jonam的個人專頁

七夕前夕，男朋友特登book台上黎提前慶祝，係openrice碌到呢間cafe，見到食物都唔錯所以選擇左呢到😁，我地係選擇左一個二人餐，我小食揀咗一個芝士黑松露煙肉大啡菇，味道很適合，易入口，我同男朋友都覺得非常OK，之後煮食揀咗三文魚，菠菜青醬三文魚扒意大利飯不過轉左意大利粉，如果接受到青醬既人都應該會覺得好食，我平時好少接受到青醬，但我覺得OK，然之後我就嚟卡邦尼意粉，奶味都幾濃，唔輸出面嘅卡邦尼意粉，仲有兩個甜品我唔記得影相，我叫咗燉蛋同埋窩夫我都覺得非常好味，總體嚟講呢間Cafe非常適合打卡，或者朋友聚會，啲擺盤非常精緻，味道都非常好，最重要係冇限時，book枱仲有八五折，十分推薦😄！…查看更多

今日同男朋友去旺角行街，行到攰就去返之前我哋去過嘅樓上Cafe。食物水準依然保持👍🏻今次試吓佢哋嘅二人餐$398。食物款式好多選擇。我哋叫咗芝士煙肉黑松露焗大蘑菇，特濃龍蝦汁海鮮蟹肉意大利飯同埋特色黑椒鹹豬手。先講佢哋個芝士煙肉黑松露焗大蘑菇，佢哋放咗好多黑松露，大蘑菇仲好Juicy。如果好似我一樣咁鍾意黑松露呢個值得一試😋😋。另外佢個特濃龍蝦汁海鮮意大利飯，龍蝦汁好濃郁好creamy，味道啱啱好👍🏻男朋友叫咗個特色黑椒鹹豬手，佢哋嗰個係焗嘅唔似係出邊炸嘅鹹豬手，所以都偷咗佢一嚿嚟食，味道甜甜地又有黑椒嘅少少辣。真係幾好味，一啲都唔肥膩☝🏻。餐飲我叫咗個熱帶雜果生果茶，本身以為係一杯杯，原來係一壺咁多。好多生果味道酸甜，啱我口味。特別要讚佢哋嘅侍應服務好好👍🏻臨埋單嘅時候唔記得咗原來二人餐係有包兩個甜品，佢仲特登過嚟提我哋。我哋叫咗一個焦糖燉蛋和是日蛋糕。焦糖燉蛋冇出邊嘅咁甜啱我口味。男朋友就鍾意食佢哋嘅蘋果芝士蛋糕多啲。依間真心值得推介！！！…查看更多