自助山

營業中

休息中

是日星期6️⃣，午餐一行6️⃣人唻到自助山開餐🍽，中午1️⃣2️⃣時前已開始排隊等職員安排入座。整體嘢食種類雖看似繁多，🤫 但請恕直言，無論刺身（*只得較霉及多根嘅 🐟 三文魚、OK嘅 🐙 八爪魚及 🐚 螺肉）、各類熟食、甚至各種甜品，食物質素均好參差。好多賣相看似精美，但卻好華而不實 😑。😐 個人覺得，較為算係穩陣，味道正常嘅係 🍘 卷物壽司（*因飯粒係新鮮唔硬嘅，涵就只係普通材料而已）、🥣 中式熱湯、🥗 沙律、🥓🍗 燒味（*燒腩仔好食 😋）、部份細口嘅🧁蛋糕甜品（😔 *中式糕點及糖水堅唔掂、爆谷部分淋嘅兼有點臭油益、🧇 雞蛋仔係軟淋唔脆嘅、🥞 Pancake反而係唔軟腍嘅... ...）。🙁 U字形梳化座位較污垢，非常不合4️⃣人以上用餐。整體唔同擺放嘢食及器皿嘅位置均有不潔，尤其啲碗碟都有污漬。收碟有時雖要稍等，但整體職員均很有禮及親切，笑容滿面 😉。最欣賞係嗰位扭氣球嘅哥哥，簡直出神入化 🤩。以每位MOP398再加一唻講，個人就認為一試無妨，但真不值得特登唻食 😙。或許晚餐會較好吧～ 🙃

對自助山個名一啲都唔陌生，簡直係久仰大名。今次終於有機會食到😁Book自助山真係要起碼一個月前訂，今次我係KKday買，但大家想買真係要成日check著，唔知佢幾時開始賣下一個月，而且星期六，日好快賣哂。今次食復活節假期後嘅平日，相對易少少，但係都好快full。呢個buffet 最抵係6歲或以下免費，對於有小朋友嘅家庭真係好抵👍🏻。今次我食自助午餐，平日～$300，六日～$400。自助山果然名不虛傳真係好多嘢食，中西日台印各國美食，沙律冷盤好多款，又任飲果汁，又有沖好凍嘅港式奶茶，咖啡，仲有涼茶，雞骨草。佢有好多甜品餅仔，但蛋糕返而少，得兩款切好一件件嘅忌廉蛋糕，有疏乎厘，窩夫，紅豆魚食。但係佢啲中式糕點就麻麻哋。自助午餐海鮮就唔多，得蝦，蜆，青口。講真自助餐嘅食物唔係話好好食，但超多款式任你揀，我覺得食自助餐食個感覺，如果要有質素一定食餐廳，呢間性價比點都高過香港嘅自助餐，呢間可食3小時（12-3），又多野食，呢個價錢相信香港好難做到。題外話，食完自助餐可到旁邊酒店庭園影相or2樓有個八百伴，有個好大賣玩具區域和大型超市。

訂左星期一食承惠$588 per head可以即時做會員有95折其實本身係因為有即場烹煮海鮮先黎點知黎到問職員先話依家即煮海鮮要加錢先有最過份係加錢仲要限量無必要食了星期一至四又無燒海鮮我覺得不值得係香港最常食柏寧自助餐有蠔有鴨肝，依到沒有肝不過法國生蠔岩我口味 係好食既日式野食比較少，有基本既刺身、天婦羅、壽包司仲有黃用雞蛋仔模整八爪魚丸都幾過份下，仲要唔好食中菜係比較理想，其他食評講果啲魚粥呀蒜蓉蒸龍躉係好食既牛肋骨唔錯，但食唔得多聽講話爆炒軍曹好食喎⋯⋯整體黎講我唔會再黎囉

