Ms yummyz的個人專頁

稻成質素一直都唔錯，同屋企人間中都會去食，最滿意佢哋寵物友善，我個人係無寵物，但見職員對小動物好友善，所以我成餐飯心情都好好，黎咁多次都覺得職員大部分都好nice見到之前有評語話經理態度差，我好驚訝，因為黎幾次見佢對老人家，小動物都好好，有次我哋嗌食物多，枱好滿，佢都主動話幫我其他食物慢啲上，唔洗食得咁辛苦，我真心覺得佢好好人仲有啲人話餐廳好伏，其實我已經食好幾次，亦介紹朋友去食，無聽到有人係話唔滿意嘅，唔知點解其他人會有咁嘅評語希望大家都真係試下先，香港地食肆生意已經難做，嗰個都一句話返大陸食好，咁香港點算？! 係咪要全香港嘅餐廳執笠先排隊食最後晚餐？支持下香港啦！！…查看更多

路過美麗華商場想搵嘢食，無意之中發現呢間福岡過江龍，唔係好多客人，所以就選擇入去食後尾發現原來佢係試業期間，明天才正式開業，真係好彩😆餐牌都算多選擇，主打係牛蒡烏冬，但個人對牛蒡普通，所以嗌咗另外一款好大塊魚餅嘅烏冬，加咗一個明太子飯團，原本想嗌蕭明太子，但原來串燒類晚市先至有，咁留返下次先再試烏冬嚟到份量都OK，唔係超大碗，但亦都唔細，湯底係非常清嘅，大大塊魚餅，有啲葱花，個人係好鍾意呢啲清湯嘅烏冬，所以加分，烏冬非常之滑，煙煙韌韌，有啲偏向似湯年糕嘅質地飯團就有少少失望，明太子味唔明顯，一個非常普通嘅飯團，整體而言都不錯，下次會想再去試其他菜式…查看更多

好耐無黎過得寶，諗住入嚟兜個圈順便搵嘢食，行嚟行去無意之中發現咗呢間冬菇亭，開頭以為係茶餐廳，入到去先發現原來係食點心嘅，都一場嚟到就即管試吓坐低嗌咗幾樣點心，後面啲老人家仲喺度爭俾錢😆真係覺得有以前冬菇亭飲茶嘅感覺😂啲枱同凳見到有少少油，不過都係可以接受嘅，職員會問你搭唔搭枱，可以憑自己喜好選擇食落覺得點心比平時食嘅清淡啲，但正合依家健康新一代嘅口味，蘿蔔糕有粗蘿蔔喺入面，牛柏葉都好腍，牛肚雖然睇落好淺色，但係都入味嘅，珍珠雞就略嫌普通，嗌咗碟叉燒腸粉，腸粉質地係OK嘅，但係我個人唔鍾意有生菜喺入面，棉花雞冇乜印象，正正常常見到對面台嗌咗啲炒麵好大碟，不過我哋兩個人冇食咁多嘢，總結下次路過附近都會入嚟飲茶…查看更多

黎到門口個牌寫住收3:00pm, 但係2:30pm嚟到話已經要落場，其實都覺得奇怪架喇，咁佢咁講我都無辦法，都唔緊要啦，我都明嘅可能半個鐘驚出得餐黎我都食唔切啦咁我咪問可唔可以外賣囉，點知連外賣都冇，山長水遠搭車嚟，無堂食唔緊要，但係外賣都無接受唔到囉，仲有半個鐘喎，我都唔係last min入黎要阻人收工，如果係你地係要提早半個鐘就準備落場收工嘅，好心就改一改個時間啦，無論門口，openrice同Google都係話收3點嘅…查看更多

疫情之前已幫襯好幾次嘅鐵板燒，一開始嘅時候呢棟大廈好多餐廳，每次黎都少啲，今次黎只淨返三間餐廳🥲心鐵板燒水準一直都係中上，每次都一定有一兩道菜式會令你發自內心地點頭發出好味嘅聲音❣️而其他菜式亦屬中上而且服務亦都好人性化，明明午餐係二人餐，見你三個人佢哋都好樂意做三人份，不過因為龍蝦真係好好食，原本每人半隻，我地要哂兩隻龍蝦，好彩有要埋個半隻，如果唔係好味到要爭龍蝦食😆另外同行有人唔食餐牌其中一樣食物，職員都肯幫我哋轉材料，我記得疫情前因為友人是孕婦，職員亦提醒我們有邊啲食材唔可以食，非常細心眼見同大廈已只剩三間舖頭，真心希望佢哋可以繼續長久做下去🥺…查看更多

