影片
更多
2017-04-24
2511 瀏覽
同女神食完Tea同傾左陣計之後，又係時候出去行一陣消化下，但當一踏出門口之後，餓意隨即一擁而上（可能係旅行大食症掛⋯），所以賴生帶住摯愛既女神又向住下個美食景點出發啦 - 《肥仔文美食》！據聞呢間餐廳既水蟹粥係唔錯既，作為飲食情侶小先鋒既我地當然會去試啦，不過⋯唔會一個水蟹粥就滿足到我地嫁麻！所以係旅途上，屈小姐已經同賴生商討緊食D咩啦！不得不提既一點係我地真係好好彩！好彩賴生早肚餓，早左黎，其實間野都幾多人下既，我地食食下就好多人等位！事關間舖係比較細既，坐得比較逼，而且都係得6枱左右，大約照顧到20人左右！我地落完Order之後，第一位搶閘既就係⋯馳名既水蟹粥啦1）水蟹粥（一碗）： ⭐️⭐️⭐️⭐️⭐️呢度既水蟹粥係有分2個size既，分別係一碗（$140）同一窩（$300），一碗用上一隻蟹，而1鍋用2隻蟹，我地2個人叫左一碗⋯份量大約係每人分到2碗半既細碗，其實都唔錯上既時候仲跟埋蟹鉗比你拆蟹添，好細心當然啦⋯⋯窩心既賴生負責拆蟹肉！等女屈小姐唔駛整污糟手麻！食過一啖，就已經忍唔住不停食！粥底好錦好滑，加上水蟹既蟹味同蟹膏滲哂入粥，D蟹膏係勁香，又唔腥，仲係超級鮮甜既，令個粥勁鮮甜勁有蟹味
據聞呢間餐廳既水蟹粥係唔錯既，作為飲食情侶小先鋒既我地當然會去試啦，不過⋯唔會一個水蟹粥就滿足到我地嫁麻！所以係旅途上，屈小姐已經同賴生商討緊食D咩啦！
不得不提既一點係我地真係好好彩！好彩賴生早肚餓，早左黎，其實間野都幾多人下既，我地食食下就好多人等位！事關間舖係比較細既，坐得比較逼，而且都係得6枱左右，大約照顧到20人左右！
我地落完Order之後，第一位搶閘既就係⋯馳名既水蟹粥啦
水蟹粥（一碗）
$140
113 瀏覽
0 讚好
0 留言
呢度既水蟹粥係有分2個size既，分別係一碗（$140）同一窩（$300），一碗用上一隻蟹，而1鍋用2隻蟹，我地2個人叫左一碗⋯份量大約係每人分到2碗半既細碗，其實都唔錯上既時候仲跟埋蟹鉗比你拆蟹添，好細心當然啦⋯⋯窩心既賴生負責拆蟹肉！等女屈小姐唔駛整污糟手麻！
食過一啖，就已經忍唔住不停食！粥底好錦好滑，加上水蟹既蟹味同蟹膏滲哂入粥，D蟹膏係勁香，又唔腥，仲係超級鮮甜既，令個粥勁鮮甜勁有蟹味，拆埋蟹之後連埋一絲絲蟹肉食落肚，真係何其鮮甜，何其滿足！呢間既水蟹粥⋯真係不能錯過！（比起誠X飯店，呢度果個先叫得上係水蟹粥！）
椒鹽九肚魚
$118
96 瀏覽
0 讚好
0 留言
原本呢，賴生係度拆緊蟹肉，屈小姐就嘆緊蟹粥，係我地好專注既時候，個侍應靜靜地放低左呢碟野黎，超香啦～令屈小姐放低左蟹粥隻匙羹，拎起左對筷子夾左一舊黎餵賴生食，一食，賴生對手都停低左工作⋯
一放入口既感覺係：驚艷！比水蟹粥更出色！九肚魚炸得超好，皮薄又脆，而魚肉又勁滑勁Juicy! 又唔油！個椒鹽呢，做得勁香勁惹味，香辣帶勁！我地連醋都冇點⋯成碟轉眼間就被消滅左！ 黎呢度！一定要食呢個！
椒鹽票米
$88
81 瀏覽
1 讚好
0 留言
是咁的，本來前一味椒鹽九肚魚咁驚艷，我地都諗住呢個都好正既！而我地因爲冇見過會有椒鹽粟米呢樣餸，而且openrice個個都大讚，為著好奇，我地冒左呢個險⋯⋯點知，出面冇呢個餸，真係有原因既⋯
最大既敗筆係⋯椒鹽味同個粟米根本唔夾，個香辣味同粟米既甜味溝唔埋，分別係口腔入面出現⋯有點奇怪⋯而且個粟米面都幾油下，最後我地點醋黎食先食得晒 （人地枱都有點呢個餸，但無跟醋既，碟醋係跟我地個椒鹽九肚魚黎⋯）
豬膶金銀蛋浸菜
$98
59 瀏覽
0 讚好
0 留言
由於好耐冇食菜既緣故，我地決定點個菜，而咁多個菜入面，我地睇中金銀蛋浸菜，因為係好好味既（應該）⋯而且屈小姐知道賴生鍾意食豬膶，所以專登叫呢個比賴生食
好可惜既係⋯咸蛋唔夠味，令個味道失左色，到喉唔到肺⋯唯一可以講係⋯豬膶都幾多幾厚！
#深度覓食
#可以幫你拆蟹既我好幸福
#可以比你幫我拆蟹既我更幸福
#被餵食好感動
#16個月快樂
#天下美食真係食不盡
張貼
