牛記咖喱美食

營業中

休息中

同朋友食完龍華之後 沿著罅些喇提督市北街(check咗兩次 係冇打錯字既)和沙梨頭海邊街 就來到了十月初五街食蟹黃麵喇。沿途同朋友說說笑笑 到街上小店如舊書百貨逛逛 好快就行到架喇。一入去，噢！冷氣好舒服啊！一坐低阿姐姐就會問你想食咩~一客蟹黃撈麵吖唔該。因為我地三個人淨係嗌咗一客麵，所以姐姐企咗一陣冇走。同姐姐講咗我地嗌住咁多先，佢就飄走咗喇.....好快，第二個姐姐又過黎吹水，重點句為：碟麵一個人分量架咋！你地唔夠分wor！可能我地於心有愧，硬係覺得姐姐們要我地叫足三個麵先會罷就。但其實姐姐們冇咁講既，亦冇話態度差，我相信係我地小人之心咗喇。蟹黃撈麵終於到喇！我地一食麵就唔記得咗頭先既內心煎熬哈哈蟹黃撈麵：哇~香噴噴~~好多蟹黃啊！！！真係好難唔即刻將佢放入口！但食咗一兩啖開始覺得好油膩。朋友們和我都表示一個人食曬真係有D難度....另外附上一張懷疑係秘制醬汁既圖