台北小泉居

營業中

休息中

第一次寫食評估唔到要比差評^^是咁的，平時都有喺小泉居食開野，味道雖然不過不失但偶爾都會有想食嘅時候，就例如今日。因為外賣飲品有半價優惠，所以通常都係走戈陣再叫野飲。今日叫咗兩杯野飲，一杯走糖另一杯少糖。拎完就走人，行到一半飲咗一啖發現唔對路，點解我杯無糖嘅野係甜嘅？咁我就番去問下啦，然後得到嘅答案係「啲奶粉本身係甜架」仲要好串咁答我，咁我就答番佢「我平時飲開唔係咁嘅味」，佢即刻就問沖野飲戈個野「有冇落到糖呀」，沖野似戈個野答「冇呀」就成功打發我走咗。然後我就開始懷疑自己係咪我有問題呢？點解會甜架呢？係咪我味覺有問題呢？唔通真係換咗粉？直到最後我終於搵到謎底，原來係佢地搞混咗我同朋友戈杯嘅甜度，因為朋友戈杯有加珍珠所以佢都唔知本身杯野到底甜唔甜。但當我認識到呢個問題嘅時候，我已經一早揼咗手上面嘅「無糖」奶茶落垃圾桶，如果唔係我一定會番去再理論。結論，有冇咩事都唔好去水坑尾呢間小泉居，同埋我好嬲我自己冇相信到自己條脷。講完。