我哋今次嚟到澳門瘋堂斜巷附近🇲🇴，呢度有好多紅黃白色建築🎁，成條街望落去超級葡式，好有feel😍！今次呢間葡式小酒館，成個裝修、氣氛、服務都好似置身於南歐風情裏面咁🌍，好有儀式感！我哋今次就揀咗歐洲南部流行嘅幾款開胃菜🤤，好啱飲住酒、傾住計，咁樣慢慢享受🍷。 . 🦀Crab Paste with Mini Toasts 蟹肉份量真心好多！而且每片迷你多士都焗得好香脆，大細啱啱好，夠輕盈😆。配埋蛋黃碎同埋大大啖嘅蟹肉，一食落去超滿足💕。 . 🎣Baby 3 Sardines迷你沙丁魚($48) 賣相真係勁可愛🥰！呼應住舖頭名，三條沙甸魚新鮮炸起💥，配埋魚杆仔嘅造型，將佢釣起真係勁得意。而且炸得香脆，魚肚部份都甘香，唔會有澀味👅。 . 🐙Fried Octopus炸八爪魚鬚($158) 超級粗嘅八爪魚鬚！同樣係炸得酥脆，不過最正都要講裏面嘅八爪魚😍。超級粗身，直落好有口感，而且處理得好好，裏面係好軟腍嘅肉質，八爪魚味亦都好濃郁😋。 . 🐚Baby Snails (small)白酒香草蝸牛仔(小份, $48) 蝸牛仔浸喺橄欖油、葡式臘腸裏面，特別香口，吸收晒呢啲油脂味道嘅精華😝，好啱配埋麵包一齊食。啜出嚟，全部肉質食落都好軟嫩，又香口😎。 . 🎏Braga Style Cod Fish 巴格式鱈魚($118) 好有南歐風情嘅一道菜式！鱈魚食落嫩身，整成一口嘅size🫦，好夾炸到外酥內軟嘅薯仔片一齊食🥔。食落醬汁嘅味道好香，又有蔬菜甜味，又有香草味🌿。 . 🍳Fried Quail Eggs啤酒脆鵪鶉蛋($68) 好有睇頭！鵪鶉蛋放喺雀籠裏面，呢個意境真係好得意🪺。而且外層炸皮又薄又酥脆，整得幾好，裏面鵪鶉蛋仍然保持軟腍腍嘅口感，火候控制好好🔥。 . 🍷Sangria Glass (Red) ($68) 我哋就揀咗呢款甜身、又帶果香味嘅sangria🍎。以紅酒做基底，本身嘅提子香味，配埋生果絲嘅清新甜香，酒精感夠得嚟，又順口，好夾配唔同嘅小食🤩！

我哋今次嚟到澳門🇲🇴塔石廣場、瘋堂斜巷附近，呢度不時都有唔同嘅活動🍾，而且呢度嘅紅黃色建築好有葡國feel🇵🇹！喺呢個咁chill嘅環境，最啱係食住雪糕🍨，行住街欣賞靚景同埋打吓卡😎。 . 🏰雪糕樂園($45) 我哋試咗最新出嘅🆕升級版單球雪糕😆，+$10就有多三款迷你cone雪糕🍦。賣相好得意💕，成個拼盤有儀式感得嚟，好啱攞住喺街頭行吓食吓😝。 . 🍊高知縣柚子 味道清爽❄️，柚子嘅酸甜柑橘香味，擺落雪糕都同樣輕盈。啱晒熱辣辣嘅天氣🎐。 . 🌴皇牌椰椰 椰子味道濃郁，而且有椰子水清甜嘅味道👅。好順口，而且口感夠綿密。 . 🇬🇷聖島乳酪 乳酪味好香，酸酸甜甜嘅乳酸感覺🍬好味。而且同樣口感清爽，啱晒夏天嘅天氣☀️。 . ❤️‍🔥芭樂百香果 味道好清爽嘅雪葩。芭樂嘅天然果甜味😋，配埋百香果鮮爽清新，兩種味道互補好夾💕，而且入口口感好綿，果味豐富好正✌🏻。 . 🩵單味意式雪糕($38) 我哋就揀咗好有特色嘅藍香蕉味😝。佢嘅原材料正正就係爪哇藍香蕉🏝️，呢款香蕉天生就係藍色，整成雪糕好有睇頭📸！而且香蕉嘅味道本身都帶啲雲呢拿味🍨，整成雪糕好啱，甜甜香香嘅天然味道🤩，好味。

