影片
更多
2009-02-04
18 瀏覽
以此為題，並非同口渴有任何關係，只不過响初三赤口之日同一班朋友到澳門喪食，目標食肆十居其五六都係休業。成班人响中區同荷蘭園一帶行嚟行去，終於响水坑尾一帶搵到一間仍然打開門做生意嘅目標食肆，呢間舖頭就係以「水蟹粥」及「蝦子麵」作招牌菜嘅皇冠。雖然行得攰，但係我地冇肆意點菜，一方面想留肚，令一方面價錢真係有點貴，不計原價，因新正頭嘅關係要加25%；半窩水蟹粥正價一百一十五蚊，雲吞蝦子麵正價四十三蚊，望見價錢時都有點猶豫。結果六個人叫咗半窩水蟹粥、一碟蝦子撈麵($37)及一碟普通油菜。首先上菜係蝦子麵，單憑外觀，蝦子滿佈麵條上，毫不吝嗇。而且蝦子香氣撲鼻，未入口已經食慾大振。入口之後果然不同凡響，蝦子香氣慘滿整個口腔，筆者對此等蝦子再沒有任何要求，可以攞滿分；至於麵條，店舖話係竹昇麵，如果屬實嘅話筆者認為偏淋，個人認為靚麵條嘅彈牙應該唔可以用牙齒一次過咬斷，仲要用脷尖頂向門牙「咪」斷為最好，當然靚麵要用鴨蛋黃嚟搓麵粉先有蛋香啦。不過由於蝦子味太濃郁，未能確定麵條是否有用鴨蛋。水蟹粥初初有點兒「水」，但過咗一陣蒸走咗啲水氣，粥就變得綿，食落亦唔似用生粉人工化地整杰。粥嘅口味鮮甜，蟹嘅size唔
雖然行得攰，但係我地冇肆意點菜，一方面想留肚，令一方面價錢真係有點貴，不計原價，因新正頭嘅關係要加25%；半窩水蟹粥正價一百一十五蚊，雲吞蝦子麵正價四十三蚊，望見價錢時都有點猶豫。結果六個人叫咗半窩水蟹粥、一碟蝦子撈麵($37)及一碟普通油菜。
首先上菜係蝦子麵，單憑外觀，蝦子滿佈麵條上，毫不吝嗇。而且蝦子香氣撲鼻，未入口已經食慾大振。入口之後果然不同凡響，蝦子香氣慘滿整個口腔，筆者對此等蝦子再沒有任何要求，可以攞滿分；至於麵條，店舖話係竹昇麵，如果屬實嘅話筆者認為偏淋，個人認為靚麵條嘅彈牙應該唔可以用牙齒一次過咬斷，仲要用脷尖頂向門牙「咪」斷為最好，當然靚麵要用鴨蛋黃嚟搓麵粉先有蛋香啦。不過由於蝦子味太濃郁，未能確定麵條是否有用鴨蛋。
水蟹粥初初有點兒「水」，但過咗一陣蒸走咗啲水氣，粥就變得綿，食落亦唔似用生粉人工化地整杰。粥嘅口味鮮甜，蟹嘅size唔大，要拆肉食就要花點心機。筆者嘅朋友比較懶，只掃晒蟹粥，餘下蟹腳獨個兒在窩中。
六個人總共使費二百二十五蚊，平均每人三十七個半，如果食正午餐，肯定唔止呢個數。
張貼