混血小妹的個人專頁

今日經過大角咀發現有不少特式店，酒吧食肆都不少人幫襯，有啲甚至要排隊，證明大角咀都真係幾多正嘢食😋，今次我就選擇在這間‘酒屋’度開餐，這𥚃雖然舖仔細細，但裝修得幾有特色，L型嘅酒吧枱，可以同唎酒師兼老闆（應該係）零距離接觸，令人感受到絲絲嘅日本居酒屋風情。🏮海老天婦羅配豚骨湯底（濃厚）🍤🦴海老天婦羅細心哋另上，防止湯汁影響到天婦羅口感，外表炸到好似比米通包住嘅蝦🦐，咬落去"咔嚓"聲超治癒～💥，好脆口，豚骨湯底香濃，烏冬順滑，配埋不少雞蛋絲、紅蘿蔔粒同埋昆布，營養健康度提升👍🏻.特製吉列豬排配地獄辣湯底（微辛)特製吉列豬排，厚切豬排鎖住肉汁💦，金黃色嘅脆皮，外層酥脆，內裡嘅豬肉則柔嫩多汁，炸得剛剛好，絕對無乾噌噌嘅感覺，大推👍🏻👍🏻👍🏻. 好有喺日本食到好味吉列豬排嘅感覺👍🏻配微辛嘅地獄辣湯底非常適合。雞腿肉串燒鮮嫩多汁，醬汁入味，燒烤的煙熏味同醬汁的香氣交織，散發出誘人的香味，令人食指大動！絕對係佐酒恩物❤️.酒屋炸雞件（五件）多汁、酥脆、滑嫩、鹹香集於一身嘅雞件，味道同炸嘅時間調得剛剛好，不錯👍🏻.五花腩串燒色澤金黃，油光閃閃，肉片肥瘦相間，油脂適中，灑上少少七味粉，味道更加升華！以上嘅炸物都有配蛋黃醬，潵咗少少七味粉，提升咗整體風味，令人回味無窮！✨威士忌梳打🥃威士忌的醇厚感與梳打水的清新氣泡相結合，帶來一種層次豐富嘅口感！最吸引的部分是 **$248** 的超抵選擇，兩小時任飲多款清酒🍶，讓你可以盡情享受各式各樣的清酒，適合朋友聚會或慶祝🍾！此外，仲有精美可口嘅送酒小食，令你在品酒時不會感到空虛，絕對係完美嘅搭配！…查看更多

終於有時間食到來自大阪🇯🇵嘅人氣拉麵店，唔洗飛✈️都食到啦！內𥚃裝修富日系風，廚房係開放式廚房，可以睇到師傅嘅製作過程.今次叫咗招牌拉麵同埋新品蕎麥麵仲加咗個小食，食到好滿足.😌🍜【招牌原條慢煮豬軟骨拉麵配溏心蛋🥚】奶白色的豬骨湯底搭配秘製醬油，味道濃郁而不膩，飲一啖就知係要用心用時間製作～💦 加埋原條應該有2x cm長嘅豬軟骨真係非常適合打卡📸！經過8小時嘅慢煮，肉質軟腍之餘仲好入味😋!麵條掛湯力滿分，仲有流心溏心蛋🥚，蛋黃顏色好橙黃色，充滿幸福感～❤️‍🔥🎃🍠【鰻魚野菜天婦羅蕎麥麵】蕎麥麵上附上大量白蔥、紫菜及炸麵衣屑，碗邊還附上山葵及薑蓉，提升麵條同湯底嘅風味和香氣，天婦羅炸粉幾薄，開頭怕鰻魚以天婦羅形式去整會浪費咗，但原來口感沒有差，外層酥脆、內裡軟嫩細膩，南瓜番薯茄子也炸得不錯，食完也不覺油膩！🐙【天婦羅紫菜魷魚鬚】✨ 送酒佳品，魷魚鬚彈牙，裹上紫菜炸到金黃香脆，點埋灑上七味粉嘅蛋黃醬更加惹味～🔥呢碟小食真係可以秒清盤！😋食緊嘅時候，見到佢有個叫幸福寶典嘅超值2人套餐，有兩碗招牌拉麵🍜加兩款小食同埋兩杯飲品，下次試吓先.😋…查看更多

