豐順美食小館

講到好似好好咁，其實鮑魚好平，唔應該鮑魚只有2隻只有手指尾咁細隻、乳豬連皮加起身只有7件，重要細過一隻蜆，蜆真係好多可惜我唔喜歡食，怪不得只有兩三枱客，講真無下次！…Read More

蒸氣鍋就食得多，火鍋亦食得多，蒸氣火鍋真係第一次食。仲要用乳豬打邊爐。🤣服務員就說，很多香港人都喜歡幫襯他們，食這個蒸氣火鍋。有三款蒸氣火鍋，問過阿姐，基本上係海鮮種類有少少唔同。但份量都係一樣。我哋揀選了最平的那個乳豬海鮮煲 $338。阿姐將一大鍋食物放在爐上，海鮮仍是未烹煮過。本身海鮮煲沒有水，之後撳幾個掣，透明蓋就會自動合上，然後就會自動有水湧入海鮮煲內蒸煮。中途已聞到很香。10幾分鐘後，蓋就會自動打開。然後就可以進食。海鮮有鮑魚，扇貝，花甲，蜆。亦一些蔬菜，蕃茄。咁都有當然少不了是乳豬。海鮮好鮮甜。不過要快啲夾走，因為個鍋一直滾，煮太耐會老。而乳豬經過蒸煮後，有點像豆腐火腩的火腩。乳豬皮感覺沒有那麼熱氣。湯底的味道有點像冬陰功，但沒有冬陰功咁辣。酸酸的，很重香茅的味道。很特別。基本上食完這個鍋已經很飽。若唔飽都仲可以散叫火鍋配料或點小菜。西蘭花炒肉（$58）味道正常。…Read More

人人都知澳門多嘢食，但發覺食嚟食去都係面嗰浸，今次澳門嘅地膽朋友就帶我哋去食地道嘅澳門菜-乳豬海鮮煲😻我哋嚟食嘅時候已經夜晚10點幾，餐廳依然座無虛席，等咗一陣有張吉枱，嗱嗱聲落咗個特色嘅乳豬海鮮煲先除咗乳豬海鮮煲之外，仲有好多唔同嘅小菜小炒，可惜呢餐嘅我哋今晚嘅第二場🙈下次有機會再試！乳豬海鮮煲上菜嘅時候海鮮係生嘅，見到蝦好生猛大隻，而且有海量嘅蜆同沙白，仲有大大隻嘅桶蠔鮑魚每張枱都有個特製嘅機器，較好時間之後個鍋蓋就會自己降落嚟大概10至15分鐘就食得，每一樣海鮮都好新鮮，湯底係泰式酸辣湯，好重香茅檸檬葉味，配海鮮真係一流，非常之惹味！！！！除咗海鮮之外底下仲有好多娃娃菜同埋冬瓜，成大個煲都只不過係三百零蚊！性價比極高！…Read More

又去澳門搵嘢食啦！今次個trip係同屋企人一起去。呢間位於沙梨頭的菜館，我近呢幾次過澳門🇲🇴都必去既。比起葡國菜，我都係更愛中式廣東菜。而且這裡少左遊客食物味，多份親切感，當然最重要都係食物好味新鮮、份量多，性價比高。菜館個位置唔係旅遊景點區，但又唔係話好唔方便，係大馬路有巴士到，我都試過步行過去，大約15-20分鐘。必推：乳豬海鮮煲 ᴹᴼᴾ$298有乳豬、蟹、蝦🦐、大量蜆（有大隻有細隻，個人更喜歡大隻，因為好鮮甜，漲卜卜又啖啖肉，最緊要係無沙啊！）還有南瓜、菜、冬瓜等蔬菜材料豐富，食材新鮮，價錢合理，一個字：正‼️仲有佢個湯底，鮮、酸、辣 （可以叫小辣甚至唔辣），食完海鮮，放個米線🍜，吸曬d湯仲正 😋！😋😋😋😋不過我地三個人食完海鮮，又叫左碟腐乳通菜、燉湯（勁好味，可惜無影到）已經好飽啦 ！如果四個人一起食，食埋米線，飲埋湯就剛剛好！依家諗起都流口水🤤。溫馨小提示：如果假期去最好提前打電話book，因為都幾full，見唔少澳門居民都去食架！…Read More

