Mandychan0123的個人專頁

鮮蝦柚子沙律脆爽既蝦肉配搭酸甜既柚子醬汁,開胃提神之餘仲有健康既感覺。香蔥拖羅蓉海膽三文魚子杯海膽鮮甜滑順,配埋鹹香四溢的三文魚子,絕對係海鮮控的至愛。鐵板燒鵝肝嫩滑鵝肝加上鐵板煎出的香味,入口化開,回甘留香。鐵板燒南非鮑魚鮮嫩多汁,鐵板處理既鮑魚唔會乾澀,仲好大隻厚身。鐵板燒A4宮崎和牛厚燒肉質入口化開，充滿油香但唔油膩，師傅將和牛切成一啖大小，每啖都能感受到和牛的濃郁香味。櫻花蝦炒飯飯粒分明，食得和牛多，特別鍾意食個櫻花蝦，鹹香好惹味。蕨餅紅豆配蕨餅為成餐飯畫上咗個完美句號，蕨餅微甜，紅豆唔會太硬，味道清新。整體而言非常滿意，今晚嘅飯局，餐廳位於尖沙咀the one 高層19樓，坐喺餐廳裏面慢慢咁樣食呢個鐵板燒，欣賞窗外美景，實在係同朋友慶生聚餐嘅好選擇。…查看更多

中環美食出名多，上次同朋友食左喱間泰國餐廳叫泰排檔。蟹肉炒飯飯粒分明,蟹肉鮮甜多汁,吃落有粒粒蟹肉口感好豐富。飛天通菜菜葉鮮嫩爽脆,泰式通菜特色係清新又帶點微辣,非常開胃。泰式和牛牛柳焦脆嘅外皮下,柔軟多汁嘅和牛肉質,再配以泰式酸甜醬汁,真係完美演繹咗泰國菜式嘅特色,燒得黎唔會太靭。環境上正如其名一樣唔會太華麗，好適合同朋友食飲吹水！weekday黎到都見到同場有好多人黎食dinner, 幾熱鬧下。…查看更多

喱間鐵牛位於中環中心地帶，每次放lunch都見到好多人排隊食，今次終於等到晚上有時間黎試下佢。私房牛肉面當中包括金錢展、牛肋條、牛筋同埋牛肚絲。每一種肉質都好tender又入味,配搭上彈牙嘅麵條同台灣出名牛肉面個種濃郁香醇嘅湯，果然係有台灣當地牛肉面既質素。👌豐盛牛肉便當肉質鮮嫩,分量十足,另加上不同配料。喱種便當好似家庭式料理,好有回憶感!櫻花蝦粉絲娃娃菜新鮮脆嫩嘅蔬菜，配搭入味嘅櫻花蝦既口感好清新又好開胃。健康得黎又有食緊小菜既feel，重點係喱個菜式係小食價錢，主菜份量!!鹽酥雞外脆內嫩，單單聞到香味已經食指大動，啖啖肉又好香口!蜂蜜檸檬同金桔檸檬蜜2杯唔同口味嘅飲品都好清新，係凍凍地既天氣感覺好滋潤。總括而言，鐵牛台灣牛肉面嘅價錢超合理，招牌菜式每一樣都好有特色，令我地好似置身台灣街頭一樣，重拾返係台灣旅行既美好回憶。🤤…查看更多

最近朋友邀請，有幸造訪深受本地人同遊客歡迎既蓮香樓。入到黎，環境都非常懷舊，仲係有得自己拎點心卡出去拎點心個種茶樓。同朋友2個人食左幾款點心同一個主食~首先我試咗佢哋嘅蝦餃，皮薄餡靚，隻隻都飽滿多汁，每一啖都食到蝦肉，有濃濃嘅鮮蝦味!仲有佢哋嘅燒賣,燒賣好有咬口，彈牙得黎又唔會好重肥膏，配埋喱到個辣椒醬食簡直係絕配!🐷咖喱魷魚鮮嫩可口，有好濃郁嘅咖喱味道，香氣四溢。有別於一般既茶樓，魷魚既份量好多，非常抵食!黎到見到點心車有椰皇，即刻叫左黎做甜品，椰香濃郁，燕窩質感滑嫩，椰子香味同蛋黃真係非常夾，係凍凍地既天氣食好滋潤最後,我哋仲試咗佢哋嘅時菜蝦球窩面，麵條以中式面黎講算非常Q彈，配搭新鮮海蝦同時令蔬菜，個味道係清得黎好有鮮味🍜今時今日，舊式茶樓真係買少見少，從質素可見蓮香樓嘅每一道粵式點心都係用心製作，下次一定會再黎支持🤤…查看更多