每次行經銅鑼灣這商場都會俾依間店嘅彩色小籠包廣告所吸引，今日終於夾到‘飯腳’一齊去朝聖😍.💫 炆花生栗子（前菜）我自己好鍾意這道前菜，比起平時出面食開嘅炸花生、酸菜、炸魚仔等來得有誠意，✨花生栗子燜得好淋身香甜鬆化，真係食到停唔到口.🌟 特式皇朝小籠包必點招牌！🌈 8種口味一次過滿足（原味、糟溜絲瓜、鵝肝、黑松露、芝士、蟹粉、蒜香、川味），皮薄餡靚充滿湯汁💦，最愛蟹粉鮮味十足，川味麻辣味後勁十足🌶️ ，記得先啜湯再吃餡！小籠包下面墊咗塊布，夾🥢起來比較容易，無咁黐底.🥖刀切小饅頭（炸）外脆內軟🔥 炸到金黃色嘅小饅頭，師傅在小饅頭上𠝹咗三刀，美觀之餘又方便同朋友分享又方便蘸煉奶食，味道真係無得輸～😈🦆 上海風味醬鴨鴨肉入味且表面上色，望上去有啲似臘鴨，咬落去有咬口但又不會過硬.🪨🍲 肉絲年糕豬骨湯暖笠笠的🐖 豬骨湯底奶白濃郁，年糕Q彈有嚼勁，肉絲增添鹹香，仲有好多蔬菜🥬， 好味之餘仲有健康嘅元素，不錯.💖 📌 總結食物味道不錯之餘，最值得讚嘅係服務態度，服務員細心有禮，見我哋未咁快食小籠包，主動問我哋使唔使留低個蓋俾你哋等食先打開👍🏻，這種服務態度喺香港近年真係買少見少🙈，下次同朋友銅鑼灣聚餐也首選這裡📍 …查看更多

星期五嘅晚上，喺鰂魚涌度搵食，本身以為只係一間普通嘅西餐廳，入到去原來有Live歌聽🎤幾有格調喎！😍✨ 🍽️ 歡樂二人餐 【凱撒沙律】🥗 羅馬生菜🥬新鮮爽脆加埋烤至金黃嘅麵包粒，配埋多汁甜酸嘅蕃茄仔，淋上特製嘅醬汁，清新嘅口感，開胃又美味，份量十足🥗！ 【法式龍蝦湯】🦞🥣色澤味道濃郁，湯面上嘅忌廉增添視覺美感和風味，味道香濃但沒有苦澀味. 配埋香脆嘅多士增加口感！ 【鵝肝牛柳伴乾蔥紅酒汁（6安士)】🥩牛柳同鵝肝外層都被煎到香口，牛柳不乾身，熟度剛好，鵝肝果股豐腴嘅油脂香氣好吸引，伴碟有應該加上肉桂粉嘅南瓜、蔬菜同埋薯蓉，解膩又提升營養！點埋個醬汁又另有一番口味😋. 【焗龍脷伴巴黎牛油汁】🐟🧈這道菜上枱時，服務員會幫我們切開錫紙，將錫紙整理得井井有條，方便食客食用，成個過程都幾有儀式感❤️. 服務員仲同我哋介紹這道菜係佢哋嘅招牌菜，用咗15種材料整成嘅牛油，再一層菇一層魚咁整，絕對係用心製作👍🏻.魚肉口感鬆軟，配搭巴黎牛油汁，仲有菇嘅香味，成件事幾夾，感覺幾高質！ 【香蕉杏仁班戟】🍌🥞 即整嘅班戟灑上杏仁片，裡面有好多香蕉果肉，仲有哈蜜瓜🍈伴碟，唔會好多忌廉，甜度適中唔怕膩.二人餐包兩杯飲品，另外我哋叫咗杯白酒，一路聽住歌聲一路飲都幾有feel🎵🎸. 詢問之下原來佢係暫時逢星期五也會邀請人嚟餐廳唱歌. 而我哋去果晚都好多人，成晚都幾有氣氛.…查看更多

