Stella_ssss的個人專頁

估唔到大埔都有咁高質嘅西餐！最近同Bae去咗大埔L'amour撐枱腳，環境勁有feel，燈光柔和，啱晒拍拖紀念日！佢個Set Lunch真係CP值爆燈，食物水準超高，即刻同大家分享下先！我哋叫咗 **手工黑啤龍蝦湯**，超濃郁，啖啖龍蝦鮮甜味，好creamy！前菜先嚟個重頭戲 - **魚子醬海膽多士**！OMG！個海膽新鮮到好似喺北海道食緊咁，超級creamy，配埋卜卜脆嘅多士，口感一流，真心無得輸！另外試埋 **焦糖法式燉鵝肝**，入口即溶勁邪惡，仲有 **秘製油漬吞拿魚** 同 **法國生蠔**，全部都好高質！Main course我哋揀咗 **威靈頓牛柳**，一切開個酥皮勁香脆，完全無soggy！入面嘅蘑菇醬香到癲，牛肉超juicy超稔，熟度啱啱好，高水準之作！朋友叫嘅 **香煎鵝肝配A5和牛** 都係超屈機，和牛油香滿瀉，入口即化！食到尾聲點可以無甜品？個 **蘋果酥** 係我人生食過最好食，冇誇張！熱辣辣嘅蘋果蓉配埋脆卜卜嘅金寶，加一啖雪糕，冰火交融，呢個真係世一！必點！芝士蛋糕都好rich，再配杯Sangria，perfect ending！總括嚟講，L'amour無論係食物質素、環境定服務都好掂，大埔友又多個好選擇啦！絕對會再encore！…查看更多

今日我哋嚟到全新嘅「芋見好圓」！呢間店專注於台灣風味嘅美食，特別係佢哋嘅「騸牯牛系列」，真係令人期待！😋首先，我試咗佢哋嘅香煎騙牯牛柳粒煎蛋飯。呢道菜嘅牛柳粒肉質鮮嫩，煎得恰到好處，外焦內嫩，肉味濃郁，完全唔油膩。煎蛋滑溜，與牛肉搭配，令整體味道更加和諧。飯粒吸收咗牛肉嘅鮮味，食起來真係好過癮！🥩🥚接住試咗香煎騸牯牛林肉牛丸湯麵。牛丸肉質彈牙，湯底清甜，絕對係一碗令人懷念嘅好湯！麵條係用新竹米粉製作，口感滑順，每一口都令人驚喜。湯頭使用新鮮材料熬煮，清香四溢，絕對係冬天嘅最佳伴侶！🍜講到飲品，波霸日月潭奶茶真係唔可以錯過！奶香濃厚，茶味適中，波霸更係Q彈可口，令人一口接一口。愛玉梨山綠茶則係另類清新選擇，茶味清香，特別適合炎熱的天氣，飲完之後心情瞬間愉快！🧋🍵最後，甜品方面，黑糖芋圓波霸刨冰係我今日最愛！芋圓滑溜，黑糖味道香濃，與刨冰的清爽口感相得益彰，讓人無法抗拒。而仙草2號則係傳統台式甜品，仙草香氣四溢，搭配蜜糖，簡單又好味！整體而言，**芋見好圓**真係一個唔可以錯過的台灣美食天堂！每一樣食物都能感受到主廚對食材的用心，無論係牛肉、麵條、飲品還是甜品，每一口都係對味蕾嘅滿足。🍽️✨如果你鐘意台灣美食，或者想試下新嘅口味，記得來「芋見好圓」打卡！你一定會愛上呢度嘅一切！❤️…查看更多

今日去到天水圍呢一間高性價比嘅糖水舖，見到好多人都有嗌花生腰果合桃糊，等我都試吓！味道又真係幾香濃，口感好幼滑，鍾意食Nuts嘅話一定唔可以錯過🤤果然冇令人失望😌芋圓桂花糕涼粉嘅桂花好香好清新，芋圓好煙靭，加埋涼粉，呢個配搭都幾新穎😋絕對可以一試！楊枝甘露雖然係糖水舖嘅基本款式，但非常欣賞店舖喺呢啲基本嘢上面都會花功夫🥹成碗楊枝甘露材料滿滿，真係食到底都仲有大大粒嘅芒果，仲要冬天食芒果甜品都係咁甜，呢個位真係加晒分👍🏽朱古力窩夫🥐窩夫個底係牛角包，上面有朱古力cream，上菜嘅時候個牛角包仲係熱辣辣，而上面嘅朱古力cream唔會太甜，一啖咬落去一凍一熱個口感好特別，建議可以加埋雪糕，成件事再昇華咗唔知多唔多人同我一樣，食甜嘢就會想食返啲鹹嘢😙口痕嗌咗個香菇豬肉燒賣，竟然都會有驚喜！食落去真係食到菇嘅香味😳而且口感彈牙，兩個人食一份完全唔夠，即刻要encore🤭…查看更多

