余媽媽的個人專頁

身為榴槤控兼食肉獸，聽說天后有間結合榴槤與燒肉的放題店，立刻相約朋友前去朝聖。這間「天后燒肉屋」的晚市放題2小時，絕對是近期最令我驚喜的餐廳！店內主打「榴槤燒肉放題」，將兩種極致美味完美結合。燒肉品質相當出色，必點的有油花均匀的澳洲和牛M7牛板腱，入口即化；肉味濃郁的美國安格斯封門柳，肉質厚實鮮嫩，每一口都是享受。私心推介荔枝牛肩胛串，清甜果香與牛肉的搭配令人驚艷；厚切牛舌芯爽脆彈牙，絕對是回本之選。而醬汁特選美國牛五花更是滋味十足，油香四溢～豬肉類同樣精彩，爽脆豬頸肉燒至金黃香脆，醬汁五花腩肥瘦適中，蘸上特製醬汁令人回味無窮～海鮮方面，日式蒜蓉大虎蝦鮮甜彈牙，蒜蓉牛油烤帆立貝濃香惹味多汁，爽脆白鱔片皮脆肉嫩，每一款都值得品嚐～其他肉類如乳鴿皮脆肉嫩，韓式雞肉與摩薩醬汁雞肉都各具風味，鵝肝多士也很香口～最令人期待的當然是馬來西亞D24榴槤任食，榴槤香濃綿密，品質絕不馬虎。現場即製的榴槤薄餅火熱香脆，榴槤餡料都很豐富～用餐期間可以飲品任飲，還有清酒、梅酒、紅白酒等選擇，最後我們以哈根大師雪糕作結，雪糕都可以任食，好滿足啊！雖然還有其他炸物、飯麵、蔬菜等選擇，但我們已經110%飽了，唯有下次再試～整體而言，這裏食物水準不錯，服務態度親切，上菜速度又快。$349/位，另有加一收費，喜歡榴槤和燒肉的朋友，這間絕對值得一試再試！…查看更多

一向都超級鍾意食甜品，今次同家人路經元朗Yoho Mix的石磨樂豆 Jollibean，見到佢地有好多款式的甜品和飲品都好吸引，天氣熱辣辣，毫不猶豫地外賣左啲甜品番屋企慢慢歎～我地點左1個套餐：第一次食呢度嘅菠蘿麻糬面煎糕串，面煎糕好似加茶記菠蘿包咁香脆，仲有拉絲麻糬口感，非常特別～ 套餐包一杯9 °微甜濃豆乳，香濃豆香，順喉幼滑，有優質植物性蛋白質，健康清怡，甜度啱啱好～我地仲點左樽裝布甸珍珠豆乳茶，飲布甸都係第一次，加入了珍珠好彈牙，提升口感，飲得到的甜品，別有一番風味呢～見到佢地出左好多好啱夏天嘅香芒系列甜品，清爽鮮甜～ 我地就試左香芒小宇宙，粒粒Q彈小丸子配上香甜芒果，真係食到停唔到口呀！下次要試吓佢地嘅山藥百合系列：准山百白豆腐花、西米露、糖水睇個名都feel到夠晒養顏；仲有紫米露系列: 懷舊傳統糖水、紫米露、紫米豆腐花、紫米西米露，總有一款啱心水！…查看更多

最近相約朋友到元朗YOHO MALL PHI Coffee & Pancake聚聚，餐牌增添左好多充滿夏日特色嘅美食，絕對係視覺同味覺雙重享受～  必點🍨「泰式梳乎芒果糯米飯」梳乎厘口感超輕盈，充滿蛋香，搭配香甜芒果同軟糯糯米飯，冰火交融好驚喜！ 仲有可用椰漿代替cream, 好有新鮮感～🥗「泰式青檸芒果沙律」鮮甜清爽，仲有我最愛的牛油果，青檸香氣爆棚，夏日解膩首選！  🍔「漢堡扒全日早晨」漢堡扒多汁濃郁，搭配太陽蛋、牛油果、菇菌和大愛的煙三文魚，好豐富好滿足～  🥤「糯米芒芒椰奶沙冰」口感幼滑，仲有糯米糕放面，很有層次感！  🍹「羅勒檸檬特飲」羅勒獨特香氣配合清新的檸檬，解渴又清爽～  這裏的整體食物水準高，環境舒適，同家人和三五知己一齊來聚餐非常適合，下次要再嚟encore☺️…查看更多

