nikilmy0410的個人專頁

🔹招牌三寶牛肉麵（轉王子寬麵）轉咗寬麵果然無令人失望，麵條夠闊身，咬落煙韌有口感。牛腩、牛筋同牛肚都炆得夠淋，特別係牛筋入口即化。湯底濃郁得嚟唔會太鹹。🔹夜市鹽酥雞（海苔味）炸得金黃香脆，海苔粉灑得幾慷慨。雞肉保持到juicy。🔹滷肉濃白湯麵湯底真係好濃郁，飲落去好滿足。自選配料超級豐富：· 台南蚵仔肉卷幾特別· 滷水豬大腸處理得乾淨，夠淋入味· 蜂巢凍豆腐吸湯能力一流· 皮蛋同魚腐就正常發揮🔹BBQ香嫩雞柳便當雞柳燒得幾香，BBQ醬汁甜甜哋幾開胃。便當份量足夠，白飯煮得軟硬適中。🔹小食飲品· 甘梅脆地瓜：外脆內軟，甘梅粉酸甜配地瓜好夾· 涼拌海帶芽：清爽解膩· 冬瓜茶：甜度適中，幾潤喉· 無糖烏龍茶：茶味夠香· 凍冰爆咕咕：濃郁既朱古力味食物質素唔錯，價錢合理，係間可以再encore嘅小店。特別推薦佢哋嘅湯麵同甘梅地瓜，值得一試！…查看更多

同朋友搵地方食飯，見呢間綠茶餐廳幾多人等位，一於試下。龍井烤雞幾好食，皮脆脆哋，食到陣陣龍井茶葉嘅清香，雞肉都算嫩滑，唔會好乾。個龍蝦湯泡飯幾鮮甜，湯底夠熱，飯粒吸曬湯汁之後幾好味，不過龍蝦肉就唔算多。蒜香炒菜心就正常，菜心夠綠，蒜味都夠。叫咗壺九曲紅梅茶，飲落順喉，幾解膩，同啲餸菜都幾夾。最後叫咗個西湖雷峰塔甜品，個樣幾得意，甜度啱啱好，幾滿足。整體嚟講，坐得幾舒服，價錢合理，可以再encore。…查看更多

今日同屋企人喺商場行街，行到lunch time就入左food court搵食。平時手撕雞就外賣多，原來依家有埋堂食，真係好方便，咁就入去試下佢哋嘅招牌菜。叫咗個金湯滑雞米線，湯底係金黃色，飲落幾清甜，唔會好油膩。雞肉算滑，唔鞋口，份量都夠。米線質地適中，唔會太淋或者太硬。另外試咗霸王香蔥皇牌雞套餐，雞肉幾入味，蔥油幾香，送飯幾好。個住家靚湯都幾足料，飲落有屋企煲湯嘅味道，唔似味精湯。整體嚟講幾好，價錢合理，經過可以一試。…查看更多

今晚又去荃灣搵食，想食啲惹味嘢，首選當然係呢間米芝蓮泰國菜。環境幾乾淨，坐低無耐就叫咗幾款餸。🔹魚露金不換浸花甲花甲幾乾淨，冇咩沙。浸喺魚露湯底裡面，鹹鹹香香，金不換味都出🔹蝦多士炸得金黃色，入口幾脆口，入面嘅蝦膠都算彈牙，唔會太油膩，點少少辣醬食幾好🔹煎香草比目魚配香茅椰子湯魚皮煎得香脆，肉質都算滑。個湯就酸酸辣辣，飲到香茅同椰香，味道幾柔和🔹粉絲蝦煲夠晒鑊氣，大蝦幾爽口，粉絲索晒啲汁，味道濃郁🔹紅咖喱檸檬葉燒封門柳封門柳燒得好嫩口，唔會韌，個紅咖喱汁香得嚟唔會太辣，加埋檸檬葉嘅清香，味道好夾，好惹味🔹飲品方面泰式青檸茶同香茅菊花茶。青檸茶酸酸甜甜，好醒胃；香茅菊花茶就清清地，飲完成個人舒服晒今餐食得幾滿足，餸菜有水準，價錢都合理，同朋友傾偈食飯幾舒服，會再嚟幫襯。💡晚上八時後入座，可享有海鮮七折優惠…查看更多