又到同太太一齊放假嘅日子啦😬繼上次北上之後，今次我哋就黎到澳門🇲🇴食好西！第一站我哋黎到東望洋街嘅「美好年代」😋 蟹肉明太子奶油意大利麵 $108 非常之creamy嘅蟹肉明太子配上煙韌嘅意大利粉🍝認真係絕配！又夾又好味😋 焦糖三文魚pizza $98 估唔到三文魚同Pizza都幾夾，而且啲三文魚食落都感覺到好新鮮😊加上Pizza脆邊，真係不可不吃😋 芥末蟹籽蝦球 $72 大大隻嘅蝦，十分之彈牙！而且味道亦好特別👍 提拉米蘇舒芙蕾鬆餅 $78 淨係睇賣相都知正啦😬影相打卡岩哂👍 珍珠奶茶鬆餅塔 $72 珍珠相當之煙韌彈牙，而且整得非常之有心機，每一層嘅鬆餅都係有珍珠架😬 黑魔女拿鐵 $42 係由黑糖配上咖啡，味道岩岩好，唔會太甜又唔會比咖啡嘅味蓋過☺️ 蜜桃橙熟時 $48 蜜桃🍑配上橙嘅組合好特別！而且再加上梳打水，令味道再昇華了不少😋

澳門第一站：CUPPACOFFEE，專程過來飲杯「葡撻炸彈💣」，頂層會有一隻完整嘅葡撻，葡撻個皮非常之酥脆，蛋漿部份我就覺得好似有啲唔夠甜，杯飲品上面除咗有葡撻之外仲有忌廉，而且仲會灑上玉桂粉，底層部份就係沙冰，我記得當其時我問過店員係咩味嘅沙冰，佢話係沙冰味😂佢最後終於明我講乜，佢就同我講話係蛋撻味，於是充滿好奇嘅我就叫咗一杯嚟試吓，我自己就覺得唔係好似蛋撻味，勉強可以話係有啲似奶黃嘅味，不過偏甜，不過其實唔算差，至少我覺得呢一個味道係佢哋自己創造出嚟？算特別嘅⋯⋯不過真係強調！我真係覺得偏甜😅。不過呢間店最大嘅特色係運送食物嘅lift，佢會從地下送上一樓，因為地面只有兩張枱，其他枱都係一樓，為咗方便顧客佢哋就增添咗呢部送食物嘅lift，但啲客人唔需要從一樓再落返地面取食物，其實都幾貼心！不過⋯⋯每次啟動部𨋢，都嚇我一跳😱因為個聲音都幾大聲，原本係一個好chill嘅環境情況下突然之間轟出嚟，真係俾佢嚇死😂。

近排唔知點解好鍾意食雞蛋仔 見到呢間好多人講 所以嚟到一定要試吓 葡撻蛋球仔 - $41 呢個係招牌必食 所以毫無疑問一定會叫 呢底雞蛋仔絕對做到外脆內軟 每一粒啪開都聽見清脆嘅聲音 個邊邊位好脆 口感好好！ 咬開入面係有滑滑嘅葡撻 整體甜度適中 啱啱整起嗰時食都要小心啲 因為一不小心就可能會焫親個嘴

星期日過澳門居然唔多人，過關排隊前面得兩個人，金巴直上唔需要排隊，真係唔多人過澳門？？後來食完餐飯之後我就明白⋯⋯為咗貪方便，近近地就係老佛爺百貨上面食，因為選擇不多，最後揀咗「太二酸菜魚」，叫咗二人份量酸菜魚加粉絲和紅薯粉、口水雞、白飯一碗、兩杯飲品（一杯脆馬蹄椰椰椰清補涼、另外一杯唔記得叫乜😅大約係牛奶紅豆冰之類嘅名😂）最後埋單$480，貴過係深圳食超過一倍，唔怪之得啲人北上，對於香港人嚟講，去深圳同去澳門路程基本上差唔多，但係洗費就分別比較大。深圳雖然平香港，因為太多人去，無論過關、買飲品、食飯都好多人，排隊排到痴晒線，頂唔順😓。澳門仲貴過香港，咁不如留港消費仲好👍🏻。