上的士之後，司機話原來有三間。好彩司機好好人，幫我地打電話確認地址，直去沙梨頭因為一早到，員工仲係到晚飯中，但仍可以先坐，再點餸。來這間主要係食佢個乳豬海鮮煲。雖然乳豬比預期少，但煲底有大量鮮甜沙白，估計有两三斤左右，加上蝦和蟹，和疑似東陰功湯底。正當然，也有叫了小食，如乳鴿，鹵水豬耳，鵝腸，蒜香骨，萵荀肉片，都有ㄧ定水平。一行4大4小，只食了1200元，但已經個個飽住走要行去公園仔做吓運動落吓格先…Read More

乳豬海鮮鍋+雲吞及雞滑,足夠4個人食,套餐價錢$398算抵食～由於有小朋友所以叫左個唔辣既湯底,另外叫侍應比辣醬，老闆親自提供秘製冬陰功味既辣醬給我們,試過後味道相當不錯,之後來問老闆買左三樽辣醬，回到酒店後，袋一打開，樽辣醬已經發霉,仲浠到似水多過醬....而且埋單服務費+20%比較偏貴為免誤會，建議大家入餐聽前，先詢問徵收多少服務費......…Read More

澳門地膽推介火煱店 ! 抵食 ! 好食 ! 我地一早好有決心咁決定 今晚不食乳豬煲不回港 由16蒲出發 , 打算搭巴士去最近既威翠花園店去到....唔對路喎!個名改左既 , 但都有賣乳豬煲喎！問一問老闆 老闆好誠實咁話比我地知 (好抵讚), 已經轉左手 , 不過我地都有賣不過我地最後都決定要去搵返豐順再問問隔離車房老闆 老闆即刻放低手頭做緊既工作好熱情咁行出路邊 指手劃腳咁 話我地知點搭車點行我去過好多次澳門鐘意澳門因為好多澳門人好有人情味 !好快就搵到豐順美食冷氣夠涼 , 打邊爐夠爽一座低就有一碟鹽水花生奉上鹽水花生係香港一般飯店好小見到咸咸地 , 鐘意飲啤酒既人一定覺得唔錯而且我覺得係愈食愈好食 先黎個炸雲吞 , 個氣好鬆化 依個罪惡感強喇炸大腸依樣野同榴槤一樣愛佢既人就會愛死佢唔鐘意既人就一件都食唔落難!得!既!係!我地成檯五個人都愛!!不過略嫌炸得不夠香脆 , 不夠惹味 ! 冬陰乳豬海鮮煲出場 ~海鮮非常大堆頭用料好足 , 海鮮又新鮮有花蟹仔 , 蝦 , 蛤仔 , 大蜆 , 花甲 , 魷魚 , 粟米 ....湯底有冬陰香但係完全唔辣大量海鮮既鮮味同精華係曬入面鮮甜到不得了入面仲有好有新意既乳豬加埋一齊煲估唔到個效果又OK WOR好夾好香!仲有加埋D油炸鬼去索曬湯實在太美味喇如果唔大食 , 依個煲真係夠三個人飽飽而佢只係賣緊mop298!!!!澳門而家好多地方食野都貴左好多豐順美食仲做緊依個良心價 , 實在抵讚 !當日我所見都係多數澳門本地人幫襯 肥美生蠔大大隻又唔縮水 ! 蝦膠 肥牛入口即溶 好味有圖有真相之睇下幾抵食除左上圖果d野仲有d菜呀 , 啤酒 , 飲品我無影我地五個人食到棒住個肚仔走每人mop175超抵食真心推介！…Read More