呢晚天氣凍凍地，放工經過呢間位於元朗金輝徑的小店 FATTYBOI Pizza and Burger，啲薄餅香噴噴，於是便決定買回家做晚餐，跟家人一起分享。小店雖然人手唔多，見到佢地都係一單接一單訂單，忙過不停，但店員都好賣力，落單都很有效率，大約15分鐘就可以拎到野食喇。我點了巴馬臣芝士火腿手工薄餅、經典和牛漢堡、薯條、蒜香雞翼、黑松露脆蝦和兩支可樂～巴馬臣芝士火腿手工薄餅香噴噴，外脆內軟，有我最喜歡的火箭菜和巴馬臣火腿，真是食到唔停得口！經典和牛漢堡很有份量，和牛肉質juicy, 很有牛肉香，麵包也很鬆軟～小食薯條、蒜香雞翼、黑松露脆蝦是食pizza的良伴，好惹味，個人最喜愛黑松露脆蝦，炸粉份量合適中，入口香脆啖啖肉，配可樂食最過癮！估唔到呢間小店嘅食物水準都幾好，質素有驚喜，份量亦非常足夠，我地三口子食啱啱好！等下次再嚟支持小店先！…查看更多

吃烤肉有半價優惠好爽啊！我講梗嘅係炑八星期一至五8.30後入座，可享黑夜半價惠 (包括；單點燒肉、單點熟食、單點飲品) ，非常抵食，於是相約friend子到佢屋企附近嘅炑八韓烤(荃灣店) 吃過痛快！炑八韓烤(荃灣店) 位於荃新天地二期，地點方便！我地呢晚行完街再去食飯補充能量，時間啱啱好～係門口俾佢地特別嘅佈吸引了！打卡先！餐廳十分寬敞，座位很多，而且抽風都唔錯，食完唔會成陣油煙味～先嚟多款前菜，差不多全部都可以免費refill，有我喜歡的辣白菜、泡菜、薯蓉和芽菜等~我地都喜歡豬、牛和海鮮，所以一嚟已經點左厚切五花腩、外群肉、韓式紅蝦和大八爪魚～五花腩味道真係唔錯，厚切好有口感，肉質爽滑，可以同生菜一齊食，感覺唔會太油膩～喜歡吃牛必點外群肉，肉質鮮嫩，好香滑，燒一陣就食得！海鮮有大八爪魚和韓式紅蝦，前者醃得好入味，食落好彈牙～ 後者大大隻，肉質結實又多膏～仲有海鮮煎葱餅，集合了多種海鮮，好豐富，而且入口香脆～韓國水冷麵可以先把黃芥末和醋混合，再加入麵中提味，酸酸甜甜夠晒開胃！當然唔少得特色飲品啦！藍橙有氣果酒甜甜地，有少少清酒味，好易入口～ 想無酒精可以試吓荔枝梳打，清清甜甜，好有夏日氣息～食物好令人回味的一頓晚餐，仲要係半價超抵，以後真係要嚟多幾次喇！…查看更多

