蜜糖女生的個人專頁

最近天氣凍，真係最啱食火鍋！🔥 百幾蚊就可以享受一人自選火鍋，真係超值！我去的餐廳有幾款湯底可選，麻辣湯、壽喜燒、昆布高野豆腐鍋和人參雞湯，選擇多！我個set就點咗豚肉，朋友就選咗牛小排，價錢只需$138！我地仲加咗A3和牛粒同生墨魚仔，火鍋更加豐富！🥩🦑真係要讚下，湯底味道好正，肉質鮮嫩，配上時令野菜、烏冬同雪糕球甜品，食完真係心滿意足！😋✨人均大概$200，咁抵嘅價錢可以享受到咁多美味，真係好划算！下次一定要再來！👏❤️…查看更多

好耐以前沙田食過，正正常常經過銅鑼灣，另外兩間拉麵都食過，諗住試下咁耐無食，睇睇有咩唔同，種類都係以前果幾款。食完第一啖，真係要講一講，好耐無食過咁難食嘅拉麵，真心衰過自己煮，叫左黑王，諗住都唔借太伏個湯勁鹹又唔熱，木耳椰菜全部好似岩岩雪櫃拎出黎咁款，拉麵不值一提，彈牙又唔係，煮完一堆野咁，叉燒又薄又硬，又無叉燒味其實無心點解要開咁大間？其實食完一啖真係有少少想投訴，但真係好肚餓，唯有當劣食，可一不可再真係唔想講，最好係杯水…查看更多

家人想吃海鮮餐，看到此餐廳有platter就一試，想不到有驚喜。Assorted Platter Set 真的包羅萬有有焗多汁豬仔骨，慢煮蒜香春雞，燒龍蝦，炸軟殼蟹配薯條，份量蠻大的！主要是很適合自己的口味，調味有驚喜。個人最喜歡和風南瓜扁意粉與慢煮蒜香春雞意粉不會太膩，配上特飲好配搭。飲品order 了兩款分別是洋甘菊蜜糖檸檬花茶，溫暖又清潤，另外有菠蘿熱情果沙冰，微酸不太甜。整體食物質素很好，環境方面坐得舒適，適合情侶，朋友聚會等。…查看更多

終於黎試聲稱西灣河名物舊鋪 收得好早 成日都食唔到 新鋪終於收18:00 ，終於Tea Time 都食到因為新開 平日3 4 點都要排隊滑蛋唔錯，配上香濃咖喱汁一想碟就聞到香噴噴第一啖食落，味道唔錯但咖喱汁偏鹹越食越鹹去到最後一兩啖真係行唔到有啲乸喉嚨少少建議 調較番淡少少會更好連埋野飲唔算貴 今次無加芝士，可以自行決定加唔加…查看更多

見新開 ，本身又好鐘意食拉麵就試下啦。好多人排緊應該只係因為新，要等10分鐘就照等 ，始終開係日式超市無期望就無失望麵質唔係我杯茶 ，唔係彈牙果隻比較張住口，主要係湯太鹹，較好嘅係叉燒正常size,湯底有櫻花蝦，有好大嘅進步空間。…查看更多

之前聽同事介紹 話個奶凍好食，又有手工意粉，咁就黎試一試。因為我地又有大人又有小朋友 叫左五個Set 再加一碟意粉。頭盤叫左意大利雲吞同牛肉他他。雲吞醬汁不錯，每碟大概3粒牛肉他他份量就多少少，朋友話他他好食。大湯係濃郁蕃茄湯到主食，我地睇錯牛小扒係全份牛，原來係慢煮牛小扒意粉，但牛小扒無咩味，建議叫其他Main course 。個人認為較出色係卡邦尼意粉同肉醬意粉。去到甜品，終於試到個奶凍，小朋友話似珍珠奶茶味，但的確茶味好香濃，係好好食。另外Tiramisu 朱古力味偏苦，適合唔鐘意大甜嘅人。一讚係服務員態度都好好，好細心，生日去仲會有小Surprise，價錢屬中高價，食物款式選擇不太多 ，如果有多少少選擇更好。…查看更多

一個Set 有齊排骨上海拉麵有前菜，兩隻水餃，最開心有埋兩粒湯圓香港食中菜/上海野 好少會有埋湯圓 通常都要另外叫，所以幾有驚喜仲要有埋飲野，我地叫左豆漿，真心晚飯黎講叫抵食食物份量夠哂，排骨大大件，不過唔係炸，拉麵口感一般，如果再彈牙D 更好 味道尚可另外牛肉麵，湯底幾清，用上牛勒條配上紅蘿蔔，整體味道唔錯最鐘意係煎餃子 脆卜卜，足料，食得太多隻 全口韭菜味，煎得好好食晚餐黎講 ，環境比較家常小店feel，但食物份量夠，幾抵食。…查看更多