今次喺元朗發掘咗間不錯嘅丼飯店，依間丼飯以牛肉🐮為主，牛舌、牛五花、牛肩等，但都有豚肉同雞肉可供選擇🥢 。店舖裝橫走日式木系風，有個L型Bar枱可以睇到食物製作過程，透明度幾高，令人食得安心又放心。紫菜牛柳粒丼 （M size)🍚+ 溫泉蛋 🥚牛柳粒一口size，鮮嫩多汁，唔會乾身，搭配香脆的紫菜，加埋炒到軟身呈褐黃色嘅洋蔥🧅，仲有白芝麻嘅點綴，口感層次豐富！再加上溫泉蛋，輕輕一戳，蛋黃流出嚟嘅瞬間，真係令人食指大動！😋特級牛肩肉丼（M size)🐂+ 溫泉蛋 🥚厚薄度切得剛好，保持肉感之餘又不失柔軟度，醬汁恰到好處， 甜鹹度剛好，配埋香甜嘅粟米粒及溫泉蛋嘅蛋漿，撈埋白飯食真係無得輸！溫泉蛋大滿足丼（M size)（牛五花、牛舌及豚肉）🐮👅🐷依個丼啱晒我這個有選擇困難症嘅嘢人🙈一次過可以試哂牛五花、牛舌及豚肉，仲要個丼本身已經有溫泉蛋，真係啱哂我河車😍.牛五花肥瘦適中、牛舌口感爽脆、豚肉保留肉汁，口感不錯！每一種肉都有其獨特的風味，搭配溫泉蛋，簡直是完美嘅組合！💖 炸生蠔 🦪炸漿薄脆不厚重，唔會有腥味，食完唔會覺得好油膩。以上所有丼都可以加$9就變套餐，有齊漬物、味噌湯同埋任斟汽水🥤，丼飯價錢本身又親民，都真係幾吸引🤩！…查看更多

身為‘公仔控’嘅我，見到餐廳同卡通公仔聯乘就會好想去，因為感覺成件事好歡欣，覺得好打耳😍.最近富山麵家變身角落小夥伴期間限定店，當然要去朝聖下❤️.🍜 特製黑醬油拉麵湯底濃郁，充滿醬油的香氣！每一口麵條都吸滿咗黑醬油嘅色澤，搭配幾新鮮，上面放上角落小夥伴魚片❤️，配埋角落小夥伴粉紅色碗，好適合打卡😍.🥛特製牛奶拉麵第一次食牛奶拉麵，獨特的奶香味配埋拉麵嘅Q彈又幾夾，湯頭順滑不膩，配埋角落小夥伴魚片、溏心蛋、日式叉燒、蟹柳、紫菜、粟米粒，賣相不錯❤️.🌰🍠🍗小食特製栗子紫薯餅:外脆內軟，食到粒粒栗子🌰，真材實料，內餡綿密香甜，師傅細心將紫薯餅切成一半，方便食用.👍🏻串燒雞軟骨：爽脆有嚼勁加埋椒鹽味幾惹味，份量也不少有四串，食吓食吓好快食晒四串😋.🍹特製飲品🍑🥤特製白桃烏龍奶茶：香滑奶茶加埋白桃嘅香甜，搭配可愛的角落小顆伴棉花糖，仲要用可愛造型嘅角落小顆伴杯裝住，實在是太療癒了！😍🍏🥥特製青蘋果椰果梳打：一樣有可愛嘅角落小顆伴棉花糖同角落小顆伴杯裝住，酸甜嘅青蘋果配埋Q滑並帶有淡淡甜味和清爽嘅椰果，夏日感爆棚！ 🍨甜品特製芭菲上有藍莓、士多啤梨、年輪蛋糕同埋雪糕，當然唔少得可愛嘅角落小顆伴裝飾，色彩繽紛之餘口感也豐富，加埋底層酸酸甜甜嘅奶凍，yummy😋.總結一下，依間拉麵店無論是食物還是環境都充滿着角落小夥伴，打卡一流，加上參加店內活動仲可以得到精美角落小顆伴鎖匙扣及A4 folder一個，粉絲們一定大愛.❤️…查看更多

今日去飲早茶，腸粉有條頭髮，都算. 重點埋單時，我用電子支付，收銀態度不太好咁叫我比個code佢掃．之後佢都幾大力咁放部卡機在我手機旁…過咗陣，顯示支付失敗，諗住再試多次，個收銀就語氣不好地話，我試多一次，如果唔得佢唔再做……，啲態度真係黑人憎，之後再試多次我見我部手機顯示成功了，但個收銀又無出聲係咪已經成功過數，我過咗陣話我要返張單.. 佢問我要乜單，嘢食嗰張單定係咩單…之後佢就比咗張嘢食單我，我話想要埋碌卡張單，佢比返我.. 之後就話，要單就講呀嘛….我心諗，俾咗錢唔係正常佢都要俾返張單我嘅咩…佢可以問我要唔要張單，但唔可以假設我係唔要張單…而且都只係叫佢俾返單我…又唔係問佢拎錢… 洗唔洗咁嘅態度呀…服務態度差真係香港飲食業嘅死穴，唔明點解要咁大火氣…市道咁差仲唔收下啲無謂火……查看更多

