foodie.anjournal的個人專頁

今次已經係二訪係尖沙咀嘅Ssal Bori Ssal 🥳 就算係平日去，晚市都要排隊✨ 排左一陣終於入到去😋Mak so sa（雪碧+燒酒+馬格利酒）($110)
餐廳有超級多款不同馬格利酒揀😝 我地就揀左招牌Mak so sa🥸 酒係用壺裝，再用細碗仔裝住飲😎勁有儀式感🤩 雪碧氣泡加清爽燒酒，再加馬格利酒😋 飲落甜甜地完全唔覺有酒，超級容易入口🤭 唔覺唔覺就飲曬😆泡菜薄餅 ($109)
熱辣辣上枱，泡菜酸辣，邊邊好脆口，中間好軟腍，煮得啱啱好🥰 加埋醬汁簡直一流🤤 泡菜餃子鍋 ($298)
天氣凍嘅救命燉湯🙌🏻 泡菜味超濃，餃子大大隻🥟 仲有蘿蔔、翠玉瓜、洋蔥、牛肉、年糕，好足料！材料索曬泡菜湯嘅味👍🏻 有微辣夠惹味🥵 食完成個人都暖晒🔥Ssal Bori Ssal環境又舒服好似喺韓國，二訪都無失望🫶🏻 可以試到好多唔同馬格利酒🥰 Mak so sa同燉湯簡直係冬天最強組合！泡菜薄餅又好開胃😻 食到超滿足，兩個人食到超級飽😽…查看更多

觀塘工廈有間隱世串燒店堅豐廚房X聰明燒，專門食港式串燒🥰 好近地鐵站👍🏻 坐得好舒服，適合朋友聚餐嚟食串燒🤤串燒🍢做緊特價優惠，$1一串雞皮，$6一串雞心，$10一串海蝦，雞皮脆口，唔油膩🤩 雞心彈牙冇腥味🤤 海蝦鹽燒配埋鮮甜蝦肉，全部都好抵食😋 豬牛雞串燒全部都好出色，夠Juicy熟度啱啱好，配埋秘製醬汁好惹味👍🏻油甘魚鮫 油甘魚鮫係隱藏新品，燒到皮好香脆，魚肉熟度啱啱好，外脆內軟😍 配埋秘製醬汁好出色🫨鹹檸碎碎七喜特飲 （$22)呢間舖頭招牌鹹檸七😍 幫你篤埋，仲會飲到碎碎鹹檸檬，解辣解膩一流🍋日本青森柚子雪芭 ($18)柚子雪芭清新酸甜，食完串燒做甜品超滿足！冇諗過觀塘工業大廈入邊都有咁抵食嘅串燒，食物新鮮創意，價錢親民，性價比爆燈🥳…查看更多

係中環斜路見到間居酒屋，入面都幾多人🥳 所以就入去試下😎 紅燈籠🏮暖光照住木枱，大家都飲住酒傾計🍶播住日文歌，氣氛好好！第一次食酒盗芝士超級有驚喜，調左味嘅吞拿魚內臟加埋餅乾、芝士🧀 好開胃好啱同酒一齊食👍🏻 雞皮金黃捲曲超脆🤤 又唔會油膩👍🏻 雞軟骨同雞頸肉質鮮嫩😆 豬頸肉大大舊，勁靚仔，加埋wasabi好夾！三文魚腩串🐟 勁厚切，咬落去好重二文魚油香！帆立貝串😍 超巨型帶子彈牙，燒完仲keep到彈牙口感，唔會好乾，好鮮味👏
牛舌芯厚切到爆，仲要好juicy，口感好彈牙，超出色😻😻 日本銀杏熱辣辣，味道苦甜交錯🙌🏻 甜薯表皮微焦，內裡軟糯爆甜，甜香瀰漫整個口✨ 翠肉瓜🫧真係好似食緊肉咁，好厚好多汁，好好食！ 日本河豚乾🐡越咬越香口，鹹鮮回甘，配埋沙律醬更加惹味😊 煮牛筋炆到入口即融，暖笠笠超滿足，蘿蔔煮到好腍👍🏻每串都火候精準，配酒一串接一串停唔到！晚市氣氛熱鬧到爆，店員姐姐仲要好nice😍 用心介紹串燒款式，好用心服務客人🫶🏻誤打誤撞入左星橋居酒屋但估唔到咁有驚喜、好高質🔥💫一路同朋友傾計一路食好滿足，食到超飽超開心🤩l…查看更多