平時大家食席前鐵板燒，價錢都幾貴吓。用抵玩嘅價錢，喺澳門嘅台灣菜餐廳🇲🇴，都可以食到同樣嘅料理🔥！舖頭嘅環境、服務、成個體驗都充滿台灣夜市感覺，師傅技巧純熟😆，淨係視覺效果已經好正。我哋揀咗春日精選二人套餐($438)😍。 . 🐮M6澳洲肩胛肉眼和牛 食落口超級香，有牛嘅味道同埋肉汁，透過鐵板燒嘅方式鎖住喺肉裏面🔥。用棉花同埋黑椒嘅調味，簡單又可以突顯到鐵板燒嘅火候，好香😆。 . 🐟鐵板香煎黃花魚 超級推薦！煎到魚皮超級酥脆💥，不過裏面嘅魚肉好軟身，而且黑椒鹽調味真係好有台灣風味，味道同口感都好滿足🤤。而且份量超多，食落口啖啖肉。 . 🌊鐵板酸辣汁花甲 花甲同樣係火候控制得啱啱好💕，肉質嫩口。而且酸辣嘅泰式醬汁好夠惹味，夠刺激🌶️。 . 🍱台灣小食拼盤 有台灣花枝丸、台灣櫻花蝦餅、同埋台灣香腸。全部小食都整得夠香口👅，而且將台灣夜市食到嘅香口味道帶到嚟呢一餐裏面🌙。 . 🌱鐵板芽菜 簡單嘅燒汁、鹽胡椒調味🧂，配合埋啱啱好嘅火候🔥，令到芽菜食落口感爽口，而且味道香口。 . 🍝招牌台式照燒汁炒麵 真係有滿滿嘅台灣風味😍！好台式嘅蔬菜絲做法，配埋麵嘅質地好食，同埋照燒汁嘅炒法🔥，食落味道有鑊氣。 . ❄️台灣手工芋圓仙草凍 最後唔少得要食埋甜品！除咗有滑捋捋嘅仙草👅，仲有煙靭嘅芋圓同埋其他QQ嘅冰品🫦，混和埋淡奶好正。 . 🍮天福雞蛋布丁 味道好重忌廉嘅奶油甜香味🍬，食落口感覺夠滑，好滿足。 . 🍹紅芭樂石榴蘆薈蘇打 芭樂嘅清新甜味，配埋蘆薈粒同埋梳打好清爽🎐，而且紅色嘅賣相好特別，好夾啲嘢食。 . 🌹玫瑰蔓越莓蘆薈蘇打 除咗望落有好靚嘅玫瑰色之外，真係有玫瑰花瓣💐，同埋淡淡嘅花香味喺裏面，令到果味嘅梳打更加特別。

No Caffeine No Life 咁早起身點少得飲返杯啡提一提神 行過發現呢條街都幾多Cafe揀 最後揀咗呢粒逗號 純粹係覺得佢個門面好Plain好鍾意 咖啡豆揀咗Nutty 飲落都幾香 個人好鍾意啲偏苦嘅咖啡 而且店員好好 有提一提如果用Cash嘅話無得找返港幣 所以即刻轉返用卡🤭

咁多年無去六記食水蟹粥，都一樣咁好味😋 人多可以叫多幾款👍 🔸水蟹粥細窩$280 內有2隻蟹，3倍粥底好夠食😋 是日水蟹都算大隻有肉食，粥鮮味十足，略嫌粥底唔夠綿比較稀，水多過米，舀多兩羹更加稀。 🔸米通鯪魚球 跟蜆蚧醬 $55半份 外皮沾咗米粉才炸，炸得好脆口，魚肉口感結實夠彈😋 蜆蚧醬有點鹹，點少少都夠。我自己就唔太識欣賞呢款鹹味，唔點都好味😋 🔸錦鹵炸雲吞 $95 雲吞餡細細粒，可以食到大大片嘅薄脆好香脆，，錦鹵汁是靈魂😎 甜甜酸酸勁開胃😋 🔸乾炒韮王銀牙麵 $55 麵彈牙炒得夠乾身有鑊氣，沒有油膩感😋 🔸鹵水鳳爪併豬大腸 $80 鹵水鳳爪鹵得得夠淋又入口即溶，豬大腸清潔得好乾淨。 沒帶壓味😋 🔸椒鹽鮮魷 $108 炸得香口惹味，入口唔會覺得好油😊 鮮魷炸後都滑，唔會韌😋

