聯記麵家

營業中

休息中

第一次食聯記既蝦子麵時已覺得佢抵食又好味，到第二次去時水準依然keep 倒。第三次食時依然冇加價，都係咁抵食，不過覺得佢加左豉油，老闆話一向有加，但我同老公都記得之前冇加，因為加左會蓋過蝦子既鮮味，麵亦冇咁彈。於是乎今次第四次去食時，同店員說明走豉油，雖然店員話走左豉油會淡味唔好味，但我地仍然堅持要走豉油，結果呢？如我地所諗，係原來既味道，走左豉油後蝦子鮮味番哂嚟，如果可加丁點豬油吊味就更正了！今次去都仲係之前個價呢！唔明點解呢間咁好味既蝦子麵，竟然冇乜遊客識貨，都係本地人食多，我可是想聯記長做長有架，但多人又怕要等位，好矛盾呀！不過，都推介大家嚟呢度食蝦子麵的，因為都想呢間舖可以一直做落去嘛！(加唔加豉油大家自己諗，始終口味既野人人唔同嘛！)