旺記咖啡

營業中

休息中

好耐無去澳門，今次專登過大海去試下呢間喺澳門好出名嘅旺記，諗住飲返杯佢哋嘅招牌樽仔奶茶🍼。一嚟到見到好多人排隊，心諗應該冇介紹錯啦！等咗大概15分鐘左右，終於買到喇🥳！佢哋嘅樽仔奶茶真係好特別，用個玻璃樽裝住，拎上手都覺得幾有份量。講返味道先，第一啖飲落去，茶味好濃郁，好香滑，唔會太甜，啱啱好😋。樽仔奶茶嘅好處係可以慢慢嘆，唔會好似平時用紙杯裝咁快就飲完。而且個樽仔好得意，飲完仲可以拎返屋企做紀念用嚟插花💐，夠晒環保♻️。不過講真，排隊真係排得有啲耐，如果唔係咁多人就好喇🥺。但係為咗呢杯咁好飲嘅樽仔奶茶，下次嚟澳門都會encore嘅！