同朋友喺尖沙咀行街，無意之中發現一棟大廈原來全部都係食肆，見到有間日本嘢都幾吸引就上去試吓小店舖頭細細，座位不多，但乾淨整潔，有日本風情，喺尖沙咀嚟講都算係一間價錢合理CP值高嘅日本料理魚生新鮮高質，牛肉鍋熱辣辣啱哂天氣涼涼地食，海膽炒飯👍🏻呢條街夜晚唔算多人，要上樓就更加少人，希望大家都支持本地小店，試下行街抬頭望下其實香港仲有好多高質餐廳，服務好坐得舒服嘅餐廳，見同一棟大廈都有幾間餐廳下次可以試下…查看更多

一直都冇留意到呢度原來有間素食餐廳，兩個人晚市入座都幾多人，坐低無耐店員就推介羊腩煲話係招牌菜，冬天先有，真係第一次聽素食都有羊腩煲，見到隔籬枱嘅糯米飯個樣都幾靚，忍唔住就嗌咗店員見我哋嗌咗羊腩煲，但張枱太細細，就建議我哋上樓上一張四人枱坐，座位闊落，員工好Nice，羊腩煲像真度很高，味道亦都不錯，仲跟生菜一碟糯米飯味道亦都不錯，雖然唔會似臘味糯米飯，但都幾好食，齋鹵味就正常發揮，食完之後仲送一碗綠豆糖水埋單之後出門口先發現原來佢有糕點，就買咗兩件椰汁糕外賣，椰汁糕質地好似棉花糖一樣，入口即溶，唔係心目中想食嘅味道，呢個就普通，但有機會會再嚟試吓其他菜式…查看更多

店𥚃面明明有枱，只係放餐具，但都要一個人嘅客人讓出枱俾三位嘅客人，點解你唔執枱，反而要我起身讓枱？三位嘅係客，一位嘅唔係客咩😡如果店舖滿座我無話可說，明明就有兩張吉枱，唔想做生意你執左佢丫麻後尾梗係起身走人啦，附近咁多韓國餐廳根本唔需要受你氣，到我食完再行過舖頭，根本就已經再無新客，入面得3個人，即刻根本就唔存在人客太多無位嘅情況，根本就係餐廳懶，唔想執咁多枱，又或者睇唔起你一個人黎幫襯，總之就無下次…查看更多

同朋友中午一點去到，職員示意係門口等一等，等左15分鐘左右，有一家三口，係兩個大人一個bb行左入去想攞位，職員亦示意佢哋等等，但呢一家人等位唔係行去後面，而係一直企係我哋面前，之後竟然有職員直接安排座位俾一家三口，我哋即刻開聲話係我哋排隊先，但竟然無人理我哋，職員直接就set埋bb櫈俾佢我明白可能係因為佢哋有三個人，所以俾卡位佢哋坐，但職員係咪應該同我哋講聲？我已經講明我地係排隊先，你有咩安排係咪應該要交代？又無派飛又無人睇住，員工之間又無溝通，一個叫左我等等就行左去，另一個就直接安排座位俾人，我地好嬲即刻就轉場落樓下韓國菜，人哋立即就有員工接待幾好服務…查看更多

美麗華呢間牛角應該係我食過最舒服，服務最好嘅一間分店因為呢間舖樓底高，抽風系統都做得好，入去基本上無嘜油煙味，而且呢度職員執碟都好快手，出面自助區都好乾淨，食得好舒服可能今晚係平日，唔係好多人，落左單基本上一分鐘內就出菜俾你，我地有一碟牛肋肉好靭，收碟個時叫職員收左淨低個兩舊，我哋都唔係投訴或者有要求換，點知好快就有個應該係經理嘅男仔，好有禮貌咁拎左兩舊新嘅肉過嚟應該係收碟嘅員工有同經理反映有客人有咁嘅意見，之後經理就解釋點解之前個兩舊會韌啲，其實我哋當時都已經食飽，不過經理好誠懇咁話新嘅兩舊部位會好啲，叫我哋再試下如果再有咩問題可以揾返佢，成個過程都係有禮而令人覺得受尊重，而事實上佢送黎個兩舊又真係軟淋啲今時今日嘅香港，好需要有呢啲良好嘅服務質素去留住客人，下一次食燒肉我都一定會想再黎美麗華牛角…查看更多

