亞利咖喱屋

營業中

休息中

自從11年前經人介紹嚟呢度之後，每一次嚟澳門都有幫襯佢，硬係覺得其他餐廳又貴又唔好食！今次得一條友，可以揀嘅種類唔多，結果叫返第一次同女友(現老婆)嚟時食嘅印度焗豬扒飯，味道如舊！只係當年假期都唔駛點排隊，依家連星期四都要排隊！由於人多，所以今次只可以安排坐出面，不過都叫做15分鐘內安排到我嘅座。坐出面嘅好處就當然係可以一邊食，一邊望住旅遊塔！不過戶外燈光唔多夠，睇菜牌之時都幾辛苦，我仲見到有客人要攞支私伙電筒出嚟照住先睇到。印度焗豬扒飯同以前一樣都係好辣吓，唔食得辣嘅朋友最後唔好叫呢一味，真係可以食到成頭大汗！由於我得一條友，食完都係即刻走，好難好評價佢哋樓面嘅服務，不過我都等咗碟焗飯二十分鐘。