影片
更多
2023-11-13
504 瀏覽
由於係網上不斷見到好多人介紹呢間"茶樓", 而且呢度重有一個好風趣的侍應. 所以決定點都要黎一次.由於開門時間係十一點半. 我地十一點三就到達. 拎左飛仔就等夠鐘. 呢度拎飛都會問你貴姓, 入場時係叫埋你咩咩小姐幾多位有專人帶位. 真係受寵若驚(鄉下婆出城)由於一早做好功課. 所以知道佢推車仔的點心會係同點心紙唔同, 所以我地都係等車仔過左先填點心紙. 中場侍應係有黎問我地填好味. 我地有同佢講我地想睇下先, 因為兩個人驚一陣會叫多左.最後只有個鮑魚糯米雞係推車仔個度叫. 推車仔的點心就比較普通. 好似鳳爪之類.個糯米雞除左面頭有隻鮑魚外, 裡面都係有其他配料的, 唔好以為只有糯米. 由於新鮮出爐. 好夠熱同埋軟熟.佢張點心紙都有註明邊d係廚師推介. 所以都叫左幾個黎試.包括鮑魚波菜燒賣. 呢款燒賣真心係出面好少見, 難得黎到梗係要叫 d出面唔多食到的點心.一睇個樣就已經超級引. 隻隻燒賣都有粒鮑魚係上面, 呢度的食品真係要讚. 就係調味適中. 完全唔會死咸. 好岩我同朋友胃口.食得多蝦餃, 有蟹餃當然要試, 雖然小女子對蟹膏有敏感, 幸好佢係無蟹膏, 所以食得好安全.瑤柱紅米帶子腸.
由於開門時間係十一點半. 我地十一點三就到達. 拎左飛仔就等夠鐘.
呢度拎飛都會問你貴姓, 入場時係叫埋你咩咩小姐幾多位有專人帶位. 真係受寵若驚(鄉下婆出城)
由於一早做好功課. 所以知道佢推車仔的點心會係同點心紙唔同, 所以我地都係等車仔過左先填點心紙.
中場侍應係有黎問我地填好味. 我地有同佢講我地想睇下先, 因為兩個人驚一陣會叫多左.
最後只有個鮑魚糯米雞係推車仔個度叫. 推車仔的點心就比較普通. 好似鳳爪之類.
鮑魚糯米雞
16 瀏覽
0 讚好
0 留言
佢張點心紙都有註明邊d係廚師推介. 所以都叫左幾個黎試.
包括鮑魚波菜燒賣. 呢款燒賣真心係出面好少見, 難得黎到梗係要叫 d出面唔多食到的點心.
鮑魚波菜燒賣
16 瀏覽
0 讚好
0 留言
蟹肉餃
18 瀏覽
0 讚好
0 留言
瑤柱紅米帶子腸
8 瀏覽
0 讚好
0 留言
楊枝甘露
6 瀏覽
0 讚好
0 留言
花生湯圓紅豆沙
7 瀏覽
0 讚好
0 留言
中間因為我同朋友都想試下對方個甜品, 侍應重特登走黎問要唔要比多個匙羮我地. 我地話唔駛啦. 因為食點心個匙羮都係乾淨.
然後風趣的侍應今日無推車仔出黎令我地有點失望. 但呢刻佢又發揮佢的小宇宙話"食過楊枝甘露包你靚過瑪莉蓮夢露", 引得我同朋友都好開心.
總括而言呢度的服務真係好好. 不斷有人幫你refill 茶壺的水. 有要求時佢地都會幫你解決. 食品不但好味. 咸甜適中. 重點係食完後我由一點後就無飲水直到晚餐七點先再有水飲. 中間我係無口渴, 果然一分錢一分貨, 貴得黎都值.
題外話/補充資料：
由於支付寶有餘額唔想用晒d散紙. 直接用alipay比錢, 居然重會將葡幣轉港幣. 平左十零蚊.
(以上食評乃用戶個人意見 , 並不代表OpenRice之觀點。)
張貼