中午去尖沙咀整完野，行過見到呢間日本料理幾光猛乾淨，一於入去試吓佢個招牌海鮮丼。招牌海鮮丼賣相唔錯，材料鋪得滿滿一碗。魚生方面，有三文魚、吞拿魚、小貝柱、甜蝦、八爪魚同玉子。三文魚油脂幾香，吞拿魚有咬口，小貝柱同甜蝦都算鮮甜。飯嘅溫度同醋味都調得啱啱好，唔會太酸，同魚生好夾。另外加咗份明太子，味道鹹香帶少少辣，用來送飯，可以提升味道層次。蒜香墨魚仔係我至愛，墨魚仔口感爽脆彈牙，蒜味香濃但唔會太嗆，食完唔會成口蒜臭味，調味做得幾好。今餐食得幾滿意，食材新鮮，味道搭配得宜，價錢合理，係會想再回頭幫襯嘅一間店。…查看更多

今天行完街又買左幾款甜品返屋企嘆❤️🔹多芒楊枝甘露芒果味道濃郁，口感順滑，入面有芒果果肉、西米同柚子肉。西米煮得剛好，柚子肉帶少少苦味，令整體食起上黎唔會太甜膩。🔹超煙韌豆花配料確實好煙韌，珍珠、小丸子和芋圓都有咬口。豆花本身口感細滑，帶淡淡既豆香。上面既奶蓋係鹹鹹地，同甜味配料搭配一齊唔錯。🔹奶蓋芋泥小丸子豆乳杯底有綿密芋泥，同豆乳混合後味道好協調。奶蓋口感輕盈，帶點鹹味。入面仲有小丸子，增加左飲用口感。呢幾款甜品表現都唔錯，材料搭配得合適，食起上黎感覺都幾滿足。…查看更多

上個禮拜同老公慶祝紀念日，揀咗銅鑼灣一間酒店食自助餐。網上睇評論話呢度款式多，尤其係海鮮同肉類幾出名，於是就嚟試下。生蠔係回本位之一，每次限拎兩隻，但補貨快，唔使點等。蠔身飽滿，海水味重，入口幾清新。龍蝦係另一亮點，肉質爽彈，不過有時要排一陣隊。長腳蟹腳都唔錯，幾鮮甜，唔會「霉烚烚」。凍蝦就正常水準，大大隻，算係咁。鵝肝煎得幾好，外層微脆，入口即化，油香重但唔會太膩，配塊多士剛剛好。和牛鐵板燒係重點項目，油花好靚，入口真係有融化感覺，肉味都出。壽喜燒用北海道白樺豚，肉片幾薄，吸收咗湯底嘅甜味，幾入味。另外燒牛扒值得一讚，燒得香口，入面粉紅色，肉質嫩滑。刺身櫃有三文魚、吞拿魚、甜蝦等等，全部幾新鮮，冇雪藏味。壽司飯細細件，唔會太飽肚。熱葷仲有啲中西款式，例如咖哩牛腩、燉湯等等，味道正常。畫碟心太軟係佢哋招牌，個碟畫得幾靚，心太軟一切開朱古力漿就流出來，味道濃郁。黑森林蛋糕係驚喜，忌廉幼滑，入面夾心係啫喱。雪糕都有七種味道選擇，質感濃滑。整體黎講，食物種類夠多，質素對得住價錢。貴價食材如生蠔、龍蝦、和牛都冇欺場，補貨亦快。環境同服務都令人滿意。如果係慶祝特別日子，呢度係一個穩陣嘅選擇。…查看更多

近排掛住台灣美食，唔使飛過去，原來香港都有得食。試咗呢間主打台灣嘢嘅餐廳，幾款經典小食同飲品都幾有驚喜。間舖頭唔算好大，但坐得幾舒服，裝修幾有台灣文青feel，牆身掛咗啲台灣風景相。服務幾好，落單同上菜都快，唔使點等。壽喜燒鍋份量幾足，湯底甜得嚟唔會太鹹，啲牛肉同配料索晒啲汁。黯然銷魂安格斯滷肉飯係個驚喜，滷肉肥瘦啱啱好，撈飯真係一流，安格斯牛肉幾嫩滑，唔會韌，整體配搭得幾好。大腸包小腸整得幾香口，糯米腸煙煙韌韌，配埋條肉腸同酸菜，同係台灣食到嘅有八九成似，幾有台灣夜市feel。叫咗杯木玥黃金水果茶，鳳梨味好出，真係大過手掌，兩個人分享都得，生果料都幾多，飲落好清新。另外杯蜂蜜綠茶就清清地，甜度剛好，解膩一流，食完滷肉飯飲就啱啱好。味道幾正宗，價錢合理，想快閃台灣美食可以試下。雖然唔可以話百分百同台灣一樣，但已經算係香港做得幾好嘅台灣菜，止一止鄉愁絕對冇問題。…查看更多

