去澳門覓食不可錯過水蟹粥‼️
哩間傳統中式麵店一向都多人幫襯
出名水蟹粥🦀竹昇麵🍜米通鯪魚球
揀咗晏就時段去🕑幸好一去就有角落坐
店舖傳統設計，座位較窄，必要時需搭台
🔎水蟹粥（細窩）💰260
味道好鮮甜🤤係食得出蟹嘅鮮甜～
蟹有膏有肉🦀殼好薄 進食要小心
粥底較稀，但都綿密，食完一碗又一碗😬
兩個人食絕對叫一碗就夠‼️
冇睇清楚餐牌😿見到圖片唔覺好大就叫咗細窩
其實細窩可以算係4人份量🫢
如果店員可以提提顧客就較好
🔎懷舊炸錦鹵雲吞💰80
雲吞皮好特別 唔同喺茶樓食嗰啲炸雲吞
哩隻皮比較厚但又炸得好鬆脆🦐
肉餡細粒，一啖一粒，過吓口癮
份量太多嘅關係俾咗啲雲吞隔離檯
而佢哋又請翻我哋食米通鯪魚球
雖然外層好脆，但味道好腥😿
點埋發酵醬汁 Um…都係我接受唔到嘅口味
但據聞係鋪頭好出名嘅食物😂