最近同朋友入開屯門，晚上順便去埋牛氣屯門店勁食放題～ 我地揀左 Level 4: 澳洲穀飼黑安格斯牛 + SRF 美國極黑牛放題 + 海鮮放題 ，食物豐富有質素，可以任飲任食90分鐘，開心開心火鍋放題，而且飲品都有好多選擇啊～ 惠顧Level 4或以上，今期仲有法式蒜香芝士焗生蠔可以無限追加，勁多蒜蓉好惹味，又滑又肥美，啱晒我地呢啲生蠔迷！湯底總共有9款之多，我地揀左鴛鴦鍋，有蕃茄湯和黑蒜豚肉湯，湯底好香濃～店員會先送上靚牛、一些海鮮和三文魚刺身俾我地享用，試完之後可以按喜好係手機點餐～呢晚食左好多黑安格斯牛、美國極黑牛、牛小排和肩胛肉眼，肉質鮮嫩，非常美味，仲有豚肉和雞腿肉，同埋牛頸脊等，可以滿足不同人嘅口味～任食海鮮都好吸引，包括有日本帆立貝、三文魚刺身、大海蝦、墨魚滑、爽脆水魷、花膠、青口等，都幾新鮮、冇雪味，上菜速度都好快～仲可以到自助區取各款食材，包括：蔬菜瓜果類、中西和日式甜點和雪糕等～ 黑芝麻豆腐花幾好味，夠特別！適逢做緊和洋祭，揀level 4嘅套餐會有把靚靚透明遮送，打卡upload埋去social media仲會送牛氣御守一個呀！呢晚真係滿載而歸啊～…查看更多

最近見到炑八韓烤平日8:30pm後入座享黑夜優惠半價，包括單點燒肉、單點熟食、單點飲品都有優惠，好抵食，梗係要同家人去食好西啦～炑八韓烤（屯門店）位於屯門市廣場，係西鐵屯門站落車行大約10分鐘直達，都好方便！本身我地都好鍾意食韓燒，今次仲有半價，一於瘋狂點餐：多款前菜都可以免費refill，包括辣白菜、泡菜和芽菜等~主菜點左點左我最愛嘅蔥蒜牛五花，肉質香嫩，油香撲鼻，蔥蒜味香濃，醃得好入味，而且相當夠份量～炑八厚切五花腩都好好味，店員幫手烤到外脆內軟好香口厚切口感更豐富！夾埋生菜一齊食唔覺油膩～燒大八爪魚，入口彈牙，醃得夠晒入味～韓式紅蝦大大隻，鮮甜美味，蝦味濃郁！泡菜煎餅又薄又脆，啖啖泡菜香～韓國水冷麵，加入醋和黃芥末，味道大大提升，酸酸甜甜好開胃啊～點左兩杯梳打分別係薄荷荔枝梳打和藍天然梳打，見到已經透心涼，好吸睛呀！夏天飲涼浸浸呢！又係好豐富嘅一餐，半價食特別爽啊！…查看更多

呢晚到左旺角雅蘭中心的【佐賀燒肉谷日式燒烤放題專門店】食燒肉放題，食物高質又豐富，120分鐘任飲任食輕輕鬆鬆唔洗趕～ 餐廳地方寬敞，有大量卡位，坐得舒服～餐廳呢度有4種價錢嘅套餐可以選擇，我地揀左Lv3 澳洲和牛海鮮放題，有超過128款美食，以及自助專區40種美食，好多選擇喔！仲可以免費暢飲啤酒或清酒啊！一開始會上頭盤澳洲和牛海鮮盤，好吸睛，打卡啱晒！肉類包括：澳洲和牛上級牛胸肉油膩分佈均勻，入口又香又滑、牛舌亦有水準，好咬口，仲有和牛肉眼芯、和牛特上牛肋肉、特選牛小排、美國牛胸腹肉等都好高質，海鮮有法國黃金螺、原隻鮑魚燒、帆立貝、青口和大海老～ 等我地可以先試左牛嘅不同部位和精選嘅海鮮，之後按喜好encore喜歡嘅款式～煙燻壺漬封門柳，肉味香濃而且好夠淋，醃得好入味，完全唔需要沾鹽花都已經好好味了！霜降一口牛，一粒一口好滋味～ 必食燒日本原隻生蠔，大大隻肉厚好香滑～適逢奧運港隊攞到金牌，餐廳當日仲另外送左日本和牛嫩肌壽喜燒俾我地食Lv3或Lv4套餐嘅客人，好有驚喜！一片片雪花嘅日本和牛，油脂分佈均勻，入口即溶，沾上蛋汁份外細嫩幼滑！呢排除左有燒肉放題套餐外，仲做緊期間限定水果祭，可以享用以酸甜果實製作嘅各種菜式，開胃又好味，非常啱夏天食，水果醬醃𠝹花魷魚味道好清新！貓山王榴槤刈包和榴槤炸彈都十分香甜幼滑，齒頰留香！如果個胃仲有少少位，不妨到自助區試吓大福和銅鑼燒等甜品喔！呢餐實在太豐富，啱晒牛魔王和榴槤控！…查看更多