天水圍大熱糖水鋪！係屋邨林立嘅地區搵糖水糖水舖唔係咁簡單，好在依家銀座開咗間新派甜品同傳統糖水都集於一身，滿足哂所有願望嘅甜品鋪！芒果沙冰極吸睛！勁大份又高又多芒果🥭！上面仲加咗oreo碎碎，增加口感同層次！楊枝甘露係香港人必食嘅糖水，非常足料，每一啖都有芒果西米或者椂柚！😍花甜腰果合桃糊好厚身，唔會太甜，好香果仁味！😋😋我地仲加咗自家製燒賣，滿足埋小食胃添#天水圍 #天水圍美食 #天水圍拍拖 #天水圍甜品 #銀座甜品 #foodie #foodiehk #沙冰 #糖水…查看更多

又到秋冬，係時候約班朋友去食野飲酒傾偈啦！超級推薦呢間位於元朗嘅串燒bar, 環境氣氛一流，所以客人都咁chill,大家都係享受緊生活！黎食野飲酒都特別放鬆d🩷招牌無骨白鱔皮脆肉彈牙、肉厚得黎又Juicy ，必食！🩷招牌雞皮墨魚滑呢樣超級推薦！ 非常驚艷！外皮香脆，墨魚滑鮮甜爽彈！❤️雞肉軟骨棒自家製非常有誠意，口感好豐富！🧡極品燒乳豬細細舊，但非常精緻！皮脆肉嫩😋💛大蔥雞髀肉串最平凡嘅野最體現功架！ 大蔥雞髀肉串，調味適宜，熟成度剛好😚💚燒紫菜年糕串🤤🤤好味到暈，完全中和咗食肉嘅油膩#元朗美食 #foodiehk #foodporn #yuenlong #yuenlongfood #元朗 #ylfood #串燒 #bar #yuenlongbar #元朗飲酒 #元朗聚腳點…查看更多

花膠雞鍋湯底超鮮甜，花膠燉得軟糯，雞肉鮮嫩，齋飲一啖就已經暖胃暖心。大滾友牛肉拼盤啲牛肉油花分佈均勻，牛味勁濃，肉質非常高質😌最欣賞係啲肥牛唔係薄薄一細卷，每一卷攤開都係勁大塊😋伊比利亞橡果豬肉質細膩，肥瘦相間，入口即融，一啲都唔會輸蝕俾牛肉🥹黑松露蟹肉餃餡料飽滿，黑松露嘅香氣同蟹肉嘅鮮甜完美融合，餃皮又薄又滑，令人回味無窮👍🏽手打鵝肝墨汁墨魚丸勁彈牙，中間堅係有鵝肝！鵝肝嘅濃郁香味同墨魚丸的鮮味完美結合，口感豐富，非常特別。大滾友雜菜拼盤一啲都唔Hea，蔬菜種類豐富，成個拼盤塞到勁滿🤭而且蔬菜質素都好高，好鮮甜清爽。火焰焦糖豆腐花香甜軟滑，黃糖燒到脆卜卜，好味得嚟又有新意，為今餐畫上完美嘅句號。另外想特別讚吓竹蔗茅根，唔會過分甜，冰涼解膩，完美平衡咗火鍋的油膩感。…查看更多

話Odelice 係最歡迎水準最高嘅平民法國菜一定冇誇張到！二人餐選擇豐富、菜式有新意，兩前菜兩主菜都只係588，勁抵！薯仔煙肉忌廉湯真材實料，口感豐富，滿足！法食小食拼盤一次過滿足幾個願望，試到好別緻黑松露蘑菇球、迷你蛋批、蟹肉他他！每樣都好好味🤤💛💛強推香煎帶子蕎麥薄餅！💛💛 香濃嘅泡沫忌廉醬底令帶子嘅鮮味咸香更突出！係一款必食嘅法式主菜！安格斯肉眼扒都係水準之作、肉質上盛，食肉獸啱哂！另外酒類選擇非常多，我地嗌咗2枝氣泡酒、氣氛一流！配埋甜品法式蘋果批，酸酸甜甜解哂膩！#odelice #法國菜 #法國餐廳 #西餐 #將軍澳美食 #荃灣西 #海之戀 #灣仔好去處 #灣仔美食 #尖沙嘴好去處 #沙田美食 #香港美食…查看更多

