我地叫左蒜香蝦、白酒煮蜆、焗鴨飯同木糠布甸。
男友叫左葡國啤酒，佢話好味，之後再叫多左2支。
附送嘅麵包好好味，我第一次食包點黑橄欖醬，本身我唔鍾意食橄欖，但呢度個醬整得好香，但味道唔會太強烈，我覺得好好食。
蒜香蝦味道不過不失，白酒煮蜆非常好食，個牛油汁加入大量芫茜非常香，d蜆份量多，大隻、冇沙而且好入味，非常好食。
焗鴨飯好香，裡面好似有d葡式香腸，飯偏乾身，好味👍
最後食埋甜品，呢間木糠布甸勁好食，cream輕盈，軟滑唔會雪到好硬，又唔會太流質，唔太甜唔膩，勁好食，係我食過最好食嘅木糠布甸。
用餐環境古色古香，附近一帶都非常靚，係我去過覺得最靚嘅澳門區域。