係旺角行完街，買幾碗糖水返屋企嘆❤️原個雪梨燉川貝幾清潤，雪梨燉到好淋，用匙羹一舀就開。飲落有淡淡川貝味，唔會太苦，喉嚨有啲乾或者咳兩聲嗰陣飲最舒服。楊枝甘露就係穩陣選擇，芒果打得好滑，仲食到細細粒嘅芒果肉。西米煮得啱啱好，柚子肉又唔會太酸。甜度調得幾好，食完成碗都唔會覺得膩。法式紫米露個配搭幾有新意，面頭有椰汁，中間係椰汁紫米，而最下面就係一層法式燉蛋。燉蛋幾香滑，同綿密嘅紫米幾夾。口感層次幾豐富，食完好飽肚。三款糖水各有特色，價錢都算合理，舖頭環境幾乾淨，經過附近想食碗糖水都可以試下。…查看更多

近排冇乜胃口，專登揀咗間日式餐廳試吓天婦羅定食，貪佢清爽唔油膩。今次叫咗個自選組合，可以揀自己鍾意嘅款式，感覺幾好。A5黑毛和牛天婦羅係成個定食嘅亮點，牛肉油脂甘香，外層炸得薄脆，入口即化，不過一件剛剛好，再多就會有啲膩口。海鮮部分都唔錯：珍寶蟹柳肉質飽滿，鮮帶子爽口鮮甜，廣島蠔炸完依然保持到蠔汁。整體炸粉夠薄，食到食材原味，唔會淨係得層粉。冷蕎麥麵係個明智選擇，麵身冰涼爽滑，湯汁清淡，正好平衡天婦羅嘅油感。另外加咗支樽裝忌廉，飲落順口解膩，同炸物幾夾。食材質素對得住價錢，製作認真。如果想食得輕盈啲，呢個配搭值得考慮，尤其適想食炸物又怕滯嘅人。…查看更多

今晚去咗君蘭冰室買晚餐。叫咗兩個三餸飯，揀咗蒸水蛋、梅菜蒸肉餅同上湯娃娃菜。個蒸水蛋滑嘟嘟，仲有少少豉油香，正！梅菜蒸肉餅嘅肉餅夠鬆化，梅菜鹹香入味，送飯一流。上湯娃娃菜清甜爽口，啱啱好平衡返啲油膩感。另外一個三餸飯就要咗豉油雞翼、蘿蔔炆牛腩同金針雲耳蒸雞。豉油雞翼入味又嫩滑，蘿蔔炆牛腩嘅牛腩炆得夠淋，蘿蔔索晒啲汁。金針雲耳蒸雞嘅雞肉鮮嫩，金針同雲耳增加咗口感，幾好味。另外仲買左d麵包做早餐。流心孖芝撻，一咬落去啲芝士流晒出嚟，濃郁芝士香，外皮酥脆。斑斕雞尾包嘅斑斕味清香，麵包軟熟，餡料香甜，好有驚喜。新鮮鹹蛋菠蘿包，外皮酥脆，鹹蛋黃香濃，食落鹹鹹甜甜，好過癮。呢間冰室可以滿足晒一日三餐，價錢合理，味道唔錯，一定會再幫襯！…查看更多