星期五晚，諗住同朋友食餐好嘅，去食過江龍天婦羅，點知我行正門入座都完全冇人理想問職員攞杯茶飲，兩個掛住傾偈，揮極手都冇人應，揮到隔籬枱都忍唔住望佢兩個喺度做緊乜，明明望到你都扮望唔到，終於佢哋傾完偈過嚟應你，著西裝個男人應該係經理 ，終於見到我但個樣非常不滿咁行埋嚟，之後俾左杯個杯充滿茶漬嘅茶黎喂，其實如果你哋只係想傾偈，唔想做嘅，返屋企慢慢傾丫，完全唔想做咁樣，餐廳有幾大？你兩個企係到，個客舉手舉咁耐都睇唔到？嗌左個天丼set，烏冬正正常常，但天丼無一樣野係熱嘅，仲油淋淋，所有皮都係淋嘅，個麵豉湯勁咸，無一樣野好食隔籬枱話想要個天婦羅汁都係要嗌兩次先至送到嚟，呢到冇一個人想做嘢，唯一有個女職員係會定時定候黎幫你加茶，一間餐廳請著呢啲員工真係倒米，絕對唔會再去幫襯，個西裝佬係灸。宴都見過，個時都已經唔好態度，已經唔去個間，估唔到佢轉左黎呢度，原來兩間同一集團…查看更多

路過見到燈光通明，鑊氣烚烚聲，好有大排檔風味😃忍不住埋去睇下，門口姐姐熱情招呼我地食物嘅色香都有齊，店內員工亦好有禮貌，天氣熱仲提議我哋入去有冷氣嘅舖位坐食物種類都不少，有小菜有火鍋，煮功亦都不錯，可惜每道菜都真係太咸，浪費左啲食材，最後我哋咸到要用茶黎沖淡先食得落總共叫左四個小菜，一罐可樂，埋單$560，價錢尚算合理，唯獨太咸係致命傷，係咁飲茶都解唔到個種咸😑希望店家睇得到呢個評論改善一下咸度…查看更多

性價比不錯，蜆肉意粉好鮮甜，開頭怕炒意粉會好油膩，不過完全無，少少麻辣，唔會太辣夠香，會愈食愈想食本人唔係幾鐘意食魚，不過都覺得好食，一啲都唔腥，配埋蛋黃醬可以食哂成件魚柳，配菜嘅薯蓉係新鮮薯仔做嘅，食到一粒粒薯仔，唔會係好多牛油個種，個人比較鐘意呢款，因為感覺無咁heavy 甜品揀左香蕉cheese cake味道好，唔會太甜，坊間亦好少食到呢個配搭，可惜二人餐只有一件，覺得餐廳可以考慮整細件啲，但有兩件好似比較好…查看更多

食過嘅放題火鍋至少有10間以上，未試過一間啲牛嘅質素係咁差，無錯我係點最平嘅牛肉，但都$25x一個人，件牛淥完柴到條毛巾咁蝦又唔新鮮諗住食滷肉飯，個飯煲啲飯竟然係室溫仲有啲硬，個啲魚蛋蘿蔔完全唔入味，炸物算係最好食，但第一轉係凍嘅，第二轉先有熱嘅甜品區啲配料得返幾粒又無refill，最穩陣係雪條一定好食，唯有食多兩條填肚網上話有Häagen-Dazs ，但第一轉唔見，第二轉唔見，再見有人拎我先出去第三轉，見到兩杯，唔知係咪要配給，總之成餐飯就食得好唔開心，坊間咁多任食真係唔需要幫襯佢…查看更多

之前去兩次都係食泡飯，泡飯係好食，今日想試下其他野，叫左個咸雞飯$50，包一碗紫菜湯，勁多紫菜，凍飲加$10今次黎發現請多左一位員工叔叔，好有禮貌👍🏻好客氣，依家香港地好少見到咁有禮貌嘅叔叔，呢餐飯即刻加分希望佢可以keep住呢個熱誠，其他店員態度都好好，有時出黎食餐飯就係想開開心心，舒舒服服，我會多次黎幫襯都係呢個原因講返雞飯，飯同薑蓉絕配，好好食，反而雞就只係普通，唔差，但又無咩特別，份量足夠，$50絕對抵食…查看更多