譚家魚翅

營業中

休息中

每去澳門都必食譚家石鍋魚翅，平民價錢貴族味道!!魚翅種類有成十幾款，價格豐儉由人，由最平大排翅MOP$48到大群翅MOP$1288都有，除左主打魚翅，同時也提供其他海味鮑參翅肚及燕窩，可以黎個真正海味盛宴!!🦈- 牙揀大飽翅 MOP$98 🍲🦈中價選擇岩岩好!!魚翅以熱石鍋上菜，非常滾燙!!魚翅足3兩而且排列整齊，口感軟滑有彈性，同時包滿濃厚湯汁。湯底非常濃郁，味道有別於香港魚翅湯底，主打惹味濃厚，加入配料芽菜及芫茜，香氣四射，提升魚翅鮮味，絕對值得一試!!譚家魚翅真係物超所值，黎到澳門真係唔食唔安落!! 😋

Specialise in serving fish maw and abalone, the restaurant is also a supplier of top quality marine products which makes their items affordable.There are a few set menus range from hundreds to thousands of dollars, while many went only for their fish maw which is served in a boiling hot stone pot. In addition, the restaurant serves sour and spicy chili sauce to elevate the flavour of fish maw. The soup is boiling hot and is very comforting that it is easy to finish the entire pot in minutes. Be

因為另外一間要落場食唔到，跟住去地堡街個間食，食評已經話態度差，但朋友想試所以照去，入去已經見D姐姐呼呼喝喝客人，到先自己叫餐都要叫好幾次唔該，唔該落單先有人黎，叫咗4個A餐加多個 腳筋蒂掌翼，先黎個傑撻撻豆粉獻魚翅，再黎鮑汁鴨掌鮑魚，再有碟菜，一碗燕碎糖水。檯面細食完兩碟菜自己將碟疊起諗住叫佢收，點知佢收時d菜汁飛咗出黎佢要返抹張枱，俾佢大大聲鬧有汁就唔好疊起，吓~我黎食野幫埋你執好等你黎收野重要俾你發老脾真心一行4人食9舊水唔貴，但加多少少錢可以去酒家食得舒舒服服，唔使貼錢買難受

琴日11/9 中午2點左右，一行4大1BB,落大雨，入去氹仔施督憲正街店內用餐，冇人帶位，我講5位，個阿姐叫我上3樓，我推住㗎BB車，好唔方便，要行樓梯級，我問樓下呢張大枱可唔可以坐，阿姐答我：你鍾意囉！（咩態度個位阿姐！）我地坐低101號枱，我先生舉手問有冇（Menu/餐牌），阿姐答我地枱面有幾張紙，叫我地自己寫係張白色紙！我妹妹問有冇魚翅撈飯，阿姐答冇就走咗，有圖片紙同白色落單紙有出入不同，上菜好快，味道好重酒味用嚟癖腥味！好難食！我哋叫套餐C,單點：石窩中勾魚翅，鮑魚撈面，椰汁官燕盞，椰汁血燕盞，濃縮龍牙官燕盞，椰汁溝水溝糖水死甜，燕窩比得好少，魚翅淡而無味，樣樣食物都好難食，不會有下次！收費貴一貴，服務態度惡劣，食物超級難食，貼錢買難受！譚家生意唔憂做！我第一次寫食評，希望大家不要光顧譚家魚翅店！

夜晚7點幾8點，行過見佢唔使排隊就入咗去食晚飯，門口冇人招呼帶位，行到入去見到有吉枱，咪準備坐低。員工趕狗咁，話張枱唔坐得，佢哋員工要來食飯，從來都冇見過一間餐廳正直晚餐時間，係可以9成員工圍住張枱食飯既。可能紅左真係唔洗憂掛～食物就一般啦下…..味精囉。去到埋單，問佢一句葡幣唔夠，剩返嘅可唔可以比港紙，就只係簡單平常咁問一聲。個員工勁大反應，好似我殺佢全家咁，唔得呀唔得呀！你拿港幣黎啦！其實唔得都冇咩所謂，但態度真係差到離哂大譜！！欠左佢咁。哩d鋪頭係真係專恰遊客！預左你去完一次第日都唔會再去果種，反正預左遊客唔係住喺澳門度，之後都唔會見，正宗比錢買難受既一次體驗。

朋友想念魚翅，咁就要開心食囉，估唔到咁多人，見到超多人，馬上入去問，有門口位，即坐，好嘢，唔駛等，可以慢慢選擇。現在佢已有很多分店，但我都係鍾意去老舖，開心d 人情味好d。又想鮑，又想翅，又想鵝掌……，係肯定唔要飯罷了。又係樣樣要，樣樣試的時間。花膠海參中勾翅：呢嗰翅熱辣辣地上碟，聲音也震撼我們，用了不少料煮成功一吃令人滿足，開胃。聚寶佛跳牆：我鍾意湯味鮮，又濃郁，朋友就話偏咸，扣了分，但內容用料足，超好味。有飽魚，有魚翅，有海參，有花膠仲有冬菇，口感十足。果然令我心思思想去了，又唔敢去的地方。

📍澳門譚家魚翅 每次嚟澳門都一定會食，食左好多年。情意結🤣Mop $55 石鍋中勾翅每一次都會order ，而去到邊間分店落單起都起碼等半個鐘😂如果落場時間3:00pm過去食，要等差唔多一個鐘。$55又咁大碗，瑤柱，芽菜，芫荽，幾條翅。我每次都會瘋狂落醋同埋胡椒粉🥹，可以另外加$10要一碗白飯。