今晚同幾個朋友又去咗食日式放題。整體嚟講，食物種類算多，價錢合理，係一個唔錯嘅聚餐選擇。刺身方面，選擇都幾齊全。三文魚幾肥美，甜蝦同帶子都OK，其他款式如八爪魚、北寄貝就正常水準。雖然未算係好高級嘅質素，但以放題嚟講算係合格。壽司同卷物款式都多，我個人幾鍾意佢哋嘅火炙系列，譬如火炙焦糖三文魚，食落幾香。如果怕食太多飯，可以集中點刺身或者海膽手卷。熟食方面，天婦羅炸得幾脆，唔會太油膩。燒物好似牛舌同雞翼，調味唔錯，係送酒好選擇。另外仲有啲小食同埋湯烏冬，可以換下口味。飲品櫃有汽水、茶同果汁，係基本款式。最後每人食埋甜品同雪糕，真係飽到好滿足。呢間放題唔算話有咩特別驚喜，但勝在款式多，質素穩定，適合一大班人嚟慢慢坐、慢慢食。如果想喺屯門區食放題，呢度可以考慮。…查看更多

今次同朋友去咗旺角呢間日式放題，真心堅抵！$2xx價錢，竟然有任食藍鰭吞拿魚刺身，油脂甘香，入口即溶，完全回本！刺身拼盤仲有爽甜赤貝、鮮甜帶子、肥美油甘魚，款款新鮮，無漏單！必食推介：🔥 焦糖鵝肝壽司 - 表面燒到脆脆地，鵝肝油香爆炸，口感好正🍤 泰式麻辣奶油大頭蝦 - 新登場！蝦頭爆膏，麻辣奶油醬汁超惹味🦪 蒜蓉粉絲蒸蟶子 - 每隻都肥嘟嘟，蒜香爆棚，粉絲吸盡精華🐑 羊腩煲 - 估唔到放題有！羊腩炆得夠淋，腐竹索晒湯汁🌟 魚子醬壽司系列 - 新推出！魚子醬鹹鮮味衝擊，即刻覺得高級咗手卷類都唔輸蝕，海膽手卷好鮮甜，吞拿魚蓉手卷勁多料甜品飲品一樣大方，Häagen-Dazs雪糕任食，仲有各式蛋糕、大福。飲品櫃有齊汽水、果汁，最正係清酒、啤酒任飲，食住刺身乾杯真係勁爽！食物款式多到眼花，質素拍得住單點餐廳，服務爽手，環境舒服。今次真係捧住個肚走，性價比高到癲，一定會再encore！…查看更多

🔹招牌茶走一啖飲落去 茶味真係好出撞奶之後個口感滑溜得嚟甜度調得啱啱好 完全唔會蓋過茶香飲完個口仲有陣陣茶味回甘果然係招牌 無令人失望🔹白桃烏龍打開蓋已經聞到好香嘅白桃味飲落好清新 烏龍茶底好順喉白桃嘅甜味同茶嘅甘香平衡得好好 唔會太甜 飲完成個人好似refresh咗咁🔹招牌巴斯克蛋糕望落去個面焗到深啡色 食落芝士味超濃郁口感綿密又濕潤 外層微微焦香裡面creamy得嚟又唔會太膩 鍾意食芝士蛋糕嘅朋友一定要試今次試嘅三樣嘢都keep到水準，茶飲沖得用心，蛋糕製作認真。個巴斯克真係有驚喜，會為咗佢再嚟！…查看更多

行街見到間小店個名幾特別好奇心驅使下行去睇下 原來係茶飲小食店 買左幾款嘢食飲品試下❤️🔹腸粉三寶腸粉算係滑身 豉油，花生醬同甜醬落得幾足魚蛋同燒賣就係街邊小食正常水準 可以過下口癮🔹炸物拼盤拼盤有齊燒賣、台灣腸、蛋餃、花枝丸同鹽酥雞炸得唔會太油 最出色係鹽酥雞 幾香口花枝丸同蛋餃都唔錯 台灣腸就係平時食開嘅味道🔹彩虹草莓多多賣相幾靚 飲落草莓味幾清新 同益力多嘅味道都幾夾 酸酸甜甜咁加埋彩虹寒天好有咬口🔹檸檬話梅冰話梅味夠濃 帶出檸檬嘅酸味飲落幾開胃 甜度都適中🔹芋香奶茶加布丁奶茶嘅芋頭味算自然 淡淡既奶味加左布丁口感豐富左 如果芋頭味再濃d更加正呢度嘅小食同飲品都算穩陣 價錢合理路過可以一試👍🏻…查看更多