好耐冇去食泰菜🇹🇭 開咗好耐嘅Soi.29 今日終於可以去食，灣仔開左Soi.29，仲可以book位，唔使排隊，所以終於試到🥰 裝修泰式街頭風，都係泰國職員，未坐低已經好有氣氛👍🏻 Menu選擇多😬炒金邊粉 ($98)一上枱就見到出曬煙，啱啱炒好，份量仲好多🤤 金邊粉炒得乾身彈牙，配埋豆芽、韭菜、蛋同花生碎，每啖都好香口😍 蝦仁份量都幾多，夠彈牙😋燒豬頸肉 ($118)豬頸肉燒得啱啱好😋表面微焦，咬落去夠軟腍🥳 配埋秘製泰式醬汁，少少辣但係好夾，好開胃🤩份量仲要好多，食極都仲有✨冬蔭公湯 ($128)湯底超濃味，酸味多過辣味🫨 食到少少辣嘅人都食到😌 入面有大蝦、冬菇同香茅，好足料😋 飲落去成個人暖曬，仲有個火係下面唔怕凍，冬天飲最正😍馬拉盞炒通菜 ($88)通菜咬落爽脆，唔會過熟，辣椒香口，少少辣，唔油膩🥰 簡單一碟但超香👍🏻Soi.29係灣仔開左好方便港島返工嘅人🤩 全部菜式都做得好食夠鑊氣，高人氣嘅泰國菜係有原因❤️…查看更多

太古有間隱世西式餐廳AGE Cuisine Express，裝修簡約舒適，環境明亮乾淨，感覺好chill🥰 幾近地鐵站，好易上嚟，人唔算多，唔使等位直入👍🏻 煙三文魚牛油果醬蘋果沙律伴腰果仁 ($92)沙律上面完全鋪滿煙三文魚，份量一啲都唔細🤤 煙三文魚煙燻味濃郁，配埋Creamy嘅牛油果醬😋 除咗沙律菜之外，仲有蘋果片酸甜解膩，腰果脆脆增添口感🤤 做開胃菜一流！黑松露蘑菇忌廉汁意大利粉 ($120)一嚟就會聞到好香黑松露味🥰 意粉煮得啱啱好唔會過腍，忌廉香濃順滑，層次豐富🫨 食落唔膩，值得一試😋北京烤鴨Pizza ($186)見到有呢個Pizza好特別所以就叫咗嚟試吓🥳 果然夠晒驚喜，Pizza底薄脆，上面有烤鴨片，配埋青瓜絲同甜麵醬，冇諗過可以同Pizza咁夾👍🏻 份量夠share，咬落惹味過癮🤪估唔到呢間太古嘅西餐幾正🤩 食物創意新鮮，價錢親民，性價比高🥳…查看更多

九龍灣德福廣場5樓food court入邊竟然有一間幾好食嘅台灣嘢🤤 見到有少少人排隊就揀咗呢間古早台居🥰 餐牌選擇較多，有主食、小食同埋台式飲品都有👍🏻 想食咩都有🫨鹽酥雞肉燥飯 ($59)份量都唔細，有好多嚿鹽酥雞😋 雞肉炸得金黃酥脆，唔油膩，入面肉質嫩滑🤤 配埋香濃肉燥同滷蛋，飯粒吸晒滷汁，食落超級惹味🫨 份量大，性價比高！紅燒牛肉麵 ($69)湯頭濃郁，多牛肉，軟腍多汁🥳 麵條夠彈牙🥄 層次豐富，食完暖笠笠👍🏻黃金芋圓球 ($23)芋圓球外脆內軟，咬落芋頭味濃郁😍 當小食超滿足鹽酥魷魚鬚 ($33)魷魚鬚炸得脆口，有咬口，食落去調味少少鹹香🤪 黑糖珍珠奶茶 (+$19)珍珠煙韌彈牙，黑糖味濃郁，奶茶順滑🧋 唔算好甜👍🏻大甲芋泥鮮奶 (+$17)芋泥綿密香滑，配埋鮮奶，甜度啱啱好😋 好似食緊甜品咁🥰呢間古早台居台式專門店真係唔錯🤩價錢親民，性價比高，下次都會再試…查看更多