近排行開嘅商場，都見到這間店嘅蹤影，上網睇原來係新加坡過江龍🐉，仲要係有成30年嘅老字號，本身我好鍾意食豆乳類產品，今次再次經過這間店，下午茶時間，決定買嚟醫下肚先.😋🌰 新品｜開心果豆乳 (500ml)堅果控注意‼️濃郁果香同順滑豆乳幾夾，開心果味好出，𥚃面仲有果仁粒仔，真材實料👍🏻，甜度剛剛好唔會膩. 記得之前見過有鹹蛋黃碎蛋吐司，但今次又唔覺有，應該係期間限定🤔，好似話佢哋間唔中會出季節/期間限定款,就好似今次出咗開心果豆乳,豬仔包同牛角酥.唔知下次會出乜嘢新品呢🤔期待🤩🍫 消暑必飲｜朱古力碎豆乳豆冰樂 (700ml)夏日救星登場❄️ 豆乳base+朱古力碎，淡淡嘅朱古力香甜，每啖都透心涼，好有細個時喺七仔飲思樂冰嘅感覺❤️回憶返哂嚟😆.700ml大杯裝解暑一流，好似仲不時有加購甜品/飲品優惠，咁就又消暑又有著數～👯💚 健康之選｜牛油果🥑碎蛋🥚吐司🍞吐司即叫即整，外脆內軟好香口，夾住creamy牛油果🥑+蛋碎🥚無其他多餘嘅味道，健康無負擔. 本身所有吐司可以免費升級香脆豬仔包或加$5可以轉7吋牛角酥，但我今日比較想食吐司所以無轉/加到.下次可以試吓.😋🍠 甜心之選｜芋泥西米露 (凍)芋頭控必點‼️芋泥綿密起沙，份量超多，啖啖芋泥香，西米煮得啱啱好，軟糯，兩者混埋一齊食沒有違和感，而且一啲都唔覺得好甜好膩，食完都唔覺有罪疚感😆.…查看更多

由灣仔行去銅鑼灣期間見到這間米線，上網睇原來係新開，星期五晚上七點左右裡面坐滿人，見到有人排隊，於是走去排埋一份🤣.💫招牌珍寶雞翼🐔米線🍜可以選三隻雞翼或四隻雞翼，本身配料已有肉碎芽菜，酸菜、韭菜、蔥、芫荽，湯底選🌟招牌金湯酸辣🌟. 等待期間睇吓張落單紙，寫住湯底係冇味精冇雞粉👍🏻正，啱晒我食米線時會一啖米線一啖湯食嘅人👍🏻. 詢問店員有乜嘢食推介時得知，原來這店係主打豬肉湯底，無落味精雞粉之餘仲無落醋精👍🏻本身想叫好特別嘅芋泥蝦餅同埋豬頸肉，但係已經售罄😭於是加咗腩肉同日式醬油叉燒. 腩肉叉燒都入味，雞翼另上保持到雞皮嘅香口，一咬就離骨，味道鹹甜交雜幾好味喎😋推介.湯底唔會過酸過辣，唔會嗆喉，易入口.自由拼米線（最多三個餸）本身配料仍係有肉碎芽菜，酸菜、韭菜、蔥、芫荽，湯底選⭐️野菌雞湯（不辣），湯底加入不少野菌，淡淡嘅野菌香味，清清哋唔會過鹹.配料：魚肉豆腐、魚腐、櫻花蝦餅另外叫咗碟唐生菜，見佢寫明「上湯灼冇乜味」好搞笑好誠實我鍾意🤣，個菜我就係唔想要咁多味，啱我.魚肉豆腐，外形似炸豆腐同炸魚片，咬落有咬口彈牙. 魚腐絕對係吸湯神器，咬落好juicy. 而比較少見嘅樱花蝦餅，外層炸過但唔覺油膩，這個配搭冇得輸.唐生菜🥬清淡得嚟夠鮮甜～ 服務方面都不錯，等候期間有位行動不便的食客問店員可否比張櫈佢坐住等，雖然舖頭唔係好大，但店員都諗辦法俾張櫈佢坐喺店內等候而不是店外. 這種人情味值得加分💯.…查看更多

