影片
更多
2012-04-30
70 瀏覽
近呢幾年去澳門已經唔識搵邊度有好食豬扒包，出名嘅大利而家可以用難食來形容。上個月去有朋友介紹勝利豬扒包好食咁就去試下，間舖原來喺手信街斜對面以前成日經過，但如非有人推介一定唔會行入去，舖頭係好舊式快餐店格局，同埋唔係好好坐嘅地方，所以我選擇外賣。等左差唔多10分鐘，一路等就諗應該唔會太好食，因為個格局令我好無信心，客得一兩個，又無報紙雜誌介紹嘅相，仲要豬扒包唔係推介，又唔見有人食，坐喺度嘅都係食飯。終於等到個包喇，好熱好熱原來係即叫即做，怪不得咁耐。打開紙袋望下，一見有d奇怪，竟然係吉列豬扒包，一向食所有豬扒包都係煎架嘛，一望就諗一定好油好漏就冒住生命危險咬落去，主要係因為好熱，熱到係會辣損上齶嗰種...我完全錯晒，佢係出奇地好食，個包好軟又熱個面仲係脆嘅應該係煎過唔係焗嘅，裏面個面搽左少少舊式茶餐廳牛油好香；塊吉烈豬扒一咬落去真係辣損咀，但並唔係d油唧出來而係肉汁...個吉列好脆完全無油膩感覺，又無油憶味，個吉列皮唔會太厚同埋可以同塊豬扒痴埋一齊，唔會一咬就散開晒，皮有皮食，扒有扒食，呢下已經係高水準之作；豬扒好淋好入味，唔係格硬用梳打粉乸淋嗰d,係仲有肉嘅質感喺度，佢個味係好屋企淹
上個月去有朋友介紹勝利豬扒包好食咁就去試下，間舖原來喺手信街斜對面以前成日經過，但如非有人推介一定唔會行入去，舖頭係好舊式快餐店格局，同埋唔係好好坐嘅地方，所以我選擇外賣。
等左差唔多10分鐘，一路等就諗應該唔會太好食，因為個格局令我好無信心，客得一兩個，又無報紙雜誌介紹嘅相，仲要豬扒包唔係推介，又唔見有人食，坐喺度嘅都係食飯。
終於等到個包喇，好熱好熱原來係即叫即做，怪不得咁耐。打開紙袋望下，一見有d奇怪，竟然係吉列豬扒包，一向食所有豬扒包都係煎架嘛，一望就諗一定好油好漏就冒住生命危險咬落去，主要係因為好熱，熱到係會辣損上齶嗰種...
我完全錯晒，佢係出奇地好食，個包好軟又熱個面仲係脆嘅應該係煎過唔係焗嘅，裏面個面搽左少少舊式茶餐廳牛油好香；塊吉烈豬扒一咬落去真係辣損咀，但並唔係d油唧出來而係肉汁...個吉列好脆完全無油膩感覺，又無油憶味，個吉列皮唔會太厚同埋可以同塊豬扒痴埋一齊，唔會一咬就散開晒，皮有皮食，扒有扒食，呢下已經係高水準之作；豬扒好淋好入味，唔係格硬用梳打粉乸淋嗰d,係仲有肉嘅質感喺度，佢個味係好屋企淹嗰種豉油、糖、生粉咁，唔似食開嗰d咁味精。
其實食呢個包前已經食左3、4餐，飽左8、9成，但呢個包係會令你即刻想再encore ，呢個豬扒包一定係我每次去澳門嘅必食之一。
張貼
