oyzstn17的個人專頁

之前食過幾次，都一般，但未叫好差。勝在易搵位，所以今次再去。點知就奶左野。點心又凍又唔好食，有碟蛋散仲有啲不知名嘅綠綠地顏色，打算叫侍應埋黎睇下，全部都當睇你唔到。一係就遞一遞手，示意睇到你，之後行開左，又當無件事。幾經艱苦終於叫到經理黎睇，佢話咁樣係正常嘅。大佬呀，你都解釋唔到俾我知點解蛋散有綠色，我點信你話咁樣係正常呀。講多兩講先肯換過碟。等左好一陣，先至拎返碟無綠色嘅蛋散黎，但完全淋哂，咬左一啖都要吐返出黎。之後幾想飲茶都好，其他茶樓幾多人都好，唔會再黎呢間喇…查看更多

今晚經過見到呢間新開嘅雞蛋仔，門外排住好多人，好受歡迎，所以立即試試。雞蛋仔同雪糕都有極多味道選擇。我地首先叫左朱古力雪糕格仔餅同港式珍奶，格仔餅$20，但拎嘅時候，份量大得難以置信，雪糕勁足料。朱古力雪糕軟香滑濃郁，甜度適中，配合香脆格仔餅，一冷一熱，一軟一脆，我地一家三口爭住食，幾乎開拖咁濟。港式珍奶幼滑香濃，奶味十足，珍珠咬勁十足！睇返價錢只係$12，抵到爛！因為兩樣都遠超我地預期，唔知幾時再黎，所以再試埋雞蛋仔，我地叫左一底比利時朱古力雞蛋仔。新鮮熱辣，蛋味十足，配合香濃朱古力，大滿足！等緊嘅時候，見門外寫住無用奶精，椰子精，色素。咁好味，又健康，仲咁抵，難怪咁受歡迎，下次經過一定再試多啲其他味！仲有差啲唔記得講，老細超nice！…查看更多