好出名嘅申子居酒屋，今日終於去銅鑼灣試吓🥰 午市仲有六折🫨 舖頭唔大，但座位坐得舒服，唔會好迫👍🏻 裝修日式，Menu好豐富，魚生熟食一應俱全😬完熟蕃茄慢煮小牛牛舌配西冷牛扒定食 ($198)呢個定食超級豐富，有蕃茄湯牛舌仲有西冷牛扒🥩 最鍾意蕃茄湯牛舌，超級足料，蕃茄唔酸，仲有少少甜，配埋煮到腍晒嘅牛舌😛 仲可以將蕃茄湯撈埋飯食🥰 頭先份量亦唔少，再加埋一大塊西冷牛扒🥳 絕對夠晒一個人食🤤西冷扒仲要整得啱啱好🍽️ 顏色粉嫩蒲燒鰻魚厚切玉子丼 ($143)鰻魚超級大條，下面墊住好厚切嘅玉子燒，影相超靚🫨 鰻魚咬落去好香醬油味，再加埋甜甜地嘅玉子燒，撈埋熱辣辣嘅飯，好容易一啖一啖食晒😋芝麻雞翼($68)有三隻大芝麻雞翼，外皮炸到金黃色，超級吸引😍 食落去好香芝麻味，外皮酥脆，雞翼肉質嫩滑👍🏻夠熱又夠Juicy，食落完全唔油膩，非常推薦🥰申子居酒屋由疫情期間好評如潮到而家果然唔係冇原因🫦全部菜式都做得好好👍👍性價比好高🙆🏻‍♀️而家做緊午市六折仲抵食🗣️下次去想試吓佢嘅魚生🍣…查看更多

同事話最近喺西灣河發現咗間餐廳，係連西灣河關注組都推薦。餐廳係西灣河小巷叫鹿巷🥳 裝修超日本風，入到去以為去咗日本！牆上掛滿日式海報同貼紙🏮火炙香料鴨胸咖喱飯 ($80) 一嚟就會見到碗上面有好多超大舊鴨胸，上面仲會火炙過，焦香脆口有少少甜味中和返本身煙鴨胸嘅鹹味🥰 咬落去超級軟熟，再配搭埋有少少甜嘅足料日式咖喱飯🫨 份量亦都唔細，簡直係100分💯濃口蘭王蛋牛肉飯 ($65) 有超大隻蘭王蛋王牛肉飯，賣相超吸引🤤 蘭王蛋蛋黃金黃濃厚，再加埋牛肉，簡直係撈飯絕配👍🏻 仲有洋蔥增加口感，份量同樣嚟講夠多，整體嚟講都幾好👌🏻特製雞軟骨 ($40) 我哋仲叫多咗一份特製雞軟骨小食，咬落去好爽口，調味平衡，撈埋秘製醬汁，唔油膩，好容易一粒接一粒咁食晒😎柚子漬大根 ($35) 份量都唔細，酸甜開胃，咬落去仲有淡淡柚子味，夠曬清爽🫨呢個好適合用嚟解膩😋…查看更多

想食左家後好耐，去到本舖見到排晒長龍🫩就行過兩條街去家後2.0❤️唔使等位可以直入🥹而且空間大啲👍原味芝士蛋糕 ($30)
最出名嘅巴斯克蛋糕！芝士味濃郁🧀入口即溶🤤 裏面仲有好軟滑🥰份量唔大但好食😘$30性價比好高🥳手工餃子套餐（灼）($44)
八隻餃子超級大隻，韭菜豬肉餃餡料飽滿🥟洋蔥豬肉餃，食到一粒粒洋蔥，而且令到餃子嘅甜度升級🧅正！手工餃子套餐（煎）($48)
煎底金黃香脆，邊位焦香內裡軟嫩，完全冇油膩感🤤 配埋韭菜豬肉餡，超級香口🤪呢間深水埗手工餃子專門店好出色🤩 明白點解出名咁耐同埋開到分店🥳餃子新鮮皮薄餡靚，大大隻🤤食完仲有芝士蛋糕做結尾，好滿足👍🏻…查看更多

