影片
更多
2017-04-24
1234 瀏覽
今次有個好消息講比大家知，就係氹仔都開左緬甸餐廳啦，唔駛大家山長水遠過番三盞燈果邊食！就等飲食情侶小先鋒 - 屈小姐同賴生爲大家作詳細報導啦！首先，你要有搵路既準備，因為間舖既位置係條小巷入面，小巷既舖頭主要係賣D零件既，所以你唔開Google Map都好難搵得到⋯因爲你唔會信果度係有餐廳既！第二，請於11:00 - 17:00到訪，呢間舖頭唔係開好耐嫁咋！認住呢間舖頭：再比埋餐牌比大家睇：作爲先鋒既我地叫左4樣野，包括緬甸菜既經典：魚湯粉同椰汁雞麵，另外仲叫左咖哩牛腩同馬拉盞撈麵！1）椰汁雞麵 ： ⭐️⭐️⭐️作爲初試業既緬甸餐廳，呢個椰汁雞麵我地會比合格，因為都食到緬甸風味⋯但可以改善既地方有好多 ⋯⋯A) 湯底： 椰汁味不足，可以調番濃少少會令成碗麵更好食B) 雞件：雪味太重⋯而且份量只有3舊⋯較少C) 麵： 份量較少，建議加番1/4既份量，麵亦較為淋左少少不過大推佢塊豆餅 超香超脆，豆味亦好濃，浸湯食又正，就咁食亦正！2）魚湯粉 ： ⭐️⭐️⭐️同樣地，呢碗粉亦拎到合格分數，大致可以係2方面改善 - A) 湯底：魚湯欠缺濃郁魚味，食魚湯粉既重點係連湯食，所以好需要改善，不過呢，要讚一讚佢個
首先，你要有搵路既準備，因為間舖既位置係條小巷入面，小巷既舖頭主要係賣D零件既，所以你唔開Google Map都好難搵得到⋯因爲你唔會信果度係有餐廳既！
第二，請於11:00 - 17:00到訪，呢間舖頭唔係開好耐嫁咋！
認住呢間舖頭：
再比埋餐牌比大家睇：
作爲先鋒既我地叫左4樣野，包括緬甸菜既經典：魚湯粉同椰汁雞麵，另外仲叫左咖哩牛腩同馬拉盞撈麵！
1）椰汁雞麵 ： ⭐️⭐️⭐️作爲初試業既緬甸餐廳，呢個椰汁雞麵我地會比合格，因為都食到緬甸風味⋯但可以改善既地方有好多 ⋯⋯
A) 湯底： 椰汁味不足，可以調番濃少少會令成碗麵更好食
B) 雞件：雪味太重⋯而且份量只有3舊⋯較少
C) 麵： 份量較少，建議加番1/4既份量，麵亦較為淋左少少
不過大推佢塊豆餅 超香超脆，豆味亦好濃，浸湯食又正，就咁食亦正！
魚湯粉
$29
136 瀏覽
1 讚好
0 留言
同樣地，呢碗粉亦拎到合格分數，大致可以係2方面改善 -
A) 湯底：魚湯欠缺濃郁魚味，食魚湯粉既重點係連湯食，所以好需要改善，不過呢，要讚一讚佢個湯好多魚肉絲，真係啖啖都食到一絲絲既口感
B) 粉：麵呢，就比較幼身，冇三盞燈果D咁煙un，同埋亦都可以加番大1/4份量
3）咖哩牛腩：⭐️⭐️⭐️⭐️
呢度個咖哩牛腩出品可以，但略爲咸左少少(可能係因為我地淨食，如果連飯食應該好正！)，相信改善到個分數會更佳！
牛腩： 用牛筋腩，炆得夠淋亦好入味
咖哩： 夠晒傑同挺身，令個汁好容易就掛滿牛腩同薯仔！香味亦好足夠！好惹味（除左咸左少少⋯）
薯仔：可以再炆淋D更佳
馬拉盞撈麵
$29
131 瀏覽
0 讚好
0 留言
夠晒香啦，但馬拉盞撈麵味道可以再濃番少少！而且都有1點可以改善 - 蒜片 ： 炸過龍，全部都帶苦味，影響左成個麵既味道⋯
以下係秘密推薦
呢度個勁辣辣椒醬好正！又香又辣，隻辣味係持久地係口度久久不散果隻！
極度推介叫碗淨麵（走湯），撈佢既辣椒醬黎食，嗜辣既你一定會覺得呢碗麵有⭐️⭐️⭐️⭐️⭐️評分
總括而言，呢間舖頭止癮係可以既，始終近好多麻，去官也街附近就到啦，但比起三盞燈仲未稱得上惹味好食，希望佢會慢慢改善啦！我地會繼續跟進既！
#只要你想，去邊我都願意
#其實你眼睛會說話
#幸好我會讀你眼睛的暗示
#一齊繼續試更多好西
#16個月快樂
#謝謝你願意與我牽手到處走
張貼
