影片
更多
2009-05-13
66 瀏覽
一入到餐廳 即刻有一位賓賓侍應帶左我地上二樓 起初我仲以為佢係葡人 後尾問起先知唔係 佢仲話成間餐聽只有葡人同賓賓 所以成間餐廳冇人識聽識講廣東話 幸好菜單都係中英葡文對照....一o黎就先請你食個餐前小食....橄欖!唔好以為橄欖一定係酸或者苦 原來橄欖醃過之後係勁鹹嫁!!! 不過我一早有晒心理準備 正宗葡菜不嬲都係勁鹹勁甜 所以我都o趙左幾粒里斯本 外貌有特色 內裡裝修光猛 企理 舒服之外 就連個餐包都整得靚過人 而且仲要熱辣辣 咬落勁脆 真係連個餐包都好食過人 正!呢個薯容青菜餐前湯好多雜誌都推介必飲! 原因唔係佢特別好味 反而係佢用薯容做湯都一樣可以煲到咁清 一d都唔"傑" 冇乜調味但又異常咁好飲 真係好難形容 絕對冇介紹錯飲完湯 主菜又未上之前 原來仲有一道飯前果等你消消濟 真係夠細心主菜終於登場!! 點餐時 只係見倒菜單上寫住葡式煎牛扒配薯菜.....點知原來係一個大驚喜!! 原來所講o既牛扒係切到一啖食一舊咁o既size o既牛柳 正! 原來所講o既煎 係一個點住火入面有好多好香但又唔知係咩油o既煲仔 然後用四支長叉 叉住d牛肉 放落去個煲仔度煎 個食法正到呢.....侍
一o黎就先請你食個餐前小食....橄欖!
唔好以為橄欖一定係酸或者苦 原來橄欖醃過之後係勁鹹嫁!!! 不過我一早有晒心理準備 正宗葡菜不嬲都係勁鹹勁甜 所以我都o趙左幾粒
里斯本 外貌有特色 內裡裝修光猛 企理 舒服之外 就連個餐包都整得靚過人 而且仲要熱辣辣 咬落勁脆 真係連個餐包都好食過人 正!
呢個薯容青菜餐前湯好多雜誌都推介必飲! 原因唔係佢特別好味 反而係佢用薯容做湯都一樣可以煲到咁清 一d都唔"傑" 冇乜調味但又異常咁好飲 真係好難形容 絕對冇介紹錯
飲完湯 主菜又未上之前 原來仲有一道飯前果等你消消濟 真係夠細心
主菜終於登場!! 點餐時 只係見倒菜單上寫住葡式煎牛扒配薯菜.....點知原來係一個大驚喜!! 原來所講o既牛扒係切到一啖食一舊咁o既size o既牛柳 正! 原來所講o既煎 係一個點住火入面有好多好香但又唔知係咩油o既煲仔 然後用四支長叉 叉住d牛肉 放落去個煲仔度煎 個食法正到呢.....侍應姐姐仲提醒話食完一舊就好放第二舊落去煎 唔係好易燒晒d油 而且咁大盤野 除左牛肉之外 仲有d同麥記同樣size 但即叫即炸 好食過麥記百倍o既配菜薯條 仲有醬都有四大碟俾你揀o黎點 價錢都係$13x.....食個呢個菜 發現香港食o既西餐都真係好西o下.... 下次有機會再去里斯本 呢個菜真係非食不可!!!
主菜二號殺到!! 又要講起點餐o個陣 依然o係睇o個份菜單 依然好清楚咁寫住.....葡式燒鱸魚配薯菜....但最後原來又係一個大驚喜!!! 原來所講o既扒 係成條又肥又多肉冇乜骨o既原條鱸魚!! 原來所以講o既燒 係一d燶味都冇 叉落去一叉離骨 食落口本來以為燒魚一定好"鞋" 點知一食先知仲滑過清蒸! 仲要一d都唔腥 連我呢個唔係咁食魚o既人都食到上晒癮咁 條魚固之然好食 估佢唔倒o既係....連佢旁邊o既蒜粒炒青菜都異常咁好食 o個陣味勁似大排檔o個種feel.....呢個鱸魚扒餐太正喇 我咁大個仔都未食過咁好食o既鱸魚!!!
嗌左兩個主菜 居然擺到成枱都係野 仲要兩個主菜超好食之餘仲帶俾你咁多驚喜 又抵食 食到你濟食到你勁飽 食過呢餐真係不枉此生....^_^
張貼