好耐之前去過澳門自助山度食，當時已經覺得好多嘢食，相隔幾年後今日再食，除咗地址唔同咗之外，食物款式種類都比以前更升華，自助餐有分任食鮮活海鮮同不包任食鮮活海鮮兩種，一般上官網訂個價錢$688未計加一係包埋任食海鮮，暫時如果有上葡京賭場會員咭先有九折，任食海鮮其實選擇唔多，有幾種選擇，如果要求清蒸係要另外加錢，我哋主力叫龍蝦，肉質係幾新鮮，味道也不錯，但我自己就食得唔多，下次如果再食唔會選包任食海鮮果款，因為其實個場本身都已經夠多嘢食，又鮑魚又龍躉粥又生蠔又有多款中湯寫埋功效俾客人選擇，中西日台等菜式都有，最勁係有埋龜苓膏同桑菊生茶，真係估佢唔到，整體來講係正嘅，環境又好，食物又多款，味道也ok，值得推介.#馬交#澳門#上葡京#自助餐#buffet#自助山#海鮮#過大海#任食#晚飯#dinner

黎到澳門會係諗食buffet 「必揀自助山」諗起有即整龍蝦、奄仔蟹、不得了我係網上book定！記得要book,真係好full~入門口已經有好大個缸養住龍蝦、鮑魚、蟹🤤真係好正～～坐底就即刻要落定點食龍蝦先避風塘龍蝦必選！肉質厚實～新辣辣好新鮮！啖啖肉～跟著再試職員推介「牛油燕麥龍蝦」估唔到都勁好食～未試過要試「推介」奄仔蟹我就揀左薑蔥多膏～不過就細隻左d食左一份就無再叫！仲有即整蝦食既～但太多野想食就無試！排隊系列有：金湯酸菜龍躉魚、生滾龍躉粥兩個好好食～比較起我覺得粥好食d~夠鮮又滑熟食方面都有好多款～試左叉燒好味夠淋！雞都滑既～仲有燒鵝就一般～剁椒蒸龍躉頭腩勁吸引～試左吾算辣！粉絲索晒味有個尖椒炒牛肉勁野味～即開生蠔🦪肉質細～淡海水味食左一轉～刺身切到好厚又大片一d都吾孤寒！同埋新鮮天婦羅都有5款～試左秋葵同薯仔！不過吾脆～長腳蟹就正常發揮～凍蝦好新鮮同新甜有一籠籠既甜心～蝦餃皮就有點厚！推介鳳爪好好食又野味飲品都勁多選擇～咖啡、茶、果汁都有～仲有果茶、珍珠奶茶、香芋珍珠奶茶、「酒就要額外收費」湯丫～有冇人好似我甘鐘意飲湯佢地既燉湯都好好飲～仲有4款揀試左土茯苓薏米燉龍骨、花旗參栗

「自助山」自助餐📍 澳門上葡京酒店 3樓❇️時間自助午餐12:00-15:00自助晚餐17:30-22:00❇️收費自助晚餐 包現場海鮮大約$800 (會員卡有折)❇️環境有一個超大嘅海鮮市場，入邊有新鮮海鮮食材， 可以即叫即煮另外餐廳好闊落，乾淨企理仲有好多大枱，啱晒一班人一齊食自助餐❇️服務其中令小編十分驚訝嘅係，其中一位員工竟然認得我哋屋企人然後話我地咁快就番尼食第二次確實窩心❇️食物~賣點1~海鮮市場市場裏有好多新鮮時令食材，全部即叫即煮！！當日嘅生猛海鮮，可以俾你有五種嘅烹調方式選擇，多元化，又可以滿足晒你嘅心願！淨係龍蝦都揀咗唔同嘅烹調方法是，例如上湯煮同埋椒鹽炒**小編新推**今次仲特別嘗試咗麥皮蝦，麥味加蝦都幾夾幾特別👍🏼～賣點2～食款式超級多一般自助餐嘅嘢食全部都有，仲有蒙古烤全羊、即開生蠔、台灣嘢食、刺身等等雖然價錢唔係好平，但係$800值回票價👍🏼晚餐仲可以食足四個半小時，唔會好似某啲自助餐餐廳要分兩場，可以慢慢食*不過小編今次同屋企人食完之後就覺得比較口渴懷疑可能係龍蝦汁定我地口乾總括而言，都好推介大家去試大家趁而家澳門未係好多人就快啲去啦！