or#tm66865633的個人專頁

食完午餐好想食甜品，就去咗形點ll 食疏乎厘。成日經過終於有機會去試。🥳下午茶只有兩個梳乎厘套餐可以選擇，選擇唔多，所以就各要一個。士多啤梨慕絲梳乎厘配凍鮮奶咖啡($72)及焦糖蘋果玉桂梳乎厘配凍美式咖啡($72).士多啤梨慕絲梳乎厘偏酸，所以唔會太甜，空氣感十足，好味。焦糖蘋果玉桂梳乎厘，玉桂好香，但我同朋友都唔係咁鍾意食熟咗嘅生果，所以蘋果冇試到😅總括嚟講環境舒適，坐得舒服，一個與朋友聚餐不錯的選擇！（有加一服務費）…查看更多

12月6號下午5:30 到屯門市廣場食烏貴族。在日本食過很多次，唔知道嚟咗香港個質素如何呢？食物方面，平均都係$19.9/$29.9，叫咗好多食物，有雞肉白湯拉麵、貴族雞釜飯、釀青椒、雞中翼、雞皮、雞腿貴族燒、雞肉丸、南蠻炸雞、明太子薯仔沙律配溫泉蛋、鐵板烤山藥等。飲品有highball、桂花烏龍茶、薑味威士忌梳打。食物方面，雞肉白湯麵令人失望，湯底淡，同雞白湯爭好遠，麵質太淋配三件小雞肉,呢個唔推介。其他都普普通通, 比較喜歡鐵板烤山藥蓉，串燒方面，雞腿貴族燒最好味，意想不到明太子薯仔沙律配溫泉蛋係最好味。總共食咗大約$470。總括而言，下次我會留返去日本先食鳥貴族😂…查看更多

每次去九龍城都會食，呢間金寶泰國菜館，今次叫咗泰式炒金邊粉、沙嗲串燒三串雞三串豬、咖喱雞煲配法國麵包、鹹魚炒芥蘭、越式拼盤,珍多冰、龍眼冰及薏米龍眼冰。所有食物可以話維持水準，我朋友話咖喱雞通常都係配菜多，但係呢個竟然係雞肉多過薯仔，好難得，仲要咖喱味好香好好味。我最鍾意個泰式炒金邊粉，呢個係會有少少帶甜味。越式拼盤就有啲失色，個蝦餅唔係新鮮炸起，所以有啲淋咗。埋單嗰時，職員淨係俾個總數我冇俾到個收據，3個人總共食咗$526。…查看更多

因為好耐冇食意粉，所以就去元朗廣場，選擇食Euro Go Go. 午餐時間都有很多套餐選擇，我就想食芝士白汁海鮮意粉（$73）配蒜蓉包，飲品要咗凍蜜桃茶（+$8），老公想食pizza,叫咗半份千島海鮮pizza（$68）配沙律，飲品要咗凍奶茶（+$5），總共$164。首先嚟咗凍飲及配菜，我嘅蜜桃茶入邊有三片蜜桃，呢個我每次嚟都會飲，覺得幾好飲。估唔到蒜蓉包都好軟熟，我仲怕佢係會好硬添。個芝士白汁海鮮意粉有原隻蜆，蝦及帶子。個汁撈埋意粉好夠味，因為我係鍾意食濃味嘅好怕食到淡而無味或者啲意粉唔夠汁。而Pizza我都食咗一件，佢好特別係配上原隻蜆，另外有蝦及菠蘿。我覺得味道還可以，但係我老公就嫌佢個Pizza底比較厚，佢話以前係薄底，比較好味。我平時通常都會叫蜜糖雞翼，但因為今次叫咗兩個主菜已經食唔落，唯有留返下次再食😁…查看更多

今日想食韓國嘢，所以去咗元朗雞地食韓式拌飯 。一行三個人叫咗個蒜蓉牛油雞扒飯，牛油溶化再配雞扒超正。芝士辣炒魷魚飯，辣度好強🌶️仲𠕇係店員推介，話係老闆喺外國讀書帶回特別的味道「墨爾本爆炒牛舌飯」。每個飯都好似食到有飯焦👍🏻食韓國嘢一定要叫炸雞，韓式炸雞配黑松露醬及自家蒜蓉芝士醬，非常好食，我最鍾意呢個。韓式韭菜餅及花甲奶油蔬菜豆腐湯，個湯都好鮮味，又濃郁，正。總共食咗$378。勁抵食👍🏻
…查看更多

今日本來想食海南雞喇沙參參，但原來晚餐冇呢個選擇，所以叫咗清湯海南雞摻摻($68)。摻摻即係一半油面一半米粉配埋去骨嘅海南雞，再加半隻蛋，晚餐加埋飲品叫咗杯凍拉茶(+$3)。嗰餐仲可以加其他小食，但驚食唔晒所以冇加。碗摻摻就普通，不過不失，都係喇沙湯底好味啲，杯凍拉茶唔會再叫，因為淡而冇茶味,如果下次再食，都係叫返橙茶穩陣啲😅…查看更多

星期四下午2:00去到，諗住避開午飯時間，點知去到都要排12個人。今日有時間，所以點都要食到😆. 兩個人叫咗一碗沙嗲牛肉麵要蟹王麵加煎豬扒，一件芝士流心鹹牛肉三文治烘底，紅豆冰及凍檸茶，總共$124。沙嗲牛肉麵真係好味，平時食嘅都會係沙嗲牛撈落啲麵度會淡晒味。但係呢度唔會，就算撈勻咗，不論湯或牛肉都一樣咁濃郁。個煎豬扒就普通啲，因為第一次去唔知道原來有分煎同炸豬扒，當店員問要咩豬扒嗰時，就口快快話要煎豬扒，雖然煎豬扒都OK，但係望到隔離食炸豬扒好似好好味咁，下次一定要試。芝士流心鹹牛肉三文治都好好味，而家諗返起都好想食。最想講嘅係呢間店嘅店員真係好有禮貌，唔好話喺元朗，就算其他地方都比較少見🥰呢間真心會推介👍🏻…查看更多

11月8日下午2:00去到，要排隊20分鐘後先有得入，真係多人食。我叫咗一個花膠竹笙雞湯米線$72 ，加$6轉油雞，套餐加$12叫咗一杯手打檸檬茶。油雞係去骨，個湯有金華火腿，味道濃郁，真係好好味，我差不多飲晒成碗湯。我個女叫咗椰子花膠竹笙雞湯米線$72 ，套餐加$6 要咗一杯凍綠茶，佢話椰子味好重，相對雞味淡啲，雖然一樣好飲，但係佢話鍾意我嗰碗雞湯多啲。另外再叫咗一份兩隻桂花醉鮑魚$38 ，有蟲草花及芽菜伴碟，鮑魚好入味，美中不足係鮑魚原隻上，如果切開相會食得比較方便😁總括嚟講，元朗呢間小店係值得支持！…查看更多