今晚同另一半嚟到呢間隱世西餐廳，門口見到有Mirror成員Ian嘅卡通插畫😍 ，一推開門見到門口位置也有不少相關插畫，仲有一部叫**Happy Ian Card**嘅扭咭機同有關Ian嘅道具供粉絲打卡影相📸.相信老闆係Ian嘅粉絲，適逢Ian係六月之星⭐️🎂，所以將餐廳打造成Ian生日應援活動主題❤️，非常之有心❤️，而且佈置得好靚，各位Hellosss們快啲mark實啦！🎉 🍖 炭燒法式豬鞍架伴紅桑子汁豬鞍肉質肥瘦適中，厚切可以保留更多嘅肉汁和豐富口感.紅桑子汁酸甜平衡，完美解膩❤️🍲 紅菜頭湯配蒜蓉包🧄(餐湯）我自己幾鍾意紅菜頭嘅獨特味道，湯身creamy又帶天然甜味，蒜蓉包香脆蒜味十足!🧄🍝 羅勒青醬野菌粗管意粉羅勒青醬沒有本身擔心嘅草青味，粗管意粉掛汁力滿分，加埋一粒粒嘅松子仁令口感更豐富！ 🍶 白酒忌廉燴大蜆蜆肉肥美無沙，忌廉汁充滿酒香，忍唔住用個蒜蓉包點蘸嚟食！ 🌶️ 火辣水牛城雞翼（4隻）辣度夠刺激，喜歡辣嘅朋友不能錯過，肉質入味，惹味之選～ 🍰 自家製巴斯克芝士蛋糕做到巴斯克芝士蛋糕獨特嘅濕潤、綿密、入口即化嘅口感，芝士味濃郁得嚟唔膩！ ☕ 熱洋甘菊茶食完濃味嘢飲返杯，即刻清爽晒～ 至於服務方面不錯，職員有禮，食物賣相同環境佈置都睇得出用心經營👍🏻.…查看更多

由細到大都有同屋企人去酒樓飲早茶嘅習慣，隨着時代嘅轉變，飲茶文化已經不局限於酒樓，近幾年開咗不少新派點心專門店、茶居小店等，都有提供點心飲茶服務，甚至進化到24小時都有茶飲.🫖啱晒我依啲‘點心控’.今晚心血來潮想食點心，去咗大埔依間點心專門店度食，見佢有個**晚市二人餐**，可以選一款飯、一款腸粉另外仲有兩款點心，百零蚊，好似都幾抵😍 ，另外再叫多幾樣點心食，點心都係即叫即蒸，熱辣辣上枱的😍.人蔘烏龍茶🫖茶香清新帶微微人蔘回甘香，飲完喉嚨好舒服😌🍗 脆皮BB鴿外皮色澤均勻，口感香脆肉質入味而且多汁，唔使另外點鹽已經好夠味，趁熱食好惹味！ 🍚 荷葉籠仔蟲草花北菇滑雞飯籠仔感覺細細，但其實都裝咗不少飯，米香之餘仲帶來淡淡荷葉嘅清香，雞肉鮮嫩，蟲草花爽口，平時好少食飯嘅我都忍唔住食多幾啖！ 香菇燒賣皇豬肉同蝦肉比例剛好，加埋香菇嘅香味，口感紮實，唔會一咬就散晒.陳皮香茜牛肉腸腸粉滑溜，牛肉餡加入陳皮同芫茜，味道更有層次.🍞 經典蜜汁叉燒包包身鬆軟，叉燒餡蜜汁香甜，大人小朋友也會鍾意.最後仲叫咗個白灼時菜，爽口新鮮，不錯. 服務方面ok，整體來講不錯. …查看更多

