檸檬車露

營業中

休息中

我哋第一次嚟呢間食雪糕，口味選擇真係幾多，多到眼花撩亂，唔知想揀邊隻好。有一樣服務超級好嘅就係啲員工唔會因為你好想使好多味而比面色你睇，相反，真係會俾你係咁試，使到你啱為止。不過，呢度嘅雪糕有一個共通點，就係好易溶。我同朋友試咗幾款味道，個人就覺得金莎朱古力幾唔錯，唔會好甜，模仿金莎朱古力模仿得幾好。檸檬sorbet同西柚味都幾酸，酸得來有少少苦澀。薑味幾好食，真係幾夠姜！益力多味就偏甜，個人鍾意乳酸味再重少少，呢個奶味就比較重啲。薄荷味就唔係太多人鍾意，個人比較鍾意薄荷加朱古力，可惜呢度冇，淨係薄荷味尚算單調。佢呢度有款黑芒果味，其實同普通芒果冇咩分別，純粹係黑色。如果鍾意食水果味雪糕嘅朋友，呢間應該幾適合你，因為佢多數以水果味為主題，同埋味道唔會好化學。