影片
更多
2009-12-28
76 瀏覽
25-12-2009想試呢度好耐, 到步食完葡撻做 "amuse-bouche" , 就到後街食 dinner 慶祝聖誕節吧.每檯檯上都有一兜 olives, 望落好似用蒜蓉「漬」過, 不過大家都無食, 唔講太多了. Bread basket 法包唔算好熱, 但外夠鬆脆, 內亦軟熟, 食落仲幾有麵粉香, 幾好食 (凍咗都好食, 麵粉應該品質不錯?); 奉上已 soften 的 Anchor 牌牛油, 不錯的安排.Sauteed clams with garlic and coriander: 熱辣辣一大 pot 上, 未食已聞到好香蒜蓉味, 好吸引. 蜆仔隻隻嫩滑無沙, 食落鮮甜, 又有蒜蓉牛油的鹹香及 herbs 的清香, 比 Escada (http://www.openrice.com/restaurant/commentdetail.htm?commentid=2018968) 做得仲好食喎 下面的大量牛油汁亦不容錯過, 配 table bread 一流, 但始終係溶了的牛油, 記得唔好一次過蘸太多.Stuffed crab shell 要了熱食的, 賣相不錯, 不過食
想試呢度好耐, 到步食完葡撻做 "amuse-bouche" , 就到後街食 dinner 慶祝聖誕節吧.
每檯檯上都有一兜 olives, 望落好似用蒜蓉「漬」過, 不過大家都無食, 唔講太多了.
Bread basket 法包唔算好熱, 但外夠鬆脆, 內亦軟熟, 食落仲幾有麵粉香, 幾好食 (凍咗都好食, 麵粉應該品質不錯?); 奉上已 soften 的 Anchor 牌牛油, 不錯的安排.
Sauteed clams with garlic and coriander: 熱辣辣一大 pot 上, 未食已聞到好香蒜蓉味, 好吸引. 蜆仔隻隻嫩滑無沙, 食落鮮甜, 又有蒜蓉牛油的鹹香及 herbs 的清香, 比 Escada (http://www.openrice.com/restaurant/commentdetail.htm?commentid=2018968) 做得仲好食喎 下面的大量牛油汁亦不容錯過, 配 table bread 一流, 但始終係溶了的牛油, 記得唔好一次過蘸太多.
Stuffed crab shell 要了熱食的, 賣相不錯, 不過食味一般而已: 面頭落了 cheddar 焗製, 焗得乾身, 有點脆口, 但餡料「粉」多過乜, 蟹肉就碎濕濕, 食落一 pat 糊的口感 , 而且唔知落了 d 乜鬼沙律醬汁, 食落酸酸甜甜, 似足「蟹蓋版 crab cake 少蟹肉」, 感覺怪怪的.
Baked bacalhau in cream sauce: 原來係招牌之一? 面頭落了 cheddar 焗得微燶, 食落脆口鹹香中又 creamy, 底下馬介休香而不太鹹或過乾, 配上大量粒狀薯仔, 係幾好食, 不過 (1) 勁 heavy, (2) 份量仲要咁大, 二人食剩差不多一半呢...
Spinach puree: 菠菜夠溶爛, 不過落了幾多蒜蓉, 食落當然蒜味蓋過一切 本為清口腔之選, 但呢個食完個口都有 d 臭, oops
其實仲 order 了 flan pudding 蛋黃布丁, 但鹹食份量勁大, 嚴重食唔晒, 最後還是 cancel 了甜品 order., 唯有下次再嚟食過吧.
食物不錯, 小店環境亦好, 優雅得來帶點「家庭」feel, 可惜 ventilation 麻麻, 樓下愈坐愈焗; service 亦好, 店員們有禮貌又 helpful, 印象很不錯.
連加一每人約 $195 埋單, 比起一向喜歡的 Escada, 我更喜歡呢度, 值得試試.
張貼