呢晚同friend子去食泰式打邊爐，位於旺角嘅泰金鍋，地點方便而且食物種類繁多，淨係特色湯底已經有8款可以選擇，包括：泰金冬蔭功鍋、馬來娘惹叻沙鍋、藥膳豬骨白湯鍋、 青檸椰奶雞湯鍋、泰式麻辣鍋等。我地揀左青檸椰奶雞湯鍋和娘惹叻沙鍋，好鍾意椰奶雞好香濃嘅椰子味，連啲雞都好滑，而娘惹叻沙鍋就有少少辣，好惹味。呢度仲有本地新鮮流水蝦自助任夾，用嚟打邊爐一流！肉質彈牙超新鮮～急不及待要試吓呢度嘅晚市火鍋放題，我地點左 Set B，有齊我地想食嘅食材～牛魔王一定唔會錯過澳洲極選肩胛牛小排、油花分佈均勻，入口香嫩，仲有特級牛胸腹和牛胸爽，肉味香濃～ 每款都要encore再encore! 好鍾意極上牛舌，好彈牙爽口！豚梅肉都不錯，好新鮮香滑。話明係泰式放題，梗係唔少得泰式沙嗲串燒啦！有雞肉和豬肉串任君選擇，好有泰式的風味！火鍋常見配料，例如：肉丸、蔬菜、豬紅、魷魚等亦供應充足。仲有小食如：泰式沙律、泰式鳳爪、炸魚餅等可以慢慢試～飲品都有好多選擇，部分啤酒仲唔需要加錢，最心心眼是有我喜歡嘅泰式奶茶，香滑順喉，正呀！最後食埋個泰色三色冰甜品和榴槤炸彈，為是晚畫上完美的句號。兩小時任飲任食真係好豐富啊。…查看更多

呢晚相約朋友到屯門飯聚，我地都好喜歡食燒肉，講到美味又高質嘅燒肉，大家異口同聲諗起呢度【燒肉 焰（屯門）】～餐廳以木系設計，環境寬敞，設大量卡位，坐得好舒適，加上我地早食，輕輕鬆鬆唔洗等位。呢度嘅食物質素很好，服務員也很用心，會給我們推介合適的菜色和講解點樣燒先最好味～先來一盤沙律打定底，迎接嚟緊嘅美味菜色。生蠔控不會錯過呢款蒜蓉牛油燒生蠔，生蠔脹卜卜，好肥美，加入牛油一齊燒，入口又香又滑～名物！菠蘿漬鑽石和牛胸腹肉係呢度嘅主打菜色之一，差不多張張枱都嘅客人都食緊，肉味濃郁，入口juicy, 配上菠蘿更有助降低油膩感～到是晚至愛 鹽燒特上三角牛小排非常吸眼睛，油花分佈均勻好香口，薄薄一片唔會好漏。香蔥牛舌亦都非常爽口彈牙，店員教落：兩邊燒到差不多就可以剪開再燒多陣，加點鹽巴更添美味！醬漬原條封門枊醃好晒非常入味，牛味十足而且仲好腍，好滿足。再來個燒日本雞肉北海道豚肉飯就夠晒飽喇！估唔到呢度嘅定食都同樣出色～ 雞肉和豚肉都好香嫩，唔會乾噌噌，伴溫泉蛋倍感幼滑！仲有前菜小食和湯，好豐富呢。飲品點左巨蜂提子乳酸梳打和抹茶鮮奶，充滿日本夏日氣息～今餐真係好豐富，食到唔停口，下次要encore啊。…查看更多