朋友在澳門請食飯, 又在澳門渡過一個晚上。一班香港來的朋友, 吃畢酒店宴會廳的一餐之後, 賭的賭, 參觀的參觀, 但就相約好晚上一定要吃個宵夜。最後半夜時間, 一行八個十個, 打兩架的就去吃宵夜。因我們住新口岸附近, 要吃宵夜還是向舊區行比較好一點。於是想也不用想便打道沙梨頭豐順, 吃個花蛤乳豬煲。鋪頭其實離新口岸不算遠, 大約MOP 25-30的士左右。從半夜不堵車的新馬路直去十六浦右轉, 一路直走之後有個右微拐彎。拐過彎後紅綠落, 行過對面就到。鋪面燈火通明, 不愁找不到。站內一條直行, 每邊約放八張枱, 門口右邊還有兩張大枱。還只是半夜十二時半, 星期五的晚上, 沒有多少人, 相信晚一點人流還更多。連老闆也三兩個的坐著聊聊, 感覺還是很清靜的時間到澳門吃飯, 除了食物好不好味之外, 對我來說, 有wifi供應也是一個考慮因素。我們這些睇少一陣電話會死的人, 吃飯也會無端的低低頭, 按兩下鍵, 所以餐廳有wifi供應, 感覺舒服點。要說餐廳招牌, 當然是花蛤乳豬煲吧! 上次澳門朋友帶我來吃, 風味一流。然而其實除乳豬煲外, 餐廳還有其他小菜及火鍋配料供應。如果是喜愛飲飲酒的朋友, 這裡佐酒小食的選擇也不少。點了一個花蛤乳豬煲, 餐廳已為我們準備好電爐。不知是否傳熱上的關係, 餐廳要在熱爐上放上一塊紙皮, 才將乳豬鍋放上。等待不久, 花蛤乳豬鍋上桌。花蛤乳豬煲當然是有花蛤和乳豬吧! 不過也有如粟米, 蘿蔔, 芹菜等素菜; 又有蝦隻, 小蜆等海鮮用料; 也有如腐竹, 響鈴等吸湯食物。猶如一品鍋, 大雜薈。花蛤煲可選擇辣度, 基本上辣一點, 風味再濃一點。可惜同行人士中有人強調不吃辣, 那種雅興當堂給打得體無完膚。說回鍋料, 花蛤依然大隻, 爽口而有彈性, 有新鮮的彈性質感, 可惜隻數減少了, 我們一枱也幾乎每人分不到一隻。充撐場面的, 有比花蛤細了不少的蜆。蜆肉瘦削, 但依然有彈性, 只是有朋友吃到有沙, 相信還是吐沙前期功夫做得不足。蝦隻不少, 肉質有彈性, 感覺可口, 但比之花蛤, 我還是更喜愛花蛤吧! 肉類方面, 乳豬件入湯, 皮雖不如燒烤般鬆脆, 但依然可有“嗦嗦”聲響。瘦肉吸入湯之後變得淋香, 部位不要如肋骨位置的薄脆, 反而是如沙彌篤厚肉的口感更好。蔬菜方面, 響鈴腐竹當然問題不大, 而且脆口好味。蘿蔔在底, 淋中有汁, 口感不會太爛, 但入口有汁無渣。粟米反而不夠甜, 一排排有點削的感覺。芹菜鮮香而爽, 梗中有西芹的爽口感, 也有如芫荽青澀香。整體味道依然, 可是用料就有縮水之感。宵夜雖然一枱人, 但不宜太過豐富。一個煲, 要多個小菜, 再加碟菜就已經好夠。來一碟唐蒿, 爽口而有菜味。除了煲和菜外, 同行的朋友都是膽固醇限制攝取人士, 竟然有人提議吃鹵水大腸!! 就來一碟豬大腸, 大腸軟腍入口, 鹵水鹹而香。吃下, 從軟軟滑滑的大腸外層中, 一口口的油脂香與鹵水香溢出口中, 感覺濃香, 油脂及鹹香餘味延長。輕輕的三個食物, 加些汽水, 8個人吃, 收費MOP 440, 感覺不為過。不過相比以前, 索價二百多的花蛤乳豬煲, 明顯更有睇頭吧!!…Read More