喺澳門皇都酒店附近🇲🇴，除咗有網上好有人氣嘅打卡位📸，可以沿着小巷一路影住閃令令嘅新葡京👑，仲有一間好受歡迎嘅肉桂卷蛋糕店🍰！見到唔少澳門人都會落單去舖頭自取🛍️，我哋梗係要試吓佢哋嘅招牌甜品啦😝。 . 🍰開心果巴斯克($42/件) 開心果醬嘅味道超級濃郁🥰，味道同真係食緊原粒開心果仁一樣🌟，仲食到一啲烘烤香味。忌廉芝士嘅味道亦都啱啱好，食到芝士嘅酸甜乳香🧀，口感亦都豐富濃郁，同時間同開心果味嘅比例平衡得好好😍。仲有得揀小山園抹茶、檸檬伯爵、朱古力巴斯克🎂。 . 🧁斯里蘭卡肉桂卷($28) 呢一款同樣係味道好豐富嘅選擇😆！店員翻熱之後外層酥脆，裏面超級柔軟👅，而且肉桂味好香、好出，聞到已經好誘人💕。配埋減糖乳酪糖霜，食到檸檬嘅酸甜滋味🍋，同埋乳酪嘅奶香濃郁感。 . 🌰Mini正榮開心果奶酥捲($12) 同樣係外層好酥，而且開心果味道喺蛋糕裏面、夾層嘅醬料之中都好出🫦，兩種層次嘅開心果味道夠晒滿足。而且呢個迷你嘅size啱晒當輕盈嘅小食🎐。 . 🍡Mini麻糬抹茶肉桂卷 呢個嘅口感超有特色🌟！而且真係要店員整熱完之後即刻食🔥！肉桂卷本身嘅綿香，仲有舖頭用嘅小山園抹茶粉令到香味更加豐富🥰。配埋面層軟糯QQ嘅黑糖麻糬，同埋卷身裏面額外加嘅麻糬粒😎好正。 . 🥜正濃核桃肉桂卷($45) 烘過嘅核桃令到呢款肉桂卷嘅香味好豐富♨️！看到香脆嘅糖漬合桃好酥脆、果仁香濃郁、又唔會苦🤩。而且同肉桂卷本身嘅香料味道好夾，喺肉桂甜香味之上多一重烘烤香味🔥。 . 💐Mini肉桂卷*6 ($56/一組) 拎住打卡好有feel✌🏻！一組裏面有三個焦糖蘋果，同埋三個黑糖核桃。焦糖配蘋果🍎呢個經典組合好好食，蘋果粒煮到軟身，天然嘅果香味配埋肉桂嘅香料味中和😋，好正。黑糖核桃就喺甜香味之上配埋粒粒果仁嘅脆口感覺💥，同埋果仁嘅烘焙香味。 . 🍊蜂蜜柚子梳打水$(30/冰) 飲品上面仲有食用花裝飾🪻！柚子味自然清新，配埋梳打水好夠氣🫧，夠晒清爽。一路行住食迷你肉桂卷，配埋梳打啱啱好🥳。 . 🌼桂花拿鐵($36/冰) 用咗中烘、哥斯達黎加日曬咖啡豆☕️，出嚟嘅咖啡會偏向有莓果奶香味♨️。所以夾埋桂花就好啱，除咗飲品上面嘅桂花粒裝飾，飲落有淡淡嘅花香味💐，有種清香嘅感覺。

前日去咗大三巴附近，試咗一間南非西餐小店，地方唔大，但食物好有水準。我哋兩個人叫咗兩個set lunch，一個叫咗煎三文魚，另外一個叫咗煎豬柳。唔止主菜好有水準，連跟餐嘅薯條及沙律都好好食。我哋食食吓見到隔籬枱叫嘅牛肉批同牛扒都好正。原來個chef係南非人，牛肉批係南非地道菜，即叫即做要等25分鐘，下次嚟一定要試吓。呢間小店得四張枱10零個位，夜晚嚟一定要訂位，尤其係週末。下次一定要試吓牛扒同牛肉批，嚟澳門除咗食葡菜，試吓啲小店都係唔錯嘅選擇。😋😋 p.s. 呢間小店喺條巷仔裏面，好彩我用Google Maps先至搵得到😅

畀佢嘅千層麵吸引咗，肉醬包裹住啲麵，口感好豐富有層次。好耐冇食過千層麵，呢個係一個好正嘅體驗。 老闆好friendly，會推薦當日特別菜式。因為佢注意健康所以食物都冇落味精，其他調味料都係啱啱好，balance 返健康同埋味道。 同老闆傾開知道佢之前長時間喺外國，返嚟之後夫妻檔開咗呢間小店。大家除咗walk in，仲可以book 返佢哋嘅私房菜。 行開官也街或者地堡街，要一嘗呢間小店，沿住水鴨街行入去福隆彩巷容易搵啲，行木鐸街就要留意返路牌轉入去。

