，加上甜甜酸酸酸酸甜甜既味道，十分開胃。⭐評分：3.5/5西班牙炒飯 HKD 248炒飯直接用平底鍋上菜，店員貼心提醒我地成個碟都熱辣辣，千祈唔好惦呀。依個飯有啲薄，但就係因為想等成個飯有同個鑊接觸更多先要咁做🥺🥺包你同朋友傾幾耐計個飯都唔會凍左。佢香噴噴既味道，已經比我知道我冇揀錯主食。飯粒好有海鮮味，有啲我最愛既飯焦令質感更上一層樓😋，中間仲有海鮮碎，鋪面既海鮮亦十分鮮甜。可惜份量真係有啲少，若果可以多啲就更幸福了。⭐評分：4.5/5松露蘑菇可樂餅 HKD 15/PC魷魚可樂餅 HKD 15/PC依兩個可樂餅都係黎度依度必叫既小食。炸得外脆內軟，黑松露十分香濃，薯蓉再混合牛肝菌，十分juicy又好味。而魷魚可樂餅入面係薯蓉混合魷魚粒，十分香滑。必必必必食。⭐評分：5/5巴斯克芝士蛋糕 HKD 68即做既芝士蛋糕，超級重芝士味道，質地香滑到痺，每一淡都感覺係入口即融，幸福感MAX，不過因為佢太滑同太重芝士，食到尾可能會有啲漏，建議要同朋友一齊食，依個係今日我最中意既野食🥰🥰🥰。⭐評分：5/5…查看更多

放題是一個好東西，昨天晚上來到銅鑼灣這間韓牛牧場。店內裝淇是傳統韓式風格，大家不會看到抽油煙機，因為用來燒用的是無煙光波爐，不怕整件衣服都是燒牛味。可以香香的來，香香的走！自助吧有各式韓式前菜任夾任吃。用作開胃。QR code下單，任食唔嬲，擺盤有心思，有水準🍽6色刺身拼盤都幾新鮮，帶子特別大粒又鮮甜🍽海鮮燒烤拼盤，味道亦鮮甜💬法式羊架：肉質嫩滑，沒有羊騷味，燒全熟會更好吃！全熟又不會令肉質變硬，十分推介！！💬牛放題的選擇有很多，當中實屬安格斯肩里脊最好吃，肉質嫩之餘夠juicy，不斷encall也不過份！…查看更多