我叫聰聰的個人專頁

又去到佈滿拉麵店既銅鑼灣燈籠街,今次簡左日本過江龍三田製麵所(仲有兩間未試,唔計豚王).....簡左佢既原因係已經唔洗再排隊~需知道一開業好有人氣.呢間既沾麵好似好出名~~那就試試$88 既豚骨魚介吧,88蚊係因為佢有420g既麵,如果細食既可以簡番$78既份量.麵條係好煙韌既,但掛湯力不見強.呢個唔係重點,那個湯汁真係唔好食,佢地應該係以豚湯和魚介粉溝埋,加上適量既醋而做成.但個問題係,佢溝出來個味道好不討好,既沒有豚湯味道,魚介亦唔香.都唔講佢地無靈魂死實實既叉燒和蛋蛋,另外湯汁溫度是暖暖的.如果大家未試過既,我建議可以剔走呢間..…查看更多

大鄉里油渣麵初體驗....專誠一試呢間深水埗周記油渣麵!因為成世都未食過,又聽人講好好食.老實講咩野係油渣我都唔知.$30細碗/36大碗....差唔多價錢當然叫碗大試試..立即放舊渣入口...全是肥豬肉吧....有些炸左有些無炸,比起一般肥豬肉爽,部份個味道有點似臘肉既肥肉味.炸同唔炸味道基本一樣.感覺上味道略為單調,而且真係好肥,我都頂不住了.麵條有點似烏冬,但係質素有點問題,食食下部份麵條沿中間一分為幾,變左米粉.口感好奇怪.湯底就是豬骨湯,但都是沒有層次的,所以建議大家自行拎檯面既辣醃菜,蔥之類調味.總結:唔識欣賞…查看更多

雖然水餃大粒唔等於好食,但正所謂唔打得都睇得下~沾仔記麵食既水餃就真係大大粒,無驚喜勝在足料又爽口.放入口啖啖肉既滿足感是十分開愜的,蝦肉,木耳,豬肉,填到滿滿還有一個問題,其實沾仔記同沾仔記麵食係唔係同一間?個個都話中環o個間沾仔記先好食,但全港咁多間,都唔知邊間先係老大哥…查看更多

係上環路過呢間唔係漢堡包店...原來係賣飯堡...飯堡呢樣野係香港好似永遠都HIT唔到.不過呢間有趣一點點,就係舊飯係紫菜飯,比較多一點風味,但同時飯粒略為鬆散.如果飯粒可以多一點麻油香就更正呢.餡料我簡左雞扒,原來係火辣口味,個味道有點似五香肉丁罐頭,但再辛辣幾倍.雞肉就OVERCOOKED,個口感又係似五香肉丁罐頭.都幾有趣既...飲品就係沙冰..麻麻地,不建議大家飲.…查看更多

輕鬆一下飲杯cocktail先~~呢杯Kiss and Tell~好大杯,飲完好暈呀救命,酸酸甜甜好開胃,不過空肚真係唔可以飲咁多,好似醉醉地.再食番件無技術可言既芝腿治,唯一可取係芝士是半溶和用上車打芝士.如果你問我點解簡星際的LOBBY LOUNGE,我會答你因為貪佢夠便宜,杯野飲$68,食物$55.…查看更多

去紅磡火車站,當然順個便食埋個都會海逸個自助餐先~~呢間都食過好幾次,熟食選擇好多,好鮮冷盤是弱項,生蠔不過不失,每次排隊拎三隻~另愛有燒烤食物,我最鐘燒雞翼,不過食一百隻都回唔到本.今次個自選粥有進步,起馬有蟹黃味~~燕窩只是gimmick~~另外有綠茶心太軟,不過個皮唔夠乾脆.所以呢度勝在咩都有,但鐘意食海鮮既粉絲們就未必合適了…查看更多

朋友推介我去深水埗既拉麵店做白老鼠,地方果然好隱世,我係條街來回行左幾轉,都見唔到個門口.入面去,先知道店鋪名字叫海老名...咁姐係食蝦湯啦.細看原來呢度都係食沾麵既,咁就隨意試試個海老味噌$88.(其實都係得3款).個湯汁果然不錯,蝦味好香,有o的似龍蝦味噌湯既感覺,並唔係求其放蝦油個種做法.值得一讚.蝦同味噌MIX埋後2者既味道亦共存,非常好.麵條掛湯力不錯,亦彈牙,蛋做得夠溏心,不過蛋黃唔夠味.叉燒唔鞋還不錯~~地方淺窄,食完好快點閃水.…查看更多

上次係澳門食早餐,簡左呢間遊客必到既譚家魚翅.其實呢間野都真係無咩特別,服務態度又差,但客人源源不絕.為什麼呢...就係為左滿足比幾十蚊食下翅咁解姐.我呢個菜膽雞炖翅,湯頭都算甜,舊翅都幾彈牙,但個雞湯味道比較雜.呢個質素做早餐還是可以的.…查看更多