雖然近排先去完潮州返嚟，但又掛住潮州美食，於是搵左喱間尚盛潮州海鮮飯店。滷水鵝呢個滷水鵝味道正宗，食落滷水好入味，皮唔肥，師傅直頭起埋骨上，咬落啖啖肉，味道同潮州好接近。春菜煲好大煲，新鮮翠綠嘅春菜加埋濃郁嘅湯汁,每一啖好清新怡人,冇！苦！味！潮州菜嚟講我最鍾意就係食呢個春菜煲😃蠔仔粥粥質同潮州粥係一樣既，有滿滿既米粒感，飽滿嘅蠔仔點綴其中,又鮮又唔膩。油泡吊桶侍應哥哥介紹先知，原來油泡吊桶就係喱種小魷魚仔，佢比起吊片更加有鮮味，爽口鮮甜。總括黎講，尚盛潮州海鮮飯店雖然都照顧咗香港人口味放咗一啲香港菜式入個餐牌，但係都有好多正宗潮州菜式，鐘意潮州菜嘅人一定唔可以錯過呢度…查看更多

每次去上運動堂都見到呢間米線店大排長龍，今日同朋友去咗試下招牌米線🤩豬大腸豬肚蘿蔔招牌酸辣米線我叫左至愛既豬腸，米線Q彈，至於豬大腸同豬肚嘅口感都幾好,帶有少少煙靭，蘿蔔索哂啲湯汁又增添咗甜甜嘅味道,一流!🐷墨魚頭木耳熱撈米線米線同樣Q彈有勁,墨魚頭冇加額外調味，但配埋脆口嘅木耳,層次感十足!🐙🌱麻辣手撕雞雞肉足料，好惹味，但又唔會話太辣😍配米線食好夾。另外豆漿都非常有豆味，最欣賞嘅喺呢度用小食價錢加嘅小食都份量十足，非常抵食，唔怪之得大排長龍😝…查看更多

中環一向都好多嘢食，上次去搵串燒食嘅時候無意中發現呢一間燒肉店，今次特意同朋友黎試佢哋嘅套餐。套餐裏面可以揀兩款肉類，我同朋友兩個都揀咗牛舌同安格斯牛肉。薄切鹽燒牛舌肉質極之嫩滑,鹹香惹味,一定要配埋佢哋特製醬汁去食，值得一讚嘅係佢個牛舌嘅口感竟然有啲似我哋喺日本好鍾意食嘅牛舌，帶有少少咬口。美國黑安格斯牛肉肉質鮮嫩，成份肉嘅脂肪比例非常好，雪花紋好平均，燒落唔會覺得好韌。另一大亮點就係佢哋嘅「石狩西京魚湯」,湯底清鮮甘甜,濃郁但不會膩口，作為跟餐嘅湯品嚟講，絕對比麵豉湯有誠意。雖然肉食係重點,但延燒肉仲貼心地附送野菜拼盤」幫手解下膩。最後,作為一餐完美的晚餐，最後跟餐仲有一個雪糕甜品，非常滿足。中環地區難得喱個價錢食到喱個質素既燒肉，十分推介俾大家！…查看更多

平時成日見同事去犀牛犀牛買午餐，今日放工特登去到中環街市買犀牛犀牛外賣蛋餅同埋吐司做晚餐同埋第二日嘅早餐。培根起司吐司麵包焗得香脆，內餡的培根和芝士恰到好處,鹹香味十足,材料簡單，但係食唔停口。肉鬆起司蛋吐司肉鬆鬆髮軟軟,配上蛋同cheese，都係一個非常易入口嘅好選擇。韓式醬燒牛五花蛋餅呢款係我嘅至愛，牛肉軟嫩多汁,醬汁濃郁香甜,和蛋餅完美融合,。好似置身韓國街頭咁韓式泡菜起司豬蛋餅呢款既豬肉都好鮮嫩多汁,泡菜的酸甜與起司的鹹香對比勁鮮明，比較岩重口味嘅朋友🥞🥓肉蛋吐司呢款夠經典，但肉餡算係飽滿多汁,蛋滑又鬆軟,唔容易覺得膩!🍳🥖飲品方面,我就叫左鳳梨綠茶同白桃烏龍，兩款都係比較清新爽口,完美解膩。🍵價錢嚟講$40左右一份，非常合理，食一至兩個已經好飽肚😺…查看更多

以前都係金鐘返過工，老實講金鐘冇乜野食，更加冇餃子店。今日見到「餃掂快線」，即刻同朋友入去坐低。佢地除咗有特色招牌餃子之外,仲有D傳統與創新並重嘅選擇。龍鳳蛋龍鳳蛋其實即係係蛋上面加上少少松露醬，食得到松露醬既香味但亦無蓋過蛋味，蛋既本身有少少甜味，好正!蔥味酸辣雲耳爽脆可口,清新爽口,係個超好既開胃小菜蜜餞雞翼咸甜交織, 我想像中既蜜餞雞翼係好似瑞士雞翼咁，但喱到個雞翼唔單止有蜜味,甚至食落仲有少少煙燻味,令整個雞翼更加回甘。雲耳椰菜餃/韭菜餃今晚黎到大約係8:00, 店員已經過冇哂龍鳳餃，唯有叫返d傳統保險之選~雲耳椰菜餃/韭菜餃2種餃子既餡料都非常鮮嫩多汁,用料十足，每一隻餃子都超級足料爆汁大大隻。蜂蜜檸檬意米水酸甜適中，解渴又消暑，岩哂夏天飲。喺金鐘呢個美食沙漠，餃掂快線簡直係返工人士既恩典飽肚又抵食。…查看更多