一個人到澳門工作, 有時真的挺累。不過肯好這陣子有朋友陪同, 齊吃齊喝, 收工這疲累的身軀也有煥然一新的感覺。新一年開工特別早, 年初九已來澳門, 但原來初九往澳門的人潮依然未去, 令我這個前往工作的人失去預算。心想, 在外買黃牛應能找到早一點的, 結果只是早了一點點, 但就失去了補飛的機會, 而且還買得比正常的票價貴。我跟自己說過, 我以後也不會依賴黃牛飛, 他們不靠譜的。由於所有都失了預算, 結果放工時間便有所推遲, 也累了朋友在等。真有點不好意思!! 聽朋友說這裡的招牌菜式海鮮乳豬煲已有多時, 心中本想, 將乳豬放進鍋裡火鍋同吃, 感覺怪怪, 今日有幸到此一試虛實。 這個海鮮煲實以冬陰公湯為底, 香茅, 少許辣椒, 蝦殼熬成, 鮮味而惹味。雖然初時感覺有點鹹, 不過越吃越滋味。海鮮亦以大花甲為主, 鮮味, 有彈性, 而且咬下一口口有嚼之餘還將冬陰公湯味劑出口中。另外, 還有水蟹一隻, 肉不算多, 但用來熬湯, 的確味道不同。當然, 蝦隻也有, 亦有蕃茄, 京蔥等用料。而最離奇的是乳豬件, 他們將已燒好的乳豬的沙梨篤或是腋下部分斬件, 再放進湯中一混。雖然有些酒膩依然會從乳豬中滲入湯中, 但是一來, 湯中香味更見吸引, 而且更惹味。就如一個海鮮味寡的湯加入了豬肉吊味一樣。不過乳豬經燒烤後, 部分油脂經從打孔時排出, 實際油脂不會太多。咬入口的乳豬件雖不是"咯咯"生脆的口感, 但是卻有滿口覆蓋的啖啖肉感覺, 而且香茅味道亦將肉香帶動得很好。另加的一份大花甲, 可見份量不小, 而且隻隻落鍋前還會動, 十分生猛。肉質彈性與嚼勁都一流, 只是入鍋時間不要太耐, 輕輕入水45秒左右, 殼剛打開就能吃, 不然花甲肉會變韌變老, 甚至離殼消失。這裡還可吃酥炸墨魚餅, 不知怎的, 常常都會覺得墨魚餅在街吃, 永遠都好似打不夠的樣子。墨魚起膠力度不足, 使墨魚餅欠彈力。不過這個尚算不錯, 老實說, 講的只是心機而已。墨魚餅難有好吃, 原因無它的, 功夫多而辛苦, 起膠需用上長時間與多力度, 物值低回報低, 試問還可索價多少元呢? 所以一般打墨魚膠都是得過且過, 結果彈力不足。然而, 詰個卻好, 而且酥炸油溫控制好, 外面脆口香口, 入面保持彈性與質感。這樣好的一個湯底, 作為火鍋料, 當然不少得蘿蔔。因為蘿蔔可將湯中的鮮味及惹味吸入, 當你吃一口蘿蔔時, 就如口中多了一口湯。美味! 常常聽人說, 火鍋怎可沒肥牛呀? 不過老實說, 這次真的可以沒有他, 因為各樣東西的味道已經很好, 而這個肥牛相比香港多樣選擇的牛部位, 而且切得太過細碎, 肥瘦比例亦不好。這個從切功到用料明顯遜色, 所以我就是說沒有他也行。蔬菜總得要下, 多些生菜, 菇類也無妨。反正, 冬陰公湯也應該有草菇吧! 結果我們後加了一份乳豬, 這次來的是理應更好的肋骨位置。不過因為肋骨位置較多骨, 而且肉較薄, 令啖啖肉的覆蓋感沒有了, 可是骨與骨之間的燒香還算可以。如果給我選擇, 我寧可要回腋下或沙梨篤位置。吃到中段, 朋友著我們點些小菜, 看見牆上貼上茶樹菇炒豬頸肉, 於是便點來試試。可惜一上桌, 看到茶樹菇如老樹盤根一樣展示出一個荒廢了的森林。再者, 豬頸肉就如變色龍般隱在亂根叢中, 不由自主有點心驚膽顫。賣相基本上不行, 而且油份太多, 整碟菜都光亮無比。吃下, 味道還算可以。豬頸肉有甜味, 相信醃料不少。茶樹菇有點老, 咬下稍韌, 這個表現不太理想。椒鹽九肚魚還好, 外層脆而香口, 內裡又嫩又滑。九肚質感淋而軟, 時有主骨, 如沒有骨的更好吃。炸魚時火候, 油溫都控制到, 外層成形而不乾, 只是椒鹽味道不夠。總結來說, 這餐廳的表現算是不錯。澳門街上吃到的, 比同樣香港吃到的要平, 而且做得更有心機。只是有時用料不夠香港的好與多樣化, 不過人卻是比香港的有心思, 而更實在。餐廳裝潢格局簡單, 跟香港油麻地一些火鍋館差不多。服務亦不是什麼的優質, 街坊生意, 人性化一點, 偶也會有脾氣。不過無論如何, 這家店也是值得一試的。…Read More