祥記麵家

營業中

休息中

來左澳門幾日試食過大部份蔡瀾同阿蘇介紹的地點，基本上有一半都係名不符實。唔知係d餐廳見到佢地去特別整得好食d定係唔啱自己口味。黎到澳門第三日的午餐去了祥記食蝦籽撈麵。好滿座呢，好明顯大部份都係慕名而去的香港人。我地兩個人一個叫左蝦籽撈麵 ($18), 一個叫薑蔥撈麵 ($15)。非常好食！蝦籽撈 d 麵係非常彈牙爽口，一d梘水味都無，好過好多香港雲吞麵店的麵。再加上佢既醬油同蝦籽的味道夾得非常好，唔會太咸亦唔會太無味，不過略為凍了少少。至於薑蔥撈, d 麵就無蝦籽撈咁彈牙啦，味道較淡少少，同埋油少少，因為佢應該係上碟前“讚” 左d熟油同豉油落去d薑蔥上。不過一樣okay好食！但因為要留肚食其他野，所以無試到其他。但我見隔離台的金沙鯪魚球賣相都唔錯。下次去澳門必定再去食！