莫義記貓山王

營業中

休息中

食完蟹粥就緊係要黎試下氹仔咁出名既榴槤大菜糕&榴槤雪糕真係名乎其實!果然係正....大菜糕就食得多啦...但係榴槤大菜糕我都係第一次食咋~真係超有榴槤味...D榴槤肉仲好多!味道剛剛好~雪糕都係牙!好滑....真係食多幾盒都OK牙....榴槤愛好者*一定要試牙.......

今次遊澳門有時間多, 去埋氹仔食榴槤雪糕 , 上次食左榴槤大菜糕 , 味道偏淡 味道幾好, 今次試埋榴槤雪糕, 味道適中, 有濃濃既榴槤味 不過略貴,好似要十元一個, 不過好食冇所謂!!食完再行左一陣, 就去路環食葡撻

半年前馬交一天遊，路過氹仔莫義記買了兩杯大菜糕，一杯是原味，一杯是三色味的兩杯都幾爽口幾滑，鮮甜可口，算幾好味啦只售五元葡幣一杯，相當抵食見到近期有不少莫義記的食評評價只屬麻麻，莫非這半年間水準下跌了？

試左芒果大菜, 榴槤大菜, 同綠茶大菜 好失意, 芒果大菜, 一打開, 就知佢係用芒果啫喱粉開, 係好大芒果味, 但係唔係真係芒果粒, 可能有+鮮芒果汁, 但係好少, d大菜又唔夾!榴槤, 係好大陣味, 但係又係冇果肉, 一粒仔都冇綠茶又甜又似藥水味!!!唉! 真係唔係好啱我, 做唔到得一次!

去澳門當然要食木康布丁,但係.....太失望了,我覺得一d都唔好食又細杯,又冇料

提到大菜糕,好多人都識莫義記; 一來本本旅遊書都有介紹,二來間舖的位置好,去買手信一定會經過.此店其中一樣出名的是榴槤雪糕,可惜本人少吃榴槤,決定放棄. 既然出名大菜糕,一於食番杯,仲要揀原味. 另外再加個好多人讚的木糠布甸.食過大菜糕的人都知其實大菜糕係食唔出味道的,即無味; 喜歡的是有點似啫喱的質地和咬口. 不過今次這個原味大菜糕我只食了兩啖已唔想再食,因為有一陣好怪的味道,似藥水的味道. 撇除味道,個大菜糕都算爽口.轉而試試木糠布甸,雖然個布甸係凍櫃拎出來,但又唔係"硬磞磞"; 質地唔算好滑,不過食落又幾好味喎,可能真係同溫度有關啦. 唯一要彈係太貴,又應該話太細杯.

真係勁的榴槤. 本人都食榴槤, 所以就專登去食下. 點知就出事. D 榴槤 我由3點幾食. D 味維持左成個鐘, 冇錯. 真的幾小時. 之後唔知係咪飲左D 奶茶. 結果嘔埋...真的. 仲有我老公食左蜜瓜大菜糕, 又唔錯. 下次我都係唔試榴槤雪糕

剛在沙度娜吃過木糠布甸，來這裏就吃大菜糕吧。芒果大菜糕($8)：幾清香的，不會太甜。原味大菜糕($6)：問題是先吃了芒果味，結果原味大菜糕就不覺好吃了。這裏最受歡迎應是榴槤類甜品，可惜自己還未懂欣賞呢。是先要有天份，還是可以學習的？

極力推介芒果大菜,同1般既大菜糕唔1樣,呢個真係好好食(本人對大菜麻麻)有大菜既爽口,又好有芒果味個mango icecream 好滑,好有mango味,唔會好sweet好食木糠pudding好滑,d粉唔會同d pudding分開,又夠凍!!推介!!蜜瓜大菜,唔好食,好似食緊膠粒咁無瓜味,得d爽口感,唔好食-[]-

因為openrice排名而慕名而去,試了大菜糕和木槺布丁, 對不起比想像中差太多太多原味大菜糕有藥水怪味, 唔通咁先叫好食??? 木槺實在太貴MOP10 份量太少, 而且只有一層, 很求其, 其後不夠喉隨便在澳門捷成咖啡公司再食木槺MOP7 比莫義好吃而且多幾層這家店我認為只有名氣而已!

同伙买了一个榴莲雪糕，我趁机吃一口和天娜比一比那边的口感更细腻软滑，牛奶味更浓，更像吃新鲜榴莲；这里更硬挺爽口，冻得更烈。我还是更喜欢天娜

首先我要表明我不是雪糕嗜好者，但牌子的雪糕卻是吃過了很多。酒店外自家製的雪糕還是第一次試呢!下午到莫義記，因有家人在於是點了3款甜品---招牌榴蓮雪糕$10；打開膠蓋，陣陣榴蓮香味飄送。我本人不吃生果榴蓮的，就因為是雪糕才用敢地面對她的氣味...她的香氣到了晚上仍齒甲留香...廣為人知的木槺布甸$10；吃進口裡感覺一般平凡，質感軟綿而不是滑，那是餅乾碎的影響。芒果雪糕$9；香味是有的，可惜太細杯了...又不想掏錢再試

官也街最出名的甜品之地..啫哩木槺布甸大菜糕果汁..什麼味的都有 大部份人首選都會食木槺布甸 $9 : 比起其他舖頭的較為硬身...一年前還是$9一個...一年後不知有否加了價呢

吃完海鮮餐後, 立即由官也街中間走到街尾吃甜品經過openrice和肥韜的介紹後, 真的不得不一嚐這裡的主打食品我們吃了大菜糕和木糠布甸, 發現大菜糕真的很一般但木糠布甸就真的吃了好味得會飛的!!!經我查看它其實是葡萄牙雪糕和餅乾碎但莫義記控制得宜, 沒有把雪糕雪得很冰, 而且木糠很細嫩, 真的吃不厭我們第二天到了新渡輪那邊再乘車回這裡再吃一次難怪這裡的老闆收錢到手到軟!如果有下一次, 我一定會再返去吃就算冇時間, 我都會特地坐ship回去再吃!!!木糠布甸:HK10大菜榚: HK5

吃完轁轁推介的魚翅麵後，行幾步過去手信街買點食物俾同事及屋企人，也不忘來吃返杯榴槤雪糕。本身對榴槤呢種生果沒特別好感，可以吃，但點到即止。所以朋友話榴槤雪糕好食，我也只敢淺嚐。論質感，完全不似雪糕，正如蝗蟲同學所講，有點像奶昔。吃落柔軟，頗重榴槤味，亦有些榴槤絲，像真度很夠。這味榴槤雪糕，即使不愛吃榴槤的我也鍾意食，真係唔講得笑。