最近冒起一股港式宮廷級火鍋嘅熱潮，大滾友係一個絕對唔會錯嘅選擇！荃灣分店地點係千色附近，非常方便！裝修好懷舊，好佩服佢嘅用具都係配合主題，極豪華！湯底揀咗個好少見嘅蜜瓜豆乳濃湯！超級誇張呀！成隻蜜瓜上，玫瑰形狀嘅冰豆漿，真係好震撼，唔好以為得個樣，湯底好清甜，龍躉都好新鮮！牛肉拼盤好多款牛肉，一次過滿足哂所有願望呀，每款牛肉都好過質素，牛味濃，新鮮！蔬菜拼盤都好抵讚！竟然有蓮藕、紫准山、茼蒿、木耳等等高級菜🤩🤩豚肉完全唔輸俾牛肉，冇騷味，食到豬肉嘅甜味！正呀手工肉丸同埋餃子都係水準之作，真材實料，俾蟹粉一D都唔會手緊，好香好實淨！最尾有火焰豆腐花，本來諗住已經超飽應該會食唔落，但太好味啦，竟然食到2碗🤣🤣臨走見到好多家庭黎食，可能係家庭聚餐之選！#大滾友 #荃灣 #荃灣美食 #火鍋 #生啤 #打邊爐 #手切牛肉 #花膠雞湯鍋 #卜卜蜆 #火鍋…查看更多

銅鑼灣呢一間台灣菜非常抵食，仲要裝修好有特色，霓虹燈牆加埋搞鬼嘅字句，完美配合去滾呢個主題！不過我就lunch去食嘅，冇得試下滾，但就食到佢嘅lunch set啦，又幾抵食喎！我同朋友都係食肉獸，又鍾意食麵，所以一個試咗牛魔王濃湯麵，一個食紅燒崩沙腩濃湯麵。兩個餐麵有4款涼拌小菜，例如青瓜、木耳等等，非常開胃！跟餐仲有罐汽水，解渴一流！兩碗湯麵湯底都非常濃郁，飲得出藥材熬出黎嘅香味，正宗台灣嘅味道！無論崩沙腩定牛雜，都好入味，我就鍾意牛雜多D，始終試多幾個部位呀嘛！Lunch黎講都好高質，坐得又舒服，又夠飽，係商務午餐之選！…查看更多

炑八開咗咁耐都依然用心經營，經常轉新菜色俾新鮮感顧客🤩🤩講講燒肉先，必食炑八厚切五花腩！超厚巨滿足，油香十足，韓燒必點。另外鍾意重口味可以叫蔥蒜牛五花，不需要額外調味，牛五花呢個位都唔常見，好味！海鮮方面打卡一流嘅有大八爪魚，非常震撼，而且好juicy，稍辣。韓式紅蝦都好鮮甜，不需要調味已經有海水嘅咸香味！韓國菜當然唔少得韓式小食，泡菜煎餅係韓式傳統口味，值得一試，韓國水冷麵就解膩專手，而且夏天食一流！#炑八 #炑八韓烤 #Meokbangbbq #먹방 #韓燒 #燒肉 #韓國菜 #韓國餐廳 #韓國燒烤 #韓國料理 #韓牛 #無限添加爐邊蛋及芝士 #韓國直送食材 #koreanfood…查看更多

南昌開咗一間新酒店同埋商場，入面開咗第十一間Terrance in seaside嘅分店，一定係景色最Chill嘅分店，入到去已經忍唔住驚嘆！我由黃昏時間坐到入夜，大玻璃對出嘅無敵海景，真係好靚🤩🤩嘢食方面選擇唔係好多，但係賣相精緻擺盤打卡able，味道亦都非常不錯。粒粒魚子與三文魚蛋黃醬飯卷非常推薦啊！我本身都好鍾意食韓式飯卷，呢一隻配搭新穎得來又輕盈，食完一舊又一嚿，都唔會覺得好滯好膩，係一流嘅輕食燒醬油黑毛豬白切紫蘇拌飯黑毛豬味道好好，肉質細膩，亦都有豬肉嘅鮮甜味，配上紫蘇飯，即時覺得自己去咗濟州島啊飲品亦都係呢間舖頭嘅賣點，叫咗兩杯特飲，包括濟州柑橘乳酸，同埋芒果沙冰，都係非常緻，成個生果擺上杯上面，好有誠意啊最尾就以芒果窩夫作結，窩夫砌得好靚，而且蛋味濃郁，做到外脆內軟，係非常高質嘅窩夫！…查看更多

