今次叫左：
日式肉汁安格斯牛肉蛋包飯餐（粟米忌廉湯/番茄湯+日式沙律）
我覺得呢個蛋包飯係澳門算係好好食的蛋包飯，首先個蛋係好滑好滑但唔係好似水咁未熟個種，好香蛋同奶味。之後肉汁係好多層次，有鹹甜酸，少少生果酸味我估係來自肉汁入面有一粒粒的提子乾。以安格斯牛肉好香濃牛味又不韌。
栗米湯好稠身，但有勁香的粟米味，湯入面仲會有粟米粒粒。
日式沙津會汁係酸酸地，有些蒜味，十分開胃。
羅勒烤雞蘑菇醬pizza
係薄批嘅Pizza批邊好脆，雞肉也煎得好香，有勁多芝士做到拉絲效果！但蘑菇醬不突出羅勒有啲苦味...
天氣真係太熱啦，所以叫左個冰凍甜品消暑。夏天水蜜桃當造，所以叫了一份佐賀水蜜桃梳乎厘（跟水蜜桃芭菲）。
外型方面冇得輸，除咗好軟熟嘅梳乎厘之外，上面仲鋪滿了水蜜桃同埋水蜜桃味嘅蒟蒻！水蜜桃唔算太甜，但係就好多汁，入口即溶，亦都有淡淡嘅水蜜桃香味。
一共$306，朋友聚會可一試～