呢間都算網紅店，好多人大力推介，嘅然今次過咗嚟路環市區呢度行，點都要試試。 因為剛食完午餐，所以唔敢叫太多嘢，一杯凍一杯熱咖啡，加幾隻雞翼就係咁。 凍手打咖啡，係軟錦錦咁，濃味帶小小甘小小苦澀味，但你話係咪好有或者好重咖啡味，我又覺得唔係，真係勉強收貨。 雞翼三隻一碟，下面有片面包墊底，雞翼Size真係細得可憐，好彩我剛食完午餐，所以無乜所謂。 喺路環市區仲要行一大段路至入到嚟，值唔值得就見仁見智，我呢～一次就夠。

去澳門快閃遊嘅話🇲🇴，梗係一過關就直接去大三巴嗰頭🏛️。我哋今次就介紹喺大三巴附近一間好有feel嘅日式小店🎌。舖頭裝修既有濃濃嘅日本風格🏯，亦都有啲現代感。原來係店主喺美國留學嘅時候📚，成日幫襯一間日籍廚師開嘅烏冬舖🍜，久而久之仲跟廚師學師🧑🏻‍🍳，將味道帶返澳門。 . 🥩日本宮崎A5和牛(100g)•壽喜燒($398) 手切嘅日本A5和牛，油香味同埋肉味都夠晒香口😍，而且肉質真係超級嫩身，烚完之後放入口，入口即溶💦！烚完之後點埋日本生雞蛋，蛋香味好濃🍳，配埋牛肉嘅油花，真係超滿足💕。日式高濃度板豆腐食物好滑，亦都有豆香味🫘，而且外層煎過，好有日本feel🍳。鍋裏裏面嘅茼蒿、舞茸菇等等配料🥗，都索晒壽喜燒鍋甜甜鹹鹹嘅鰹魚海帶湯味道，湯底係舖頭用咗日本昆布同埋柴魚片煲出嚟♨️。呢款鍋就就配比較粗身嘅讚岐烏冬，食落口感煙韌彈牙🫦，適合做湯烏冬。 . ❄️冷烏冬定食($78) 冷烏冬就揀咗舖頭推薦嘅稻庭烏冬，麵質比較幼身，食落口感亦都比較滑👅，好啱冷烏冬嘅食法。點埋冷麵汁，烏冬仲會掛起一啲葱花同埋蘿蔔蓉，味道清爽🎐。定食仲配埋關東煮四選，關東煮鮮甜嘅湯汁真係好香口🎏。油豆腐外層吸收咗湯汁，裏面就保留住軟滑、重豆香味😋。雞肉丸口感好好，而且肉味幾香🐥。昆布結吸收埋湯汁，份外鮮味，好正🌊。大根蘿蔔煮得夠腍身，配埋經典嘅關東煮做法真係好夾😝。

”👨‍🍳 米芝蓮一星大廚献艺，生日盛宴好味不停歇！“ 早排男朋友生日🎂帶佢去食餐好 有朋友介紹左呢間餐廳🍴 之前都想食好食既葡國菜😝 而一直都好想食到米芝連大廚🧑‍🍳 親自煮的菜單🫣咁橋生日遇上了 José Avillez 👨🏻‍🍳 好在一早book好左餐廳🍴 呢間餐廳佈置由Karl Lagerfeld 親自設計 所以真係好靚😍 多謝餐廳安排左最好的位置☺️ 去到之後先有2杯welcome drink 女人大左 點都俾燕窩吸引左🫣值得推介 Last Back Garden~ 男朋友鐘意甜野 所以叫左杯蜂蜜葡萄牙酒 2杯都超好飲🥰多謝bar tender 推介 一開始我係俾星空頂吸引左 飲飽食醉後俾服務同食物吸引左🥰 全餐服務超好 又好好推介❤️ 都擔心會唔會食唔飽 最後飽住翻香港🇭🇰 我好掛住紅魔蝦😿隻蝦好彈牙 加汁料真係好match 個乳🐷好出色😍脆脆的外皮 肉質鮮美 係所有都好好食😋連男朋友都超讚👍🏻 同原來甜品要配甜酒（砵酒）完美 我地影緊生日相時 大廚🧑‍🍳都再同我地影 超nice 的🥰有機會去其他地方再食 成功追星🤩😆d侍應都話好難得 平時佢好少係澳門架 整體評分 完美的一餐 慶祝生日🎂約會都好適🈴 📍味賞 (路氹城) 路氹城射擊路澳門上葡京綜合度假村THE KARL LAGERFELD 3樓301號 #masa#macao#foodie#michelin#thekarllagerfeld#portugal