平時好少黎圓方食野 今日屋企人坐高鐵番香港 所以係呢頭食埋飯先番屋企 今日幫屋企人洗塵 一於試下高級韓國菜😋呢間高級韓國料理係正九龍站上面 位置裝潢同服務都一流！一坐低，店員已經率先送上前菜，仲會溫馨提示係免費refill 架！水刺床生牛肉 水刺床係指韓國宮廷御膳料理，所以個擺盤都好靚同精緻！生牛肉有稍為調味 唔會覺得腥 口感嫩滑 配上紫菜天婦羅 同各樣配料一齊食，口感豐富！韓牛大蔥卷 店員會親自為你煎 火候啱啱好 咁就唔會浪費件靚韓牛！韓牛雪花均勻 油脂豐富 肉味香濃 配上爽脆大蔥濃而不膩！店員最後會留起兩件韓牛加入泡菜炒飯一同炒起 好味又暖胃！海膽牛肉魚籽釜飯 魚籽同海膽新鮮甘甜 配上嫩滑牛柳粒同蛋黃 非常鮮味！同埋韓式醬汁攪拌之後又有另一番風味！魷魚煎餅 煎餅有滿滿嘅魷魚鋪喺面 煎得香脆唔油膩！忍唔住食多兩塊！除咗嘢食出色 仲想特別讚一讚兩杯Cocktail- The Night Begins & Snowing Night 非常清新易入口 配重味嘅韓國菜 好幫到手可以解膩！…查看更多

位於旺角中心地段嘅呢一間拉麵神匠，一直人氣高企，因為價錢又合理，質素亦高，啱哂係旺角行完街想搵好西食嘅你地！日式居酒屋裝橫，非常溫馨。鋪頭主打日式拉麵，有唔同口味嘅特色湯底，有沾麵款式，仲有幾款小食下酒菜！我地嗌咗個二人餐：火炙叉燒醬油拉麵，醬油湯底非常清澈，有層次之餘唔會太咸，拉麵軟硬度適中，叉燒燒得好靚好厚，入口即溶，啖啖肉，非常滿足！😋蕃茄蝦湯沾麵係麵屋神匠精心泡製嘅一款拉麵，結合濃厚嘅蝦湯同埋港式濃厚蕃茄湯底，配搭新奇但又意外不到地夾！仲有櫻花蝦碎增加層次😆😆不過麵底偏硬，食唔到要先同員工講聲。…查看更多

呢一間人氣平民法國菜，不嬲都好多人去食，想食嘅話先book定位。重新裝修咗之後依然可以保持到水準，而且服務質素都係高水平，難怪開咗一間又一間嘅分店。我哋今日嗌咗二人餐，大概$500左右。但係食物種類非常豐富，用心製作，絕對值回票價薯仔忌廉濃湯真材實料，絕對唔係溝粉，配埋法式麵包，係法國菜完美嘅頭盤。另外我哋嗌咗小食拼盤，試到好多種唔同類型嘅法國菜小食，幾款都非常精緻，食咗即刻覺得自己有賺。當中嘅蘑菇黑松露球同埋煙三文魚dip都好高質，層次豐富！我哋食咗煎鴨肝油封鴨腿意粉，之前一直對呢一道菜沒有興趣，但係見呢一間法國菜嘅主打係油封鴨腿咁就試一試啦。呢個意粉口味比較淡，配上比較油膩嘅鴨肝同埋濃味嘅鴨腿，配搭尚算恰當。之後我哋嗌咗半隻烤龍蝦，份量唔算太多，但食到廚師認真對待食材嘅味道，配菜都好豐富，絕對食得飽。甜品食咗法式蘋果撻，非常欣賞！酸味同甜味取得一個絕佳的平衡，而且仲有牛油香濃郁嘅曲奇撻，食多一件都仲得㖭啊跟餐我哋仲按top加咗汽酒同埋葡萄酒，為呢餐晚餐畫上完美的句號。…查看更多

位於大埔呢一間串燒舖，人氣不嬲都咁高企。今日閑日夜晚去到，都已經有幾台熟客坐喺度享受緊，氣氛好好。店員都好友善，主動推介唔同嘅酒，我哋問咗好多唔同嘅問題佢哋都會一一解答串燒嘅花款多到我哋眼花撩亂，最後揀咗啲比較少食嘅串燒，全部都非常高質最推介嘅就係燒白鱔，極之厚肉，食一嚿感覺已經回咗本！而且塊皮燒到非常之脆，少少鹽味已經釣到白鱔嘅先甜出嚟，嚟芝加哥一定要嗌！燒鵝肝都好少見，呢度嘅份量足足係食法國餐嘅一嚿大鵝肝，先用天婦羅嘅做法炸咗個脆皮，再加醬汁燒，唔錯唔錯鹽燒牛舌心、自家制和牛棒、一口和牛串都係用高質牛肉燒成，想唔好食都幾難！要讚讚嘅係紫菜年糕串！外脆內軟，甜醬油醬汁同紫菜好夾！食到日本嘅風味！黑松露烤蝦多士係意想不到嘅好食，香口但唔油膩😍😍😋😋好多唔同款嘅酒精飲品俾你哋揀，我哋就飲咗一款巨峰提子味嘅KIRIN，超抵飲！仲嗌咗一杯好有熱帶風情嘅Sex On The Beach！😚😚#大埔美食 #f…查看更多