喜蓮咖啡麵食

午飯時間，見到佢間舖坐滿晒人，出品應該唔錯，所以就係外面排隊等吓位，但係派飛阿姐真係好似唔憂做咁，俾2個人打我地尖拎飛之餘，仲要話我地企係度唔出聲唔知仲乜🙄係你全程當我地冇到囉！唔該又講咗，幾多個人都講咗3次，咁都仲要話人，完美演繹唔憂做。
不過咁，你咁牙擦就試吓係咪咁好食。
唉，試咗豬扒通、牛尾湯通、咖哩雞，其實真係好麻麻.....
豬扒通：豬扒係精髓，醃功一般，係入味，但係咸味同胡椒粉味，係其他舖食應該仲會有酒味同月桂葉味，但呢間冇。
牛尾湯通：通粉冇入到牛尾湯味，好明顯只係將兩樣嘢放埋一齊就算。
咖哩雞：咖哩味道唔錯，幾香，但薯仔同雞亦又係好明顯將佢地撈埋一齊就算，係唔入味，白烚雞亦加咖哩汁...冇下次！

1

$111

1