過嚟澳門就會想食葡國菜，婆仔屋1601佔地兩層，可以係傳統葡式古樓裡面用餐
餐廳外仲有一棵大橡樹，預約咗晚餐時間過嚟，雖然門外缺少光線，但可以感受到舊有建築特有嘅古色古香
1
預約咗所以好快就可以用餐
被安排喺二樓嘅位置
侍應會先簡單介紹，第一頁係廚師推薦
酒Menu另一份
一入席就會送上以人數計嘅麵包，外脆內軟，就咁食都已經好好味
附上嘅醬食落有小小酒味
今次嗌咗食評好多人推薦嘅葡萄牙黑毛豬煙燻火腿40個月 – 25克
一早切好擺盤係附近
越食越滋味，如果可以加埋芝士就更正啦
葡國菜特色嘅焗鴨飯
最外面嘅飯焗得好香好脆，有小小似飯焦得嚟又唔會太硬身
飯入面充滿鴨肉絲同埋炒香嘅洋蔥
好快就清晒
另外仲嗌咗都好多人推薦嘅辣汁烤雞
因為男朋友唔食辣所以本來以為唔會食依樣，但見到其他人講雞本身唔辣於是都係跇咗
相睇落去實在太吸引啦!!
有半隻雞，有雞睥同埋雞翼
雞肉都有加小小辣粉做調味，如果完全唔食得辣嘅人要注意~
外皮同相望落嘅一樣好香口好脆卜卜
肉質好嫩好juicy
自家製薯片即炸超脆超爽口，份量超多根本食唔晒
仲嗌咗木糠布甸
1
超好食!!
好滑好CREAMY，甜而不膩
兩個人分食一個好快就食完
仲嗌咗sparkling water同埋菠蘿味汽水，汽水有小小太甜
飲品送到嘅時候都會先幫你倒完一杯~
餐廳服務超好，每個人都好友善
今次第一次食，但食完一次之後，已經變成每到澳門必食餐廳之一
已經好想再嚟食啦!
1
