所以我就醒目，係前幾個月已經book左，所以唔怕冇位，當我排緊隊(for 已book既人)，我見到有d人如果冇book既話，就要排另一條隊，有位先可以入....
就算我地有book位，我地都早左去，我驚遲去就會同自助bar離得好遠，所以我就排係頭...^^
岩岩6點個正，d人就叫我地上前，再由另一位員工帶我地入座^^，服務不錯..
我地都好近自助bar，係沙律、冷盤&刺身個到....
刺身要個廚師切先比你，但係味道一般
雖然佢係即煮，開頭就有好多人拎既，但係最後真係要拍蒼蠅囉
鮑魚就ok既，唔會好煙"en"，而且廢事d人夾得太多，所以有員工幫我地夾，限兩隻^^
其實仲有好多野食既，不過post唔晒出黎...
仲有沙律、冷盤(青口&蝦)、冷麵、壽司、熱盤(好多，有陣時仲會轉下)、炒飯、咖哩、印度薄餅、秉度烤雞、中式小菜(西芹炒帶子、咕嚕肉....)、西式食物(蘑茹焗薯角、薄羊肉炒雜菜...)、日式食物(炸天婦羅、烤蔬菜:茄子,南瓜... 、串燒)、甜品(好似可麗餅既pancake - 即整、各式蛋糕,糕點、水果(西瓜、菠蘿、龍眼、木瓜、火龍果)
仲每人有一杯野飲，我叫左凍檸水，我冇飲到，因為食得過飽，飲唔落....
所以佢比我地2個鐘食野，d人好瘋狂，人頭湧湧，我地食到7點幾就走左，真係食唔落，我相信冇人可以食足晒佢所以既野食....
接近三百蚊既自助餐，都算係咁啦^^