自從朋友幾個月前介紹左喱間餐廳，近年不止一次黎喱到慶祝生日或者節日，質素勁好，價錢都好合理，今日再同爸媽黎食飯，叫左蝦乾粉絲煲、炸子雞和椒鹽魷魚。炸子雞炸子雞外皮酥脆，肉質鮮嫩，搭配上特製的醬料，好味。椒鹽魷魚椒鹽魷魚真係要力推，金黃酥脆，撒上的椒鹽和炸蒜係重點，我連啲蒜都食到一乾二淨。最欣賞竹園餐牌價錢一年四季都一樣，冇節日價，性價比非常高。飯後仲會送高質甜品。高質素既餐廳值得支持，要食多啲先可以令佢得以保留。加油！…查看更多

最近聽朋友介紹，MOKO喱間餐廳推出全日供應的午市餐牌，價錢親民而且選擇多，於是約埋朋友去試一試。日式牛肉火鍋 $148我叫左份牛肉火鍋！牛肉切片薄身，油花分佈平均，肉質都算幾好。湯底有少少偏甜，火鍋配料方面都幾豐富，有娃娃菜、金菇、豆腐、冬菇等，好滿足。火鍋套餐仲包埋一份前菜拼盤，有魚生同日式蒸蛋。我本身都好鐘意食日式蒸蛋，喱個蒸蛋蛋香濃郁，滑嘟嘟，價錢雖然唔貴，但都唔係求其交差，質素媲美高級日式料理店。最後仲有雪糕做甜品，$148 有前菜、主菜、甜品，值得推介既地方係佢係唔限時，好岩同朋友傾計食飯。…查看更多

因為屋企人鐘意食中菜，近年來都試左唔少酒樓，星記算係云云中菜廳入面非常出色既一間。平日同屋企人/朋友都會簡係下就黎，午市套餐百幾一款，包湯同糖水，小菜款式都唔少。我最鐘意既就係喱到個生炒骨同埋魷魚菜式。生炒骨的肉質鮮嫩，外焦內嫩，宜家都唔係好多餐廳可以keep到個咁好既水準。而喱到既魷魚都係非常出色，好新鮮，特別係有機會餐牌有芥末龍鬚既時候一定要試下，好鐘意個種辛辣感同魷魚鬚既配搭，創新得黎好好味。雖然喱到係冇點心選擇，但小菜質素出色，價錢同中上茶樓相若，服務質素有過之而無不及，係我非常鐘意既一間餐廳。…查看更多

其實上環好多野食，每次經過喱間都唔記得左佢，今次終於都入到去試下啦。環境都幾好，可以同朋友傾下計，午餐時間見到都滿座。我叫咗一份 香蒜雞肉炒意粉，一上枱就聞到陣陣蒜香味，真係幾開胃。雞肉煎得香口，唔會太乾，份量都算足。意粉炒得剛剛好，唔會過腍，texture好好。不過對於減緊肥既我黎講，落油方面就有啲太多，食到中段意粉少左就開始見到個底好油，如果可以控制返油份會更加perfect。不過味道整體嚟講香口惹味，蒜香控應該會幾鍾意。…查看更多

最近見到喱間餐廳推出的優惠非常吸引，大件夾抵食，送野飲和雪糕，同朋友兩個特登過嚟試吓。叫咗和牛石鍋飯、一份刺身、鰻魚壽司﹑左口魚群邊壽司﹑手卷同牛舌，本來都覺得可能唔夠食，但一上菜已經知道會食唔哂，大份到要打包帶走。重點係味道都唔錯，魚夠新鮮，最欣賞就係壽司上面既魚勁大舊!好滿足。性價比黎講，我會十分推薦一番~~有機會會再黎試下其他菜式。…查看更多

見到外賣app有平，諗住試下新野(伏),但又出奇地都OK喎😂 湯麵配烤雞50幾蚊香草蕃茄湯面蕃茄的酸甜都算恰到好處，搭配既小麥麵條彈牙。當歸豬骨湯麵當歸豬骨湯麵比較濃郁，當歸的香氣令碗麵多左啲特色。爆汁脆皮燒雞外皮金黃酥脆，內裡的雞肉算鮮嫩，有炸子雞既感覺。外賣返屋企略嫌有啲唔環保，用咗超多盒，整體味道都算OK ，50幾蚊值得食。…查看更多