天后依間人氣乳酪店星期五嘅晚上真係人頭湧湧，有一家大細、情侶或閨蜜等. 不過由落訂到有得食都唔係等好耐.乳酪味主要係以原味為主，聽講好似係用北海道特選3.6牛乳加埋希臘低脂乳酪整成😱.另外落單時見到加5蚊可以轉近期大熱嘅開心果味乳酪，當然要試吓😋.滿足杯這個滿足杯可以選三款配料同一款醬汁，我哋這個保留原味乳酪，配料選了藍莓、杏仁脆片、蘆薈、另外加錢要埋草莓凍乾和繽紛樂，醬汁選野生蜂蜜🍯。店員用心擺放配料，擺得靚靚俾客人享用之餘仲可以打卡😍。雪白嘅原味乳酪質感厚滑，酸甜味道剛剛好，加埋色澤光滑嘅野生蜂蜜🍯，濃稠嘅質感配埋香滑嘅乳酪，甜而不膩，絕配👍🏻，完美地提升咗乳酪的風味。新鮮爽脆又大粒嘅藍莓、香脆可口嘅杏仁脆片、爽甜多汁嘅蘆薈、酸甜酥脆嘅草莓凍乾加埋大人細路都鍾意嘅繽紛樂，每一口都令我好滿足！🍯💖牛角杯另一杯我哋選咗牛角杯，這款可自選兩個配料及一款醬汁。壓扁咗嘅牛角包，喺早前韓國爆紅嘅人氣手信小食，近排喺香港不少店舖都能夠見到佢嘅蹤影。牛角包烘烤至薄脆狀態，口感層層酥脆，加埋啖啖牛油香，一啖乳酪一啖牛角包🥐，真係會令人食上癮🙈！乳酪我哋就加錢要咗開心果口味，濃度剛好嘅堅果味道與原味一樣咁出色。搭配至愛嘅焦糖脆脆、煙靭嘅抹茶麻糬、另外加錢要埋蓮花焦糖餅及香草碎石，配海鹽焦糖醬，微鹹嘅帶甜嘅口感真係令我這個焦糖控停唔到追食😂。價錢方面唔算貴，價錢基本大概五六十蚊有交易，重點好味之餘份量又多，食晒一杯已經飽，好滿足！配料醬汁選擇方面都幾多，樣樣都想試😆，下次要試吓其他配搭先，真心推介👍🏻❤️！…查看更多

我自己覺得堅尼地城不嬲都多正嘢食，今次就選食尼泊爾菜，店內裝修充滿異國風情🌈，色彩繽紛的牆身與獨特的裝飾令人彷彿置身於尼泊爾🇳🇵一樣，近門口位置放了好幾張特式嘅竹滕製成的椅子同枱，與餐廳內的用色很匹配.情人節嘅晚上，有不少無論是與朋友聚餐還是約會的食客，感覺這𥚃的氛圍都充滿愉悅！乳酪紅石榴薯仔波波🥔這道特式菜，不論造型及食法都很特別，將混有香料的薯蓉釀喺脆波波內，上面仲有乳酪同埋紅石榴，食法係淋上羅望子酸甜汁，只需淋到脆波波的一半份量，建議臨食前先好淋，如果唔係會影響脆波波嘅口感，味道酸甜清新，幾開胃.爆汁蒸雞肉餃🥟餃皮不厚而且有Q彈感，內餡嘅雞肉鮮嫩多汁，有啲似食緊小籠包嘅感覺，推介👍🏻.沙律涼拌薯仔純素餃第一次食薯仔餃子🥟，感覺又出奇哋幾夾，外層用上綠色的皮，薯蓉滑身，配埋用蕃茄洋蔥等材料整成嘅特製辣醬，增添色彩之餘仲提升咗味道，食完唔會好膩好滯咁.炒酸甜辣椒雞球🐔(細份）雞球炒到熟度剛好，而且唔會好油膩，配埋酸甜微辣嘅味道，感覺下酒及配米飯都一流👍🏻.套餐選擇另外仲叫咗個套餐，選咗香料煎豬肉餃、蔬菜炒麵和梳打水，煎餃底部香脆，香料味與豬肉味也濃郁，蔬菜炒麵，有大量蔬菜，炒到乾身，沒有糊爛口感.餐廳還有兩款醬汁（風味花生汁及蕃茄香辣汁）供客人自取享用，可以用來點餃子或加入炒麵上，增添風味.飲品與甜品🥤🍨飲品方面，選擇咗富有特色嘅印度奶昔同埋黃金牛奶，印度奶昔感覺比坊間嘅奶昔杰身，濃稠綿滑，酸甜清新而黃金牛奶有濃郁嘅薑黃玉桂豆蔻味，賣相呈奶黃色，溫暖嘅牛奶特別適合這個季節飲用，聽講仲可以幫助睡眠，女士仲可以減輕經痛.最後，當然要叫個甜品成餐飯先至叫圓滿🫶🏻印度牛奶雪糕Kulfi❤️這個甜品真心推介👍🏻醇厚綿密，充滿濃濃嘅奶香，有口感，有少少食緊牛奶糖嘅煙韌口感，配埋開心果同甜脆脆，完美地為這餐飯畫上句號！價錢服務方面也合理同不錯，值得幫襯支持這些特式小店.…查看更多