野飲野食都好靚 櫻花抹茶牛奶 清清地 唔會太甜輕微綠茶香開心果latte 有粒粒開心果，唔會太甜幾健康，岩哂飲唔到咖啡嘅人朋友order左 三文魚櫻花蝦海膽素麵整個擺盤同襯色都幾有心思好岩夏天食但如果海膽份量多少少更好另外叫左招牌龍蝦尾漢堡係原條龍蝦，配上芒果，蔬菜，牛油果同酸酸甜甜醬汁幾好食，兩人分享剛剛好食嘅時候要準備幾張紙巾最有驚喜係甜品特別係開心果蛋糕，質感比較moist ，唔會太膩同超甜呢個好食，可以encore 反而朋友叫左焗芝士配蜜糖杏仁用左原個芝士焗，因為我地食主食已經飽飽地，個芝士真係要休息一下慢慢食。…查看更多

原來東匯坊樓下有間隱世冰室晏晝去醫肚附近仲可以買下日用品地方寬敞坐得舒服，lunch 有唔少飽肚選擇例如西冷牛扒，燒雞，三文魚意粉等 想食親民價西餐 ，都幾多款式$64 連熱飲 有埋餐湯想飽肚D order 左黑椒蒜蓉燒春雞配飯 ，另外可以選 意粉/薯菜。份量剛好，燒春雞肉質算嫩滑，如果雞皮係較脆身會更加加分，如果要配飯，可以叫多汁。整體來說，性價比高，環境與食物質素都唔錯，侍應服務比一般冰室好同細心，待應話平日14:30 有下午茶，下次經過都可以Encore 。…查看更多

講真 ，環境同裝修其實唔錯 少女味又光猛因為好多間15:00幾都落哂場，經過就試下食個Lunch但今日個店員 ，年輕男仔黎，真係超級無禮貌食完就知原來呢間野咁多負評明明已經唔係繁忙時間已經差唔多16:00得兩三枱客叫野食，問多少少個男Waiter 都唔會想答你咁，唔想做咁嘅樣但D 野唔平，客人好似仲要受佢氣咁叫左個雪濃湯，百幾蚊D料勁少，味道普通啦配個紅米飯仲要加$20加埋差唔多要$150仲要無包野飲唯一正常係個牛小排煎餃但$88 得5隻真係有D 搶錢如果唔攪好D 服務，好難會再幫襯…查看更多

剛開張 黎幫襯過 但第一次去嘅時候要等太耐同朋友是但飲左杯野就走。今次本身想幫襯留下間日本野，點知店主去外遊休息到二月趕時間就唯有黎幫襯多次睇下Run 左一段時間，有無好D 又係最憎嘅自助下單點知飲品單果到送嘅竟然無得選 檸檬水因為唔飲得茶問多次 個侍應都係話無如果要果汁要加錢…到主食 穩穩陣陣叫左牛肉稻庭烏冬配個超簡單沙律，配菜係芽菜收$88味道 ，其實同自己屋企住差唔多牛肉份量偏少如果少2-3塊其實就唔洗再黎。如果講環境，其實真係坐得舒服建議黎食杯coffee 同食cake 就會岩d主食都係試咗一次就夠。…查看更多

經過見到招牌幾搶眼天氣凍 想食碗火車頭粉近近地 就試下其實佢下午茶係$40連野飲都抵不過太肚餓怕好細份叫左正常size $68 火車頭牛肉粉無野飲粉嘅份量ok牛肉就得幾塊牛丸兩三粒湯底太普通錦麗仲好食過呢間加上職員態度都普通個人認為試一次就夠…查看更多

餐牌寫芝士肉醬撈麵出黎竟然係芝士粉 ！佢另外有個係有腸仔牛餐肉都要收60幾蚊茶仔黎講真心貴因為今次要快食 ，無research 就衝入去食點知就中伏仲要收$52 難食到嘔 完全無下次 ！…查看更多

好少幫襯完即刻想留負評一search 原來咁多負評😆一個好評都無店員一字句野都無講過直接落單 收錢零眼神 零禮貌雖然無期望茶飲店服務要超好但呢間真係極品之中的極品無下次了…查看更多

上兩個月在網上完全預約不到剛好經過灣仔竟然Walk in 有位內心有點興奮進店後，店員都熱情招待，每位都十分有禮貌店員帶我們到充滿日本風的坐位是需要脫下鞋子的那種，頓時興奮度又升了幾級，因為實在太像到了日本啦，思日病發作。可惜店員說有限時，100分鐘內完餐，就趕快order了幾碟壽司，透明波波沙律，茶碗蒸，檸檬燒酒等。先說壽司，不算太有驚喜，較好吃的是吞拿魚腩與限定海膽壽司。飯的比例偏小，所以用筷子很難整件壽司夾穩😆（也可能是我手殘）用透明波波裝飾的是沙律，但個人覺得味道偏鹹了。兩位最後埋單大概700 多元 屬中價位食物質素與味道稍為普通不太有味蕾記憶點總結，壽司選擇不太多，但坐位非常舒適，店員服務態度十分好，但因為有限時關係，慶生與暢飲可能要預計時間，較適合小酌，與幾位親友前來會較合適。…查看更多