灣仔船街角落頭嘅呢間Flagship，主打中西合璧fusion菜😬 裝修到好似一隻船咁🤪 餐廳有兩層，環境舒服，坐得又唔會迫，服務不錯👍🏻 麻唔辣四川蜆 ($168)
呢個係餐廳招牌菜之一，蜆數量超級多，堆到成座山咁高🤩 蜆肉飽滿鮮甜，調味特登改成完全唔辣，絕大部份人都接受得，主要係麻感比較多🫨 食落幾過癮，怕辣人士都食到❤️ 估唔到蜆配中式麻唔辣係咁好食🤤特色卡邦尼意粉 ($238)
香港fusion版carbonara🫨 用咗金華火腿同埋臘肉取代平時見到嘅煙肉🥳 金華火腿脆口咸香，加埋臘肉鹹中帶甜，調味夠平衡👍🏻 意粉煮得啱啱好，每條意粉都比蛋黃包住，冇落cream令到意粉食落唔會好膩🥰 夠晒特別，值得一試！千層脆窩夫油封鴨髀 ($298)
鴨髀上面比一隻大太陽蛋覆蓋住，非常吸引🥰 鴨髀煎到外皮夠脆，鴨肉煮得夠腍，一切就散開🤪 食落鴨肉好嫩，鴨肉汁超級香，充滿成個口腔😮 加埋窩夫同埋蛋黃汁，超級滿足👍🏻…查看更多

位於堅尼地城嘅NOOK. Eggwaffles & Gelato，主打義大利Gelato配港式雞蛋仔🤩 係海傍隔離，可以買完Gelato之後去海邊食🌊 臨近萬聖節，痴滿萬聖節裝飾，好適合打卡👻開心果味+ 南瓜味意式雪糕($68)配雞蛋仔cone (+$10)Gelato + 雞蛋仔呢個組合簡直係冇得輸😋 開心果Gelato香氣超濃，入口順滑，帶少少微鹹🤩 開心果味道夠濃郁，加埋上面一粒粒開心果，食落好有層次🤤 仲試咗Halloween 期間限定口味嘅南瓜Gelato，質地軟綿綿，南瓜嘅天然甜味同creamy口感完美融合🎃 再配埋雞蛋仔，外脆內軟，夠蛋香，一冷一熱，勁滿足🤤椰子斑斕意式雪糕 ($48)一嚟就聞到斑斕嘅獨特香氣，勁香🥰 仲會食到一絲絲椰絲，入口好香椰子味，甜度啱啱好，食落好Fresh🤩NOOK. Eggwaffles & Gelato📍堅尼地城西環堅尼地城吉席街99號地舖…查看更多

金公館喺太古康怡廣場3樓，主打京川粵菜😋餐廳位置非常闊落，坐得好舒服，服務態度亦都好熱誠🥰古法羊腩煲 ($188/平日)最近天氣轉涼，最適合食一個暖笠笠嘅羊腩煲，有好多舊羊腩，羊腩肉肥瘦均勻，慢火炆到軟爛入味，完全冇咩羊臊味🥰 配埋腐乳，加埋有冬菇、馬蹄同埋枝竹，超級豐富🥳 古法湯底完全唔辣，配埋皇帝菜食，簡直係絕配😬 適合一家大細去食，秋冬天暖下個胃🤤金湯老壇酸菜魚（細）($208)
超級大兜酸菜魚，份量完全唔細🫨 金黃湯底酸辣啱啱好夠酸，辣度唔係好高，入邊充滿大大塊魚片，新鮮彈牙，魚肉冇腥味🤪 酸菜脆口入味，湯入邊仲塞滿萵筍、寬粉同配菜，份量三個人都夠飽👍🏻食完超大份量嘅晚餐之後仲會送桂花糕🥰 鍾意食川菜嘅，一定要嚟試下🥳…查看更多