最近在元朗朗屏站附近發掘咗一間性價比不錯嘅日式小店「稚」！如果你鍾意日本動漫同食物嘅話，依度係個不錯選擇.一入到店內見到牆上有一大幅動漫掛畫，雲集好多有名的動漫角色😍，有海賊、鬼滅、龍珠等經典角色，動漫迷可以一路食一路慢慢欣賞😍.小食系列 ：飛驒和牛可樂餅第一次食和牛可樂餅，師傅細心將可樂餅切成條狀上枱，方便客人食用，金黃色嘅表皮，外脆內嫩嘅質感配埋細緻綿密的馬鈴薯泥，加埋和牛肉，增添口感，別有一番風味.燒物系列 ：原隻汁燒魷魚筒大大條嘅魷魚筒，高蛋白質，肉質爽口富彈性，唔會燒到好乾身，搭配特製醬汁，兩者幾搭，送酒一流.定食系列 ： 西京燒比目魚定食定食可以加錢轉配貓飯/茶漬飯/湯烏冬，天氣凍凍哋，揀咗茶漬飯．我鍾意食茶漬飯，因為啲飯吸收湯汁的精華，質感又唔會過淋保留咗一點的硬度和口感，味道更加美味！定食賣相充滿和式風，簡單得嚟睇得出有花心思. 兩大條比目魚扒，這個價錢都真係幾抵食，肉質嫩，個皮就煎到脆脆的，一個價錢兩種口感.料理一品 ：大阪燒大阪燒上面放上一條長長燒過嘅豬肉，仲有大量嘅柴魚片同紫菜，造型非常之澎湃😍，大阪燒內有大量蔬菜絲，健康得嚟減少油膩，食完都唔會飽飽滯滯.這𥚃整體來講不錯，地理位置方便，價格都幾實惠，鍾意食日本野嘅話是個不錯嘅選擇.✨…查看更多

今日出去大埔整完嘢去搵食，凍凍哋想食啲熱嘢，見到這間雲吞牛腩麵店，我最鍾意幫襯小店，所以決定在這開餐.招牌鮮蝦雲吞（米 ）加$10牛腩雙併🦐🍜湯底可以選大地魚或牛湯，這碗選配上大地魚湯，湯底鮮香清清哋幾好，配上大量蝦籽增添鮮味，每一口都能感受到雲吞內兩粒鮮蝦的彈牙口感🤩 。另外，加$10還可以享受到牛腩的雙併，本身以為係放埋在碗雲吞米上，點知原來係分開上，咁樣可以分開試到本身個湯底，之後又可以試吓加埋牛腩的秘製汁落碗雲吞米上，幾細心👍🏻，而且份量仲不少，加$10真心抵加👍🏻，裏面有埋蘿蔔，牛腩同蘿蔔都好上色入味。家傳南乳豬手麵🐷✋🏻🍜這個家傳南乳豬手真係有啲驚喜，豬手腍身入味，醬汁帶一點甜味，同豬手好配，這個汁用來撈飯或加上麵食也不錯😋。今次這碗選配幼麵和牛湯，幼麵彈牙爽口，牛湯比大地魚湯香濃，但唔會過鹹，食完唔覺口渴。這個也加了$10併牛筋，牛筋入味，口感滑嫩，感覺食完充滿膠原蛋白🥰。彤仔蒜辣雞翼尖🐔另外我哋仲點了惹味小食彤仔蒜辣雞翼尖，份量真係不少，抵食，雞翼尖上佈滿辣椒，入口辣味出，惹味，可以買外賣回家用嚟送酒一流。🍶至於飲品-新鮮的豆漿🥛是個不錯的選擇，甜度剛好，唔會死甜，好味又健康!🌱服務質素 🤵🏻值得一提的是這裡的服務員都幾有禮貌，會主動為客人介紹餐牌菜式，感覺親切，睇得出好用心努力去經營。👍…查看更多