呢晚到左大角咀嘅素食餐廳食自助晚餐住，每位一百頭已經可以由前菜食到甜品，仲包埋飲品，好滿足呀～已經係第二次到訪，食物質素唔錯，keep得到，而且平日人流比我地上次嚟還多呢！呢度採自助方式，食物和飲品都可以自己拎，素湯、洛神花茶和汽水等飲品任君選擇～食物選擇都幾多，前菜食左涼拌木耳、冰鎮涼瓜，十分開胃～另外，主食款式也多不勝數～ 有美味嘅茶葉蛋、香脆素pizza、素糉好應節、煎堆卜卜脆，素春卷加左沙律醬，食落有啲似沙律海鮮卷，仲有素壽司，個樣幾可亂真！賽螃蟹啲蛋白好香滑，南瓜布丁大愛，又甜又軟滑，麻婆豆腐香辣白滑～甜品焗鮮果雪山好搶鏡，桂花糕味道清怡，甜度合適，入口即溶，再試埋涼粉和豆腐花，好滿足！如果真係仲未夠飽，可以試埋佢地嘅炒麵、炒飯啊！好夠鑊氣～輕輕鬆鬆兩小時任飲任食素食buffet，時間好足夠，而且食物選擇多，食得健康又開心啊！…查看更多

一向都好鍾意食刺身和生蠔，最近見到朋友嚟呢度打卡，好心動，於是呢晚相約朋友仔一齊嚟開餐～位於元朗的武士料理，小店裝潢也很日式，雖然坐位唔多，但勝在食物質素高，食材好新鮮～ 今次我地專程為左呢盤武士之魂刺身盛 （$438）而嚟！多款由日本直送嘅刺身以樓梯式木架陳列着，例如有我最愛嘅海膽、大拖羅、牡丹蝦、帶子、赤貝等，樣樣都非常新鮮，拖羅很肥美，在口中溶化，肉質嫩滑，海膽鮮甜無比，滑到好似食緊雪糕咁，赤貝亦都好爽甜！刺身盤仲配埋一碗魚生飯添～生蠔控怎會錯過呢度嘅生蠔呢！同樣是日本直送，大大隻，好吸睛，肉質好滑，入口既鮮甜又肥美，有淡淡的海水味，而且面頭仲鋪左海膽和魚子，三重滋味甜在心頭，口感豐富！每隻$138絕對值得～同朋友仔一齊品嚐到美食真係非常開心！呢晚真有口福啊！…查看更多

一向知道荃灣大鴻輝中心好多野食，呢晚就約埋余爸爸一齊去御滿屋日本料理食我地大愛嘅式日式放題～餐廳環境非常寬敞，有大量卡位，有啲仲可以望到附近嘅街景～餐廳設自助區，前菜、飲品、甜品、雪糕和一些熱食都可以自己拎～ 而飲品除左平日嘅soft drinks外，仲有梅酒和清酒等，好有驚喜！到點餐時間喇！我地揀左套餐A，包括刺身、壽司、手卷、軍艦、串燒、鐵板、天婦羅、炸物等77種美食，相當豐富！掃QR Code落單後好快送到！壽司同刺身一向都係我杯茶，所以第一轉我地已經點左好多款，赤貝、帶子、阿根廷赤蝦、泰式生蝦和油甘魚等刺身都好新鮮，喜歡食龍蝦嘅朋友，可試試龍蝦膏赤蝦壽司和龍蝦三色塔，味道鮮甜濃郁～海膽手卷啲海膽都有相當份量，唔會吝嗇～燒物方面，試左雞翼、雞軟骨，鹽燒牛舌又軟又爽口，鹽燒海蝦肉質結實，蒜蓉燒生蠔辣辣地好惹味～ 鍋物方面，蠔鍋都唔錯，雖然蠔size唔係好大，但勝在夠鮮味～必食榴槤炸彈，榴槤流心趁熱食好好味啊！雪糕仲有哈根大司, 有驚喜！甜品都唔錯，馬卡龍和木槺布甸都幾吸引～呢餐食到好多美食，而且味道不錯，食足兩小時好抵食啊!…查看更多

