影片
更多
2017-03-03
3613 瀏覽
上一次黎澳門玩嘅時候，喺網上搵左唔少餐廳、食店想要一試。奈何只有兩日一夜，當時晚餐揀左贏到粥，於是就冇空間再食后宮！今次再過黎，決定點都試下，並且預早幾日時間打電話預約。週五晚上客人真係蠻多，唔預約嘅話，相信比較難安排到位置。店內裝潢貫徹中國風，用上燈籠、屏風、木椅、木枱等。或者你會稍為期待侍應們嘅制服、裝扮，不過要失望喇，如果著到宮女、太監般，恐怕好難招呼客人。餐牌配合宮廷風，分三款套餐 ($148/$188/$248)，一律任飲任食兩小時，客人只需要選擇食宮女、貴妃，抑或食皇后，當然價錢不同，食物亦有所不同。以下會為你稍作介紹，套餐名字，宮女 ($148)、貴妃 ($188)、皇后 ($248) 基本上已經反映級別。餐牌食物一樣，分別係有冇格仔，三個格仔係任點，一個格仔係限點一次，按人頭數出，所以你唔需要填寫份量。宮女式任食 $148+10%服務費基本上比起另外兩個套餐，缺少左霜降牛、牛肋骨、黑豚肉、羊扒、海鮮、烤年糕，其餘食物係相同。所以如果你係對以上食物冇興趣的話，點呢個套餐好划算，因為選擇其實唔少。（三個格仔係任點，一個格仔係限點一次，按人頭數出） 貴妃式任食 $188+10
今次再過黎，決定點都試下，並且預早幾日時間打電話預約。週五晚上客人真係蠻多，唔預約嘅話，相信比較難安排到位置。
店內裝潢貫徹中國風，用上燈籠、屏風、木椅、木枱等。或者你會稍為期待侍應們嘅制服、裝扮，不過要失望喇，如果著到宮女、太監般，恐怕好難招呼客人。
餐牌配合宮廷風，分三款套餐 ($148/$188/$248)，一律任飲任食兩小時，客人只需要選擇食宮女、貴妃，抑或食皇后，當然價錢不同，食物亦有所不同。
以下會為你稍作介紹，套餐名字，宮女 ($148)、貴妃 ($188)、皇后 ($248) 基本上已經反映級別。餐牌食物一樣，分別係有冇格仔，三個格仔係任點，一個格仔係限點一次，按人頭數出，所以你唔需要填寫份量。
宮女式任食 $148+10%服務費
基本上比起另外兩個套餐，缺少左霜降牛、牛肋骨、黑豚肉、羊扒、海鮮、烤年糕，其餘食物係相同。
所以如果你係對以上食物冇興趣的話，點呢個套餐好划算，因為選擇其實唔少。
（三個格仔係任點，一個格仔係限點一次，按人頭數出）
貴妃式任食 $188+10%服務費「貴妃」比起「宮女」相差$40，分別在於霜降牛、牛肋骨、黑豚肉、羊扒、海鮮、烤年糕，可以點一次，按人頭數出。
我認為點呢個餐最划算，一開頭當然會覺得海鮮只可以點一次，唔夠喉，但食食下會覺得足夠有餘，畢竟餐牌仲有好多種食物可以點。
（三個格仔係任點，一個格仔係限點一次，按人頭數出）
皇后式任食 $248+10%服務費最貴係「皇后」，餐牌見到嘅都可以點，包括肉類、海鮮、鍋物。
（三個格仔係任點，一個格仔係限點一次，按人頭數出）
一般食放題都會高估自己嘅能耐，簡稱眼闊肚窄，我地一睇餐牌，就理所當然揀最貴嘅「皇后」。我地自問唔係細食人士，但只係點左兩輪，已經被KO喇所以我估計大部分人點貴妃餐，已經好充分，除非你旨在食海鮮。
近樓梯位置有多款調料選擇。
燒烤、火鍋同一時間進行，所以除左揀餐，仲需要揀湯底，，有麻辣雞鍋、蕃茄鍋、蒜香蛤蜊鍋等，$10-$20，價錢合理。我地揀嘅係蒜蓉蛤蜊鍋。
燒烤爐位置附上焗爐紙，幾衛生，一來客人可以避免食物容易燒焦，二來冇咁油膩，不過最重要係無需更換爐底，換焗爐紙就可以喇（店員會主動幫忙換）。
肉類方面，個人非常推介霜降牛、牛肋骨、黑豚肉、雞軟骨。海鮮方面，虎蝦、鮑魚、牛油扇貝都係必食！
上菜快，瞬間滿桌！
皇后式任食
$248
173 瀏覽
0 讚好
0 留言
牛肉腍身，肥脂分佈平均，輕輕燒過經食得！
第二輪點嘅肉類一樣靚仔，唔會發生好似香港嘅放題般，得第一輪肉靚。
醬燒霜降牛、醬燒牛肋骨、蔥香牛舌、醬燒黑豚肉
102 瀏覽
0 讚好
0 留言
推介虎蝦鮑魚！兩樣都已經去殼、離殼，方便食用，呢點我好喜歡，唔怕整污糟手！
而且非常新鮮，肉質彈牙，以燒汁調味，完全唔腥！
相對的蟶子有點遜色，燒調味不足，燒完有少許乾。
去殼貴妃虎蝦、花開寶貴飽、愛爾蘭蟶子王
315 瀏覽
0 讚好
0 留言
麻辣奶油蝦夠惹味，店員提議拎出黎燒會快熟過放喺盤中燒，但我地更喜歡連盤燒，因為蝦肉更入味！
特選蒜香雞軟骨、醬燒左腿肉、牛油扇貝、麻辣奶油蝦
142 瀏覽
0 讚好
0 留言
雪花醬燒松板豬
104 瀏覽
0 讚好
0 留言
烤年糕好好食啊，年糕表面燒到微脆，裡面保持柔軟煙韌！可惜我太飽，冇能力追加！
醬燒香菇、牛油金針菇、煉奶花生烤烤年糕、麻辣奶油蝦
118 瀏覽
0 讚好
0 留言
由於我係蜆怪，瘋狂食蛤蜊，唔知食左幾多斤！蛤蜊鮮甜，完全冇沙，配蒜蓉鍋一流，自製卜卜蜆鍋！
蛤蜊
106 瀏覽
0 讚好
0 留言
鍋物
150 瀏覽
0 讚好
0 留言
后宮食物選擇多，質素整體好有水準，定價適中，可以一次過食到燒烤、火鍋，好適合我呢類花心吃貨，！一大班朋友去的話，可以試到嘅款式更多！
店員服務好好，幾位都好細心留意客人需要，主動換焗爐紙、收拾碗碟。
不過提提大家珍惜食物，量力而為喔！
張貼
