WONDERWALL

喺官也街嘅小巷 估唔到都有啲咁高質咁抵食嘅cafe!🤩👍🏻重以為喺呢啲遊客區都會好貴🤣🤣而且環境好靚 嘢食都好靚好啱打卡 見到好多本地人都帶埋狗仔嚟一齊chill!


服務亦都好好 見我地有個袋 都主動問我地要唔要多張櫈放嘢


食物方面 嗌咗個蜆肉粉絲 好多蜆肉好足料😆蒜味好重好夠味👍🏻最驚艷我嘅係佢嘅甜品menu! 個個都望落好好味好吸引好啱打卡🤩嗌咗個紫薯西米露疏乎厘pancake🥹有一碗仔西米露 紫薯雪糕 兩串類似白玉嘅 同一大塊疏乎厘pancake😋每一樣都好夾好好味👍🏻👍🏻下次會再去試埋其他甜品!!!

1