呢晚約左friend子係元朗食飯，因為落雨想搵間就腳啲嘅餐廳，即時諗到Yoho Mall裏面呢間韓式Cafe Terrace in seaside, 餐廳粉色的佈置充滿少女風，座位也十分寬敞～見到隔離枱食梗炸雞，賣相十分吸引，於是我地便點了新口味蜂蜜無骨炸雞，估唔到半份份量都有咁多，好滿足！炸雞真係讓人瘋狂，每一口都沾有蜜蜂，甜甜地好好味！個皮入口香脆，炸粉厚薄適中，裏面嘅雞肉仍能保持水份，而且仲好滑，非常推介！朋友鍾意食辣，所以點左BBQ辣炒豬肋排，豬肋排好香，肉質腍嫩好入味，辣辣地好惹味，配生菜一齊食更爽口！再來另一款辣嘅菜式，泡菜牛肉炒飯，大大碟夠睇頭，牛肉份量十足，一上碟已經覺得好吸引，米飯粒粒分明，入口有啖啖泡菜香～山蓟菜大蜆意粉，大蜆名副其實大大隻，仲有爽口嘅蝦和山蓟菜，加入醬汁好滋味～到甜品時間，柑橘布甸帶有柑橘嘅香氣，入口微微的酸味，配埋軟滑嘅忌廉一齊食，馬上甜番晒，布甸裏面放左清甜嘅柑橘肉，很喜歡！飲品都一樣唔輸蝕，白桃飛舞冰雪乳酪酸酸甜甜，入口透心涼，好啱呢個天氣飲，飲完仲可以飲埋件白桃啊！咸咸地奶油維也納咖啡，聞住香濃嘅咖啡香好療癒，口感幼滑、微咸，幾特別～呢餐同friend子食左好多好野，非常滿足，而且坐得舒服，下次再encore!…查看更多

呢晚約埋閨密聚聚，嚟到尖沙咀，唔想食得咁heavy, 於是揀左我喜歡嘅可麗餅做晚餐～ 位於尖沙咀K11呢間人氣法式可麗餅專門店Cafe Crepe，地理位置優越，交通方便，環境舒適，平日晚上7時左右入座都已經幾乎滿座了！呢度有多款可麗餅和飲品選擇，可麗餅出名皮薄而且好煙韌，十分高質，我們就點了兩款signature crepe，一咸一甜，再加兩杯飲品，好滿足啊～秘製瑞士芝士汁配黑松露帶子（$125）絕對是足料之作，餡料滿滿，有濃郁嘅黑松露香加上粒粒鮮甜的珍珠帶子，美味又健康！蘋果金寶配奶油醬及香草雪糕（$108）是甜食的不二之選，爽口的蘋果加上帶焦糖肉桂香的奶油醬和香滑的香草雪糕，冰火交融，大愛！呢度嘅可麗餅嘅份量對我地兩位女生來說是剛剛好，真的可以當晚餐~飲品點了Pina Colada（$48）和 Blue Hawaiian（$48），兩杯賣相都好靚，陣陣清宜的果香，好有夏日氣息，微甜好好飲！…查看更多