更多
2013-04-27
1815 瀏覽
睇咗Open Rice嘅食評咁耐,一直都好想嚟呢間餐廳試試,不過網友都話呢度成日滿坐,所以好几次都冇嚟到。今日落毛毛雨,入去餐廳見到唔係太多人用餐。我仲聽到隔離枱嘅食客都紛紛讚呢間餐廳“呢間嘢几抵食架!“。既然佢哋都咁講,咁我入嚟食午餐係個best choice啦!打開個餐牌,咩都想食,不過得我一個,眼闊肚窄,所以淨係order咗個酥皮龍蝦湯,同埋葡國焗海鮮飯。酥皮脆卜卜,啖湯雖然偏鹹,不過好鮮味。我以為葡國焗海鮮飯唔會太大碟,原來一上菜嗰時見到,碟頭都唔細喔~葡國焗海鮮飯裡頭有魷魚、蝦、青口、葡國腸,仲有青椒、橄欖等配料。一眼見到個顏色已經係“秀色可餐“,眾多配料加上炒飯配上獨特醬汁,口感非常好!食食下又隔嚟嗰台食客講喇,”嘩~咁大碟你都仲話細碟?呢度D碟頭算大架啦~真係几抵食!“聽佢哋講完,我都覺得,呢度咁嘅價錢真係算抵食架啦!起碼D味真係唔錯。下次再嚟澳門,我都會帶朋友嚟呢度!
今日落毛毛雨,入去餐廳見到唔係太多人用餐。我仲聽到隔離枱嘅食客都紛紛讚呢間餐廳“呢間嘢几抵食架!“。
既然佢哋都咁講,咁我入嚟食午餐係個best choice啦!
打開個餐牌,咩都想食,不過得我一個,眼闊肚窄,所以淨係order咗個酥皮龍蝦湯,同埋葡國焗海鮮飯。
酥皮脆卜卜,啖湯雖然偏鹹,不過好鮮味。
葡國焗海鮮飯裡頭有魷魚、蝦、青口、葡國腸,仲有青椒、橄欖等配料。一眼見到個顏色已經係“秀色可餐“,眾多配料加上炒飯配上獨特醬汁,口感非常好!
聽佢哋講完,我都覺得,呢度咁嘅價錢真係算抵食架啦!起碼D味真係唔錯。下次再嚟澳門,我都會帶朋友嚟呢度!
張貼