影片
更多
2011-05-19
442 瀏覽
3月19日, 澳門瘋狂大食團正式展開! 喺出發前就已經做晒research整咗個eat list~第一站就揀咗嚟喜蓮試佢嘅牛尾湯通同埋咖哩角! ::: 咖哩吞拿魚角 :::果然係名物~ 首先餡料咖哩配吞拿魚已經夠特別! 其次就係佢個size~ 根本就係三文治嘅size! 勁大份! 呢個非一般咖哩角亦唔係用普通嘅炸皮做, 而係用薄薄一塊嘅白麵包, 包上混入洋蔥嘅咖哩吞拿魚餡, 然後成件炸成金黃色! 一咬開脆卜卜嘅麵包角, 澎湃嘅餡料爭相爆出~ 咖哩吞拿魚味道微辣, 但又有洋蔥嘅香甜, 十分惹味! 嚟呢度必試!:::芝士豬扒夾餅 :::佢地嘅夾餅其實即係香港嘅飛碟~ 因為唔想食豬扒包住所以就叫咗個芝扒治試下! 同樣都係麵包夾餡料, 但呢個夾餅就無咖哩角咁脆, 雖然都有烘底, 但就咁睇都見到佢唔係烘得好均勻… 入面塊豬扒薄薄地, 醃得幾入味~ 加埋半溶嘅芝士, 基本上都好難唔好味~::: 鮮牛尾湯通粉 :::個樣其實都有d似羅宋湯通粉~ 用嘅係坑紋通粉, 唔會煮得過淋, 所以都有d咬口. 鮮橙色嘅牛尾湯底味道唔算濃, 微微酸甜番茄味中滲出淡淡牛肉味~ 牛肉粒唔係話無味… 不過就真係太碎濕濕…
::: 咖哩吞拿魚角 :::
果然係名物~ 首先餡料咖哩配吞拿魚已經夠特別! 其次就係佢個size~ 根本就係三文治嘅size! 勁大份! 呢個非一般咖哩角亦唔係用普通嘅炸皮做, 而係用薄薄一塊嘅白麵包, 包上混入洋蔥嘅咖哩吞拿魚餡, 然後成件炸成金黃色! 一咬開脆卜卜嘅麵包角, 澎湃嘅餡料爭相爆出~ 咖哩吞拿魚味道微辣, 但又有洋蔥嘅香甜, 十分惹味! 嚟呢度必試!
:::芝士豬扒夾餅 :::佢地嘅夾餅其實即係香港嘅飛碟~ 因為唔想食豬扒包住所以就叫咗個芝扒治試下! 同樣都係麵包夾餡料, 但呢個夾餅就無咖哩角咁脆, 雖然都有烘底, 但就咁睇都見到佢唔係烘得好均勻… 入面塊豬扒薄薄地, 醃得幾入味~ 加埋半溶嘅芝士, 基本上都好難唔好味~
::: 鮮牛尾湯通粉 :::個樣其實都有d似羅宋湯通粉~ 用嘅係坑紋通粉, 唔會煮得過淋, 所以都有d咬口. 鮮橙色嘅牛尾湯底味道唔算濃, 微微酸甜番茄味中滲出淡淡牛肉味~ 牛肉粒唔係話無味… 不過就真係太碎濕濕… 整體都幾好味~ 但又唔覺得真係好特別囉…
::: 咖哩牛脷飯 :::咖哩係十分澳門地道風味的~ 唔似港式咖哩咁溝椰奶加辣油, 又唔係日式甜咖哩咁杰撻撻… 呢個咖哩醬汁明顯較稀, 味道辛香帶辣勁! 牛脷份量都頗多~ 兼且塊塊都大大條, 有牛味得嚟又煮得香軟淋身, 好好味! 不過就真係幾辣…
::: 雲吞拼水餃 :::食過番尋味, 於是就問下呀姐仲有咩推介食物, 佢就話係雲吞同水餃~ 結果又叫咗十隻雙拼試試! 其實雲吞同水餃個皮都係用雲吞皮包, 只有個餡有少少唔同~ 個皮好嫩滑, 餡料亦新鮮, 都唔錯!
::: 紅豆冰 :::呢度d紅豆冰都幾多花款, 除咗普通嘅紅豆冰, 仲有d溝奶茶咖啡嘅變奏版! 不過我地都係叫番最正宗嘅嚟試下先~ d奶落得好多, 味道頗甜. 可幸紅豆都煲到起晒沙, 咬落香甜粉糯, 力保紅豆冰最重要嘅一環!
::: 熱朱古力 :::呢杯係友人叫嘅~ 望落都唔錯! 朱古力粉都多, 味道自己濃郁~
以茶餐廳嚟講呢度都幾乾淨, 食物款式亦多~ 食客類別由遊客至本地人都有~ 佢仲有d沙丹豬扒飯呀豬手呀一d特別菜名都好想試! 下次有機會再嚟食過~張貼