呢間和牛食堂係你地推介比我,我真係特登去試嫁.主打廉價和牛食物.成個MENU入面最貴既牛扒丼都係$138~~塊牛扒當然唔會厚得去邊,因為呢個價錢無理由有200G和牛扒比我既,但起馬食得出係真既和牛薄牛扒.油脂豐富,牛味濃郁,配上甜甜地既醬油,味道的確唔錯.不過好似食唔飽咁,有點到喉唔到肺~~有機會試下個$88和牛漢堡先.…查看更多

終於食到馳名咖哩燒鴨飯~~地點在灣仔鵝頸橋街市,勁多人,勁Dirty~~張檯你唔會想掂到佢~~單叫價錢不詳,連埋支飲品加埋$45.咖哩燒鴨飯亦不在餐牌上~味道就無得頂了,咖哩是巴勒斯坦風格的,香料味重~而且香而不辛,怕辣者也不怕,但食開辛辣野既我就唔夠爽.重點係那些鴨肉,皮是堅脆,肉是鬆化,近骨位仲好多醃料味,正呀~比起出面一些得個名既燒鴨燒鵝,呢度都算係平靚正.只係個環境.....…查看更多

多謝朋友請我食生日飯~!我就好認真咁樣係百德新街咁樣是但簡一間,督中左呢間COEDO TAPROOM,o個時新開業幾天,但係是但啦,好醜都係一餐.聽服務員說佢地係出名手工啤酒,咁就叫左佢地既Platter,包5款BEER$168.老實說....啤酒呢家野我唔算太大興趣,邊款好飲我唔識欣賞,但有款用紫薯做既的確幾香甜,麥味不重亦唔苦,幾o岩我口味.(最上個杯)食物都係串燒,亦有小食之類,做得不過不失,串燒食到有點碳火香,值得一讚.拉麵雞湯底,味道天然濃郁,可惜麵底很削,感覺上同個湯很不配.炸物略油.總結係...飲下野吹下水,食點輕食不錯,想食飽飽就唔好簡呢度.…查看更多

好耐無食台式一人一鍋啦,係時候回味下,當然要去我個人認為最正,天后個間一鍋呢.我呢個餐要$338,醉雞鍋加碟肉,再任食配料.雖然叫醉雞鍋,但可以加辣,變左雞煲.其實唔加辣仲好食~其實$198既套餐比較抵食,一碟肉配個簡單既湯底,因為$338呢個食完o的雞都好飽了一半.碟野未必係咁有肉味,所以大家唔洗叫咁靚既.鐘意黎呢度既原因係佢地既配料全部都好靚仔,o的蔬菜堅正,連丸都特別好食,完全唔係其他任食火鍋既級數.飲品也是任飲,再包左台灣BEER一罐(無咩特別的).貴就貴o的,但係真係好爽皮.…查看更多

自己好想食乾炒牛河,就決定去何洪記了.$105 乾炒牛河,不能不食!炒得乾身,碟底無油,牛肉鬆化肉味天然(相信無用鬆肉粉),河粉上色均勻,機本上無咩可以挑剔!當然要配埋余均益辣醬.其他食物水準不過不失,點心唔算上品.但呢一道牛河,已經無敵了.…查看更多

又到熱氣串燒既時候,今次黎到呢間係旺角既串燒小店,叫一品燒~調味應該以孜然粉,辛辣粉為主,雖然調味略為簡單,但係出品火侯算唔錯,當中以原條魷魚$68係最正,魷魚肉好彈牙,十分惹味,而且好大條.茄子面頭勁多蒜,愛口臭FANS應該會鐘意!如果可以咸多一點點就更佳.菜心亦燒得出色,外皮乾身辛辣,內裡清甜!食唔停口~~檯面亦有孜然粉辛辣粉任落,如果唔夠味可以自己再加工.全晚只有娃娃菜有少少燒焦左和青口有少少過火,其他都不錯喔!不過食完真係好熱氣,我粒眼瘡唔好復活呀大哥…查看更多

這是干的火鍋,在深水埗搵到既,名字叫嫲嫲辣辣.叫野食既方法同食車仔麵一樣,先簡辛辣度同口味,再每款配料計錢,我就簡左麻辣既中辣,叫左4款配料,TOTAL$113蚊~~~田雞,雞,菜芯同埋紅薯粉!簡紅薯粉諗住無理由剩食配料麻,點知原來紅薯粉份量好少,所以食客應該叫個飯配黎食,紅薯粉就唔好簡~味道就類似食緊雞煲同辣子雞之類既口味混合,不過醬汁收乾,勁入味~雖然個樣好似好多乾辣椒之類,但係又唔係辣到入唔到口!如果o的雞可以再嫩一點就好了,田雞就無得頂!最爽係一條友食都唔怕,o岩哂我.…查看更多