Ig隔一排就會彈好多呢間嘅食評俾我睇，咁啱約咗朋友去旺角一於去試吓，雖然地址係太子，但係旺角會近啲🤪鮮肉黑松露芝士餡餅 ($39)雖然等咗半個鐘，但外皮脆卜卜，芝士拉絲，黑松露香濃，肉汁多，食到好滿足😍🤤京蔥羊肉餃 墨魚馬蹄餃雙拼 配南瓜湯 ($62)餃子大隻足料，羊肉味香濃，墨魚馬蹄爽口，不愧係招牌👍 南瓜湯多🤩 南瓜絲好足料，配搭一流🥳總括嚟講，芝士餡餅香濃拉絲，餃子足料大隻，湯有誠意，成餐抵食🥳 經過不妨一試！…查看更多

Tokachi Milky 出咗期間限定嘅焙茶系列🫨 我揀咗焙茶牛乳雪糕杯同 焙茶泡芙🤪 都幾多人排隊但係唔算等咗好耐🥰 焙茶牛乳雪糕杯 ($48)
焙茶牛乳雪糕杯底層有甘香焙茶凍，上面就係雪糕，側邊有焙茶醬同埋山核桃脆脆，上面就灑咗少少焙茶粉🥰 食落牛乳雪糕味道超級濃郁，入口唔算好滑，但充滿牛奶香味👍🏻 加埋焙茶粉同埋焙茶醬非常夾，再加埋核桃脆脆都好好食，增加口感，但係核桃份量較少☹️最底層焙茶凍就一般，冇咩驚喜👌🏻焙茶泡芙 ($42)
焙茶泡芙賣相100分，外皮金黃色配上面山合桃碎🥰 一咬落去好香合桃味，外皮脆脆地再加埋合桃脆口感，內裡忌廉軟滑綿密，雲呢拿忌廉加焙茶忌廉令甜度啱啱好，但亦都令焙茶味唔算好突出😋 口感超級豐富，唯一缺點就係有啲細舊🤤…查看更多

想係尖沙咀食泰國野😋 揀咗siaw，星期六夜晚6:30去到都啱啱好，唔使排隊🥳 餐廳幾乎坐滿超多人，裝修充滿泰國元素，好有氣氛🤪 但係空間唔大，人多座位又較迫坐得唔係特別舒服😎 我哋入咗之後見到出邊都開始有排隊，唔想排隊可能要早少少嚟👍🏻泰式炒河 (雞) ($88)
本身見最出名醉貓炒河，但係我哋又想食雞，所以叫咗泰式炒河😂 一上枱仲識出煙，河粉上面有配粟米筍、芥蘭🥰 食落雞肉嫩滑，河粉吸收醬汁少少鹹味，整體食落去味道平衡，鑊氣十足😍 粟米筍、芥蘭煮得啱啱好，有咬口夠脆😋 河粉煙韌果然上網冇推介錯，都幾推薦🤩香辣打拋葉炒豬肉 ($88)
一嚟就見到上面有隻超大雙黃炸蛋，超吸引🤪 又係即時炒起熱辣辣，豬肉粒配羅勒葉同辣椒，食落好香👍🏻 我哋揀咗少少辣，辣到對我哋嚟講啱啱好，味道濃郁惹味😋 超夠鑊氣，配飯一流👍🏻飛天通菜 ($68)
飛天通菜有得揀辣，我哋又係揀咗少少辣😂 實際上都幾大兜，通菜炒得啱啱好，口感爽脆🥰 食落蒜香同辣味都有，但調味較淡，唔夠重口味，唔知係咪因為我哋揀咗少少辣嘅關係☹️ 唔夠重口味
Siaw嘅炒嘢整體嚟講幾出色，全部都即刻炒好，上枱嗰陣仲見到有煙，食落好夠鑊氣🥳 下次仲想試吓其他嘢😋 假期去記得早啲去唔使排隊👍🏻…查看更多