澳門哩個地方係香港人心目中究竟係🤔…可能係你嘅後花園，亦會有人講啲野悶夾貴。小妹係剛剛嘅佛誕假好好醜醜都叫去過一晚夜😎，止下舖旅行引啦下～關於由屋企到酒店大堂到check-in 用咗5、6個鐘頭嘅1000字就省去唔講喇🤐💬。成37度嘅難民體驗真係無乜食慾😵，稀稀地嘅粥湯羹類別都免強入到口，不如就落官也街食番兜翅啦～譚家魚翅係官也街一帶有3間分店，間間朝早開舖1個鐘後就要排隊。佢同澳門間添記瓷煲魚翅唔同，佢係用石鍋，相對地更滾熱辣(見相上枱時好似熔岩咁樣起曬泡架🫢)，翅方面唔係一絲絲，係一舊舊，感覺成件事都好真實、實在😌。🐟🍵石窩中鮑翅($55), 有一大卷翅係到，湯底味濃偏結身有魚味，有少少芽菜伴碟，翅嘅口感好爽。🐟🍵花膠海參中鮑翅($68) ，會比前者多少少海味鮮甜味，湯底同樣咁結，因為一個石鍋中有3種配料，感覺上係飽少少。🥬乾貝津白($58)，其實同想像係有少少出入，但都好在元貝仔夠鮮甜，娃娃菜加埋個鮑汁芡有恰到好處👍🏻$58有咁多粒元貝仔同菜都叫ok過香港茶記叫$6X炒時菜🤔哩次🙄難民式體驗，原本想藉着澳門之旅重拾出vlog 嘅想法隨即告吹，接着透不過氣嘅工作緊接而來。而家睇番碗

聞名不如一試，一試就冇回頭！個鎮店譚家官府鮑翅，預咗同圖片有差別，但真是差好遠.。味道 樣式完全不一樣。色香味都冇，算把啦！全店好似冇其他嘢食，剩係東茹，魚鰾.... 差 差 差。

來到澳門怎麼可以錯過譚家魚翅呢上次去澳門太晚吃不到 今次到了氹仔分店排隊約30-45分鐘 要自覺排隊 外面挺熱有機會要跟陌生人搭枱 地方整潔度一般入座後下單 石鍋中勾翅 🥄 和白飯上菜時間很漫長 至少20分鐘以上 上菜時石鍋滋滋聲熱辣辣 非常燙的 入口要小心喔！這個價錢尚便宜 魚翅量不多 價錢和份量尚算成正比用濃味魚翅雞湯撈飯 很開胃 有機會可以試下其他部位的魚翅是否有不一樣！注意舊城區分店的營業時間 12:00 - 21:30，別摸門釘喔！

本身見到有評語話態度差，今日知道咩叫態度極差，氹仔有兩間，呢間係其中一間，叫佢攞筷子同碗，佢就答依家咪問你幾多人囉，嘩，咩態度呀，離晒譜，就算有幾好食都好，食左都背脊骨落

店員態度極差，魚翅內芽菜多到呢？？？我地係中午 12:30 去(11:30 開鋪，當時不多人)，巳經好多餸都無，鮑魚都要加錢 upgrade 才有。座位又擠迫，貼錢買難受。如果大家想旅行受氣，一定要去。

❇️環境氹仔有兩家譚家魚翅，一間比較細，而今次小編e間有3層高，空間比較大，等位都唔洗好耐小編當日星期六下午，大約等左15分鐘入位，而order後再等左20分鐘上菜❇️食物1️⃣石窩中勾翅 $55加白飯$10石窩直接上，仲會見到熱辣辣既氣泡，要慢慢食個湯汁係比較濃，會比較似芡汁，所以加飯食就岩岩，同埋食食下會覺得有d漏除了小小翅，入而仲會有小元貝同芽菜2️⃣鮑魚雞鮑魚同雞都煮得入味，時間岩岩好總括依然，如果要等好耐既，會建議大家晚上先尼食

譚家魚翅🐟📍 氹仔舊城區告利雅施利華街30號地下⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈去到澳門🇲🇴，一定要食佢地最出名既魚翅撈飯😎，平民價錢，幾十蚊就食到🤩，仲要係好足料既。 記得之前澳門未通關既時候，曾經係有澳門代購 ，幫人買呢個譚家魚翅😂，而家唔洗搵人代購啦🤪， 直接過去就食到。呢間鋪頭既價錢由 幾十蚊至成千蚊都有🙇🏻‍♀️，價錢豐儉由人🙋🏻‍♀️。🌟 花膠海參中勾翅 $68呢一鍋有花膠、海參 同埋魚翅，足料既，個湯底有金華火腿同埋小元貝，味道都唔錯🌝。🌟 石鍋中勾翅 $55呢一鍋就只有魚翅，湯底都係一樣既🤪。整體推介指數：❤️❤️❤️❤️🤍⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈

譚家魚翅係我每一次去澳門，不論係去旅行觀光，公幹，定係探朋友，都一定會去嘅地方。每一次我對譚家魚翅嘅評分都係不錯的，因為佢嘅價錢平民化，就食到魚翅，但今次去幫襯，令我有啲失望。今次我係去幫襯氹仔舊城區，其中一家的譚家魚翅分店。去到的時，大約係下午的 15:15。職員說要15:30 才能下單，但可以入內坐。甘我地一行5人就入座，等到15:30 才下單。到15:30, 我們是第一枱下單，5個人都叫花膠，但竟然我地要16:15 先有得食。仲要係全店最遲個枱有得食。無奈。