咖啡苑

營業中

休息中

同老婆慶祝生日嘅澳門之旅，之前連續兩年住君悅食君悅自助餐，今年想試下其他就訂左永利皇宮，順便選埋咖啡苑嘅自助晚餐，環境好 奢華，服務員好好禮貌，由於提早預訂，可以安排到窗邊位置，之前食開君悅有即叫即煮海鮮，不過哩到就冇。哩到就有君悅冇嘅生蠔，不過size偏細，但味道幾好唔會太鹹幾新鮮，冷盤海鮮仲有兩樣幾好嘅海蝦同埋龍蝦，沙律有幾款好有特色嘅，出面自助餐好少見到，哩到刺身區就唔會有師傅響到，而係切好一盤盤比你夾，最驚喜係有三文魚子，熱食雖然選擇唔多，但我試晒全部都幾好，驚喜位係有乳豬仔食，甜品款式好多，唔太甜，細細件，唔會令你好快飽，等你可以食多幾款。值得一讚嘅係服務員個個態度親切友善，會留意到食客有咩需要提供協助，我每次出去拎食物隨意放低條餐巾，番到黎，次次都摺番好靚好似未用過咁。